هربت كي أعيش

البارت 17

نزلت افراشي ونمت يم خالتي .... حسيت علي گعد رفعت راسي اله
علي. ليش نايمه على الارض تعالي هنااا
غسق. لا خليني هناا مرتاحه
علي. عرفتهاا تستحي من امي گلتلهاا ماشي براحتج
خليت راسي على المخده بس افكار تجيني غريبه احس انو غسق مو گد مسأوليه طفل واخاف متعتني بحملهاا او ايصير شي الف فكره براسي گلت اخليهاا على لله ولله كريم نمت
غسق. صار الصبح گعدت من وكت سويت ريوگ الياسر ومهيمن عدهم كليه ونضفت البيت كله واخذت ريوگ الغرفه خالتي وگعدت علي وخالتي يتريگون اليوم عندي نشاط علي گومته سندته علي واخذته ايغسل ورجعته بس هوه مابحلگه غير انتبهي على نفسج وعلى الي بطنج وصلته الغرفه خالتي وتريگت وياهم نزلت زهراء هم والجو بارد وملتمين كلنه بقينه گاعدين لساعه 11 زهراء اخذت المواعين غسلتهم واني سويت غده
زهراء. غسق اليوم احمد يجي ايشوف علي
غسق. اشعرفج ولج
زهراء. اتواصلت وياه
غسق. زهراء ديري بالج اخوانج اذا عرفو ميقبلون خلي كلشي يمشي مثل مالله رايد
زهراء. بس ولله اني احبه مو بيدي شأسوي
غسق. عمري انتي ولله اعرف بس مابيدنه شي لله كريم
خلصت كلشي وصبينه الغده اني اخذت صينيه العلي وگعدت يمه ناكل سوه خلصنه ونضفنه المواعين والبيت اني صعدت الغرفتي سبحت وبدلت ورحت يم زهراء بقينه اشوي ونزلت گال ياسر اجو خطار سوي چاي
عرفت احمد جاي وياهم
نزلت زهراء وفرحانه گمت احجي وياهاا واغمز الهاا وهيه ميته من الضحك
علي طلع الهم گعد يمهم اشوي صار احسن بقو للمغرب يلا راحو اني گلت الزهراء تعبانه انتي سوي العشااا گالت ماشي
رحت يم علي گعدت
غسق. هاا اشلون صرت اليوم
علي. الحمدلله احسن
غسق. اليوم تعبت كلش من الفره
علي. مو گتلج انتبهي على نفسج
غسق. يعني اشلون مااسوي شي
علي. اي لاتسوين شي زهراء وتشتغل
غسق. اگول علي
علي. گولي
غسق. اريد اخابر صديقتي ولله صار هواي مشايفتهاا
علي . اي ميخالف اتعرفين رقمهاا
غسق. لا بس اعرف حسابهاا لانستاا
علي. ماشي هذا الجهاز وحاچيهاا
غسق. اخذته مناا اجيت اطلع صاح علي
علي. تعالي هنااا حاجيهاا
غسق. يبوي هاي حجيهاا كله طوط اشلون اخليه يسمع
علي. اشبيج تصنمتي جيبيه وتعالي يمي حاجيهاا
غسق. لا مااريد احجي وياهاا بعد
علي. ليش عود لان گتلج تعالي هنااا
غسق. ليش اجي يمك اني وصديقتي نحجي اله تسمع
علي. اي اله اسمع شنوو اشعدچن حته صرتي هيج تحجين
غسق. خليت الجهاز يمه وطلعت
علي. تعالي اني احجي وياج لاتديرين ظهرج الي
غسق.ماارديت عليه خليت وطلعت
هوه اجه وراي لزمني من شعري
علي. حقيرااااا اصيح عليج وتديرين وجهج وترحين شنووو هاي عود هاااا
غسق. وخر مني اذا مواثق بيه ليش اتزوجتني
علي. لج كلبه صوتج مااتعليه علي
صرت اضربهاا بكل مكان عصبتني كلش بصوتهاا وتصرفاتهاا
غسق. صرت اصرخ من الالم وهوه بس يضرب اجت خالتي والحجي وزهراء يردون ايفكوني منه ماكو اجه ياسر وضل يصيح عليه بالگوه فكني ركضت للغرفه گبل بس الوجع ذبحني ظهري احسه يريد ينگطع اصرخ وابچي بكل حرگه اجت زهراء صرت اصيح عليهاا خلت وطلعت بقيت اليل كله مهديت اصرخ من لالم حسيت علي دم اتفاجأت رحت للحمام سبحت وطلعت هم اكو دم علي وظهري ذبحني من الوجع صرت اصرخ بكل قوتي اجت زهراء تركض علي وشافتني اتخبلت ركضت لجوه وصاحت لامي الكل اجه للغرفه واني مدده على لارض واصرخ اجه علي يركض شافني كلي دم اتخبل خالتي اخذتني للحمام بدلتلي وطلعت خلت علي عبايه وگوه نزلتني صعدني علي بالسياره اني وامه وياسر وبسرعه اخذني للمستشفى اخذتني الدكتوره گالت عدهااا اسقاط لطفل
بگد ماجنت مفرحانه بيه حسيت شي من گلبي اخذوه حقدت على علي لان هوه السبب سوتلي عمليه تنظيف وبقينه للفجر تقريب وطلعنه بس مخليت عيني بعين علي كرهتااا مااريد اشوفه وهوه مااحجه ولا حرف لان كله بسببه
علي. اخخخ اعض اصبعي ندم ليش هيج سويت عصبيتي اخذت ابني مني ودمرت نفسيت غسق ليش مسكتت ليش اصريت عليهاا كلشي صار بسببي
وصلنه للبيت ومحد حجه حرف
لام. يمه هنااا نامي موزين عليج اتصعدين
غسق. مااريد اشوف علي گبالي اصعد الغرفتي احسن
گتلهاا لا خاله اني مااربد هناا اصعد الغرفتي احسن
گالت على راحتج يمه
اخذتني زهراء وصعدت للغرفه بقيت بس ابجي وزهراء اتهدي بيه اشوي وصعد علي
غسق. صرت اعيط واصرخ عليه كله منك انته السبب وين وصلتنه شكيت بيه بس لان ردت احجي ويه صديقتي اني شنو سويت حته كل هذا ايصير تعبت ارحموني
علي. تصرخ وتحجي واحس سجين تغرز بگلبي اتقربت الهاا وهيه بس تدفع بيه اخذتهاا بحضني وحاوطت ادي عليهاا قوي
اششش اعرف اني السبب اسف واعتذر بس اهدي كلشي يتصلح
غسق. ماكو شي يتصلح ابني راح مني وانته السبب ليش اني شنو سويت
علي. بقيت بس ساكت ومثبتهاا بحضني حسيتهاا هدت اشوي نمت على السرير ونومتهاا بحضني بس مااغفيت لحظه واني افكر بلي سويته
حسيتهاا نامت حضنهاا واني بس الوم بنفسي على الي صار صار الصبح وهيه بس نايمه تقربت خليت ايدي عليهاا مصخنه كلش
علي. غسق گعدي لاتبقين نايمه موزين
غسق. عوفني عساا اموت لاتدخل بيه
علي. اشو. گومي شنو هل حجي الزايد هاااا
غسق. معليك بيه لاحجي زايد ولا ناقص
علي. عفتهاا وطلعت رحت لامي
يمه هاي مصخنه ومترضه تگعد
لام. هسه اشوفهاا ليش مترضه بلا
علي. يمه حقهاا ترا اني السبب وترديهاا تسكتلي وكأنو مصار شي
صعديلهاا يمه شوفيهاا
لام. من عيوني رايحه
غسق. اشوي واجت خالتي گعدتني كوه ماارضه اخذتني للحمام سبحتني وغيرت ملابسي ورجعتني للغرفه گالت راح اجيبلج اكل مااريد تتحججين ومتاكليه
الي صار حكمه ربج ميصير نعترض ربج ايخلي الكلشي سبب وهذا سبب عصبيه علي وعنادج يمه اثنينكم غلطانين انتبهو على تصرفاتكم مو بس اتضركم

