هربت كي أعيش

البارت 13

غسق نزلت اني وعلي الكل جان بالستقبال خالتي صاحت علي من شافتنه امبدلين ونريد نطلع اني سويت نفسي تعبانه
لام. هااا يمه اشو كاشخين وين تردون
علي. يمه غسق تعبانه اشوي اريد اشوف شنو بيهااا ماانتأخر بسرعه نجي
لام. خيررر يمه سلامات اروح وياكم
غسق. لا خالتي بس راسي مأذيني منطول بسرعه نرجع
لام. ماشي يمه مو تتأخرون
غسق. طلعنه بسرعه من البيت وصعدنه بسيارت علي واشوف القميص يطلع منه دم لزمتهاا
علي جاي تتأذه مو
علي. لا عمري مابيه شي صدگيني متأذي احنه بالعسكريه مرت علينه اشكال والوان من الوجع هذه ولا شي بالنسبه للي شفته
غسق. عرفت ليش هوه عصبي واسلوبه هيج الانسان اذا مر بأشياء صعبه تخليه ايكون
حجر .
وصلنه للمستشفى ورحنه للدكتور اجه نضفله الجرح وضمده ونبه علي انو ينتبه اله ويرجله ثاني يوم حته اينضفه مره الاخ
بقينه كم ساعه ورجعنه للبيت الكل منتظر بالبيت والكل جاي صايره هوسه بالبيت
غسق. علي اطلع للغرفه ارتاح اشوي
علي. لا عمري عمامي هنااا عيب اعوفهم ابقه اشوي واصعد ارتاح
غسق. ماشي
عفته ورحت بدلت ونزلت يم البنات وزهراء سوو عزيمه والكل موجود عمامهم وخوالهم واقاربهم البيت كلش هوسه صار الغده وصبينه ساعدتهم اشوي وصعدت للغرفه لگيت علي متمدد
غسق. هااا ليش متتغده
علي. مااشتهي وانتي
غسق. نفسك مااشتهي
گعدت يمه صرت اباوع على الجرح خاف طالع دم او متأذي
علي. غسق بس تخلص سالفه احمد اروح للبصره اسأل عن اهلج واشوف اشلونهم واحاجيهم يمكن يقتنعون
غسق. گلبي طار من الفرحه من گلي هيج
ياريت اروح وياك
علي. لا اني تول شي اروح وبعدين اخذج
غسق. وشنو صار على سالفه احمد
علي. سالفه احمد راح تنفض بالعشائر واني گتلهم اذا متنفض بالعشائر اسويهاا دم وياكم لان طعنتوني واني الي داخل عندي وهيج سالفه تكبر لان اني حاميه وهمه اتهجم علي اني لا من هذول ولا من هذول بس الدخيل مااينطه عدنه اله على گص رگبتنه
غسق. هااا يعني ان شالله تنحل
علي. اي عمري ان شالله وبعدهاا كلش اروح للبصره
غسق. حضنته حيل من الفرحه
علي. ولج اخ الضربه تأذيني
غسق. اسفه نسيت
يلا اني راح انزل عيب ويه البنات
علي. ماشي
غسق. نزلت يم البنات وغسلنه مواعين وعزلنه البيت وكلمن گعد على صفحه هاي الي تحش وتاخذ غيبه وهاي الي تضحك وهاي الي تسولف اني گلت خل انام اشوي تعبانه صعدت للغرفه لگيت علي نايم اتمددت ابصفه ونمت محسيت على الوگت صار العصر علي گعد وگعدني سبحت وبدلت ونزلت الكل رايح مباقي غير كم وحده نزلت گعدت يم زهراء
وعلي راح يم الولد يحجون بسالفه احمد
زهراء. اگولج غسق علي متغير صار اصفر اشبيه والج
غسق. لا مابيه شي عادي
زهراء. هااا يعني كل الي يتزوج هيج لو بس علي هههههه
غسق. انجبي ولج عادي ايفكر ابسالفه احمد وماخذه باله
زهراء. هااا مو اگول
غسق. دكافي تعالي خل انسوي شي
زهراء شنسوي والج الي تعالي صدگ علي گال اليوم اتطلعون باليل
غسق. وين نطلع
زهراء. ماادري بس تتونسون اتغيرون جو
غسق. هااا ماشي
اخذتنه السوالف وصار اليل سوينه عشاا اني وزهراء وخالتي وصبيناا الهم وبعدهاا سوينه  جاي اشوي واجه علي صاحلي وصعد
