مذكرات القدر

البارت الثاني

تمددت واني كلامهم براسي يرن شبه اقتنعد غفيت على كعدتي.... اجاني بالحلم.....بابا
حلمت جنت كاعده بنص الشوك بالجول والهوى بارد يكص كص واني لوحدي بس اباوع بيت عمامي كلهم متجمعين بس بعيدين عني وديضحكون ويتقشمرون بس اني عبالك شامريني بعيد عنهم
حسيت ايد على جتفي فزيت ونداريت خلفي لكيت بابا راسا كمت وحضنته
قدر: بابا وين رحت وعفتنيي ليش هييج هنت عليك تعوفني
احجي وياه بس ميرد ابد بس اكو شي غريب
اكو لمعه بعيونه تجنن... لمعه مشايفته بحياتي
معرف شنو معناها ولا كدرت افسرها
بس الي اعرفه لمعه تمووت بيها حب وبيها امان وكلشي حلو بيها
بقيت احجي وياه اريده يجاوبني بس هو بقى صافن بيه راد يروح عالسريع كمت ولزمته من ايده
قدر: بابااااا ليش مجاي تجاوبني انت ضايج مني؟ مزعلتك بشي؟ بروح ماما جاوبني وريحني
جاوبني بصوته الخشن والرجولي وهو يباوعلي بنفس النظره ونفس اللمعه الي بعيونه
محمد: لا يبعد ابوج مزعلان بس اريدج ترفعين راسي بشهادتج
قدر: شهادتي؟؟؟ بس اني بطلت من المدرسه
مجاوبني ووراها اختفى بقيت انادي عليه واصرخ لكن بدون فايده مجاوبني ومفتهمت من قصده شنو
وراها حسيت ايد لزمت ايدي باوعت لكيت حمزه وديباوعلي ومبتسم بسرعه وخرت ايدي من ايده
وفززييت من نومي جان طالع الصبح ومحد وياي بالغرفه عرفتهم جاي يتريكون

طبيت غسلت ونزلت لكيت متريكين ومخلصين هم وعمامي والزلم كلهم طالعين لدواماتهم والنسوان جاي تطبخ بالمطبخ والجهال بالحوش
رحت كعدت بالاستقبال واني عقلي متشوش من الحلم الي شفته جنت طفله مادري شمعناه ولا اعرف شون افسره ومدري ليش جنت خايفه اكوله لاحد
جنت خايفه لاكللهم شفت بابا بالحلم ويروحون يكولون عليه مخبله لان شفت ميت
مجنت افتهم صغيره ومحد معلمني
بقيت اليوم كله اني بس اصفن حتى مطلعت ويا جهال عمي

صعدت فوك مريت من يم غرفة بيبي لكيتها كاعده عالسجاده وتسبح
هاي عادتها لمن توفه بابا متحجي ويا كل احد بس كاعده عالسجاده وتصلي وتصفن حتى وياي يكولولي انو تحبني بس اني بالعكس احسها مجاي تجرعني ابد
بقيت اباوع عليها من الباب وهيا ولا انتبهت عليه جانت تصفن وعيونها مورمه من كد البجي لحد هسه تبجي على بابا
مدري شون جنت واكفه اعوج ووكعت عالباب الغرفه وانفتح اكثر وطبيت عليها بالغلط انتبهت عليها ردت اطلع بسرعه كبل لتصيح عليه لان معروفه هيا انو هواي عصبيه وتخوف وكلت هسه تصيح عليه او ممكن حتى تكتلني
بس صار الكعس
صاحتني بصوت خفيف
سعاد: تعالي طبي لتخافين
قدر: وووااالله ممو عاالقصصد ططبييتت
سعاد: تعالي كعدي يمي
رحت كعدت مقابيلها بقت تباوع بالكاع مدري شون خطر على بالي وحجيت لا اراديا
قدر: بيبي شفت بابا بالحلم اليوم
بسررعه باوعت عليه وعيونها مليانين دموع سحبتني وكالت
سعاد: اي وششفتي شديسوي مرتاح لا احجيي
قدر: مشفته اهواي ولا حتى حجيت وياه هواي اصلا مجان ديجاوبني بس كلي كلمة بقت ترن ببالي
سعاد: شكلج؟؟
قدر: كلي اريدج ترفعين راسي بشهادتج وبقيت احجي وياه ميجاوبني وفجأة اختفه
سعاد: متاكده هيج كلج
قدر: اي هاي جملته مطبوعه براسي بس بيبي هو شقصدة بشهادتي واني مبطله هسه شون حاخذ شهاده
سعاد: يا يمه ابوج رايدج تكملين دراستج يريد يفتخر بيج انتي بنيته الجبيره وفرحة عينه واول بزره
قدر: وشون اكمل وعمامي مانعيني
سعاد: تريدين تكملين؟
قدر: كبل جنت ماريد بس هسه مادام بابا جاني ويريدني ارفع راسه اي اكيد اريد
سعاد: معناها اني الي حقنع عمامج وجدج مالج دخل بس توعديني بشي
قدر: شنو
سعاد: تشدين حيلج وتدرسين وتكملين وترفعين اسم ابوج وترفعين راسه حتى وان جان ميت تره الاموات هم يحسون بينه هاا وتصيرين قويه
قدر: تمام اصير قويه وأي واحد يحجي وياي اصلخه جف
سعاد: اي مو هيا القوه بصلخ الجفوف
قدر: لعد
سعاد: بيبي اني شفتيني مره صلخت احد جف الا اذا تماده هواي بس شوفي الكل تخاف مني
قدر: اي صح
سعاد: خلي مثلج الاعلى اني بالقوه تعلمي مني القوه
قدر: حاضر
سعاد: وهسه اريدج تشدين حيلج حتى تداومين اول شي حتمتحنين هالمواد الي رسبتي بيها بالدور الاول وجايلج هسه الدور الثاني
قدر: بس اخاف ارسب
سعاد: داكلج تشدين حيلج وان شاء الله تكملين حتى تطبين المتوسطه وتصيرين جبيره وحلوه
قدر: واذا مقبلو عمامي وجدو
سعاد: اي مو هيا بكيفهم والله لو اعرف امشي كلمتي على جدج هم مادام بعد روحي محمد جايلج بالحلم وموصيج هاهيه تركي الموضوع عليه
قدر: شكرا بيبي