(زواج بوصية ابى) بقلم/هبه الله عوض السيد (بوبا)

الفصل الثاني عشر

الفصل الثاني عشر:-
خرج متجها الى حجرة الطعام قائلا: انا خارج يا امى عايزه حاجه 
جميله: لا يا حبيبي  انت دخلت الاكل لالهام
امير: اه وزمانها بتاكل كمان
جميله: طيب يا حبيبي  اتوكل على الله انت ربنا معاك 
امير: حاضر يا امى  عايزه حاجه يا خالتى؟
فريده: لا يا حبيبي  عايزه سلامتك
امير: لا اله الا الله 
تركهم وخرج من المنزل متجها الى الشركه
(زواج بوصية ابى) بقلم/هبه الله عوض السيد (بوبا)
تجلس بالكافتيريا تنتظر صديقتها كعادتها وبيدها احدى الكتب وباليد الاخرى تمسك قهوتها وتجد شابا يجلس بالمقعد المواجه لها
نظرت اليه وازاحة نظارتها الطبيه قائله: افندم فى حاجه؟
الشاب: لا ابدا فى مشكله  انى اقعد معاكى شويه
اغلقت الكتاب ووضعته على الطاوله ونظرت اليه قائله:وتقعد معايا بمناسبة ايه؟
الشاب: نتعرف عادى يعنى انا اسمى اكرم
نظرت اليه بسخريه قائلا: قولتلى نتعرف  (وسرعان ما تغيرت ملامحها لغاضبه قائله: قوم من هنا بدل مقومك بفضيحه قووووم
نهض من مقعده ودنى اليها قائلا شرير وبتخربش واااو
تركها وابتعد عنها نظرت اغلقت عينيها بغضب  قائله: استغفر الله العظيم يا رب ايه البلاوى اللى بتتحدف ع الصبح دى هى الحكايه ناقصه
شعرت بيد على كتفها فنظرت اليها قائله: لسه بدرى يا هانم ايه هو انتى مفيش مره تيجى بدرى لازم استناكى ساعه ونص
جلست وهى تنظر لجهة الشاب قائله: لا والله لغوشي لغوشي مين اللى كان قاعد معاكى دا
شيماء: قاعد معايا فين مفيش حد كان قاعد معايا
اسماء غامزه: الولد اللى قام اول مشافنى دا
شيماء: اه دا واحد كان بيرزل وزعقتله
اسماء: لا والله عليا انا
شيماء: اسماء  انتى عارفه انا مليش فى الكلام ده  انة سايبه بلدى واهلى وجايه هنا عشان اخلص دراستى مش عشان اى حاجه تانيه
اسماء: يا بت والله بهزر انتى على طول دمك حامى كده فطرتى والا ايه؟
شيماء: لا انتى عارفه مبفطرش
اسماء: مهو طول مانتى بتشربى قهوه على غير ريق هتفضلى اعصابك محروقه الواحد يفطر و يشرب عصير مش يشرب قهوه من غير فطار
شيماء ضاحكه: ههههههه خلاص اتعودت على كده لما ببقى فى اسكنديه ماما اللى بتفطرنى اجبارى والله وحشتنى بفكر انزل بكره اسكنديه 
اسماء: لا كله الا بكره بكره عيد ميلادى
شيماء: اه صح انا كنت هنسي
اسماء: لا والله يعنى منستيش
شيماء ضاحكه : هههههه لا كنت هنسي
اسماء:طب خلى بالك بكره هتبقى معايا من اول اليوم نزين البيت وكمان انتى بتعرفى تعملى تورته تعمليلى
شيماء ضاحكه: هههههههه اه دا انتى عزمانى مصلحه بقى
اسماء ضاحكه:هههههههه اه امال انتى مفكره ايه
قطع حديثهم الجارسون وهو يعطى لشيماء ورقه قائلا:الورق دى من الاستاذ اللى هناك
شيماء وهى تنظر اليه قائله:ارميها
كاد الجارسون ان يذهب اوقفته اسماء قائله:استنى هاتها كده
اعطاها لها قائلا:اتفضلي يا فندم
شيماء بضيق:اسماء انتى بتعملي ايه
اسماء:نشوف فيها ايه مش يمكن حاجه مهمه
شيماء بضيق:اسماء متفتحيهاش
