هربت كي أعيش

البارت 19

من ايكون قريب علي انسه كلشي اعيش بعالم خيالي مابيه غير الحب وعالم وردي مااريد هاي الحظات تروح مني گعدت الصبح لگيت علي رايح الدوامه نزلت نظفت البيت كله اشوي ونزلت زهراء
زهراء. غسق تعالي اريدج بسرعه
غسق. شكو اصاير
زهراء. غسق اليوم احمد يجي يخطبني من علي
غسق. صدك
زهراء. اي ولله قبل اشوي گلي
غسق. يعمري ان شالله ايتمم على خير
زهراء. غسق خايفه علي ميوافق
غسق. وليش ميوافق مو صديقه
زهراء. مااعرف غسق هيج اكول
غسق. لاتفكرين خليهاا على لله
صعدت للغرفه نضفتهااا ونزلت سويت غدا جاي انحظر الغدا اني وزهراء ودخل علي مع انو كل مره يتااخر
علي. السلام عليكم
غسق. وعليكم السلام اشو اليوم من وكت
علي. اي تعالي وراي للغرفه عندي موضوع وياج
غسق. هلي نتغداا بالاول
علي. گتلج تعالي
غسق. صعد ورحت وراه  هاا علي شكو شبيك
علي. غسق زهراء عدها علاقه بااحمد
غسق. واني شعرفني
علي. غسق مال اتجذبين علي واصدگج مستحيل انتي وزهراء سر واحد فااذا تعرفين شي گولي
غسق. گتلك مااعرف شبيك وحته لو تحبه شنو بيهاا مدام جاي يتقدم الهاا
علي.هاااااا وشعرفج جاي يتقدم الهااا
غسق. عزاااا بعيني فلتتهااا
هااا لااااا اشعرفني هيج اجه ابالي
علي. ولج انتي تستغبيني لو شنو بس اريد افهم اني مگتلج جاي يخطبهااا اذا محد يعرف غيري منين عرفتي باعي غسق احجي كلشي تعرفيه لا ولله تخرب علاقتي بااحمد وبزهراء وحته وياج ومااثق بيج باي شي عاد احجي احسلج واذا محجيتي تراا اني اكدر اجيب الحجي من زهراء براشدي واحد عاد كتي الي عندج احسن للكل
غسق. علي اشبيك تخبلت اتشك بيه اني شكو بهل سوالف
علي. يعني متحجين ؟؟؟
ماشي
زهراااااااء .... لج زهراااااااااء
زهراء. سمعت صوت علي ركضت بسرعه
هااا علي صحتلي
علي. اي
جيبي جهازج
زهراء. ليش
علي. بلا اي سؤال جيبي جهازج
زهراء. علي من يمته تحجي وياي هيج وتطلب اتفتش جهازي اني مااجذب عليك كول شنو عندك واني اجاوبك
علي. هاااا خوش يعني تريدن تصيرين صريحه وياي
زهراء. اي معندي شي ليش مااصير صريحه
علي. عندج علاقه بااحمد ؟؟
زهراء. اي واحبه ويحبني واعتقد اليوم عندك خبر جاي يتقدملي مسوينه شي حرام حته تحجي وياي بهاي الطريقه
علي. انجبي لج ولله اذا طولتي السانج اگصه الج لاعبالج اختي الوحيده وماامد ايدي عليهاا اقسم بلله اگصه الراسج
غسق. بقيت ابمكاني مااحجيت حرف
زهراء. علي كتلك ممسويه شي غلط سئلتني وجاوبتك ومجذبت عليك واحمد صديقك وتعرفه عدل
علي. امشي طلعي مني
زهراء. علي بس اسمع
علي. اطللللللعي مننننننني
غسق.اجيت افلت وياهاااا بس كظني
علي. غسق لاتطلعين
غسق. هاي لله كتبهاا عليج غسق اكليهاا
علي. غسق صدك ثقتي بيج راحت اتضمين علي ومتحجين وتخليني ياغافل الك لله
غسق. علي اني مجذبت بشي عليك ولا حجيت شي وبعدين شنو تريد ايكون موقفي ويه زهراء واني اعترف عليهااا الزوجي زهراء اكثر من اختي ومااقبل عليهاا بشي وهيه ممتواصله مع احمد غير كم مره واليوم كللها جاي يتقدم الهااا شنو بيهاا مغلطت بشي ومجذبت وحجتلك كلشي المفروض تسامحهااا لان حجت الحقيقه هاي اذا هيه غلطانه وحته احمد هم مغلط رادهااا بالحلال واجه طلبهااا منك لاتوگف بوجههم وخليهم يجتمعون بالحلال
