ماريا

الفصل الثامن والعشرون

وقفنا البارت اللي فات لما تلفون نرمين رن
نرمين :طب عن اذنك ياماما انا طالعه اريح شويه
نجيه باستغراب: ماشي بس اعملي حسابك انك هتروحي بيت جوزك انهارده او بكره بالكتير
نرمين:ربنا يسهل
وطلعت اوضتها
نرمين:الو بتتصل ليه
الشخص:كل حاجه جهزت تعالي
نرمين:طيب جايه سلام 
نجيه:ايه ده انت نازله رايحه فين تاني
نرمين مشوار مهم لازم اعملو ولعلمك انا لسه مصره اعرف انت عملتي ايه عشان هاشم يبقي متعصب منك اوي كده
نجيه:هكون عملت ايه ياعني كلو عشان مصلحتك
روحي افتحي الباب شوفي مين بيخبط
نرمين:مين اللي علي الباب
هاشم:ده انا افتحي يانرمين
نجيه بتوتر:افتحي شوفيه عايز ايه
نرمين :تعالي ياهاشم اتفضل
نجيه:طب اسيبك انا تطمن علي مراتك
هاشم:انا مش جي عشان نرمين انا جاي عشانك انت ياخالتي لوسمحتي يانرمين سيبيني انا وخالتي لوحدنا
نرمين:اكيد عن اذنكم
هاشم:انت خارجه ولا ايه
نرمين:اه
هاشم:طب متتأخريش انا هقعد مستنيكي عشان لازم نشوف علاقتنا دي اخرتها ايه
نرمين بحسره:اكيد طبعا سلام
نرمين لنفسها بحزن  ده حتي مكلفش نفسوا يسألني رايحه فين زي مابيعمل مع ماريا
هاشم بعصبيه: بصي ياخالتي من غير لف ولا دوران   انا عرفت كل حاجه وعرفت كمان انك السبب في اللي حصل لماريا والله العظيم انا هاين عليا ارميكي في الحبس بس عشان صله الرحم اللي بينا  و عشان خاطر بنتك اللي علي زمتي بس قسمٱ بالله لو قربتي لحد من عيلتي تاني  انا مش هقولك هعمل فيكي ايه عشان اللي هعملوا مش هيجي علي بالك اصلا فاهمه وبنتك انا مش هاخدها بذنبك عايزه تكمل معايا ماشي مش عايزه براحتها سلام
نجيه في نفسها: بكره الواد يجي وانا بنتي اللي نتحكم فيكوا وشوف انا بقي اللي هعمل فيكوا ايه يابن فاطمه
في بيت هاشم
فاطمه يالا يا مي نادي البنات عشان نتغدي خليهم ينزلوا
مي :كل شويه مي مي انا تعبت
فاطمه:امشي يابت اسمعي الكلام لسانك ده عايز قطعوا
مي :سهير انت وجودي ماما بتقولكوا الاكل جهز يالا
سهير:حاضر انزلي انت و احنا جايين وراكي علي طول
مي:فين ماريا
سهير:نامت شويه
مي:يعني مش هتقوم تاكل
سهير:سيبيها ولما تصحي هتبقي تاكل يا لا احنا ننزل
هاشم:سلام عليكم
الكل:وعليكم السلام
فاطمه:تعالي يالا كل الا كل لسه سخن
هاشم:لا ياامي مش جعان دلوقتي هي فين ماريا
سهير:نايمه
هاشم:طيب عن اذنكم
باسم:خلاص بقي حبيبه القلب جت هينسانا
هاشم:اتلم بدل ما اجي المك
باسم:و علي ايه سكتنا خلاص
فاطمة:كلي ياجودي ولا الاكل مش عجبك
جودي:باكل الاكل جميل تسلم ايدك ياطنط
فاطمه:تسلمي
هاشم:ماريا اصحي يالا كفايه نوم ماريا قومي يالا
ماريا: اممممم صباح الخير
هاشم: صباح النور بس المغرب اذن قومي صلي بقي عشان ناكل انا مستنيكي عشان نتغدي سوا انا نازل قولهم يجهزولنا الغدا
ماريا بخجل : ماشي
جودي بخوف: ماريا ماريا
ماريا:ايه مالك في ايه
جودي:ابراهيم اتصل وهددني وقالي ان هو مش هيطلقني وهيفضحني في كل حته وان هو مصورني صور من غير ماعرف وهينشرها في كل حته وان هو مش اول راجل اعمل معاه كده والله هو ملمسنيش اصلا انا خايفه اووي ساعديني بالله عليكي
