مذكرات القدر

البارت الرابع والعشرين والاخير

جنت كاعده بالمطبخ وياهم
اجت يمي نور وسحبتني وطلعتني للحوش
قدر: ااخ نور شكو
نور: تعالي رايده اكلج على شي
قدر: شكو احجي
نور: بس امانه متضوجين مني ولا تزعلين
قدر: احجيي ولج خوفتيني شكو
نور: بصراحه
قدر: اي؟؟؟؟
نور: اووف والله ماريدج تفهميني غلط
قدر: اذا ماحجيتي حعوفج واطب
نور: لالا راح احجي
قدر: ديلااا لتلعبين باعصابي
نور: بصراحه اني سببت بفرقتج انتي وايهم
قدر: شووون
نور: مره اجا يوم الي جنتو حتنخطبون انتي وحمزه يريد يتعارك ويا حمزه ويكلو انو يحبج وهيج اني كبلها سمعتج داتحجين ويا هند وداكليلها انو بينكم علاقه انتي وايهم وبصراحه ما اخبي عليج اني معجبه بايهم من اول ما شفته فا من حمستي كتله تره حمزه وقدر واحد يحب الاخ ومتفقين من زمان انو ينخطبون ومن هالحجي يعني من الاخير لوصت وجذبت
قدر: هااااا يعني انتي الي سويتي هيج
نور: والقران اسفه قدر الله يخليج سامحيني واذا تريديني هسه اروح لايهم واكله الحقيقه والله مجان قصدي والله قدر
قدر: نور مجنت متوقعه انتي تسويها بس يلا مصار شي عادي مسامحتج اصلا تدرين اليوم حيجي ايهم يخطبني
نور: صدددك الف مبروك بعد عمري وسامحيني بربج واليوم اذا يجي ححجي وياه واكله
قدر: عادي مسامحتج عمري بس هذا درس الج حتى لابعد تجذبين وصدكي الله مخبيلج قسمتج لتستعجلين
نور: والله احبج قدر ربي يشافيج ولايحرمنا منج

حضنتني واني هم ضميتها لحضني

صار الظهر رجع عمي احمد من الدوام
طلبني بالاستقبال
رحت طبيت طلب من الكل يطلع ونبقى بس اني وياه
رحت كعدت يما

قدر: بلي عمو شكو
احمد: سمعيني بنيتي اني راح احترم قرارج وشتريدين نسويلج
قدر: اي عمو شكو والله قلقتني
احمد: باعي ححجيلج المختصر اليوم اجاني الدكتور ايهم وطلبج مني وكال انو رايدج ومن هالحجي وكال هو متابع حالتج وقرر انو يسوي عقد وخطوبه صغيره ووراها حتى تباشرون بمعاملات العلاج مالتج
قدر: عمي والله مادري شكلك الي انتو تريدو اني موافقه عليه
احمد: والله بنيتي الشور شورج اذا انتي موافقه حتى نكمل كلشي اليوم
قدر: براحتك عمي انتو الي موافقين عليه اني امشي بي
احمد: بيها الخير بنيتي والله يقدم الي بي الخير
قدر: شكرا عمو

باسني من راسي
طلعت من يما
اليوم كله هما مدللين بيا الكل
لاول مره احسهم يحبوني من صدك
صار المغرب وخبرو بيت ايهم حيجونا شويه الخ
اني التوتر صاعد فوول عندي
مادري شلبس ولا شسوي
اروح واجي بالغرفه
كلبي يدك سرييع من الخوف والتوتر

بدلت احلى ماعندي
ونزلت انتظرهم
شويه ودك الباب
هو دك اني نطزت وكفت
حتى الكل جفل من نطزتي
وبقو يضحكون عليه

طبيت بالغرفه وسمعتهم طببوهم للاستقبال
اريد بس انزل اشوف ام ايهم
يربي شكد مشتاقتلها لامي الثانيه ودنيتي كلها