الفصل الخامس:-
الهام بغضب: انت مين هتقول انت مين والا اقفل؟
المتصل بلهفه: لا لا خلاص انا كريم
ابتسمت قائله: والله رقم مين دا وبعدين لسه فاكر تكلمنى بقالك يومين مكلمتنيش
كريم يتصنع الانشغال: معلشي بقى كنت مشغول شويه
الهام بحزن: بس ابقى كلمنى يا كريم انت وحشت(وضعت يدها على فمها فقد اوشكت ان تصرح بانها اشتاقت اليه)
كريم بخبث:ايه سكتى ليه؟
الهام بتوتر:امال نهى فين؟
كريم بخبث:بتحورى طيب على راحتك نهى وماما فى النادى ايه رأيك نتقابل ونروح النادى سوا واهو تقعدي معاها شويه وبابا كمان نفسه يشوفك
االهام: طيب مش بتيجو عند عمتو ليه؟
كريم:بعد اللى امير عملو لا طبعا
الهام بتعجب: هو امير عمل ايه؟
كريم: دا طردنى انا وبابا بعد ما بابا اتخانق معاه من معاملته معاكى
الهام: هو بقى كويس شويه يعني مبقاش بيزعق زى الاول بس كلامه تقيل بردو
كريم: هو طول عمره كده اصلا بس انا عندى فكره عشان ترتاحي منه خالص
الهام بدهشه: فكره! فكره ايه ؟
كريم: تعالى نتقابل فى النادى وانا اقولك ايه رأيك نتقابل كمان ساعه؟
الهام: ماشي اتفقنا
كريم:الهام متعرفيش حد والا امير والا عمتو
الهام:امير زمانه راح الشركه اصلا وعمتو لو سالتنى هقولها رايحه عند صاحبتي
كريم:برافو عليكى
اغلقت الخط ووضعت الهاتف على الكمودينو ونهضت لتبديل ملابسها
(زواج بوصية ابى) بقلم/هبه الله عوض (بوبا)
(فى نفس الوقت)
يجلس مع المحامى الخاص بعمه قائلا: ايوه يا استاذ اسماعيل انت طلبت تقابلنى هنا
اسماعيل: بصراحه يا باشمهندس جميل بيه كان عندى امبارح فى المكتب
امير: خالى كان عندك امبارح يا ترى ليه
اسماعيل: كان عايز يعرف ايه اللى فى الوصيه والورث هيتوزع ازاى
اكير بسخريه: اصيل والله انا اصلا استغربت هو ساكت الفتره دى كلها ازاى بصراحه دا انجاز
اسماعيل باستفهام: وانت يا باشمهندس مش عايز تعرف الوصيه فيها ايه؟
امير: وانا اعرف فيها ايه ليه اذا كان انا بعيد عن الورث اصلا
اسماعيل بتعجب: بعيد عن الورث؟ هو فريد بيه مقالكش حاجه عن الوصيه قبل ميموت؟
امير: لا مقالش حاجه بس قالى اوعده انى انفذ وصيته واخلى بالى من الهام
اسماعيل بدهشه: غريب انا فكرته قالك
امير: لا
اسماعيل وهو ينظر خلف امير قائلا: خالك جميل ومراته وبنته وراك اهم قعدو ع التربيظه اللى ورانا هتسلم عليهم
امير:لا فى الحقيقه احنا شدين مع بعض شويه وكده كده انا هستاذن عشان رايح الشركه
اشار براسه بتفهم قائلا:اتفضل
نهض من مقعده متجها الى الخارج
على الطاوله الاخري
يجلس على الطاوله ويبتسم لوالده قائلا:زمانها جايه
مها:برافو عليك
جميل:طيب كده بثى نقدر ناخدها ونرفع قضيه والوصايه تبقى فى ايدى
مها:بس اهم حاجه تكون اكدت عليها متعرفش حد هى فين
كريم:متخافيش قولتلها وفهمتها ان عمتو وامير هيرفضو وهى قالت ان امير بره البيت
جميل:طيب كده كويس الخطه ماشيه زى الفل وكل حاجه هتبقى بتاعتنا
(على الطاوله الاخري)
نظر بصدمه من اسفل نظارته الشمسيه الكبيره فهم يضعون خطه للفوز بالثروه
