مذكرات القدر

بارت السادس عشر

كبل لا اطلع سحبتني عمتي من ايدي وهمسة بأذني
حنان: يمه روحي لبيت ام ايهم باتي
قدر: ليش عمه
حنان: بالبيت ماكو بس عمج كريم وزوجته
قدر: عمه طيبه وقمر وينهم
حنان: راحت لبيت اهلها مرت عمج طيبه وقمر هم اول البارحه اخاف تضوجج بشي مرت عمج فردوس احسن روحي نامي هالليله ببيت ام ايهم
قدر: ماشي عمه

طلعت اني وايهم
وصعدنا ومشا
ايهم: محرجعج لبيتكم ميصير تبقين لوحدج
قدر: اي اصلا حبات يمكم اليوم بيت عمي موجودين
ايهم: هلا بيج
قدر: تسلم

وصلنا نزلت وانتظرته يم الباب البيت ينزل حتى يفتح الباب ماريد ادكه اخاف يكعدون
نزل خطيه شعره متخربط من التعب
من يعرف يجوز جان نايم وفززته اني
شكد اليوم كبر بعيني وكفته وياي
لوما هو منو جان أنقذني
يعني كل يوم هالشخص احبه اكثر واتعلق بي اكثر
صح نحجي ونتقشمر ويا بعض
بس يبقى بينا حد
من وكت ما اعترفتله وصدني
حسيت انو صار بينا حد مالازم أتجاوزه
سمعت كلامه وراجعت مشاعري
بس تاكدت اني مجنونه بي مو بس احبه

اجا يفتح الباب مجان ديطب المفتاح بالقفل
اجت لفحة هوا بارد
زمعلي كمت ارجف
انتبه عليه
ايهم: بارده
قدر: اي شويه
ايهم: هذا القندره مديطب بالقفل
قدر: عادي لاتتوتر ممستعجلين
ايهم: لا شون حتمرضين

كام يستعجل بفتح الباب
واخيرا فتح
خلاني اطب اول شي
طبيت للمطبخ لكيت ام ايهم كاعده
استغربت من شافتني
ام ايهم: ها يمه شكو شصاير والله حموت من الخوف
بسرعه ركضت لحضنها
قدر: يمه مادري شبيها اختي
ايهم: يمه شمكعدج هيج وكت ليش منايمه
ام ايهم: ول ومن وين حيجيني النوم من خبرت قدر وسمعتها تحجي وتبجي واني رجليه بعد مايحملوني
ايهم: طبي نامي يمه ماكو شي لتخافين وهيا جبتلج قدر تبات يمج هم
ام ايهم: صددك حتباتين هنا
قدر: اي اليوم لان بيت عمي مموجودين
ام ايهم: ساعه المباركه يمه
ايهم: يمه طبي نامي يلا
ام ايهم: اوكف انزللها فراش وين تريدين تنامين يمه
قدر: يمه لاتنخبصين رحمة لاهلج اني مو غريبه
ايهم: يمه طبي نااامي هسه اني انزللها فراشات طبي يلا
ام ايهم: حاضر حاضر بس لتعصب كمنا
قدر: يلا يمه تصبحين على خير
ام ايهم: وانتي بخير بعد روحي

طبت لغرفتها
طبيت للاستقبال اني
ايهم: وين تريدين تنامين
قدر: عادي هنا بالاستقبال
ايهم: هسه اجيبلج فراش انتظري
قدر: تمام

صعد شويه ونزل حايبلي مخده وغطه
اجيت اخذهم منا
ايده طخت ببطني
جانت هدومي مي صافي منكعين من سبحت جنى ومانشفو
ايهم: هاي شنو
قدر: شكو
ايهم: تعالي شو
قدر: شنو
ايهم: تقربي
قدر: ليش

سحبني من ايدي وخله ايده على بطني
يمممه انتلتت
بشر جريئ بشكلللل مشايفه مثله بحياتي
بسرعه وخرت من يما
قدر: شكو شبييك
ايهم: هدومج كلها مي
قدر: اي من سبحت جنى تنكعت
ايهم: وشون حتنامين بيهم حتمرضين
قدر: لالا عادي
ايهم: شنو عاادي اوكفي اجيبلج هدوم
قدر: من وين حتجين
ايهم: اوكفي ادورلج انتي معليج