هربت كي أعيش

البارت الاخير

⠀
⠀
⠀⠀...

....

...
اختصرت القصه الكم

علي. بعد فتره صار عندي شغل وهم ترقيتي بعد كم يوم ومخبوص بالشغل وحته البيت صرت اشوفه بالسبوع مرتين لو مره غسق رجعتلي بس مو مثل قبل بس الحمدالله اهم شي رجعت ....
غسق. حياتي رجعت شبه طبيعيه يعني بعدها ممكتمله دوامي والبيت اشوي اواجه صعوبه لاني متزوجه وادرس صرت مرحله ثالثه بس اكو بحياتي نقص لانو مصار عندي طفل رجعت من الكليه وميته تعب غيرت ملابسي ونزلت صبيت الي غدا وگعدت اكل اشوي ودخل علي من باب المطبخ كلش تعبان بسبب ضغوط الشغل
غسق. الله يساعدك
علي. هلا غسق
غسق. غير ملابسك وتعال اتغدا
علي. ماشي
سويت غدا علي وجهزته على مااجه كعد يتغدا على الساكت
غسق. علي احسك تعبان كلش
علي. غسق اهتمي بنفسج انتي
غسق. ليش تحجي هيج ؟؟
علي. غسق لاتخلين الكلام كله الج انتبهي النفسج وتصرفاتج ولا كانو عندج رجال كل همج دراستج ونفسج واني شنو هاا ارجع تعبان للبيت يوم او يومين ماشوفج ترجعين الساعه 3 العصر تعبانه والغرفتج لو تشتغلين بالبيت هاي الحاله عاجبتج
غسق. ضليت ساكته شاجاوبه
هوه خله وگام غسل وطلع كعد يم خالتي
كملت وغسلت المواعين وسويت جاي ورحت گعدت يمهم بس هوه عينه بجهازه مارفع عينه علي
اشوي ودخل مهيمن
نسيت اكلكم مهيمن خطب جنه حالين مخطوبين بس منتظرين جنه تكمل السادس حته يتزوجون
مهيمن. السلام عليكم
الكل. وعليكم السلام
مهيمن. اني باجر يمكن اروح للبصره ترحين وياي اتشوفين اهلج
غسق. قبل لا اجاوب رد عليه علي لا متروح متكدر عدها دوام ومتحانات
غسق. ضليت صافنه على كلامه
ورديت على مهيمن
اي صح كلام علي ماكدر اروح
مهيمن. ماشي اني اترخص عندي شغل
لام. اكلج يمه ليش متراجعين عد الدكتوره بلكت ايصير عندج حمل
غسق. بكيفج خاله
لام. علي العصر ياخذج وترحون اتشوفون شنو تكللكم
صار العصر رحت جهزت نفسي ونزلت اشوي ونزل علي رحنه للدكتوره وبقينه منتظرين الحد مصاحو اسمي دخلت اني وعلي سوتلي فحوصات وكالتلي
الدكتوره. حبيبتي تاخذين هاي العلاجات وكل شهر تراجعين عندي
غسق. دكتوره يعني اكو امل ايصير عندي حمل
الدكتوره. ليش لا كلشي بيد ربج وان شالله مثل مگتلج
اتشكرنه من الكتوره وطلعنه
غسق. علي خلي اليوم نتعشا برا ؟؟
علي. ماشي
اتصلت على ساره وكتلها نتعشا برا
رحنه على مطعم وتعشينه
غسق. علي اني اسفه بس والله هم لاتنسه مضل شي واكمل كليه
علي. غسق ماريد كل مره تعتذرين مني وكلشي ماشوف من تغير حاولي تنضمين وقتج
غسق. ماشي والله حسوي الي تريده
علي. انشوف
كملنه ضلينه نفتر اشوي ورجعنه للبيت
علي كلش فرحان ومتوتر اشوي لان باجر ترقيته
لف راسه ونام واني هم عندي كليه نمت من وگت
گعدت الصبح جهزت نفسي لگيت علي يلبس بالزي العسكري يريد يطلع كتله اخذني للكليه بطريقك
وصلني وطلع على دوامه مر اليوم عادي بالكليه كملت دوامي طلعت لگيت علي منتظرني صعدت السياره وياه
غسق. اول ماصعدت اجت عيني على ترقيته والنجمتين الي بكتفه
الف مبروك حبيبتي وان شالله. باعلى المراتب
علي. تسلمين حبيبتي ايبارك بيج
غسق. وصلنه للبيت والكل ايبارك العلي واجو عمامه وخواله البيت انخبص بالناس مانلحگ اني وساره وياسر كل اشوي اجه ايصيح بسرعه بسرعه
صار اليل واحنه ممكملين انتظرنه الكل راح وسوينه حفله اصغيره وكيكه وجهزنه كلشي اجه علي وحتفلنه كلنه الحمدالله رجعت الفرحه للبيت بعد وقت طويل
خلصنه الحفله ورتبنه كلشي صعدت قبل علي طلعت ملابس ورحت للحمام سبحت ومشطت شعري ومكيجت ورتبت الغرفه وانتظرت علي
اول مدخل اتفاجأ اتقدم علي وهوه يباوعلي من فوك ليجوه
غسق. علي اسفه وصدكني نرجع احسن من اول صح تزعلت هواي بس متنعاد وعد مني
علي ماشي مدام وعدتيني
غسق. بهاي اليله صدك جانت احلى ليله بعمري لان علي ترقا وصار ملازم اول واني وعلي رجعنه مثل اول ....
