هربت كي أعيش

البارت 10

غسق. ياربي اني مااريده عشت وياه اقل من شهر ماشفت غير الضرب منه لا ونوب اتزوجه ياربي ساعدني ولله مااگدر بعد تعبت
طلعت سبحت ورجعت للغرفه اتمددت ونمت محسيت على نفسي گعدت صاير العصر كلش نزلت جوه الكل مخبوص ويرتب للخطوبه ياربي شجاي ايصير
لام. تعالي بنيتي
غسق. هاااا خالتي
لام. يمه باليل انروح انشوف شي تلبسيه باجر
غسق. لا خاله مااريد
لام. لا يمه مايصير لازم انشوفلج فستان بسيط اتلبسيه
زهراء. اي يمه واني هم اروح وياكم
غسق. مجنت اريد اروح ولا اشتري شي بس لان مليت وختنگت من البيت گلت اطلع وياهم
ساعدتهم بكم شغله وصعدت للغرفه علي طلع من غرفته بس شفته ركضت للغرفه
علي. هاي اشبيهااا عبالك شافت جني
طلعت افتر اشوي ورجعت للبيت
لام. علي يمه بعد اشوي اخذنه للمول نشتري كم شغله الغسق
علي. ماشي يمه
اشوي وصعدت زهراء
گومي غسق جهزي نفسج انروح للمجمع نشتري كم شغله
غسق. كمت بدلت ونزلت لگيت علي اگبالي
علي. يلله كملتو نطلع ماعدنه وقت
طلعنه خالتي اصرت اله اگعد گدام يارب اشهل ورطه ولله مليت سوي هذا لاتسوين هذا
گعدت يم استاذ علي سجاني وكل اشوي ايباوع علي تگول راح اشرد وصلنه نزلنه وكمنه نفتر اخذنه كم شغله وملابس للخطوبه وطلعنه ماصدگت اوصل للبيت گبل رحت للغرفه
اجت زهراء
گومي غسق بلا خل انشوف الفستان گومي لبسيه
غسق. ماشي انتي اطلعي واني ابدل
زهراء لا غسق ولله مابيه اطلع بدلي شنو تستحين
غسق. ماشي رايحه للحمام مدام الاستاذ مصاعد بعده
رحت للحمام لبست الفستان جان كلش حلو لونه ماروني وبيه فتحه من الضهر اطويل بس ضيگ على الجسم خليت الشال علي وطلعت جاي امشي ولاگاني علي كمت ابلع ريگي ياربي من مااريده يطلعلي اشجابك متگلي اجيت امشي ولزمني من ايدي
علي. طلع ذوقج حلوو
غسق. ليش اشوكت عرفتني حته تعرف ذوقي وخر خل اروح
علي. واذا مااوخرت شتسوين
غسق. انته اشبيك متگلي جاي اكلك خل اروح ليش لازگ متگلي
علي. هااا لازگ مو سحبتهااا للغرفه وصرت اشم برگبتهااا اوووف اشهل عطر
غسق. سحبني للغرفه وصار يشم رگبتي احس رجليه ايرجفن مااسيطر اوگف بعد ردت اطيح لزمني من خصري قربني اله حته مااطيح صرت مااگدر احجي حرف الساني انربط
علي. عطرج ايجنن
غسق. اريد اوخر منه مااگدر تگول حايط واگف اشوي وبعد عني محجيت حرف رگضت الغرفه زهراء تگول شايفه جني وجهي مخطوف وارجف
زهراء. هاااا خيررر اشبيج ليش تأخرتي
غسق. اريد احجي مااگدر بقيت اثول
زهراء. هاي شنو الي على رگبتج ؟
غسق. اندرت على المرايه يمه قطعه زرگه عزاااا
زهراء.ههههههه اگولج انتي وين جنتي بالحمام لو وين
غسق. ارتبكت من الخجل شأگللها
زهراء يلا شوفي اريد ابدل
زهراء.هههههههه يخبل عليج عمري الف عافيه اني روحي بدليه
غسق. ولله لو تموتين مااطلع بعد انتي طلعي
زهراء.هههههههه لازم خناگج بالباب
غسق. زهراء دطلعي يااخناگ اشبيج
طلعت زهراء وبدلت الفستان بس بعده گلبي ايدگ بسرعه وتگول جاي يرگضون وراي الخوف متملك كل جسمي اتمددت ونمت
گعدت الصبح الكل گاعد من وكت اني اخر واحد نزلت
غسق. صباح الخير
لام. صباح النور بنيتي تعالي اتريگي علي راح يجي يتريگ
غسق. گالت علي انسدت نفسي
لا خاله مااريد
لام. مايصير يمه لازم تاكلين وراج دوخه اليوم متسكت
غسق. خرب اشگد اكره التجمعات ياربي عدي اليوم على خير جاي نحجي واجه علي
علي. صباح الخير
الكل . صباح النور
لام. تعالي اوليدي تعالي اتريگ
علي. اي ولله
لام. غسق سوي ريوگ العلي اني عندي كم شغله اخلصهاا
غسق. خرب ملگيتي شغلج اله هسه اسوي امري الله سويت ريوگ وهذه بس ايباوع دوخر عيونك رحمه لله مو ولله اتصنم من احس عيون تراقبني مااعرف شاسوي انثول ولله