امسك هاتفه وارسل رساله لامير قائلا:باشمهندس امير لو سمحت ارجع تانى فى حاجه مهمه عايز اكلمك فيها بس يا ريت تلبس نظارة شمس مش عايز حد يعرفك
(فى نفس الوقت بمنزل امير)
تخرج من حجرتها تنظر حولها بتوتر لم تشعر بعمتها وهى تخرج من المطبخ قائله:انتى رايحه فين يا الهام؟
الهام بفزع:عمتو خضتينى
جميله بحب وهى تربط على كتفها قائله:معلشي يا حبيبتي انا مقصدش
الهام:مفيش مشكله يا عمتو انا خارجه رايحه اقعد عند اميره صاحبتى شويه
جميله:بس امير لو عرف انك خرجتى من غير ما يعرف هيزعق
الهام بضيق وهى تلقى بالحقيبه على الاريكه :يا عمتو انا مخنوقه حاسه انى محبوسه هروح اقعد شويه معاها وبالمره اخد منها الدروس اللى فاتتنى فى المدرسه
جميله:خلاص يا حبيبتي روحي يا بس متتاخريش
امسكت حقيبتها وابتسمت لعمتها قائله:حاضر يا عمتو
اتجهت الى الباب لتخرج ولكنها نظرت الى عمتها وعادت اليها مره اخرى واحتضنتها بقوه
نظرت اليها بتعجب لم تدرى لما شعرت بالقلق من هذا العناق
ابتعدت عنها وابتسمت لها قائله:سلام يا عمتو
جميله بقلق:سلام يا حبيبتي
خرجت من المنزل لم تدرى لما تلوم نفسها على استماعها لحديث كريم وخروجها من المنزل بهذه الطريقه وكذبها على عمتها حتى وان كان امير صعب التعامل معه ولكن عمتها طيبة القلب
اوقفت احدى سيارات الاجرى متجها الى النادى لرؤية كريم وعمها
(زواج بوصية ابى) بقلم /هبه الله عوض السيد (بوبا)
يجلس بسيارته يتحدث بهاتفه قائلا: ماشي يا نسرين انا جاي حالا كلمى مراد وهو يحل المشكله دى لغاية موصل
نسرين: ماشي يا فندم
امير: سلام دلوقتى وانا جاي فى الطريق عشان تليفوني هيفصل
اغلق الخط ليجد هاتفه ينغلق وضعه امامه وشغل سيارته استعدادا للانطلاق
نظر امامه ليجدها تهبط من احدى سيارات الاجرى نزع نظارته الشمسيه ونظر اليها بصدمه وهى تتجه الى الداخل فهبط من سيارته وذهب خلفها بغضب ولكنه حاول ان لا تراه فظل بعيدا عنها وجدها تتجه الى الطاوله التى يجلس بها عمها
(عند جميل)
جميل وهو يحتضنها قائلا: يااااه وحشتينى اوى يا بنت اخويا لما شوفتك اكنى شوفت فريد اخويا الله يرحمه
ابتسمت له قائله: وانت كمان يا عمو كلكو وحشتونى
كريم بخبث: وانا وحشتك بردو؟
الهام بتوتر وهى تضع شعرها خلف اذنها قائله: ازيك يا طنط
كريم بحزن: ماشي
مها ضاحكه: بس بقى يا كريم متحرجهاش
جميل وهو يقرب لها احدى المقاعد قائلا: اقعدي يا حبيبتي ارتاحى
الهام وهى تجلس: شكرا يا عمو
جميل بحزن مصطنع: كان نفسي تقعدي معانا بدل مانتى قاعده عند عمتك وامير حابسك كده
الهام بحزن: وانا والله يا عمو نفسي الاقى حد يكلمنى ويقعد معايا بعد ما شيماء سافرت القاهره وانا وحيده
مها بحزن مصطنع: يا حبيبتي ايه رأيك تيجى تقعدي معانا
الهام بحزن: وامير امير بيقول بابا موصيه انى اعيش معاهم لغاية اعلان الوصيه
مها بسخرية: وصية ايه يا حبيبتي هو بيعمل كده عشان الفلوس وكل حاجه تبقى تحت ايده
الهام بعدم فهم: يعنى ايه؟
جميل: يعنى عايز ياخد حقنا وحقك والشركه وكل حاجه
الهام بدهشه: معقول؟
جميل: امال تقدرى تقوليلي فريد اخويا هيوصيه عليكى ليه وانا ونبيل موجودين واظن احنا اكتر ناس هتحافظ عليكى