فتحتها وابتسمت لها قائله:بيقولك مانتى ضحكتك حلوه اهو امال حرماه منها ليه
اخذت الورقه من يدها بغضب قائله:دا واحد مجنون
اسماء:دا شكل الواد معجب بيكي بجد متحنى عليه حبه
شيماء وهى تلقى الورقه على الارض وتدعسها بقدميها قائله:انا مش فاضيه للعبط ده دا واحد فاضي وعايز واحده فاضيه يتسلى معاها يالا بينا من هنا
انهت حديثها ونهضت من مقعدها
نهضت هى الاخرى قائله:يالا يا ختى
نظر اليها وهى تدعس الورقه تحت قدميها وخرجت مع صديقتها شعر بالغضب قائلا:بتعملى معايا انا كده انا اكرم اللى مفيش بنت تتجرأ تقولى لا والف بنت تتمنى اكلمها انا هوريكى
(زواج بوصية ابى)بقلم/هبه الله عوض السيد(بوبا)
يقود سيارته يرى تلك السياره التى تلاحقه يحاول ايقاف سيارته ولكن يجد سيارته بدون فرامل
امير بسخريه:الفرامل مقطوعه وعربيه بتضيق عليا لحقت يا جميل
ظل يقود سيارته يحاول الابتعاد عن المنطقه السكنيه وجد السياره تبتعد عنه فتاكد من الفاعل ولكن متى خطط وبهذه السرعه يحاول الانتهاء منه
(زواج بوصية ابى) بقلم/هبه الله عوض السيد (بوبا)
بعد خروجه من الحجره نظرت للطعام وجلست بجانبه قائله:الله البيض ريحته جميله مش عارفه عمتو بتحط فى ايه
بدات بتناول طعامها استمعت لصوت صراخ قادم من الخارج نهضت واتجهت الى الخارج لترى ماذا يحدث
خرجت لتجد عمتها تبكى قائله:لا ابنى اكيد فى حاجه غلط
فريده وهى تربط على كتفها قائله:اهدى بس يا جميله احنا هنروح ونشوف ايه اللى حصل
امير:فى ايه يا عمتو ايه اللى حصل
جميله ببكاء:ابنى ابنى العربيه انفجرت بيه ابنى مات
الهام بصدمه:مممم مات!؟
فريده:اهدى يا جميله باذن الله هيكون بخير
خرجت من المنزل بفزع قائله:انا هروح اشوفه
فريده:انا جايه معاكى يا جميله خليكى يا الهام هنا
الهام بقلق:اخلينى فين انا جايه معاكو مش هقعد لواحدى
اتجه الجميع  للمشفى الموجود بها ليطمئنو عليه
(زواج بوصية ابى)بقلم/هبه الله عوض السيد(بوبا)
جميل بغضب:انت مجنون ايه اللى عملته دا
كريم:امال هسيبه ياخد كل حاجه ع الجاهز
جميل بغضب:لا موت وكل حاجه تروح مننا وتتحبس انت كمان
مها:خلاص يا جميل اللى حصل حصل وكريم عمل كده من حرقته انت هتفضل تأنبه كتير
جميل:افضلى دلعى فيه كده واهو فكر نفسه راجل واتصرف من دماغه وكان هيضيعنا
مها:وانت زعلان ليه يا رب يموت عشان نرتاح
جميل بغضب:انتى شكلك اتجننتى انتى كمان انتى ناسيه ان كل حاجه مكتوبه باسمه
مها:انت مش كلمت المحامى ورفع قضيه بتشكيك فى القضيه؟
جميل:اه بس دا كله هياخد وقت
مها:اد ايه يعنى؟
جميل بغضب :معرفش ومن هنا لغاية وقتها محدش يتصرف من غير علمى انتو فاهمين؟
تركهم وخرج من المنزل نظرت إليه قائله:ايه اتاكدت انو مات؟
كريم:العربيه انفجرت وهو فيها معتقدش انو لحق يطلع
جلست على المقعد قائله:تانى مره متتصرفش من غير علمى انا هقولك تعمل ايه بالضبط وكمان هنحتاج لنهى روح نديها من قوضتها
كريم:هى مراحتش الجامعه؟
مها:لا نايمه جوه بتقول معندهاش حاجه مهمه انهارده