علي. امشي طلعي مني انتي الثانيه ولاتكثرين حجي مره ثانيه
غسق. شبيه هذا الحمدلله والشكر
دخلي اروح يم زهراء ونجهز
نزلت لگيتالكل يتغداا گعدت يم زهراء بس خطيه كلش ضايجه كوه تاكل حته متحسس اهلها بشي
غسق.زهراء خلصي وخلي نصعد نجهز
زهراء. غسق مالي خلك هستوي كدامج اخذت رزاله تسوه عمري
غسق. ولج انتي ماشفتي رزالتي خرب يومج وهاي ادافعلج عود دخلصي ونشوف منو ميتجهز
كملنه وغسلت المواعين ونضفت البيت وصعدت لگيت زهراء گاعده
غسق. اكولج عيني شنو من فساتين عندج لو اروح اشتري
زهراء. هههههه غسق ولله مالي خلگج
غسق. دنجبي وكومي طلعي شكو فستان عندج اريد اخبل اخوج واخلبه يخطبني مره ثانيه حته مااقبل بيه
زهراء . هههههه اي خلي اشوف عود
غسق. طلعت كل الفساتين الي عدهااا واحد احلى من الثاني كلش حلوات هيه اختارت فستان بيجي كلش نازك واني اختاريت ماروني لبسنه ونجرب المكياج والغرفه عبالك بيهاا حرب
اجت على بالي جنه گلت خلي احاجيها من رقم زهراء
غسق. اكول زهراء ممكن اتصل ع جنه من جهازج
زهراء. اي عمري عادي
غسق. اخذت الجهاز وتصلت على رقم امي على الواتساب
جاوبتني جنه
غسق. هلووو عمري اشلونج
جنه . هلا ولله اشلونج شخبارج مشتاقتلج ولله
غسق. دفتحي كامره خلي اشوفج
جنه . اي يلا
غسق. فتحت كامره وحجيت وياهاا وياا امي وتخواني كلش فرحت بيهم وجنه گالت راح تداوم هاي السنه وامي الحمدلله ممحتاجه شي خوالي ممنقصين عليها شي
بقيت اشوي وسديته منهااا گلت خلي اسبح واجهز نفسي اخذت الفستان ورحت سبحت وطلعت للغرفه علي نايم سشورت شعري ومكيجت والعطر مله الغرفه صار العصر وعلي نايم گلت خلي اگعده
غسق. علي ... علي....علي اگعد شسالفه شكد نمت
علي.امشي مني معليج بيه
غسق. هوه شعلي بيك غير اگعدت راح يجون الناس
علي. اي ولله خوش تعرفن بالسالفه ومجهزات ومنتظرات واني ناطور خضره اهنااا
غسق. لا يعمري محشوم انته الكل بالكل
علي. اگول بلا اشوف شمسويه
غسق. وگفت ع طولي
هاااا شنو موحلوه
علي. ولله اذا ع الخطوبه هيج وطلعتي خلي احمد كل يوم يجي يخطب
غسق. ههههههه دگوم اسبح وبدل لايجون الناس عيب منهم
علي. حضري الحمام بس هااا عقابج بعده على سالفتج
غسق. گدامك حبيبي
علي. اكول غسق روحي مني الناس راح تجي مووكت ابتلي بيج
غسق. هنههههه اي عادي باي وقت يعجبك عاقبني
علي. ولج اشو صايره تلعبين ع الوتر الحساس
غسق. يلا يلا روح خلي اشوف زهراء
رحت الزهراء لگيتهاا مجهزه نفسهاا وطالعه تخبل
غسق. فدوه شهل حلا يعمري
زهراء. اكولج خاف اوڤر المكياج والبس
غسق . لا عمري كلش كافي
اشوي وصاح علي انزلو جوه استقبلن النسوان نزلنه وياه سلمنه عليهن وزهراء قدمت العصير الهن وهنه يسولفن على احمد واحمد كيت واحمد كيت واحمد يتيم وعاين روحه وعلي يعرفه كلش زين ماحاجه نمدح بيه اكثر
