هربت كي أعيش

البارت 22

هلوو قبل لا ابدي القصه راح اسرع لاحداث لان القصه صارت طويله وحته اتكون اوضح
.....

.
.
.
.
حجاهاا وگام وكانو مامهتم الوجودي كملت غسلت المواعين ونظفت البيت وصعدت للغرفه
لگيته متمدد على السرير ويشرب چكاير عزلت الغرفه ونظفتهاا وقبل لا اطلع صاح علي
علي. اليوم صعدتي الغرفتي باجر ماريدج بيهاا وكلشي ايخصج تاخذيه وتخليه بالغرفه الثانيه
غسق. من حجاها عبالك واحد ضربي على راسي بكل قوته ادموعي صارت بطرف عيني خليت وطلعت بسرعه رحت للحمام شغلت الماي حته محد يسمع صرت ابجي بحرگه صثوت شحگاتي تطلع عاليه ضليت اكثر من نص ساعه باوعت النفسي بالمرايه ممعقوله هاي غسق تغيرتي وصرتي وحده ضعيفه بس مو بعد اليوم صيري انانيه ولاتهتمين غير بنفسج غسلت وجهي وطلعت اول مطلعت من الحمام صار بوجهي دنگت وعبرت من يمه
علي. كل كلمه طلعت مني جانت تأذيني قبل لا تأذيهاا بس مجبور اسوي هيج طلعت من الحمام عيونهاا مورمه وحمر اااوف يلعذاب الي شافته بس هيه الي رادت هذا الشي

