مذكرات القدر

بارت الرابع عشر

طبيت جانت واكفه عالطباخ داتطبخ
تفاجأت من شافتني
بسرعه اجت ركض عليه وحضنتني
ام ايهم: ياهلا ياهلا ولج البيت نووور هاي ويين هالغيبه
قدر: بعد رووحي يمه شكد مشتاقتلج
ام ايهم: ولج بذاااته نسيتينا موو
قدر: لا والقران كل يوم انتو على بالي بس والله مشغوله هاي صارلي اربع ايام
ام ايهم: ليش رحتي وعفتينا
قدر: ليش ماكالتلج عمتي
ام ايهم: لا على شنو
قدر: طلعنه بسبب خواتي وجهال عمي
ام ايهم: ليش شبيهم اوكفي تعالي كعدي وسولفيلي
قدر: خواتي الصغار اربعه وعشرين ساعه يتعاركون ويا جهال عمي كريم فا عاد امهاتهم يدخلن ويتعاركن بيناتهم هما هم وهيج صارت فا طلبت مرك ابويه حصتها من البيت انطوها هيا وكعدنا ببيت شويه قريب منا
ام ايهم: يعني هذا كله بسبب الجهال
قدر: اي والله داتشوفين
ام ايهم: وشكد عقلهم صغير مرة ابوج ومرة عمج
قدر: ومحد واكع بيها الا اني البيت فد مره ملل كاعده واصفن
ام ايهم: يا يمه دتعالي هنا يمي مو كتلج عدنا خياط هواي
قدر: والله هم هيج بعد كل يوم من الصبح اجيلج بس ماطول
ام ايهم: يلا اهم شي تجين واشوف ها لوجه الحلو
قدر: فدوه لعمرج
ام ايهم: اوكفي خل اجيبلج الفلوس مالتج تعالي طبي جوا

طبيت جوا انطتني الراتب مالتي
هذا ثاني راتب اخذه
شكد عندي ببالي اشياء اشتريها
اول شي فكرت اشتريلي مبايل
كبرت ولازملي يعني مو عدت صغيره حتى عيب اشتري هسه
كعدت شويه وياها وهم كعدنا نفصل ونخيط
باوعت ساعه ثلاثه الظهر
اعرف هيج وكت يرجع ايهم
صح جنت مشتاقتله هواي
بس مجنت رايده اشوفه ابد ولا حتى اشوفه وجهي

بسرعه كمت متسعجله كبل ميجي اريد ارجع
قدر: يلا يمه اني اروح
ام ايهم: ويين دوكفي خليجي ايهم حتى نتغدا سوا
قدر: لا يمه كافي اريد ارجع كبل ماتعتم الدنيا
ام ايهم: دوكفي لعد خليرجع ايهم يوصلج بالسياره
قدر: لا يمه هياته البيت والله ماريد اني شويه اريد احرك جسمي
ام ايهم: والله مو جيه هاي اكللها مشتاقتلج كومه وهيا هيج تروح وتجي بسرعه
قدر: هههههه ميخالف باجر هم اجيلج الصبح
ام ايهم: براحتج يمه الله وياج
قدر: مع السلامه
عمر: اوكفي حتروحين
قدر: اي ليش
عمر: حترجعين لبيت جدج
قدر: لا لبيتنا
ام ايهم: دروح اذا عندك طلعه هسه روح وصلها بطريقك
قدر: لا يمه والله ماريد
عمر: دمشي يلا معندي شي اني هم طالع على صديقي
قدر: خوش لعد
عمر: امشي يلا يمه مع السلامه
ام ايهم: الله وياكم يمه

طلعنا اني وعمر نتمشى
عمر: اكلج
قدر: اي كول
عمر: مادري شون ابدي وياج الموضوع
قدر: حست بلسانك حجي احجي شكو
عمر: اريد اسال على فد شغله
قدر: اي اسال شبييك
عمر: بس ماريد تفهميني غلط
قدر: لا ولك انت مثل علاوي والله
عمر: اريد اسال على بنت عمج ايمان
قدر: شبيها
عمر: شكد اكبر منج
قدر: ايمان بنت عمو اسماعيل اكبر مني بثلاث سنين
عمر: شمخلصه
قدر: طابه معهد فنون
عمر: اهاا وبعد
قدر: امممم معرف هواي عنها اشياء صح بنت عمي بس ممختلطه وياها هواي يعني اكثر وحده اعتبرها بنت عمي هيا هند اما البقيه من بعيد لبعيد نختلط
عمر: اهاا
قدر: بس ليش تريد تعرف عنها معلومات
عمر: هاا لا ولاشي بس هيج
قدر: تحبها
عمر: شنو
قدر: لتعتبرني صغيره وما افتهم بهيج شي رجائا تره عمري 17 سنه يعني مو صغيره والله
عمر: هههههههه يمعوده مكلت شي اعصابج
قدر: مو انتو احسكم تباوعولي بنظره صغيره هسه جاوبني على سوالي تحبها
عمر: هيا مني
قدر: ايمان بنت عمو اسماعيل
عمر: والله مادري
قدر: شنو ماتدري ياتحبها يا لا
عمر: معرف ممكن معجب بيها بس
قدر: وين شفتها
عمر: اكثر من مره اطلع اشوفها داتشطف الحوش يا اما صدفة هيج تطلع بوجهي خايف اعترفلها وتصدني
قدر: دير بالك
عمر: من شنو
قدر: دير بالك تعترفلها
عمر: ليش
قدر: تاكدت من حبها الك بعدين
عمر: ليش
قدر: تنهدت وكتله.... تاكد وبعدين اعترف تره من تصدك راح تنكسر والله انصحك
عمر: هم صح والله من هيج خايف
قدر: لا مو انو تخاف بس انت حاول تجذبها الك
عمر: الله كريم الله يقدم الي بي الخير
قدر: اي والله اكلك
عمر: شنو
قدر: اريد اشتري مبايل
عمر: يانوعيه
قدر: مادري اني داكلك بلكت تلكيلي فد واحد حلو وخوش وسعره هم مناسب
عمر: تدللين من عيوني
قدر: تسلملي عيونك
عمر: اسالج
قدر: اي اسال
عمر: صاير شي بينج وبين ايهم اخويه
قدر: هاا لا ليش
عمر: مادري هيج حسيت
قدر: لا اصلا ماكو شي بينا مثلا شراح يصير
عمر: مادري والله
قدر: يلا منا بيتنا اني اترخص
عمر: مع السلامه
قدر: لاتنسا المبايل
عمر: كتلج تدللين بعيوني ماانسا
قدر: اشكرك عموري