ماريا

الفصل السادس والعشرون

وقفنا البارت اللي فات لما ابراهيم راح لجودي وماريا
جودي برعب: انا مش هفتح امشي من هنا احسنلك
ماريا:في ايه ومين اللي بيخبط كده
جودي جريت استخبت في اختها
جودي بعياط:ده ابراهيم بالله عليكي متخليهوش ياخدني عشان خاطري
ماريا:طب ادخلي جوا وراحت فتحت الباب
ابراهيم:هي فين بنت ال راحت فين ده انا هبدلها وحياه امي ماهسبها
ماريا: اختي مش هتيجي معاك في حته ويالا من هنا
ابراهيم:اوعي بقولك انا هموتها دي اخدت فلوسي وهربت دي حرميه ورخيصه اوعي
وزق ماريا جامد في الشباك والشباك نزل علي راسها
ابراهيم اول ماشاف الدم وماريا وقعت من طولها هرب
جودي حست ان الدنيا هديت خرجت تشوف اللي حصل شافت ماريا عماله تنزف جامد
جودي بصريخ:ماريا انت سمعاني انا السبب طب ردي عليا اعمل ايه يارب اعمل ايه
ماريا بتعب :بطلي صريخ ودني وجعتني ساعديني ادخل الاوضه
جودي بفرح: اترمت في حضنها الحمدلله الحمدلله
ماريا:خلاص بقي قوميني
وسندتها جوري وادتها مسكن ووقفت الدم وربطت دماغها
جوري:عامله ايه دلوقتي حسبي الله ونعم الوكيل فيه ربنا ياخده بس انت اغم عليكي كلمتيني ازاي
ماريا بتعب :هههههه بس انا محصليش حاجه انا نزفت اه لكن كنت فايقه بس حبيت اخضه  زي الافلام عشان يفتكرني موت ويجري
جوري:بعد الشر عليكي ان شالله هو
ماريا :قومي نامي وبكره الصبح نتكلم عشان في حجات كتير عايزه افهمها منك
جوري:حاضر واسفه علي اللي سببتهولك النهارده
ماريا بصتلها :ققفلي النور واخرجي طيب
وبعد امت خرجت جوري ماريا قامت صلت ركعتين وقعدت تدعي لماممتها وقعدت تعيط جامد لحد اما نامت مكانها علي الارض
ثاني يوم
جوري: ماريا اصحي انت كويسة
ماريا بتعب:انا كويسه متقلقيش هي الساعه كام
جوري:الساعة ٤الفجر كنت جايه اصحيكي عشان تصلي ايه اللي منيمك هنا وايه اللي قومك من السرير اصلا
ماريا:خلاص انا هصلي وانام مكاني وانت روحي صلي يالا
جوري:حاضر
وصلت ماريا ونامت لحد الساعه ٦ وخلال الفتره دي هاشم مبطلش اتصال عليها
نرمين:هو في ايه ده انت لسه سايبها بليل لحقت توحشك
هاشم:اه دي بتوحشني وهيا معايا اصلا
نرمين:يابختها لقت حد يحبها مش انا
هاشم:انا سيبهالك وخارج خالص
هاشم:مبتردش ليه دي
عند جودي كل اما تدخل علي ماريا تلاقيها نايمه خدت التليفون وخرجت مش عارفه ترد ولا تعمل ايه وفي الاخر خدت القرار
جودي:السلام عليكم
هاشم:اخيرا ردتي هو انا مش قولتلك تخلي ودنك مع التلفون مبترديش ليه كل ده انت قلقتيني عليكي
جوري باحراج :انا مش ماريا انا اختها
هاشم:هه طب هي فين
جودي:ماريا نايمه
هاشم بصدمه:نايمه ايه ده احنا قربنا علي العشاء
جوري:اصلها تعبانه
هاشم :مالها
جودي:اصل امبارح جه
جريت بسرعه ماريا شدت التليفون منها وهي متعصبه وقفلت السكه
ماريا بعصبيه :انت غبيه ايه اللي كنتي هتقوليه ده
جودي:ماهو جوزك ولازم يعرف وبصراحه بقي عشان يحميني منه
ماريا:انا كنت هقوله عشان هو جوزي وانا عارفه طبعه وعارفه ردت فعلوا ماكنش ينفع ققولوا دلوقتي ده انا ممكن الاقيه هنا في ثانيه ده مجنون
جوري:طيب ردي عليه بدل مايكلنا واعملي حسابك ان عائشه ومامتها جايين
ماريا:طب اسكتي بقي عشان ارد
ماريا:السلام عليكم
هاشم:اديني ماريا بسرعه
ماريا:انا ماريا
هاشم:ممكن اعرف ايه اللي حصل وتعبانه مالك
ماريا :مفيش اهدي انا كويسه كل الموضوع اني كنت مرهقه ومكلتش فتعبت بس كده
هاشم:عارفه لو بتكدبي عليا
ماريا بتوتر: لا مش بكدب ولا حاجه وفجاه سمعت صوت نرمين جنبه
نرمين:خلاص اطمنت عليها وهديت شوف بقي انا لبسالك ايه
هاشم:بصلها عشان تسكت وبيكلم ماريا لاقها قفلت السكه
هاشم :عجبك كده