الهام بتفكير: يمكن علشان انت وبابا مكنتوش بتكلمو بعض بعد محضرتك سيبت الشركه
جميل بتوتر: طيب وموصاش نبيل ليه وهو اخوه الكبير
الهام: معرفش بس يمكن علشان عمى نبيل هو كمان مشغول وبعيد دايما بس هو وبابا علاقتهم ببعض كويسه جدا
كريم:الحقيقه ان امير عايز ياخد كل حاجه وبيحطك تحت ايدو عشان يتاكد ان كل حاجه تحت سيطرته
ظل يراقبهم بغضب تلك الحمقاء الصغير خرجت بدون علمه وتستمع لحديثهم تنظر الي كلا منهم تاره ولا تعلم بما يخططون
اتجه اليهم بغضب ووقف ينظر اليهم جميعا
جميل باستفهام: فى حاجه يا حضرت
نزع نظارته الشمسيه قائلا: لا بس كنت بطمن الانسه الهام خلصت الاجتماع عشان اوصلها للبيت والا لسه في حاجه عايزين تضيفوها
الهام بصدمه وهى تضع يدها على فمها قائله: امير
ابتسم لها بسخريه قائلا: ايوه امير اتفزعتى كده ليه
الهام بتوتر: ااا لا اا انا متفزعتش بس ااتفاجأت اا
امسكها من معصمها قائلا: يالا يا الهام
الهام بغضب: لا انا هروح مع عمه
رفع يده ليصفعها على وجهها
نظرت إليه بصدمه ووضعت يدها موضع صفعته
جرها خلفه بصمت الى ان وصل للسياره
نظرو اليه وهو يجرها خلفه
ضرب يده على الطاوله بغضب قائلا كريم بغضب: هو مراقبها والا ايه
جميل بغضب هو الاخر قائلا: امير زودها اوى وبيتحدانى وميعرفش ايه نتيجة اللى بيعمله
مها بتخطيط: كل اللى بيعمله دا لازم نقلبه لمصلحتنا
جميل باستفهام: تقصدى ايه؟
مها بخبث: انا هقولك........
يجلس ويراقب ما يحدث فى الطاوله المجاوره ويبتسم لم فعله قائلا بداخله: انا عرفت ايه سبب وصية فريد وليه عندو ثقه انك الوحيد اللى هتقدر تحافظ عليها
ثم نظر اليهم باشمئزاز قائلا: فعلا كان عندك حق يا فريد انك متثقش فيه دا شيطان رچيم
(زواج بوصية ابى) بقلم/هبه الله عوض السيد (بوبا)
دخل الى المنزل وهو يجرها خلفه وهى تصرخ به ان يتركها
خرجت على صوت صراخها
جميله وهى تنظر الي يده القابضه على معصمها قائله:اميرفى ايه انت ماسك ايد بنت خالك كده ليه
امير بغضب: اساليها كانت فين
جميله : يا ابنى انا عارفه هى استاذنت منى قبل متخرج
امير بصدمه: استاذنت منك وانتى وافقتى وافقتى انها تروح تقابل خالى جميل فى النادى
نظرت اليها بصدمه وجدتها تخفض راسها بخجل لما فعلت فاعدت النظر اليه قائله بتوتر: اه قالتلى ووو وفيها ايه هو هو مش عمها هحرمها منه يعنى
نظر اليها قائلا: انتى عارفه هو بيخطط لايه يا امى
نظرت إليه بغضب قائله: عمو مبيخططش لحاجه انت اللى بتخطط وعايز تحبسنى انا مش عايزه اعيش هنا
امسك معصمها بقوه ويرجها بغضب قائلا: هتعيشي هنا غصب عنك انتى فاهمه الدلع اللى كنتى فيه دا انسيه
صرخت فى وجه قائله: سيب ايدى اوعى انت مفكر انى ورث تبع الثروه اللى بتحلم بيها لو عايز الفلوس خدها خدها وسيبنى خلينى امشي من هنا
جميله بغضب وهى تفلتها من يده : سيبها يا امير سيبها
فلتت من يده وبكت بشده
اخذتها لاحضانها قائله: بس يا حبيبتي بس
الهام ببكاء: مشينى من هنا يا عمتو متخليهوش يكلمنى
جميله وهى تربط على ظهرها قائله: بس يا حبيبتي حاضر انا همشيكى من هنا