استمريت على العلاج ومراجعه الدكتوره كل شهر ونضمت وقتي للكليه والبيت تعدو كم شهر واني اراجع واتمنه من الله يصير عندي طفل الحد مايوم گعدت الصبح راسي يريد ينفجر ولعبانه نفسي اني حسبتها فلاونزه غسلت ونزلت ساره بالدوام وياسر ومهيمن هم بس خالتي والحجي گاعدين بالاستقبال
غسق. صباح الخير
لام. صباح النور
غسق. متريگين لو اسوي الكم ريوگ
الحجي. اني اتريگت ويه خالتج بس انتي ممتريگه
غسف.ههههه عصافير الحب گاعدين من وگت اليوم
لام. هههههه عصافيريش ولج روحي تريگي وجهج اصفر شبيج
غسق. خالتي ماعرف بس دايخه
لام. لان ممتريگه
غسق. رحت للمطبخ اسوي ريوگ واني كوه واگفه ماعرف شبيه ماحسيت غير غوشن عيوني وانغمى علي
گعدت لگيت خالتي عد راسي والحجي يحتجيني
لام. غسق يمه شبيج دختي
غسق. ماعرف خالتي
الحجي. خابرت على علي هسه حيوصل
صدك اشوي وصل علي
علي. شبيج غسق.
لام. يمه اخذها للمستشفى وشوف اشبيها
غسق. گمت كوه لبست وطلعت ويا علي للمستشفى سويت تحاليل دم وانتظرنه على ماتطلع
نص ساعه وصاحو اسمي علي مقبل اكوم گال اني اجيبهن
اشوي واجه علي بس الفرحه ماواسعته
غسق. ها علي شبيج تضحك
علي . امشي للبيت خلي نفرح الكل
غسق. شبيك علي شنو .
علي. غسق انتي حامل بشهر الثاني
غسق. من گالي انتي حامل بودي اصرخ من الفرحه والله الدنيه ماوسعتني الف الحمدالله الله استجاب الدعائي يارب الحمدالله والشكر
رحنه للبيت والفرحه ماواسعتنه اني وعلي اول ماوصلنه علي خبر الكل والفرحه ماوسعت خالتي والحجي حسيتهم اكثر منه فرحانين وساره طارت من الفرحه اول مسمعت بالخبر
مر كم شهر واني معتنيه بالحمل وعلي يوصلني ويجيبني وساره مهتمه بالبيت متخليني المس شي اتكولي على مايكمل الحمر وتجيبين بالسلامه
مهيمن وجنه قررو اول ماولد بالسلامه يسوون العرس
صرت بالشهر الثامن وبطني صارت شكدها امشي بالكليه واني چني دبه تتگلب
علي معتني بيه كلش خاصه هاي لاشهر الاخيره حته مرات يترك دوامه ويبقه وياي البيت كله شنو يشوف غراض اطفال يجيبوهن حته علي قرر ينتقل للبيت الي قبل اشتراه النه اكبر من هذا لان جنه ومهيمن يجون وهمه ميحبون واحد من اخوانهم يطلعون يردون يبقون كلهم سوه وهذا احلى شي الحمدالله كملت الشهر ودخلت بشهري واني خايفه من الولاده بهاي لايام امي اجت البغداد حته تبقه وياي بايام الولاده
بيوم العصر بطني موتتني من الالم مااكدر امشي ولا اتحرگ بس الم امي زخالتي جهزن كلشي وحظرن ملابس البيبي وملابسي صار اليل واني بعد متحملت صرت اصرخ من الالم اتصلو على علي واجه بسرعه صارت عندي ولاده اخذوني للمستشفى واني مرعوبه من الوجع وخوف من الولاده وامي وخالتي وساره يدعن اطلع بسلامه دخلت صاله الولاده واشوف الكل يصرخ انرعبت اكثر صارت عندي والاده بسرعه ولدت من الخوف سمعت صوت الطفل وهوه يصرخ احس كل ألمي وخوفي اختفن صح اريد ابني اجتي وحده من الممرضات وخلته بحظني بعد مكملنه ولبسنه شميته وبسته اخ يابني الي نتظرته وعانيت على موده طلعت من صاله الولاده للغرفه والكل جان موجود منتظرني اطلع
علي. الف الحمدالله على سلامتج ام حسوني
غسق. اشكد فرحت من گالي ام حسوني
الكل باركلي وفرحانين اكثر مني بولاده حسين بعد ماطلعت للبيت اخذنه علي للبيت الجديد الي انتقلنه بيه كلش جان حلو وجبير علي سوه عزيمه بمناسبه ولاده حسين والكل اجه بيها حته جنه واخواني لان بعد كم يوم يتزوجون جنه ومهيمن
وبعد شهر سوينه عرس مهيمن وجنه وكلش فرحت لان اختي صارت وياي وامي انتقلت هيه واخواني البغداد علي شاف الهم بيت قريب على بيتنه حياتي تغيرت كلش وصارت احلى بوجود اهلي بقربي وبوجود علي وابني حسين صرت اخر مرحله بس متعبت بيها لان حسين يبقه عد امي من اروح لدوام صح ماتخله حياتنه من المشاكل بس صرنه نتلافاها والكل يسكت عن الثاني اذا صارت مشكله الحمدالله حياتي دخلتلها الفرحه والفضل يرجع الربي وبعدين يرجع العلي ...