رحت وراه
علي. حياتي جهزي نفسج راح نطلع اشوي
غسق. ماشي
سبحت وبدلت لبست جينز رصاصي وسويتر مخطط كلش حلو وطويل اشوي وترانشوز خليت مكياج خفيف كلش اجيت اخلي الي كل مره اخليهاا على وجهي من اطلع بس علي مقبل
علي. ماله داعي اتلبسيهاا اني موجود محد يگدر يوصل الج
كملت ونزلنه طلعنه بالسياره افترينه اشوي ودخلنه المول اخذنه كم شغله وطلعنه رجعنه للبيت اني گبل للغرفه تعبانه ودايخه من الفره بدلت وگعد اشوي واجه علي
علي. باجر الگعده مالت احمد وان شالله من اتخلص اطلع للبصره
غسق. يعمري ان شالله خير بس ولله گلبي طاگ على اهلي شنوو اخبارهم وين صار بيهم الوگت
علي. عمري نامي وباجر لله كريم
غسق. اتمددت يمه نمت بحضنه وشم بعطره افيش من اصير قربه احس بأمان انسه كلشي غفيت بسرعه اشوي وحسيت ايده تمسد بشعري رفعت راسي
ليش منمت؟
علي. لا مجاني نوم
غسق. ليش بيك شي
علي. لا عمري مبيه شي
غسق. احجي الي بگلبك لاتضم علي
علي. غسق عمري اني زوجج واني اعرف انتي بعدج ممتقبله هذه الشي واني مخليج على. راحتج ومااجبرج الحد مااتردين قربي الج
غسق. خجلت من كلامه خليت راسي بصدره ومحجيت شي باسني براسي ونام صار الصبح گعدت سبحت وبدلت ونزلت اشوي ونزل علي سويت اله ريوگ وتريگنه سوه اشوي وراح يم احمد اجت زهراء يمي اشوي بقينه نحجي سويت غده اشوي وطلع علي اتوضه وگال دخلن احمد ايريد يطلع
دخلنه بغرفه خالتي اشوي ورجعنه للمطبخ صبينه الغده وبعد مخلصنه غسلنه المواعين گعدنه بغرفه خالتي اتسولف علينه اشوي وگامت زهراء
لام. يمه غسق تعالي اگلج
غسق. هااا خالتي
لام. يمه علي صار رجلج يعني لازم تنطيه حقوقه وتگومين بواجبه تره الزلمه اذا مالگه الي يداريه ايدور غيرج حافظي على الو بيتج لاتخليه ايروح من ايدج
غسق. حجي خالتي صح
اي خالتي صح كلامج
لام. يعني شنو لازم اتجهزين نفسج اله ولله ايتمم عليكم واشوف جهالكم
غسق. ان شالله خالتي
اخذتنه السوالف وصار العصر دخل علينه علي
علي. غسق. جهزي الجاي وكلشي راح يجون للگعده
غسق. ماشي هسه اجهزهآ
هوه صعد فوگ واني رحت وراه
لگيته ايريد ايبدل باقي بس بالشورت
علي. هاا ولج شتردين جايه وراي تتحرشين بيه تره رجال مريض 😂
غسق. ههههه رجلي وبكيفي
علي. هااا ولج حجي جديد منو فار راسج ولج
غسق. ليش اني مجذبه
علي. لا ولله ممجذبه بس تره اني هسه كاض روحي عنج خلي ايطيب جري ولله كريم
غسق. ههههه يول البس مو اخذك الواهس الناس جاي توصل
علي. هههههه وتوصل مرتي وبكيفي
غسق. ديلا بده رايحه اسوي جاي
اجيت اطلع وسحبني من ايدي اله
علي. شنو ماكو بوسه ترفع معنوياتي
غسق. هههههههه لا ماكو شي
علي. بسرعه تقرب عليهاا واخذت اشفايفهااا بين اشفافي
حسيتهاا اختنگت وخرت عنهاا وجهااا صار ينطي الوان
يول وجهج من البوسه نخطف
غسق. هااا لا يلا رايحه اسوي جاي رگضت من الغرفه  رحت للمطبخ سويت جاي وحضرت الستكاين والماي اشوي ونزل علي كاشخ ومبدل اول مره اشوفه لابس دشداشه بس صدگ طالعه عليه اتخبل بقيت بس اباوع عليه
علي. مضيعه اهلج بوجهي
غسق. هههههه لا مضيعه دنيتي بوجهك