كريمه وهو ينهض من مقعده قائلا:حاضر
(زواج بوصية ابى)بقلم/هبه الله عوض السيد(بوبا)
تمشي فى احدى طرقات المستشفى تستند على يد شقيقتها وخلفها ابنة شقيقها متجهين الى حجرته
فتحت الباب بخوف لتجده يجلس على الفراش وتقف بجانبه احدى الممرضات
جميله وهى تقترب منه بخوف قائله:يا حبيبي يا ابنى مين اللى عمل فيك كده مش تبقى تاخد بالك يا امير
الممرضه وهى تضع اللاصقه الطبيه على مقدمة راسه قائله:متخفيش يا مدام هو زى الفل دى مجرد خدوش بسيطه وتمزق فى اربطه القدم الشمال بعد اذنكو
انهت جملتها وخرجت من الحجره
جميله ببكاء:الحمد لله الحمد لله
امير وهو يمسك يدها قائلا:ميتعيطيش يا امى انا بخير والله متعيطيش
جميله ببكاء وهى تحتضنه:الف سلامه عليك يا حبيبي انا كنت هموت من خوفى عليك
امير وهو يحتضنها قائلا:خلاص يا امى متعيطيش
تنظر اليها وهى تحتضنه وتبكى حالته جيده ولكنها تبكى وكانه بين الحياه والموت
نظرت للفراغ تحسده على لمساتها على تلك الدمعه على نظرة الخوف بعينيها على ذلك الحضن الذى لطالما انحرمت منه اغلقت عينيها وابتلعت ريقها محاوله منع دمعه تحاول خداعها لتهبط على وجنتيها
فريده وهى تربط على ظهرها قائله:خلاص بقى يا جميله اديكى اطمنتى عليه
اقتربت منه واحتضنته قائله:الف سلامه عليك يا حبيبي
اميروهو يربط على ظهرها قائلا:الله يسلمك يا خالتو
جميله وهى تنظر اليها قائله:تعالى يا الهام واقفه بعيد ليه ؟
الهام وهى تقترب منه قائله:الف سلامه عليك
رفع عينيه ونظر اليها تحولت ملامحه من هادئه لغاضبه حينما نظر ليجدها تحكم رابطة شعرها ونصف معدتها ظاهره فصرخ بها بغضب قائلا:سلامة ايه وزفت ايه ايه اللى انتى لابساه ده
تنهدت بضيق قائله:استغفر الله العظيم يا رب
امير بغضب:بتستغفرى ومستغفرتيش من اللى انتى لابساه ده
الهام بغضب:تصدق انا غلطانه انى جيت اطمن عليك وانت اللى زايك هيجراله ايه اصلا
جميله:خلاص يا امير متزعليش يا الهام
امير بغضب:خلاص ايه يا امى شوفتى الابله لابسه ايه دي بطنها ورجلها كلهم باينين
الهام:دا برموده وبعدين بطنى مش باينه انا بس عشان كنت بعدل التوكه
امير بغضب:توكة ايه وهى دى هدوم تنفعك دى هدوم بنت عندها خمس سنين والله اما اخرج من هنا لهولعلك فى الهدوم دى
نظرت لعمتها قائله:عمتو انا هطلع بره الجو حر وانا اتخنقت
كاد ان ينهض ويعلمها كيف تتحدث اليه ولكن دخول صديقه الى الحجره منعه من ذلك
مراد وهو ينظر الى جميله قائلا:ازيك يا طنط عامله ايه؟
جميله:الحمد لله يا حبيبي انت عامل ايه؟
مراد:تمام والله يا طنط حمدالله على سلامه امير
جميله:الله يسلمك يا حبيبي
مراد وهوينظرالي الهام:اهلا  اهلا ايه الحاجات الحلوه دى
فريده:اهلا بيك يا حبيبي
مراد:ازيك يا طنط حمد الله على سلامتك  
امير:دى عمتى فريده ودى الهام بنت عمى فريد الله يرحمه

مراد ضاحكا:انت هتعرفنى على طنط دا هى اللى مربيانى
امير بجديه:قولت اعرفك يمكن نسيت
مراد وهو ينظر لالهام :الله يخربتك وهى دى عيله دى.....
