هربت كي أعيش

بارت 20

علي. ياسر مالي خلكك اريد ارتاح
غسق. علي اريد احجي وياك فد موضوع
علي. تعالي وراي
صعد للغرفه واني صعدت وراه
علي. هااا غسق شكو
غسق. علي اريد جهاز مايصير كل مااريد احاجي اهلي اطلب منك
علي. ماشي باجر ان شالله اجيبلج واحد بعد
غسق. صدك شكررراا
علي. اي بس دلليني اشوي
غسق. هههه ولاتجوز كله بمقابل
علي. اكيد ماكو شي بلاش
غسق. ماشي الي تامر بيه بس هسه اريد احاجي جنه
علي. ماشي هذا الجهاز وحاجي جنه
غسق. اخذت الجهاز وتصلت على جنه
الووو جنه
جنه. هلا حبيبتي
غسق. مشتاقتلج عمري شخبارج امي شونهاا
جنه. كلنه بخير وباجر ان شالله نجي لبغداد
غسق. صدك عليج لله
جنه. اي ولله باجر ان شالله نجي البغداد امي اتكول مشتاقتلج هواي ولان لمن اجيتي انتي وعلي مطولتو
غسق. حبيبتي توصلون بلسلامه اول متوصلون حاجوني حته نستقبلكم
جنه. ماشي حبيبتي سلمي ع علي
غسق. يوصل
سديته منهاا والفرحه مواسعتني 
علي. هاا خير ان شالله اشو تضحكين
غسق. علي باجر اهلي يجون
علي. كل الهلا بيهم
غسق. علي
علي. عيونه وگلبه وروحه
غسق. علي لو شمااشكرتك مااوفي حقك وياي وگفت وياي وياا اهلي اني كلش اشكرا
راح ابقه وياك طول العمر واساندك واساعدك وانطيك عيوني
علي. اولا ماله داعي اتشكريني ثانياا هذا واجبي حبيبتي انتي احبج ولله
غسق. حضنته وصرت ادعي من گلبي انو منتفارك ومااريد يجي يوم ويبتعد عني
علي. يلا يروحي تعالي خلي انام لان باجر لازم اروح لدوام
غسق. نمت بحضه واني اتمعن بملامحه اريد ابقه وياه على طول مااريد افارگه لحظه اخاف يجي يوم وماالگاه اخاف من هواي شغلات يارب احميه الي واحرسه من كل شر يارب وكلت امري الك
غمضت عيوني ونمت ..... گعدت على صوت المنبه علي ديسبح نزلت احضر الريوگ اشوي ونزل وراي بلزي العسكري كلش حلو عليه هيبه بمشيته وشخصيته
علي. صباح الخير حبيبتي
غسق. صباح العافيه يروحي
علي.اليوم عندي كومه شغله ويمكن لليل مااخلص
غسق. لله ايساعدك عمري بس اذا اجو اهلي استقبلهم اني واحد من الولد ؟
علي. اي حبي اخذي ياسر او مهيمن
غسق. ماشي حبيبي
علي.يلا اني اروح
غسق. مااكلت شي
علي. ميخالف هناك اتريگ
غسق. على راحتك حبيبي لله يقويك
علي. مع السلامه
غسق. بسلامه
علي طلع الدوامه واني كمت نضفت البيت وعطرت وبخرت مخليت شي مسويته كعدت الحجيه والگت البيت يلمع
الام. اشو من وكت اليوم
غسق. خاله اليوم يجون اهلي
لام.كل الهلا بيهم العين اوسع من المكان
غسق. بست راسهاا خاله انتي امي الي ساعدتني وساندتني لله يخليج تاج ع روسنه
لام. حبيبتي انتي بنيتي
غسق. اني محضره الريوك بس اروح اكعد البقيه
رحت كعدت زهراء هم لازم اتجهز نفسهاا وكلت الهاا تگعد ياسر ومهيمن والحجي
الكل گعد على الريوك
غسق. مهيمن اذا معندك شي اليوم اريد استقبل اهلي اليوم جايين متروح وياي
مهيمن. اي ماعندي شي اروح وياج
غسق. شكراا
كملت كلشي صعدت بدلت وتصلت على جنه
گالت واصلين للگراج بس بعدهم منازلين
طلعنه اني ومهيمن رحنه للگراج اول موصلنه لگيناهم واگفين اخواني  واختي وامي
سلمنه عليهم ورجعنه للبيت وهم الكل استقبلهم ويرحبون ببهم وفرحانين