علي. هلا هلا وتتغزل يول من البوسه اتخطف لونج
غسق. ههههههه لا منخطف لوني
علي. هااا يعني تردين بعد يول ضاملج هواي منهااا
غسق. دكافي روح الناس وصلت
راح للستقبال والناس صارت تجي هواي وماالحگ على الجاي كل اشوي ياسر جاي صبي بعد صبي بعد
صار حجي هواي يمهم وصياح  بينهم صار المغرب ومهمه على عطتهم اشوي والكل طلع اجه مهيمن
غسق. هااا بشر اصار
مهيمن . الحمدلله خلصت
غسق. اي الحمدلله
سويت عشأ اني وزهراء وياسر جاب من بره اكل هم دازه علي وحضرنه وصبينا الهم عمامه واحمد بعدهم خلصو عشاا ونطيتهم الجاي وصعدت تعبت من الوگفه سبحت وبدلت تعطرت وخليت مكياج
اشوي وصعد علي
علي. هاي شنووو تطورات ولله عمي مابينه حيل تره ناس مجروحين
غسق. تقربت يمه
علي انته رجلي وابو بيتي واني مااريد اخسرك
علي. يروحي منو گلج اني اخليج تخسريني حضني حيل
بس انتي ابقي على طول وياي
غسق. واني وياك على طول
نمت بحضنه لصبح گعدت سبحت وبدلت اجه علي سابح ومبدل گال اني راح اطلع للبصره
غسق. حضنته علي ترجع بالسلامه وتجيبلي اخبار اتفرح
علي. ان شالله عمري لاتخافين كلشي يخلص
طلع من الصبح للبصره واني بالي كله يمه اشوكت يرجع مر اليوم بسرعه واني منتظره ايخابر علي ماكو صار اليل نمت يم زهراء اتصلت عليه رد
غسق. الووو هااا علي طمني
علي. هلا عمري ان شالله  الصبح اني اجي
غسق. شنو عرفت شي اهلي اشلونهم
علي. ماكو شي من اجي احجيلج
غسق . سديت الخط منه وبالي كله بكلامه محجه شي  مقنع ياربي بس كون خير
كوه نمت اريد ايصير الصبح حته اشوف علي نمت وگعدت من وگت انتظرت علي كم ساعه واجه رگضت اله هاااا علي بشرني شنو عرفت
علي. عمري تعالي خل نگعد ونسولف
گعدت بس گلبي حاسني اكو شي الكل اجه گعد يمنه
غسق. علي احجي ليش ساكت
علي. توعديني تبقين هادئه
غسق. علي احجي اصاير ليش متحجي
علي. شوفي عمري اني رحت للعنوان الي انطيتيني اياه وسألت على اهلج بس گالو الحيران انو امج واختج واخوانج انتقلو عاشو يم بيت خالج وابوج ...
غسق. وابوي ... احجي شبيه ابوي
علي. غسق الي صار مو قليل والكل صار يحجي بالمنطقه على الي صار وابوج متحمل انجلط وتوفه
غسق. شنووووو تشاقه وياي شنووو
علي. غسق هذه امر لله
غسق. مااعرف احس واحد وضربني بكل قوته على راسي محسيت غير اني واگعه
علي. غسق .... غسق...   شلتهاا بسرعه واخذتهااا للمستشفى گالو داخله بصدمه قويه وحتمال اتصير عدهااا حاله نفسيه لازم تنتبهون عليهااا
بقيت كم ساعه وطلعتهااا بس متحجي ولا حرف بس ادموعهااا تنزل
علي. غسق احجي شي لاتبقين هيج
اي شي صرخي ابجي الي ترديه بس لاتبقين ساكته
غسق. بداخلي اصرخ والطم بس مااگدر اطلعه كل الي صار بسببي اهلي اتشتتو ابوي مات بسببي
علي. وصلنه للبيت اخذتهاا للغرفه وهيه على حالتهااا بس فاتحه عيونهااا ودموعهااا تنزل
غسق اترجاج احجي لاتبقين هيج
غسق. اتمددت على السرير واني عبالك جثه وتتحرك اريد اصرخ بصوت عالي مااگدر
علي بقه گعد يمي ايحاجيني مااريد احاجي اي احد اريد ابقه الوحدي
....

يتبع .........

هلووو اشلونكم
اليوم طولت البارت كلش اريد تفاعل
صوتو +علقو+احبكم💙