امير مقاطعا:ايه جبت الدوا والا هتفضل ترغى كتير
مراد بتوتر وهو يعطى له الدواء :اه جبته اهو
امير:ماشي طب يالا علشان انا عايز امشي من هنا
مراد:الدكتور كتبلك على خروج بس بيقول لازم راحه
امير:المهم اخرج من هنا انا مبحبش المستشفيات
(زواج بوصية ابى)بقلم/هبه الله عوض السيد (بوبا)
تنظر لوالدتها بصدمه قائله:ايه اللى بتقوليه دا يا ماما؟
مها:اللى سمعتيه الهام ضاعت من ايد كريم يبقى امير لازم يبقى تحت ايدك
كريم:دى حتة فكره
نهضت من مقعدها قائله:لا يا ماما انا مبحبش امير
مها بصراخ:حب ايه وزفت ايه امير معاه ثورة عمك كلها امير معاه مليارات ابوكى هيتحبس وانتى واخوكى هتشحتو انتى فهمه
نهى:يا ماما افهمينى انا بحب واحد زميلى وعايز يتجوزنى وهو غنى جدا
مها:غنى؟ومجاش اتقدملك ليه؟
نهى:عشان مستنى  نخلص السنه دى
مها:اه يعنى لسه طالب امير بقى جاهز من كله
نهى:انا مبحبوش وانسي انى اقربله انتو عايزين الفلوس عندك كريم ومستعد يعمل اى حاجه عشان الفلوس حتى لو اتجوز الهام
مها:بس كريم مينفعش يتجوز امير انتى تنفعى
ابتلعت ريقها قائله:انا اتجوز امير!؟
مها:اه امير دلوقتى هو الكل فى الكل هو اللى معاه كل حاجه وانتى بنت وحلوه لازم تستغلى جمالك وتساعدينا وتوقعيه
كريم:بس امير دا جد تفتكرى نهى تقدر توقعه
مها:دا الجد دول اكتر ناس بيقعو بسرعه عشان مبيكنش عندهم تجارب
نهى:لا انا هسيبكو وامشي انتو كلامكم ميتعقلش
(زواج بوصيةابى)بقلم/هبه الله عوض السيد(بوبا)
تركتهم غاضبه واتجهت الى حجرتها وامسكت هاتفها تحاول الاتصال به
استمعت الى صوته بعد عدة محاولات:الو ايوه يا نهى
نهى:ايه يا شادى انت فين؟
شادى:انا فى البيت وكنت قاعد مع بابا انا مش قولتلك كذا مره مترنيش عليا لما اكنسل عليكى ابقى مشغول
نهى بتوتر:ااه بس انا عايزه اقابلك دلوقتى ضرورى نتقابل فى الشقه؟
شادى بتوتر:لا انا دلوقتى مش فاضي
نهى: خلاص انا هروح استناك هنا
شادى بغضب:لا انتى متجيش الشقه غير لما اقولك
نهى بحزن:فى ايه يا شادى بتكلمنى كده ليه؟
شادى:معلشي يا حبيبتي بس مخنوق شويه هقفل دلوقتى وهبقى اكلمك
نهى بحزن:ماشي
اغلقت الخط ووضعت الهاتف على الفراش ونظرت للفراغ قائله:انا لازم اتصرف شادى لو عرف ماما بتفكر فى ايه اكيد هياجى يتقدملى دا بيحبنى و مش هيقبل انى ابقى مع حد غيره
(زواج بوصية ابى)بقلم/هبه الله عوض السيد(بوبا)
وصل الى المنزل مع والدته وخالته وابنة خاله ويستند على صديقه
نظر اليها بغضب قائلا:ادخلى على قوضتك
نظرت اليه باشمئزاز قائله:انا اصلا داخله قوضتى
تركتهم واتجهت الى حجرتها بغضب
مراد وهو يساعده على  الجلوس قائلا:اهدا يا امير هو ايه اللى حصل
جميله بضيق:امير اخر مره تزعقلها كده قدامى انت فاهم
امير:مانتى شايفه اللى هى لابساه يا امى ازاى تخليها تنزل كده
جميله:يا ابنى يا حبيبى هى طول عمرها بتلبس كده ودا بالنسبالها عادى مينفعش تغصبها كده هتاخد وقتها وهتتعود
مراد:عندك حق يا طنط هو بس باشمهندس امير اللى شكله بيغير
