هربت كي أعيش

البارت 11

محسيت على روحي واني نايمه گعدتني زهراء گتلهااا مااشتهي رجعت النومتي صار الصبح گعدت بدلت ونزلت جان علي طالع الدوامه مر اليوم كلش عادي باليل اجه علي سائل زهراء علي وگايلتله بالغرفه اشوي واجتي زهراء
زهراء. غسق علي ايريدج
غسق. شيريد
زهراء. ماادري
غسق. گمت رحت الغرفته دگيت الباب لگيته يلعب بالجهاز شافني وعافه من ايده
علي. تعالي غسق
غسق. مااعرف ليش من اكون قريبه علي اتلبك ومااعرف شحجي اثول اتقربت. هاااا
علي. گعدي
غسق. سحبني من ايدي وگعدني بصفه
علي. شوفي غسق الي فات راح وانسي كلشي بالماضي اني هسه زوجج واهلج وكلشي ترديه لو بخاطرج گوليلي ويجي يم رجليج اعرف الشفتي مني مو قليل بس حبي الج سيطر علي مااريد اعوفج حبيتج من اول يوم شفتج بيه صدگيني ماابالغ بس طيبتج خلتني احبج
واذا على سالفه اهلج من ايخلص العرس اني اخذج للبيت وافهم اهلج
غسق.بس محد راح يسامحني اهلي واني اعرف تفكيرهم محد يرحمني ولله
علي. شوفي غسق انتي مرتي وصدگيني محد يگدر يلمس شعره منج واني اشتم الهوى
غسق. صدگ خلاني اثق وأمن بيه من حاجاني هيج ماااعرف شنو الي خلاني احظنه حيل
علي. لو ادري چان گايلج هيج من زمان
غسق. وخرت عنه شنو تقشمرني بهذه الكلام لازم
علي. لا ولله مااقشمرج ولج انتي صرتي روحي اقسم بالله محد يگدر يوصلج
غسق. اني اثق بيك ولله
علي. ربي يخليني ومااخيب ضنج
غسق. اني رايحه انام اتريد شي
علي. اي اريدج اليوم نامي يمي
غسق. هااا لا مااگدر
سحبني من ايدي وخلاني بأحضانه
علي بس
علي اششش لاتحجين شي خلي انام
غسق. حضني وحاوطني بأديه ونام ياربي مجاي اتنفس ليش هيج صارت اخذ نفس بقوه
علي. بيج شي
غسق. اختنگت
وخر مني اشوي وگال ليش مني اختنگتي
غسق. لا لا ولله
علي. اعرف عمري نامي ارتاحي
غسق. نمت بسرعه گعدت الصبح ملگيت علي
گمت رتبت الغرفه ورحت الغرفه زهراء همزين محد گاعد بدلت ونزلت لگيت خالتي گاعده
غسق. صباح الخير
لام. هلا يمه صباح النور
غسق. گعدت يمهااا وبقينه انسولف
لام. يمه انتي صرتي من هذه البيت من يوم الي اجيتي بيه وعتبرتج مثل زهراء اعتبريني امج وأي شي ترديه گولي الي ولاتحجين لأي بشر محد ايريد مصلحتج غير امج خلي ثقتج بالناس محدوده وشنو الشي الي متعرفيه تعالي كولي الي اني اساعدج بيه
غسق. صدگ حسيتهااا امي بست راسهااا وگتلهاا
اكيد انتي امي واحجيلج كلشي اريدج دوم ويايه وربي لايحرمني منج
بقيت اشويه وصعدت للغرفه وهم مر اليوم عادي صارت لأيام تمر واني مااشوف علي هواي بس بالصدفه لان صار عنده شغل هواي فمااشوفه صرت اشتاقله اشتاق اشوفه بالبيت قرب يوم الحنه رحنه جبنه بدلات وجهزنه للحنه العصر كلهااا اجت بيت عمهم وبيت خالهم وهواي ناس بدلت وهم زهراء مكيجتني ونزلنه يم النسوان علي يم اصدقائه واهله بره گالت زهراء راح يجي ايخلي الحنه الج
غسق. فرحت لان راح اشوفه اشوي
اجه علي بس مااحسه على بعظه گانو ضايج گعد يمي ومحجه شي
غسق. علي بيك شي
علي. لا مابيه شي
غسق. تره ولله مشتاقتلك
علي. الي يشتاق يجي ومااعتقد اني عايش بغير بيت او بعيد