الي عرفته هنه عماته المهم الحجيه حجت وياهن وسولفن لمن ملن بقو كم ساعه وگالو لازم يرحون راحو وزهراء طايره من الفرح بس خطيه تستحي واي وحده بمكانه تخجل من اهلهاا فصعدت للغرفه بسرعه وعلي والحجي بقو ايسولفون والحجيه گالت ماعندي مانع وشورو البنيه
علي . لله كريم ان شالله ايتمم على خير
علي. غسق تعالي وراي
غسق. اي عمري جايه
نضفت وصعدت وراه هااا علي
علي. تعالي ولج شطالعه تردين تخبليني
غسق. ههههه على عيني شااخبلك عادي مثل كل مره جمالي
علي. دنجبي جمالهااا
غسق. هستوك شطالعه وطالعه
علي. دتعالي شو خلي اشوف بلا
غسق. تقرب مني واخذ شفايفي بين شفايفه وهوه يتفنن بيهااا بادلته وصرنه بعالمنه الخيالي الي ماكو اجمل من هذا الحساس لمن اكون بين اديه
همسلي غسق لاتعوفيني لاي سبب
غسق. اعوف روحي ومااعوفك
علي. احبج
غسق. اعشقك كلمه حب قليل بحقك انته اهلي وناسي وكلشي بحياتي
نمنه ومحسينه على الوقت گعدنه على صوت ياسر وصياح الحجي
نزلنه بسرعه
الحجي . ولك ياسر انته تريد تخلي روسنه بالگاع
ياسر . واني شنو مسوي حته انزل روسكم انتو مكبرين السالفه
علي. خير يابه شنو الموضوع
الحجي. اخوك الشفيه يحاجيله وحده واهلهاا لازميهااا واجو علينه ويهددون
علي. ولك ياسر شنو هذا الحجي
ياسر. علي البنيه وياي بالكليه واني رايدهااا شكو بيهاا
علي. انجب ولك رايدهااا تخطبهاا مو مسويهاا خط اتصالات ولله متوقعتهااا منك ياسر عود هذا انته الزين
الحجي يابه خلي انروح الاهل البنيه نطلبهااا لابسوون بيها شي وتصير برگبتنهااا
علي. لله واكبر ولكم اني ماارتاح كل اشوي طالعتلي سالفه ولله ابقى بالدوام اشرفلي من هاي الهوسه وكل واحد مسويله سالفه شكل شوف ياسر  خلي ارجع واني اربيك تربيه جديده وگول علي مااگال
الحجي . يلا يبويه خلي انروح ولله مخايف على هذا العار اكثر مخايف على البنيه
علي. بس خلي اغير وانزل
غسق. تفاجئت من الي صار ياسر طلع مو هين بس يلا اهم شي ايصير عرس خطوبه اني اطرب على هيج مناسبات
راحو علي والحجي وياسر بقه الحجيه ماكو رزاله بالعالم مارزلته ماكو مسبه مجابتها على راسه وهوه ماكو ولا نطق حرف
غسق. اگول ياسر بلا ماانطوهاا اهلهاا
ياسر. غسق رحمه لاهلج لاتزيديها علي شحدهم مايطوهااا غير اخطفهاا منهم
غسق. اي كفو ولله واذا اتريد اني اساعدك
الحجيه. ولج غسق تريدين اتزيديهااا اشو سكتي بلا
غسق. شتكولين ست زهراء البيت كله عاشگ حته الحجي هسه الگاه عاشگ وحده
الحجيه. ولج دسكتي فلكج كون وليش الحجي خو علي يطلع عاشگ
زهراء. غسق دسكتي خليهاا بعدين الضحك خلي انشوف شيصير
غسق. شبيج حجيه غرتي ترااا الحجي صار اكس باير ليش تغارين عليه
الحجيه. فلك طرج كون اشو ماتستحين انتي دسكتي ولج
ياسر. ههههه غسق ولج كافي عود اذا صارت لامور تمام احجي على راحتج لصبح
غسق. ديلا بعد خلي اتجسس على مهيمن هسه هم يطلع ايحب
زهراء. تعالي غسق خلي نحضر العشااا ترا محد متعشي الحد هسه