وامي والحجيه اخذلهن صفحه وسوالف وحجي وزهراء وجنه صفحه اني كمت سويت الغدااا وكملت كلشي وزهراء ساعدتني اشوي
دخل علينه مهيمن
مهيمن. اكول غسق
غسق . كول
مهيمن. هاي اختج مطلگه موو
غسق. اي ليش
مهيمن.لا بس اسئل زين هيه دتدرس
غسق. اي
زهراء. مهيمن لاتضل تلف ودور شكووو
مهيمن. موصوجن صوجي اسولف وياا امثالجن
صبينه الغدا والكل مجتمع بس علي مموجود كملنه كلشي وبعدهاا نضفنها البيت وصعدنه اني وزهراء وجنه ضلينه انسولف ونتشاقه
من اتذكر قبل ولي صار مجنت متوقعه بعد ارجع اجتمع ويه اهلي او نكعد ونسولف بس الحمدلله رجعنه ونجمعنه من جديد
اخذنه الوكت للعصر نزلت لكيت امي وخالتي بعدهن على كعدتهن ولايشبعن سوالف
اخذت الجهاز وتصلت على علي
الوو حبيبي شنوو تتااخر ؟؟
علي. هلا حبي اي ولله اتااخر اهلج وصلو اشلونهم؟
غسق. اي وصلوو وهمه تمام
علي. اكول غسق
غسق. كول
علي. اممم لا خليهاا من ارجع
غسق. لا حباب كول
علي. لا من ارجع وهسه لازم اسد الخط لان عندي شغل هواي
غسق. ماشي حبي باي
علي. باي
سديته منه بس بالي بلي راد يكوله
اشوي ونزلت جنه وزهراء كعدن بالستقبال
زهراء. اكولج غسق شنو علي ميجي
غسق. لا يجي باليل
زهراء. اهاا
صار اليل وسوينه العشااا والكل مجتمع دنتعشاا ودخل علي وسلم على اهلي صعد للغرفه ورحت وراه
غسق. لله يساعدك
علي. هلا حبيبتي ويساعدج
غسق. يلا اسبح ونزل للعشاا
عاي. تمام اشوي ونازل
نزلت قبله وهوه خلص ونزل اتعشاا ويانه كملنه كلت الجنه وزهراء يغسلن المواعين اني صعدت طلعت گلبيه ورحت سبحت طلعت من الحمام لكيت علي بالغرفه
غسق. انته هناا اشوكت صعدت
علي. قبل اشوي
اكول غسق اريد اسئلج سؤال
غسق. اي كول
علي. انتي تعرفين صارهاا اشكد مجايتج
غسق. شنوو هيه
علي. اشبيج نثولتي
غسق. هااا اكولك اي ولله صدك صار بالشهرين
علي. ان شالله وتطلعين حامل غسق مااريد اخسر طفل اذا لله كتبه النه
غسق. ان شالله باجر اروح واحلل
علي. ماشي يلا خلي ننزل يمهم
نزلنه وجان جاي ياسر ومهيمن
علي. اكول يابه مدام العرس بعد كم يوم خالتي ام غسق تبقه اكيد متروح
ام غسق. اي ابني ان شالله احضر العرس وياكم
ياسر. اي خالتي بعد انتي من اهل العريس
غسق. ههههه عاد اشلون عريس
ياسر. اي هم صدك علي ايصير خوش عريس وساره عدهاا اخت هم
غسق. اكول ياسر اسكت احسلك
ياسر. هههههه خطيه غارت
علي. دسكت انته بعدني مناسي سالفتك
مهيمن.يابه واحنه اشوكت تحنون عليه
غسق. من تسوي مثل ماسوه ياسر ههههه
علي. اي اي عفيه خليهم يتخبلون واني اكول منو مخبل اخوتي اثاريج انتي
الكل ضحك على سوالفنه ومناكرنه
اشوي والكل راح الغرفته امي نامت يم خالتي وجنه يم زهراء واخواني يم ياسر ومهيمن
صعدت لكيت علي ديشتغل بااوراق مااعرف مالت شنو يمكن مالت شغل
تعطرت وخليت مكياج وكعدت بصفه
هوه جمع اغراضه وخلاهن على صفحه
علي. تعالي نامي بحضني
غسق. خليت راسي على صدره
علي. باجر اخذج تحللين واذا طلعتي حامل اريد تديري بالج ومااريد الي صار يتكرر
غسق. واذا مطلعت حامل
علي. هاي ارادت ربج مابيدنه شي
غسق. اي ونعم منه بس اكول يعني اذا مصار عدنه طفل انته تتزوج علي؟؟؟
علي. وليش هذا الحجي وانتي شنو بيدج