غسق. قررت اكمل ادراستي واقدم على كليه القانون واهتم بنفسي وصفحه علي اطويها من حياتي گلت الخالتي هيه توصل الحجي العلي لان ماريد احجي وياه وبعد كم يوم هوه قبل وصدك وقدمت على قانون وطلع قبولي صرت اداوم طبعا علي متكفل بكلشي مع انو اني رفضت وگتله ماريدك تصرف علي بس هوه سوالي خط داومت كليه قانون واخيرا راح اگدر احقق ولو حلم من احلامي الي ضاعت مني
علي ماگمت اشوفه هواي لان اني بالدوام وهوه هم وصار يتعمد مايجي للبيت وحته يلزم خفر حبه بگلبي ضل بس مو مثل اول من صدگ صرت انانيه وحته بالكليه ماعندي صديقات هواي يعني منعزله عن الكل تعدت اول سنه كليه ونجحت صرت مرحله ثانيه بيومهاا رجعت لگيت علي موجود سلمت عادي ودخلت صعدت الغرفتي بدلت ونزلت للمطبخ لگيته على گعدته صبيت غدا الي وخليته على الميز گباله وكانو شخص عادي ضليت اكل وهوه گبالي بس ايباوع
غسق. شنو مشايف وحده تاكل
علي. السانج طولان
غسق. لا مطولان على حطته
علي. گالو نجحتي عفيه عليج غسق
غسق. اي الحمدالله نجحت وتعهدت على نفسي اذا كملت وتوظفت اول راتبين الك حته ميضل دين علي عندك
علي.هههه والله ضحكتيني شنو تفكيرج متغير
غسق. مارديت عليه خليت وگمت غسلت المواعين وصعدت سبحت ورتبت نفسي ونزلت يم خالتي نسيت اكولكم زهراء اتزوجت من زمان
ضليت اسولف وياهاا الحد مصار العصر اجت ساره وگالت اليوم يطلعون يتعشون برا كلهم
غسق. الف عايفه ساره بس اني تعبانه مااگدر اروح وياكم
لام. يمه روحي غيري جو ويانه
غسق. لا خالتي عليكم بالعافيه مالي خلگ اطلع
صار العصر والكل طلع يتعشاا عازمهم ياسر على عشا
ضليت الوحدي بالبيت سويت عشا الي جان الجو بارد كلش سديت الباب وشغلت الهيتر وگعدت اشوي وندگ الباب
صرت باب المطبخ وصحت منوووو
علي. اني علي فتحي الباب
فتحت الباب ودخل
علي. شعندج ضليتي وحدج بالبيت
غسق. ليش مايصير سيد علي
علي. اولا اني موةسيد ثانيآ لا ايصير
غسق. عفته ودخلت گعدت اكمل عشاي گعد اگبالي وضل ياكل اني بقيت بس اباوع عليه
غسق. انته منو عازمك
علي. والله ياست غسق اني عزمت روحي
غسق. هذا اشبيه اليوم كملت عشا على الساكت خلصت شلت المواعين غسلتهن وكملت طلعت للاستقبال لگيته مغير ملابسه مالت الدوام وگاعد يگلب بجهازه مشيت من يمه وصاح علي
علي. غسق تعالي اشوي
غسق. شتريد
علي. تعالي ماراح اكلج
رحت گعدت يمه طلع من وراه علبه وانطانياهاا
علي. هاي الهديه بمناسبه نجاحج المرحلى لاوالى
غسق. شكراا بس ماله داعي
علي . غسق العناد الي براسج شيليه ترا والله تعبت اجيبج مناه ترحين مناه ولج نسيتي كلش بسرعه كل يوم اموت الف موته واني ماشوفج اني غلطت وانتي هم غلطتي وصرتي انانيه هم ومتفكرين بس بنفسج غسق والله احبج وماحبيت وحده غيرج فهميهاا عاد
حجاهاا وگام مني
واني ادموعي تنزل لا ارادي كل كلمه منه صح بس اشلون اني احس نفسي تغيرت واني ارفض هذا التغيير ياربي اترجاك دليني على الطريق الصحيح واللله تعبت اضحك على نفسي اذا اكول مااحبه بس مااگدر ارجع مثل قبل گمت سبحت وتوضيت وصليت ركعتين ودعيت ربي ايدليني الطريق الصحيح كملت وگعدت فتحت العلبه لگيتهاا جهاز جديد رجعته للعلبه مالته وگعدت اتمددت على السرير وغفيت گعدت الصبح راسي يريد ينفجر ساره عازميهاا اهلها ورايحه هيه وياسر وخالتي وعلي والحجي موجودين صادف يوم جمعه سويت غدا وكملت صلينه وصبيت الغدا  گعدنه تغدينه سوه مهيمن صار عنده شغل بالبصره وراح هناك صار شهر گلت خلي اتصل عليه بعد الغدا واسئله اذا رايح على اهلي او لا
كملت الغدا وغسلت المواعين وگعدت اتصلت عليه
مهيمن. الووو
غسق. هلا مهيمن اشلونك
مهيمن. تمام بخير وانتم شلونكم امي ابوي اشلونهم
غسق. بخير الحمدالله
اكولك مهيمن شنو مامريت على اهلي
مهيمن. اي امس مريت عليهم كلهم تمام اخوانج واختج وامج
غسق. الحمدلله اشوكت تجي
مهيمن ان شالله هذا لاسبوع
كملت منه وسديت الخط ضليت اتصفح بالمواقع اشوي وتذكرت باجر عيد ميلاد علي
بسرعه طفرت الخالتي گتلها اريد اروح لسوگ وصدك كملت وطلعنه اني وخالتي اشتريت هواي شغلات صار مدري شگد مرايحه وشتريت هديه العلي كملنه ورجعنه للبيت لگيت ساره موجوده
ساره. ياهلا بالخاينه ترحين ومتگليلي
غسق. هههه ولج انتي مگضيتها طلعات وين اگلج
ساره. المهم شنو جبتي طلعت شافت كلشي جبته من الغراض بس الهديه مشوفتهاا كملت صار اليل ساره سوت عشاا اني گلت ماشتهي صعدت الغرفتي دخلت الغرفه علي اوووف صار اشگد مداخله الها جريت حسره تنهدت  ونظفتهاا ورتبتها كملت وطلعت سبحت ولبست اتراك شتوي لان الجو كلش بارد رحت سشورت شعري وخليت مكياج خفيف رحت خليت الهديه بغرفه علي وطلعت رحت الغرفتي افتر موماخذتني راحه مدري ليش اشوي وتصلت علي جنه
غسق. هلا جنه شلونج
جنه. بخير وانتم
غسق. كلنه تمام امي اخواني كلهم تمام؟؟
جنه اي تمام اكلج عندي شغله وياج
غسق. اي شنوو احجي
جنه. اكولج مهيمن اعترفلي بحبه
غسق. شنوووو هاي اشوكت ولج من وراي اني الج والمهيمن
جنه. ههههههه على كيفج اكلتيني اشبيج امس من اجه گلي
غسق. هلا هلا عايشين الحب من وراي
جنه. لا والله انعيشج ويانه
غسق. ههههه لا يروحي انتي والله فرحت يعني راح اتصيرين وياي بنفس البيت
ضلينه انسوالف اشوي وسديته منهاا باوعت على الساعه خرب الساعه 12 شنو هاي ولا حسيت على الوقت نزلت اكل شي لان كلش جوعانه طلعت فواكه وصعدت اكلت وكملت رحت اغسل بالحمام الي يم غرفه علي اول مدخلت حسيت شخص وراي رفعت راسي شفته علي واگف وساد الباب
غسق. اتلبكت مااعرف شاسوي ولا كانه علي زوجي الي عشت وياه كم سنه بس البعد خلانه انصير اغراب عن بعض
غسق. علي شتريد
علي. اريدج
صار يتقرب علي واني ارجع صرت علي الحايط لزمني من خصري وهمس مشتاقلج والله
ضليت مااعرف دربي وشاسوي ردت اوخر منه مااحس غير اخذ اشفايفي بين اشفايفه
حسيت اختنگت وخر مني
علي. كافي غسق عفتج اكثر من سنه گلت هيه ترجع الوحدهاا بس انتي عجبج الوضع وحته مافكرتي بيه وطلع عندج رخيص وحته مكلفتي نفسج تحجين وياي لو تكولين محتاج شي واني حالي منةحالج ويمكن اتعس مافقدت بس ابني فقدت مرتي هم وجافتني وكل يوم اكول ترجع ونرجع مثل اول بس ماكو فايده عنادج وانانيتج طغن عليج
غسق. كل كلامه صح بس اني انكر حجه وكمل راد يطلع لزمته من ظهره
علي مشتاقتلك والله
اسفه اسفه على كلشي اعترف صرت افكر بس ابنفسي وماافكر بيك بس والله ماحبيت غيرك ولا نسيتك لحظه
حضني وجنت محتاجه حضنه الي مفاركته صار هواي
علي. خلي نرجع مثل اول
غسق. علي مو هسه انطيني فرصه كم يوم
علي. ماشي تدللين كم يوم ولا يهمج
طلعت من الحمام ورحت الغرفتي
علي اول مدخلت للغرفه لگيت هديه على الميز فتحتهاا مكتوبه من غسق كلش فرحت واخيرا راح ترجع الي ملكي وحلالي ومرتي نمت واني فرحان .....

يتبع......
اشلونكم شخباركم مشتاقين اعتذر ع التأخير والله مريضه وكتبت هذا البارت وسرعت بلاحداث لان لازم اختمهااا ان شالله راح اختمهااا واتمنه البارت يعجبكم
تفاعلو وصوتو وعلقوو وشكرااا التفاعلكم احبكم