غسق. حضرنه العشااا ولاالحجيه ولا ياسر يرضون يتعشون وكل اشويه گبو بالصياح سوه
اجه مهيمن لگه الكل گالب وجهااا
مهيمن . هااا خير ياستار منو مات بس لا عمي
زهراء. بيش طالب عمك
مهيمن. دسكتي انتي بيش طالب عمهااا هوه هم تحسبيه عم على العشيره
غسق. اكول مهيمن انته اذا تحب من هسه گول مدام الجماعه گابين حته مو كل يوم سالفه جديده
مهيمن . ياستار شكو منو الي طالع ايحب ولكم ولله اخر بيت جنت اتوقع بيه احساس ومشاعر بيتنه بس الحمدلله طلع العكس تعالي بس لا علي طلع ايحب
غسق. لله لايكولها بيش طالبني لا ياسر واگع ومحد مسمي عليه ههههه
مهيمن عليج لله
غسق. اي ولله
جاي نحجي ودخل الحجي وعلي
علي. ولك ياسر تعال انته متستحي متخجل ولك تواعد بنات الناس هسه احسن الك البنيه موتيهااا من الكتل
ياسر. ولله اليوم لحرگ بيتهم فوگ روسهم شنو همه ويضربوهاااا
علي. ولك انجب ادبسززز بتهم وتحجي ويه واحد شتريد يكولولهااا عفيه عليج استمري
ياسر. وشگالو الكم
الحجي . گالو يجي يتقدم الهااا ويتزوجهااا
ياسر. اي بعد احسن
علي. ولله يا ياسر لو جنت بس تلعب عليهااا اخلي طلقه براسك وانته اخوي ولا اعرفك
الحجيه. يمه على بختك السالفه مگضيه ان شالله مو گالو يتزوجهااا وهوه راضي بعد شببكم
زهراء. يلا عوفكم من هذا الحجي تعالو تعشو
علي. مااربد اتسومم من عشاكم كل واحد ماخذله صفحه ولا كاانو ابوي بالبيت اني بالبيت كل واحد يتصرف بشكل شبيكم تگولولي شبيكم
غسق. صبينه العشا الكل گعد بس ماله نفس بالكل وعلي صعد للغرفه گلت خلي اصعد اشوفه
صعدت لگيته متمدد على السرير ويدخن
گعدت بصفه
علي اشبيك
غسق. كل هذا وشبيك ولج لو جان يضحك عليهاا لو اهلها كاتليهاا بساعتهااا مو دمها برگبتنه
غسق. يعمري عليمن هذا الحجي ياسر ايحبهاا ورايدهااا بعد شنو
علي. غسق اريد ارتاح ماكو كل يوم طالعه سالفه شكل كل يوم مشكله ميكفيني دوامي تجيني مشاكل البيت
غسق. حضنته يعمري لاتهتم اني موجوده يمك شنو تريد گلي
علي. بعد روحي انتي
غسق. يلا عمري انزل تعشااا ويانن
علي . ماشي
غسق. نزلنه جوه گعد علي وياهم تعشو وكملوو عزلنه البيت وصاح علي على الكل بالستقبال
علي. حجي احمد انته تعرفه ومحد اله ويريد يكون نفسه باسرع وقت فالي يريده انو ايسوون خطوبه وعرس بنفس اليوم واني عن نفسي مااعترضت
بس گتله اخذ رئي الحجي والحجيه
الحجي اي يبوي مابيهاا شي
الحجيه. بس يمه خاف متلحگ تجهز اغراضهااا
غسق. لا خالتي يومين ونجهزهااا
علي. هااا حجت لطه ولج ثگلي انتي
غسق. يااا شحجيت اني
علي . يعني هذا هوه موافقين
الحجي. اي موافقين
علي. اني اصعد ارتاح لان ميت تعب من وره عمايل ياسر
ياسر . واني شمسوي
علي. ياسر مالي خلگك اريد ارتاح

يتبع،،،،،،،

هلو اشلونكم شخباركم ولله مشتاقين
اسفه جدا جدا جدا على تااخير بس ولله جان عندي متحانات وماالحگ اتمنه تعذروني واشكر تفاعلكم وسئالكم على تنزيل البارت البارت اهداء الكل المتابعين اتمنى يعجبكم البارت تفاعلووو وصوتو وعلقو
احبكم💜