غسق. حقه محجيت شي سكتت خله الحنه الي وطلع يم جماعته اشوي وصار بره هوسه وحجي وناس تطلع ناس تدخل ياربي اشصاير
اجت زهراء گالت كومن الكل يصعد فوگ لان راح ايدخلون الزلم صايره مشكله يمكن
اني بالي يم علي معقوله وياه ياربي هوه اماني لا تحرمني منه الكل صعدن لطابق الثاني بس بالي وتفكيري يم علي
اشوي وصعد ولد ايصير عمره15من عمامه اسمه احمد زهراء صاحتله
زهراء . خير اصاير
احمد . هذه صديق عمو علي يردون ايگتلوه واجه دخل عد علي والي يردون ايگتلوه اجو وراه وصارو ايهددون انو نطيه بس علي مقبل وگلهم على گص رگبتي وهذوليج الناس گلوله شوف الي راح ايصيرلك اليوم
غسق. من حجه هيج احس روحي طلعت من مكانهاا يارب احميلي علي مااريد ايصير اله شي
اشوي وصار رمي بالشارع روحي بقت اتحوم اريد انزل اشوفه اشلون سمعت اصوات صارت بالستقبال الي جوه والرمي وگف رگضت نزلت اشوفه شفته واگف على صفحه ايخابر والولد كلهاا على صفحه رگضت اله علي انته مابيك شي موو
علي. مابيه شي عمري لاتخافين بس اشنزلج متشوفين الكل جوه صعدي لاتخافين محجيت شي لان جان كلش ضايج صعدت فوگ واني عقلي يم علي بقو كم ساعه الكل هده وراحو بيت عمهم بقه بس كم ولد من عمامهم والولد صديق علي اني دخلت للغرفه بدلت لان مليت من الفستان وغسلت الحنه لفيت شعري واجت زهراء كالت علي ايريدج
رحت رگض الغرفته لگيته مطفي الضوه وگاعد رگضت اله وحضنته بكل قوه بقيت بس ابجي
علي ولله مااريد اخسرك لاتعوفني
علي. مااعوفج يعمري لاتبجين مصاير شي اشبيج شي عادي واني عسكري لاتنسين ومتعود على اكثر من هيج
غسق. ميخالف انتبه على نفسك انته اهلي ومااريد اخسرك
علي. لاتحجين شي تعالي نامي بحضني تعبان حيل ولله
اتمدد على السرير وفتح اديه نمت بحضنه ومحجيت شي بس بقيت اشتم عطره مااريد احجي شي لان اعرفه تعبان بس احس بيه منايم ويفكر
غسق. علي
علي. عيوني
غسق. ارتاح لاتفكر
علي. ماشي عمري انتي نامي
باسني براسي وحضني نمت بسرعه لان حسيت بأمان بأحظانه گعدت ملگيته فزيت بسرعه نزلت لگيته جوه بالستقبال ارتاحين خفت لا ايصير اله شي صاحتلي زهراء گالت لازم انجهز نفسنه حته انروح لصالون صعدت سبحت وبدلت گال علي اني اخذكم
وصلنه على الصالون ورجع گلت خل اتصل عليه لان بالي يمه اشوفه وصل لا
اتصل وميرد اكثر من مره ماكو مايرد بقه بالي يمه وصرت اخاف فكره تاخذني وفكره اتجيبني ياربي وين صار ليش ميرد اشوي واتصل رقمه شلته ماكو صوت
غسق. صارن ادموعي تنزل الووو ....  علي ليش متجاوب الوووو

يتبع.....
هلووو اشلونكم
اكو شي مهم اريد احجيه
اذا هاي القصه صارت ويه شخص مو معناهااا اريد ايصير بيه مثله تره كل شخص ايعيش الي كاتبه لله مو الي ايكتبه هوه اجتي وحده للخاص اتگولي اريد اشرد من اهلي اشلون طبعآ اتخبلت من كلامهااا حاولت اقنعهاااا اتگولي انتي مو كاتبه هاي القصه گتلها صح بس البنيه صار عدهااا ضرف واطرت انو تشرد خوف على نفسهااا يعني لازم كلنه نشرد حته نغير حياتنه وين صايره وبعدين القصه ممكملتهاا محد يعرف شنو اهلهاا راح ايسوون من يلگوهااا اتمنى اتكونو واعين بالي احجيه واذا هيج اطر انو اتوقف واحذف القصه

صوتو + علقو +احبكم💙