ماريا:طيب اهدي كده وكأن مفيش اي حاجه وانزلي قعدي معاهم تحت انا هستني لما هاشم ينام انا هاجي قعد معاكي وشويه كده وهكلم اللي اسموا ابراهيم ده وهبهدلوا
جودي:ربنا يخليكي
هاشم: انا جبت الغدا
جودي:عن اذنكم
هاشم:تعالي اتغدي معانا
جودي:شكرا سبقتكم انا هنزل بقي
هاشم:ماريا هي اختك كويسه
ماريا:اه مالها
هاشم:مش عارف بس انا حاسس ان في حاجه انت مخبياها عليا
ماريا بتوتر: انا مش مخبيه حاجه ويالا ناكل الا كل هيبرد
هاشم:ماشي وانا هعمل نفسي مصدقك
ماريا:الحمدلله انا شبعت
هاشم:وانا كمان الحمدلله ماريا
ماريا:نعم
هاشم:هو احنا هنفضل بعاد عن بعض كده كتير
ماريا: بعاد ازاي يعني
هاشم:يعني انا عايز نكون زي اي زوجين طبيعيين وتبقي ام ولادي
ماريا: بس احنا مش هينفع نكون زوجين طبيعيين عشان انت مش بتحبني وليك زوجه تانيه واسره تانيه اصلا وشويه ومراتك هتبقي حامل يعني انا هكون لازم اختفي من حياتك
هاشم:يعني انت شايفه ان انا مبحبكيش تمام اوي انا غلطان اصلا ان بكلمك
ماريا:انا مش قصدي انا بس
هاشم:خلاص ياماريا لما تبقي تحبيني واثبتلك اني بحبك نبقي زوجين طبعيين انا رايح انام تصبحي علي خير
فجأه الباب خبط
هاشم:مين
جودي:انا جودي
هاشم:اتفضلي
جودي:فين ماريا
هاشم:ماريا جوا ثانيه هندهالك
ماريا:مين بره
هاشم:اختك وعلي فكره مفيش خروج من الاوضه لازم تتعلمي ان جوزك دخل الاوضه انت بتفضلي قاعده معاه فيها ومفيش خروج من غير اذن فاهمه
ماريا:طب ينفع اروح اشوف هي عايزه ايه وبعدين اجي تاني
هاشم:بسرعه فاهمه ومفيش نوم غير في اوضتك يارب نكون فهمنا
ماريا: فهمت عن اذنك
جودي: ها هتعملي ايه في الزفت ده
ماريا: انا بفكر احكي لعمي كل حاجه هو و يساعدنا
جودي:لا لا بالله عليكي متعرفيش حد انا كده هتفضح
ماريا:مفيش فضايح ولا حاجه ده عمك يعني في مقام بابا الله يرحموا وهيعرف يساعدنا  بكره الصبح باذن الله هحكيلوا كل حاجه
جودي :ربنا يستر  طب ما ليه ماتحكيش لجوزك
ماريا:  عشان هو عصبي وممكن يروح يموتوا وهيتعصب عليا اني مخبيه عليه كده احسن مجبلوش سيره وخلاص و يالا بقي نروح ننام ومتفكريش  في حاجه ان شاء الله الموضوع هيخلص يا لا تصبحي علي خير
هاشم:اخيرا جيتي
ماريا بخضه:ايه ده انت لسه منمتش
هاشم:قولت اطمن عليكي الاول وبعدين انام
ماريا: ماشي انا مش جايلي نوم هدخل اتفرج علي التلفيزيون شويه
هاشم :تمام اللي يريحك
وخرجت ماريا وفجأه حالها تليفون
ماريا:السلام عليكم
المتصل: مدام ماريا معايا
ماريا:ايوه انا مين معايا
المتصل:انا عايز ققولك ان نرمين حالتها خطره جدا ومحتجاجي تجيلها
ماريا بصدمه: ايه اللي حصلها
المتصل:هي كانت حامل وراحت عشان تجهض الجنين اللي في بطنها وجلها نزيف جامد وحالتها صعبه بس مش عايزاكي تعرفي حدوخصوصا جوزها
ماريا:طب اديني العنوان وهكون عندها بكره الصبح ان شاء الله
المتصل :تمام هبعتولك مع السلامه
ماريا:مع السلامه
ودخل هاشم فجأه
ونكمل البارت الجاي باذن الله متنسوش رايكم في التعليقات يهمني واسفه علي التأخير😍