نرمين:انا نفسي اعرف هو انا مش مراتك زي زيها  انا عايزه اعرف هو  انت شايفني رخيصه اوي كده عشان تيجي تقضي معايا شويه وقت وتمشي علي فكره انت ممكن تطلقني وتخلص واهو تريحني بالمره عشان انا تعبت انت بتيجي تقضي معايا وقت عشان ترضي ضميرك وتبين لنفسك انك بتعدل بينا لكن انت اصلا قلبك وعقلك معاها عموما انا بحررك من الوعد اللي انت اديتو لباباك وامي وبقولك طلقني عن اذنك
هاشم علي قد اما كان فرحان علي قد اما صعبت عليه نرمين جدا بس مقدرش يكلمها وسابها ومشي
اما عند ماريا فابعد اما قفلت التليفون قعدت تعيط وحست انها لازم تخرج من حياه هاشم وتسيبو مع نرمين عشان يكونوا اسره وهي ربنا يرزقها بواحد تعرف تحبو بجد ومن غير مشاكل وحست انها بعد قرار الطلاق اللي اخدتوا ده حست براحه كبيره وقررت انها هتروح البلد وتقول لهاشم
وجت عائشه وماممتها وقعدو معاهم شويه ومشيوا
جودي:ايه هتدخلي تنامي
ماريا: لا انا عايزاكي تيجي تحكيلي كل حاجه حصلت معاكي
جودي بعياط:طيب بصي ياستي انا من الاخر كده كنت واحده معميه عايزه تتجوز وخلاص خفت ابقي زيك كل اما حد يشوفك يفضل يلقح عليكي بالكلام فملقتش قدامي غير ابراهيم واقنعت نفسي اني بحبه و انتو كنتو رافضين خلاني اتجوز من وراكو واقنعني نهرب وفعلا انا سمعت كلامو وهربت معاه عايزه قولك يارتني كنت موت قبل ماخد قرار زي ده انا من اول يوم روحت معاه بقي يعاملني هو امه علي اني واحده رخيصه وشغلوني خدامه عندهم وكل اما اكلم يضربني وكان مدمن وانا معرفش وامو كمان كانت بتضربني جامد اوي انا اتذليت لما سبتكو انا رخصت نفسي واما صدقت اني عرفت اجي هنا تاني ومكنتش اعرف اللي حصل لماما
ولما حاولت اهرب قبل كده هو وامه ضربوني بالخرطوم  محاولتش تاني بعدها
ماريا:بعياط خلاص اهدي انا مش هخليكي تشوفي وشو تاني طب انت فعلا سرقتي فلوسه
جودي:هو المعفن ده حلتو حاجه عشان اسرقها ماريا هي ماما ماتت غضبانه عليا
ماريا بعياط:هي ماما دي بتعرف تزعل من حد بردوا وعموما هي قبل ماتموت قالتلي ان هي سامحتك وراضيه عنك متخمفيش
جوري:ربنا يرحمها
ماريا:يارب قومي بقي جهزي حاجتك عشان بكره هنسافر عند عمك يالا
جوري:حاضر
عند هاشم
سهير مع نفسها انا لازم اتكلم معاه واعرفو مينفعش افضل ساكته كده لازم يعرف وراحتلو فعلا هاشم:ادخل
سهير:انا عايزه اتكلم معاك فاضي
هاشم:انا لو مش فاضي افضالك تعالي ياسوسو
سهير:انا في حاجه عرفتها ومحدش قالك عليها بس انا قولت لازم اعرفك بس بالله عليك ماتقول لحد
انت عرفت منين
هاشم:اخلصي في ايه
سهير:فاكر يومك فرحك من نرمين مش في حد دخل علي ماريا وكان هيعتدي عليها
هاشم باهتمام: اه فاكر
سهير:انا عرفت مين اللي بعتو
هاشم:مين
سهير: ام نرمين
هاشم:نعم خالتو هي اللي بعتتوا لا طبعا
سهير:والله هي انا سمعت بابا وهو بيحكي لماما وبيقولها ان المجرم هو اللي اعترف بنفسه وقال كده
هاشم:بصدمه طب اطلعي برة ومتعرفيش حد ان انا عرفت حاجه
سهير:حاضر
وخرج هاشم زي المجنون علي اوضه نرمين 
وكانت هي لسه خارجه من الحمام تعبانه
هاشم:مسكها من كتفها جامد هو انت كنتي تعرفي اللي امك عملتو ده 
نرمين بتعب: ابوس ايدك سبني انا تعبانه ومش قارده
هاشم بعصبيه :ردي عليا زي مابكلمك انت كنت تعرفي حاجه
نرمين بتعب وصوت عالي:انا زهقت في ايه كل شويه عصبيه عصبيه انت خنقتني وموضوع ايه اللي انا اعرفو وماما عملت ايه اصلا انت داخل تكلمني بالالغاز ده ايه الجنان ده
وفجأه نزل قلم علي وش نرمين
هاشم:ميه مره ققولك صوتك ميعلاش وانت بتكلميني فاهمه
من قوه القلم وتعب نرمين وقعت من طولها
ونكمل البارت الجاي باذن الله
هستني رايكم في التعليقات😍