مذكرات القدر

البارت الثاني عشر

رافعه ايدي وادعي وابجيييي بكل انفعال
لحد مانتهيت.....
.
.
.
فزيت على روحي نايمه بالكاع وعالسجاده
ولابسه هدوم الصلاة
مداير شون نمت وشكد
فزيت بعد الدنيا توها جاي تفتح
طبيت غسلت باوعت عالساعه جان خمسه الصبح
رحت صليت الفجر وبقيت ادعيلهااا
لحد مانهديت
من كل كلبي ادعي..
ماريد افقدها...
ماريد تروح وتتركني مثل الكل....
اريدها وياي... محتاجتها بحياتي هواي...

بمجرد افكر انو راح تروح من ايدي وكدام عيوني مثل بيبي راسا ينعصر كلبي
بقيت ادعي واصلي
هم غفيت بمكاني شويه
فزيت الدنيا مفتحه
طبيت غسلت وبدلت
نزلت جانو نصهم كاعدين دايتريكون
عيوني وارمه ماكدر افتحهم من كد البجي الي بيجته البارحه
صبحت عليهم
جان من ضمنهم كاعد حمزه
عفتهم ورحت كعدت بالاستقبال

حنان: يمه قدر تعالي تريكي
قدر: والله ما اشتهي
حمزه: هاي شبيها
حنان: مادري ضايجه على ام ايهم
حمزه: من بعد عشيرتنا هيا
حنان: اي صارت منا وبينا يا ابني
حمزه: ماكو دعوه تكعدين تنحوين وتنعوصين على ناس لا تجمعنا بيهم صلة رحم ولا شي
لازمه اعصابي بالكوه حتى ما انفتح عليه
من جد يعني ماتحمل احد يحجي عليها

اجا طب عليه حمزه وكعد يمي
حمزه: قدر شبيج لهالدرجه تحبيها
قدر: حمزه حباب والله معندي خلك احجي
حمزه: هنيالها اذا هيج تحبيها
باوعت عليه ديباوعلي
جر تنهيده واندار من عني
بقينا كاعدين سوا بس محجينا
اول مره نكعد سوا
اول مره هيج نكون بدون عركات
يا اني معندي واهس اطول لسان
او هو ديشوف حالتي متسمح انو يكعد بسخف فوك راسي

شويه وسمعت صوت هورن سياره
فزيت راسا
قدر: يلا اني رايحه
حنان: ولج وييين
قدر: للمستشفى
حمزه: اوكفييي وين حتروحييين
قدر: لخاااطر الله بس فكوووني

طلعت بسرعه شفت ايهم
رحت صعدت وخايفه بس لا يشوفني حمزه يما كاعده
بسرعه مشا
قدر: شونها هسه خاله
ايهم: لا ليوم احسن شويه صحت
قدر: الف الحمدلله ربي وشوكت نطلعها
ايهم: على اساس اليوم العصر
قدر: جبسولها رجلها
ايهم: اي وكالو لازم ماتكوم من مكانها لحد ماتلحم
قدر: سهله سهله هاي انتو معليكم اني ابقى يمها انتو روحو لدواماتكم واني اداريها
ايهم: قدر
قدر: هاا
ايهم: لا هيج

وصلنا المستشفى بسرعه نزلت ركض اريد بس اشوفها
ماعرف يا غرفه ورقم شكد
شفت ايهم وراي رحت عليه
قدر: رقم شكد غرفتها
ايهم: انتظري دقيقه
قدر: هسه دكووول
ايهم: امشي وراي

مشيت وراه جنا نطب بمكان ونطلع من مكان غرفتها بعيده
والمستشفى ازدحاااااام فضييع ما انو مستشفى اهلي وراقي
بس ملياانه عالم وهوسه وخبصه
وصلنا غرفه فتحلي الباب
يممه شفتها كدام متمدده عالسرير ويمها كاعد عمر
بسرعه رحت ركض عليها
قدر: سوده عليه بيه ولا بيج
ام ايهم: اسم الله يمه شهل حجي
قدر: والله موتيني عليج ليش هيج يمه ليش
ام ايهم: لا تبجين ولج قابل متت
قدر: اسم الله عساني اني بالموت ولا انتي
ام ايهم: راح ترفعيلي صغطييي هااا كافي هيج حجي
قدر: هاهيه هاهيه سكتت
ام ايهم: يمه ايهم شوكت اطلع
ايهم: كال اليوم العصر بس ممنووووع تمشين على رجلج
ام ايهم: لعد دورلي على عكاز امشي بيها
قدر: لويش عكاز
ام ايهم: يمه لعد ابقى هيج بالمنام
قدر: اشششش ممنوع عكاز حاليا تبقين شهر بالمنام نداريج ونعتني بيج ووراها عود امشي بعكاز بس تلحم رجلج بعدين
ام ايهم: يبووو شهر شنو يولي
عمر: هو هذا الحجي الصح يا يمه لتصيرين عنيده
ام ايهم: يمه ماتحمل هيج
قدر: عاد استحملي شتسوين ماكوو كتلج تبقين بالمنام واحنا نداريج
ام ايهم: يمه والله ماريد اتعب احد
قدر: يمه والله تضوجيني بهالحجي انتي شنو تعبيش شنو متعتبريني بنتج
ام ايهم: الله شاهد اعتبرج بنتي واعز
قدر: اي لعد هاهيه قابل البنيه تترك امها بهيج وضع
ام ايهم: يمه ماريد اسويلج مشاكل ويا بيت عمج
قدر: معليهم بيت عمي شعليج بيهم
ام ايهم: اوووف شكد عنيده وهاي شبيج هيج وجهج غريب
قدر: شبيه يعني
ام ايهم: هيج عبالك وارم
قدر: ايي لان ممخليه كحله
عمر: لا مو بس سبب الكحله بسبب النوح والبجي الي سوته البارحه
ايهم: فضحتنا بالمستشفى الله وكيل
ام ايهم: ليش بجيتي
قدر: ايي يمه والله خفت عليج
عمر: والله لو تشوفيها شون تبجي تخربين ضحك
قدر: وييي عمرر دكافي
ام ايهم: ههههههههه بعد بيتي هاي
ايهم: اي وحنا شنو
ام ايهم: بدت الغيره
ايهم: يلا طالع اني هسه