امير وهو ينظر اليها بغضب جعلها ترتعد قائلا: خروج من هنا انسي انتى فاهمه لو وصلت انى اكتفك انتى فاهمه ومن هنا ورايح انا اللى هوصلك للمدرسه وانا اللى هوصلك الدروس وحتى عند زميلاتك مش السواق حتى
نظرت اليه بغضب وانفاس عاليه لخوفها من نبرة صوته العاليه قائله: يعنى ايه؟
امير ببرود: يعنى اللى سمعتيه رجلى على رجلك
جميله وهى تربط على ظهرها قائله: ادخلى قوضتك دلوقتى يا الهام
الهام: حاضر يا عمتو
اتجهت الى حجرتها وهى تشعر بالغضب
نظرت اليه بغضب قائله: زودتها يا امير انت كنت شويه وهتضربها
امير: لا مانا ضربتها فعلا فى النادى
جميله بصدمه: ضربتها!؟
امير: اه انا زهقت من دلعها وقلة عقلها كل شويه عايزه مع عمى جميل ومش فاهمه انها ليه مجرد وسيله وبس
جميله: معلش يا حبيبي هى صغيره ومش فاهمه
امير وهو يضع كفه على راسه قائلا: يبقى تفهم وتعقل فى بنات كتير من سنها وشايلين مسئوليه عيله
نظرت اليه قائله:انت بتقول انها امانه دى طريقه تتعامل بيها مع الامانه تفتكر خالك فرحان باللى بتعمله فى بنته
اغلق عينيه قائلا:طب اعمل ايه يا امى هى كذبت عليكى وانا عارف انك بتدارى عليها قوليلى اتصرف معاها ازاى اسيبها لخالى جميل وانا عارف هو بيخطط لايه والا اعمل ايه انا محتار وهى ماشيه بدماغها والله اعلم مدى تاثيرهم عليها انا مبقتش عارف اركز فى الشركه والا اراقبها والا احل المشاكل اللى خالى جميل بيعملها انا تعبت
جميله وهى تربط على كتفه قائله:اهدى يا حبيبي كل شيء هيبقى بخير
امير وهى ينظر الى حجرتها قائلا: انا نازل دلوقتى نسيت الاجتماع لو قالتلك ايه متخرجش بره البيت
جميله: حاضر يا حبيبي توصل بالسلامه خلى بالك من نفسك
امير: ماشي يا امى
خرج من المنزل وانطلق بسيارته متجها الى الشركه
(زواج بوصية ابى) بقلم /هبه الله عوض السيد(بوبا)
تجلس فى اى الكافتيريات ومعها احدى الشباب تنظر اليه قائله بلهفه : بجد يا شادى هتيجى تتقدملى؟
شادى: اكيد يا حبيبتي بس انا عندي مشكله
نهى: مشكله ايه يا حبيبي؟
شادى يتصنع الحزن: بابا يا ستى عايز يجوزنى بنت غنيه من نفس طبقتى
نهى: كلها كام يوم وهناخد ورث خالى ونبقى اغنيه جدا
شادى: خلاص انا عندى حل
نهى: حل ايه يا حبيبي
شادى: انا وانتى نتجوز
نهى بسعاده: نتجوز؟
شادى:اه نتجوز عرفى لغاية متاخدو الورث
نهى بصدمه: نتجوز عرفى!؟
شادى وهو يمسك بيدها ويقربها لشفتيه ويقبلها قائلا: ايوه يا حبيبتي انا مش هسمح لاى حد والا اى حاجه تفرقنا انا بحبك
نظرت الى يدها الموضوعه بين يده وشعرت بقشعريره تسري بجسدها اثر فعلته وابتسمت له بسعاده قائله: انا كمان بحبك بحبك اوي يا شادى
شادى بخبث: يبقى توافقى تتجوزينى
نظرت اليه بخجل قائله:......
#يتبع
أنت تقرأ
(زواج بوصية ابى) بقلم/هبه الله عوض السيد (بوبا)
Romanceالكثير منا يجرى وراء مطامعه وغرائزه ومنا من يسلك طريق محاط بالمساوء فقط ليصل الى ما يريده لا يري ما يخسره ولم يشعر بما يسلبه اخر منه فقط يركض دون ان ينظر ما يقع منه وما يسلب من بين يديه ويمكن ان ما يفقده اغلى بكثير من ما يركض وراءه فما يركض وراءه يم...