غسق. اني طلعت اسبب هسه وعلي ماله دخل محجيت شي بس ادموعي بعيوني نزلت خالتي اشوي ودزتلي اكل بيد زهراء گوه اكلت اشوي
خلصت ونمت مالي خلگ احجي ويه اي واحد وخاصه علي گعدت الساعه 2 باليل الوجع ذابحني گوه مشيت اريد ماي متت عطش شفت علي گاعد بالستقبال ويشرب چكاره انتبهي بس سويت نفسي ماشفته دخلت للمطبخ اخذت ماي وطلعت
علي. اني السبب بكلشي
غسق. دموعي نزلت بلا صوت مني
سمعت خطواته بتجاهي حضني من وره واني بس اشهگ
غسق. علي ولله تعبت ممكتوبلي افرح بشي
علي. اني اسف وكلشي بسببي
غسق. وخرت منه وصعدت للغرفه بچيت بكل حرگه على حضي وعلى كلشي صار وياي حياتي والي صار لابوي بسببي وهسه فقدت ابني بسبب عنادي وعصبيه علي
تمددت على السرير واني بس صوت شهگاتي تنسمع نمت واني دموعي بعيني گعدت الصبح نزلت علي ع مكانه نايم بالستقبال وطفايه الچگاير مليانه اخذتهاا من يمه ورحت للمطبخ سويت الريوگ
غسق. علي سويت ريوگ اگعد وراك دوام خليت وصعدت للغرفه
علي. گلبهاا طيب حته وهيه زعلانه علي تفكر بيه مع انو اليوم اخذت اجازه من الدوام صعدت وراهاا
علي. غسق متنعاد صدگيني ولج فكري بيه اني هم فقدت ابني ولله جنت فرحان بيه اكثر منج بس ساعه شيطان شااسوي اني
غسق. علي اني مااريد شي منك حته طفل بعد مااريد كرهت كلشي كرهت حياتي ونفسي الي مگدرت اتحافظ على طفلهاا انته مو السبب اني السبب اني عديمه مسأوليه
علي. لاتحجين هيج عمري انتي ولله مايهون علي دموعج يروحي ولله العمر گدامنه ونملي البيت جهال حضنتهاا بست راسهاا
غسق. خليت راسي بصدره ودموعي متوگف بجي
علي. كافي يروحي انتي كافي يلا غيري خلي نطلع اشوي

يتبع .........

هلوو اشلونكم شخباركم
تفاعلووو
صوتو+ علقو+ احبكم💜