غسق. اتفضل استاذ علي مضيع شي
علي. مضيع اهلج
غسق. مو وگتك مالي خلگ
علي. وليش مالج خلگ
غسق. ولله عاد كل الي جاي ايصير معاجبني
علي. استغفر لله انتي اشبيج شنو الي معاجبج فهميني
غسق. خليت الريوگ على الطاوله وگعدت اگباله
علي انته ليش مجاي تفهمني اني هدفي مايتفق ويه زواجنه
علي. وشنو الي ميتفق
غسق. اني اريد اصير قويه واگدر ادافع عن نفسي واترك كلشي وراي واسافر مااريد ابقه هنااا يمكن اهلي ايدورون علي ويردون ايگتلوني احنه عشائر علي مينسون وخاصه الشرف
علي. افهمج واعرف بس انتي وياي محد يگدر يلمس شعره من راسج ولله واذا على هدفج اني اساعدج على كلشي بس اله السفر لا
غسق. بقيت ساكته شااجاوبه صح يمه احس بأمان مااگدر انكر بس مااريد اسببله مشاكل ابسببي واعرف اهلي ميسكتون ولله وهوه واهله حماني وخلاني بيته وبحمايته يارب ساعدني اترجاك مااگدر بعد
خلصنه ريوگ هوه صعد الغرفته واني كملت المواعين وصعدت بقينه انسولف اني وزهراء الكل اجه بيت عمهم وخالهم واصدقائه اني منزلت بس زهراء نزلت سلمت وصعدت
غسق. منو جاي؛؟
زهراء. الكل اجه بس سحر بعد الرزاله مااجت
غسق. هااا
زهراء ديلا گومي اسبحي وبدلي حته امكيجج معدنه وقت
غسق. گمت سبحت وبدلت اجيت الزهراء الدمعه بطرف عيني صرت ابجي بحرگه
زهراء. غسق اشبيج خير اصاير ليش تبجين علي مسويلج شي
غسق. لا
زهراء لعد اشبيج تبجي احجي
غسق. تمنيت اهلي وياي اليوم امي واختي ليش اني صار وياي هيج شنو ذنبي
زهراء. يعمري لاتبجين احنأ اهلج واني اختج
غسق. بقيت بس ابجي موگفت بجي زهراء راحت صاحت العلي اجه بسرعه
علي. دخلت لگيت عيونهاا مورمه من البجي
هاي اشبيج ولج شنو السالفه
غسق. اريد امي
علي. كسرت گلبي من حجتهااا وهيه تبجي حضنتهااا حيل
يعمري لاتبجين كلشي يتصلح واني بعد مانتزوج اخذج واصلح كلشي
غسق. من گال هيج رفعت راسي اله
صدگ تحجي عليك لله
علي. وعيونج بس لا تبجين هسه شيگولون عليج
غسق. مسحت دموعي وسكتت
علي. گومي غسلي وجهج وخلي الجهرتج شي
غسق. هههههه ماشي
رحت غسلت وجهي ونشفته اجت زهراء مكيجتني كلش حلو مكياجهااا بقينه اشوي واجه علي لابس ومأنق گال هااا كملتو لو بعدكم اتلبخون
زهراء لا كملنه يعمري الف مبروك يارب اشوف جهالكم
علي.ههههه بعد اخوج شتشوفين حهالنه اذا اني ابوسهااا اتصير صنم
زهراء. ههههههههه دستحي
غسق. هذه اشبيه گام يحجي خرطي
اخذني من ايدي ونزلني الكل جان جوه ويباوعون علي ارتبكت من الخجل لزمته حيل
علي اني راح اطيح
علي. ليش
غسق. استحي مااعرف احد
علي. عادي عمري اني يمج اشوي وتخلص
نزلنه گعدنه اشوي وگالو راح يجي الشيخ يعقد الكم لبست شي على راسي واجه عقد النه حجي هواي حجي مااعرفله حته نسيته من گد الرتباك
اخر شي گال مبروك بالرفاه والبنين
الكل اجه ايباركلي وعلي راح يم جماعته احس نفسي غريبه من ايروح من يمي اجت زهراء گعدت بصفي
غسق. لله جابج اجيت اشرد من الهوسه
زهراء.ههههههههه فلكج شتشردين من هذه الجيش
غسق. ولله مااحب الهوسه وناس هواي خل نصعد
زهراء. خل نصعد ترتاحين كم دقيقه وبدلي غير فستان
غسق. ماشي
صعدنه بدلت ورتبت مكياجي بقينه اشوي ونزلنه الفستان هذه ايجنن لونه زيتوني باف كلش مريح وحلو مستور يعني
اجه علي يمي بقه اشوي والكل صار ايروح اشوي اشوي بقو كم واحد اني متت من التعب گلت خل اصعد ابدل راح ايصير العشااا
صعدت بدلت وتمددت محسيت على روحي واني غافيه

يتبع.........

هلووو اشلونكم اليوم البارت طولته الخاطركم عاد اريد تفاعل
احبكم💙💙