ماريا

الفصل الاول

في احد الاحياء الشعبيه البسيطه تصرخ فتاه
جوري:والله ماهنزل اجيب العيش مش كل مره انا ده ايه الارف ده انا زهقت بجد
سميه الام :يابنتي حرام عليكي انا مش كل ما هطلب منك طلب  الناس  هتتفرج علينا وتسمع صوتنا
جوري :مليش دعوه مش نازله يعني مش نازله بس كده
سميه:طيب يابنتي هنزل انا وامري لله بدل الفضايح دي
جوري:لا متنزليش
سميه:خلاص انا مش هنزل وانت مش هتنزلي مين اللي هينزل ولا هنقعد ناكل في نفسنا
جوري:هتصل بماريا تجيب وهي جايه من الشغل
سميه:هو انت ايه يابنتي معندكيش دم خالص كده يعني اختك بتيجي من الشغل تعبانه وعايزه تاكل هنزلها تجيب عيش غوري من وشي انا هنزل انا

وفعلا نزلت الام تجيب عيش وهي تحت ماريا جت
ماريا: السلام عليكم يا اهل البيت انا جيت
جوري:خلاص ياختي عامله دوشه ليه يعني من السفر ماتخشي وانت ساكته
ماريا: في ايه كل ده اما بتصدقي تفتحي بوقك فين ماما
جوري:نزلت تجيب عيش
ماريا:نعم ومتنزليش انت ليه يعني انت مش عارفه ان امك تعبانه
جوري:والله مافي حد تعبان في البيت ده غيري انا
ماريا:اخلصي هي نازله من امتي
جوري:حوالي نص ساعه
ماريا:كتير اوي انا هنزل اشوفها فين متفتحيش لحد
جوري:ماشي
لسه ماريا هتفتح الباب لقت الباب بيتفتح ومامتها دخلت
ماريا:ماما انت كويسه حاسه بأي حاجه في حاجه تعباكي
سميه:متقلقيش يابنتي  انا كويسة
ماريا:ايه اللي اخرك كده انا خوفت عليكي لتكوني تعبني
سميه:قابلت خالتك ام فتحي وانت عارفاها بقي بتحب الرغي زي عنيها فلت منها بالعافيه خشي غير ي هدومك وصلي عشان نتغدي
ماريا:حاضر ياست الكل
جوري:ماما الغدا ايه
سميه:اللي هيتحط يتاكل
جوري:يبقي اكيد حاجه مش باكلها
سميه: تاكلي بقي ولا متكليش انت حره انا زهقت منك اصلا
ماريا: سبانخ تاني يماما
جوري:انا بطني تعبت منها وربنا
سميه:انا اللي تعبت منكو مفيش فلوس اعمل ايه اسرق ولا اعمل ايه عشان ارضيكو
ماريا:والله يماما احنا اسفين هناكل واحنا ساكتين وخلاص ياستي هانت انا لقيت شغلانه تانيه جنب الشركه
سميه:يابنتي انا مش عايزاكي تشتغلي انا عايزاكي تتجوزي وتتستري بقي ويبقي في راجل يصرف عليكي واختك كمان خطبها ده يجوزها بقي واخلص واموت وانا مطمنه عليكو
ماريا وجوري:بعد شر عليكي يا امي
ماريا:طيب بعد الدراما دي انا لازم ادخل انام عشان هنزل بليل اشوف الشغل الجديد
سميه:بردوا يابنتي
ماريا:معلش ياامي عشان نسد ديون جهاز بنتك وعشان ناكل حاجه غير السبانخ والمرتب حلو ماشاء الله هنام ساعتين وصحيني ساعتين بس بالله عليكي
دخلت ماريا تنام وكل يوم قبل ما تنام لازم تقعد تعيط شويه علي حالهم وبعدين تدعي ربنا وتنام
ماريا:كده ياامي هما دول الساعتين اللي اتفقنا عليهم كده هتاخر
سميه:يابنتي كان شكلك تعبان قولت اسيبك ترتاحتي
ماريا:ربنا يخليكي ليا ياامي بس متعمليهاش تاني صحيني ولا يهمك
سميه:مقولتليش الشغلانه الجديده دي ايه
ماريا:ها هي بسيطه بس اي شغل وخلاص
سميه:اخلصي
ماريا:كاشير في سوبر ماركت
سميه:وماله الشغل في الشركه يابنتي
ماريا: عشان منتحوجش لحد ولو طلت اشتغل شغلنتين وثلاثه واكتر هشتغل ياامي عشان دايما تعيشي مستوره وطول ما انا عايشه مش هخليكي تحسي ان ناقصك حاجه ابدا ولا البت جوري كمان
سميه:ربنا يباركلي فيكي ويسعدك يارب
ماريا:يالا سلام
سميه:في رعايه الله خلي بالك من نفسك هترجعي امتي
ماريا:علي ١١كده
سميه: ماشي يابنتي
وصلت ماريا
ماريا:السلام عليكم
الموظف :وعليكم السلام اقدر اساعدك باايه
ماريا:انا كنت مقدمه علي شغل هنا وانتم اتصلتو بيا
الموظف:ايوه فندم مكانك في الكاشير اتفضلي وانا هفهمك نظام الشغل
ماريا:تمام
الموظف:اتفضلي استلمي الزي الرسمي للشغل واعرفي شروط الشغل بقي احنا مبنحبش التأخير ومفيش مشاكل ولما تحبي تاخدي اجازه لازم تسأذني الاول فاهمه
ماريا بتتكلم مع نفسها :هو ماله ده بيزعق علي ايه يارب صابرني انا محتاجه الفلوس دي اووي
الموظف:انا بكلم سرحتي في ايه
ماريا:هو احنا هنفضل نكلم كده هو انا مش هبداء شغل
الموظف :لا هنبدأ اتفضلي مكانك هناك اهو ولو احتاجتي اي حاجه اطلبيها مني انا اسمي فارس
ماريا:حاضر عن اذنك
وبدأت ماريا اول يوم ليها في الوظيفه الجديده وعدي اليوم علي خير وهي مروحه تليفونها رن
ماريا:السلام عليكم
عائشه:وعليكم السلام عامله ايه ياصديقتي
ماريا:بخير الحمدلله انت عامله ايه
عائشه:انا مش كويسه
ماريا:ليه كده بس
عائشه:هحكيلك بس هو انت في الشارع
ماريا:اه
عائشه:ليه كده الوقت اتأخر
ماريا:بعدين هحكيلك
عائشه:طيب انا هقفل وهاجي قعد معاكي بكره بعد الشغل
ماريا:اه انا كنت عايزه قولك حاجه مهمه الو ياعائشه انت سمعاني الو يارب ماتقولها يارب
ونكمل البارت الجاي ونشوف ماريا مخبيه ايه عن اسرتها واعز صديقه عندها
ومتنسوش رأيكم في التعليقات يهمني 😍