مذكرات القدر

بارت الحادي عشر

مر يومين هيج
جنت كاعده بالغرفه داعزلها جانت ساعه عشره الصبح
طبت عليه عمتي
حنان: يمه قدر شنو هذا السمعته
قدر: شكو عمه
حنان: سمعت رايده تشتغلين
قدر: لا وين اكو هيج حجي
حنان: بلي هسه خبرتني ام ايهم وكالتلي مشتركه ويا ام سعود ماردي منو وتريدين تتعلمين خياطه
قدر: اهاااا ايي مجرد تسليه واريد اعتمد على روحي
حنان: يمه مقصرين وياج بشي احنا
قدر: لا والله عمه بس اني ديعجبني اكضي وكت شويه شكو بيها ويا ام ايهم
حنان: وشون تعرفني تخيطين انتي
قدر: حروح عدها هيا تعلمني تعرف
حنان: وكل يوم حتروحين عدها
قدر: اي هيا كالت
حنان: خوش يمه خوش لعد كومي روحي هسه خبرت كالت اجت القماشات وتريدج
قدر: تمام هسه ابدل هدومي واروحلها

طلعت عمتي رحت بدلت لبست هم فستان قماش ولميت شعري طبوسه
وهم طلع كدامي قلم الكحل سحبته وحطيت شويه ببطن عيني
ياارب يكون اليوم ايهم بالبيت...
من كل قلبي اريده يكون بالبيت واشوفه

خلصت نزلت وترخصت من عمه وطلعت
ورحت عدهم دكيت الباب منووو فتحليي
بوجهي ايهم شعره مخربط
ولابس تراك اسود وزيتوني ومبينه عضلاته وضخامته
ياربييييييي نبضاتي مدري شون تصيير
ولك ياكلبي اوووكف لتصير هييج حتفضحني
مادري نبضاتي شنو جانت وكتها
هل اعجاب؟
فرح؟
لو حب؟؟؟
معرف الي اعرفه انو ماكدز اسيطر عليهن من اشوفه
احس ينهز كياني كله لمن التقي بي...
اول مره يصير بيه هيج شعور
اول مره احس بهيج شي
مجنت رايده اصدك مشاعري لان اعتبر صغيره ومراهقه
واصلا ماعرف شنو حب
محاسته كبل حتى اعرفه هسه
ابتسمتله بس اشرلي براسه اطب
يربي شكد مغرور هالبشر
بعد تونا دانمدح بيك

طبيت عبرت من يما
يمممه العطر العطر يسطر سطررر
رحت طبيت للاستقبال
ششوف ملياان قماشات انواع الالوان بالكاع
تحمست هواي اول مره اعتمد على روحي وجهدي واسوي شغله
طبت ام ايهم وسلمت عليها وبوستها
ام ايهم: هاا باعي اجت البضاعه
قدر: هاي شنو يمه شهل قماشات التخبل
ام ايهم: اي هاي وصيت عليها ام سعود وجابتلي اياهم وكتلها عليج كلش فرحت
قدر: بس يمه اني كلشي ماعرف عالخياطه
ام ايهم: وشكو بيها اني اعلمج كتلج كلشي اعرف
قدر: خوش لعد
ام ايهم: يلا نبلش

كعدنا وتعلمني
وهنا تدخل الغبائي بينا
شكد كعدت تعلمني ماكدرت استوعب بالبدايه وشكد صكطت ملابس هواي
بعدين شويه شويه بديت اتعلم وبديت استوعب
شويه وطبو علينه عمر وايهم
وكعدو يمنا
كام عمر سحب قماشه جنت مسويته فستان بس ماكامل
سحبها وخلاها على جسمه وكمنا نضحك
عمر هواااي بعكس ايهم
يتشاقه ويضحك ويحشش
ويشبه امه هوااي
يعني ابيضاني... ناعم وقصير... وضعيف بعكس ايهم كلش

ام ايهم: اي والله فكره ياعمر تصير مودل النا
عمر: مودل شني
ام ايهم: يعني نسويك مثل عارضات الازياء نسوي الملابس عليك هواي نسوان اكو مثل جسمك
عمر: اي هاهيه
قدر: اي والله فكره حلوه ههههههههههه
ايهم: ولك ديحششون عليك والنبي
قدر: هههههههه
ام ايهم: اي اي والله فكره اللبس شو هذا الي بيدك خلي نقيسه عليك