لهناه وتمنهي قصتي جنت وياكم صاحبه القصه غسق صح بدايتها صعبه ومو الكل الي يمر بهيج شي وتهديد مثل هذا البعض للاسف تنهي حياتها بالقتل من قبل اهلها ابو بالانتحار من قبلها اني ماشجع اي وحده اتمر بهيج موقف  انو تهرب من بيتهم لا بالعكس هسه اكو محاربه ابتزاز صح مجان موجوده 2017 بس هسه موجوده ويساعدون البنات الي تمر بهيج تهديد من قبل النفوس الضعيفه الي معدهم شرف اني ربي كتبلي انو تكون قصتي هيج ومو اني الي ختاريتها انصح الكل اذا مرو بهيج حاله مايلجئن للانتحار او الهرب من البيت مثل مگتلكم اكو محاربه ابتزاز اكتروني وشرطه مجتمعيه خاصه بهذا الموضوع واتمنا جانت القصه حلوه وعجبتكم ...

امه اني الكاتبه اتمنه مضوجتكم لان اتاخر عليكم بالبارتات بس والله ادراسه وضغط علي اشكركم على تفاعلكم بالبارت احبكم كلش وخاصه الي يعلقن تعليقات حلوه مثلكم واي وحده تحتاج شي بخصوص البتزاز الكتروني او سؤال بخصوص اصحاب القصه