غسق.ماادري هيج اجه ابالي
علي. نامي لاتفكرين بشي
غسق. حضنته بكل قوه عبالك طفل ونايم بااحضان امه فكره انو ايعوفني تخليني اتخبل مااريد يبعد عني هوه الي صار الي اكثر من اهل صرت اعشق كلشي بيه اليوم الي ميكون يمي اكره كلشي احبه بجنون
نمت واني متمسكه بيه
علي. نامت غسق بحضاني واني بقيت افكر بمستقبلنه واذا صار عدنه طفل شنو نسميه هواي افكار براسي اتمنه تتحقق  محسيت اشوكت نمت من كد تخيلاتي بمستقبلنه كعدت الساعه 6 الصبح سحبت نفسي حته متكعد غسق رحت سبحت طلعت لكيتهاا كاعده ومحضره ملابسي العسكريه
علي. صباح الخير
غسق. صباح النور
علي. ليش كعدتي باقيه نايمه
غسق. لا واليوم هم لازم ننزل للسوك انجهز للعرس مبقاله شي
علي. ماشي حبي بس ديري بالج على نفسج ومن ارجع اني اخذج
غسق. ماشي
راح علي واني نزلت سويت ريوك والكل كعد لازم الكل ايحضر للعرس لان مابقه غير 3 ايام
خلصنه كلشي وطلعنه لسوك اني وخالتي وامي وزهراء وجنه
اشترينه كلشي انريده وكملنه رجعنه للبيت واحنه هلكانين من الفره
زهراء اكولج غسق نسيت مگتلج ايكول احمد وره عرس ياسر ايسوي عرسنه
غسق. ان شالله ايتمم عليكم حبيبتي انتي
جنه . عاد عذرينه زهراء منكدر نحضر عرسج لان نروح وره عرس ياسر
زهراء . حرامات ولله ردتكم وياي بس يلا ميخالف
خلصنه كلشي وصارت الساعه تقريب 3 اجه علي كال جهزي نفسج نطلع بدلت وطلعنه اني وياه رحنه حته اسوي تحليل بقينه بنتظار تطلع التحاليل ونشوف اشوي وصاحو بااسمي دخلت الدكتوره كالت مامه الف مبروك حامل بس لازم تنتبهين على نفسج لان مشكله الاسقاط قبل تااثر عليج اذا  منتبهتي على نفسج اتشكرت منهاا وطلعت بودي اصرخ من الفرحه واكول اني حامل
علي. هااا بشري
غسق. حامل
علي. طرت من الفرح من كالت حامل حمدت لله هواي
اخذتهاا وطلعنه اول موصلنه بشرنه الكل والكل فرح ......
صار يوم حنه ياسر والبيت مخبوص عمام وخوال والكل وناس طابه طالعه
غسق. لبسنه فساتين اني وزهراء وجنه وكلش فرحانين وكل اشوي علي ايدز علي ويكول خلي تنتبه على نفسهاا
بس جان الي مضوجني سحر مافكتني بس تخزر بيه ياربي اشلون بيهاا هااي اوو خل اتولي شعلي بيهاا
جانت الحنه كلش حلوه اشوي والبنات كلهاا راحت اتباوع من شباك المطبخ على الشباب الي بالحنه وجانو اكثرهم ضباط ويه علي واصدقاء ياسر ومهيمن بالكليه
خلصت الحنه والي راح والي بقه واكثر البنات بقن بالبيت والصاله نترست من البنات صعدت للغرفه بدلت وتمددت على السرير اشوي واجه علي
علي. هاا بس كون ركصتي
غسق. ههههه وين ركصت هوه انته خليتني كل اشوي دازلي مو تركص مو تسوي مو تروح
علي. هوه غير على مودج
غسق. يروحي انته اعرف
اجه تمدد بصفي وحضني وبقه يهمسلي بكلام غزل ياخذني بغير عالم نمنه من وكت لان لازم نگعد من وكت بعد عرس
صار الصبح والكل كاعد من وكت وصايره خبصه وكل اشوي تجي شله مدري عمام مدري خوال الحد مصار الغده والكل مخبوص كملو الغدااا وكلها طشت تبدل وتتمكيج ونص تسبح ونص مدري وين البيت مخبوص خبص اني صعدت ويه جنه وزهراء بدلنه وتمكيجنه
جنه خلصت تبديل ومكياج وطلعت من الغرفه اول مطلعت لاگاني مهيمن واني بفستان مكشوف وشعري طالع بقيت متجمده بمكاني وهوه بس ايباوع ركضت للغرفه
واني ارجف
غسق. اشبيج اجيتي تركضين
ماكو مابيه بس الكل خلصن يلا ستعجلن
جنه خليت على راسي شال ونتظرتهن يكملن حته ننزل سوه
كملنه ونزلنه
غسق. اتصل علي علي لان مجان يكدر يدخل هوسه ونسوان
هلا علي
غسق اريد ادخل اسبح ابدل فتحيلي مجال
غسق. اي يلا
رحت وكفت اباب المطبخ وهوه دخل صعد كبل للغرفه سبح وطلع
علي. لج اشطالعه هاي شنوو
غسق. تراا اخجل
علي. تخجل الجذابه
غسق. هههههه يول غير اطلع عروس خو ما بس ساره
علي. لا عمي حقج واني هم حقي
تقرب علي وباسني بشفتي وكمل تبديل وطلع صارت الزفه اني وجنه كلنه منروح بقينه ننتظر راحو بقو ساعه واجو دخلو العروس وذبحو على رجلهاا خروف ودخلوهااا صار العشااا الكل تعشااا وصار انسحاب البيت اشوي خف لملمنه كلشي ونضفنه وغسلنه ومتت تعب صعدت سبحت ومشطت وذبيت روحي على السرير محسيت غير على ادين ايحاوطني
فتحت عيوني
علي
عيونها
حضنته بدلع خلي انام تعبانه
علي. وين تنامين غير اليوم عرس
غسق. اي عرسهم مو عرسنه
علي. لا اني اعتبر كل يوم عرسنه
غسق. لا شلك بيهاا
علي. هههههه اي
غسق. صار يبوس بركبتي واني ذايبه بين احضانه رحنه الغير عالم وعبالك صدك اليوم عرسنه
كعدت الصبح علي نايم بصفي كمت سبحت ونزلت جوه كلهاا كاعده
سويت ريوك وكعدت يم امي وخالتي
ام غسق. يمه احنه باجر نطلع البصره
غسق. يمه ابقو بعد كم يوم
لام. لا شنبقه كافي هم بعدين نجيكم
غسق. ماشي يمه
بقينه نسولف ونضحك ......

ثاني يوم ودعت اهلي وكلش ضجت لان راحو بس  جنه لازم اتداوم
رحت يم ساره جانت كاعده كالت اليوم يجون اهلي على العشااا
غسق. كل الهلا بيهم
ساره . فدوه تسلمين
الحجيه. اكول يمه غسق تعالي بلا
غسق. هااا خالتي
الحجيه. يمه روحي العمج تلكيه بالحديقه كوليله اليوم اهل ساره يجون شوفيه شنو ايجيب ناقصكم
رحت كتله وهوه راح جاب الي نحتاجه واني وزهراء وساره سوينه العشاا واجو اهل ساره وعلي جان موجود والكل موجود تعشو وراحو لملمنه البيت وكال علي باجر يجون اهل احمد يتفقون على العرس
غسق. بهاي لايام كلش تعبت وتغيرت هواي من الحمل والعرس وخطوبات وفره كلش هلكت
عاد صار ثاني يوم واجو اهل احمد وتفقو على كلشي وراحو عقدو محكمه وكملو كلشي بقه بس ياخذوهاا
اني بهاي لايام تعبت كلش مااعرف ليش هذا الحمل يختلف عن الي قبله دائمااا بطني تااذيني كلت يمكن لان كالت الدكتوره قبل صار عندي اسقاط صرت بشهر الثالث وعلى نفس الحاله
وبهاي اليله
بطني موتتني من لالم مااكدر اكعد منهاا بقيت افتر بالغرفه والوب من لالم علي ماكو بالدوام واني بس افتر اتثلت عليه مايرد اكثر من مره صارت الساعه 1 وهوه مجاي
اتصلت بيه رد
علي انته وين متكلي صار ساعه اتصل مترد
علي خير شكووو شبيج
غسق. علي بطني راح اموت من لالم
علي. جايج لاتخافين
متت من لالم على ما وصل علي واخذني للمستشفى اول موصلنه فحصتني الدكتوره كالت  انتي وين جنتي الطفل ميت بطنج ........

يتبع........

هلووو اشلونكم شخباركم مشتقتلكم
اعتذر ع تااخير البارت بس ولله دراسه عندي
تفاعلووو بالبارت
صوتو+ علقو+ احبكم💙