امير:بغير من ايه يالا وبعدين انت مش عملت اللى عليك يالا من هنا
مراد:ايه دا انت بتكرشنى لا والله ممشي من غير متغدا والا ايه يا ام امير
جميله ضاحكه:اكيد يا حبيبى بعد اذنكو شويه والاكل يكون جاهز
كانت تقف تستمع لحديثهم استمعت لصوت هاتفها وتركتهم قائله:بعد اذنكو يا ولاد
فريده وهى تجيب على الهاتف:الو ايه يا ساندى انتى فين كده
ساندى:ايوه يا ماما انا طلعت من المطار اهو شويه وهكون عندك
فريده:طيب متتاخريش انا مستنياكى
ساندى:متقلقيش نص ساعه بالكتير وهكون عندك
اغلقت الخط  ونظرت للفراغ قائله:لازم اعمل كده معنديش اى اختيار تانى
(زواج بوصية ابى)بقلم/هبه الله عوض (بوبا)
تجلس بحجرتها تشعر بالغضب قائله:هو ليه بيعاملنى كده انا تعبت خلاص تعبت كأنى خدامه عنده مش فلوسى معاه (ظهر على صوتها البكاء قائله): ربنا يسمحك يا بابا
جلست تبكى لم تستطيع ان تحصى اسباب بكائها حرمانه من والدتها بسن صغير وفاه والدها حرمانها من الاموال والاخيره حرمانها من الزواج من من تحب وارغامها على الزواج من شخص لا تريده
(زواج بوصية ابى)بقلم/هبه الله عوض السيد(بوبا)
يجلس مع المحامى وينظر اليه قائلا:يعنى ايه يا استاذ ابراهيم؟
ابراهيم:يعنى هيتم ايقاف الزواج لازن الانسه الهام مكملتش السن القانونى للزواج
جميل:بس دى هتتجوز عرفى مش رسمى
ابراهيم:حتى لو اتجوزت عرفى مش هيتوثق قبل اتمام السن القانونى وعشان كده نقدر نوقف الجوازه دى
جميل:طيب والورث؟
ابراهيم:احنا هنشكك فى الوصيه وكمان هنطعن فى كل الاوراق على انها مزوره
(زواج بوصية ابى)بقلم/هبه الله عوض السيد(بوبا)
تجلس على السفره تتناول طعامها  تنظر الى  الجميع شارده

قطع شرودها صوت شقيقتها قائله:فريده انتى مبتاكليش ليه الاكل مش عجبك؟
فريده:ها لا انا باكل  والله تسلم ايدك
ابتسمت حينما استمعت لصوت رنين الجرس يعلن عن حضور احدهم
نهضت مسرعه الى الباب لتجدها امامها تحتضنها قائله:ساندى حمدالله على السلامه يا حبيبتي
ساندى باسمه الله يسلمك يا ماما
عادت الى الداخل ومعها ابنتها ليندهش الجميع
جميله بابتسامه:ايه دا ساندى انتى كنتى عاملاها مفاجأة والا ايه يا فريده
فريده باسمه:اه كنت عايزه اعملهالك مفاجأة
اقتربت لتحتضن خالتها قائله:ازيك يا خالتو وحشتينى
جميله وهى تحتضنها هى الاخرى قائله:الحمدلله يا حبيبتي انتى اللى عامله ايه وعامله ايه فى دراستك
ساندى ضاحكه:دراسة مين يا خالتو انا خلصت وكنت بشتغل كمان بس سيبت الشغل بتاعى وقدمت على شغل فى شركه كويسه هنا فى مصر
جميله:والله كويس اهو تبقى معانا
امير وهو ينظر اليها:ايه هو انتى مش شايفه غير خالتك والا ايه
ساندى ضاحكه:لا ازاى عامل ايه يا امير وحشتنى كتير والله
امير:اه مهو باين حتى مسلمتيش والا الف سلامه والا اى حاجه
اتجهت اليه واحتضنته قائله:اهو عامل ايه والف سلامه
ضحت فريده قائله:ههههههههه انتو هتقعدو تلعبو مع بعض زى زمان فاكرين يا ولاد كنتو دايما مع بعض
ساندى ضاحكه:هههههههه اه وكان على طول يقعد يزعقلى ويعمل عليا كبير مع ان الفرق بينا 3سنين
تدخلت بسخريه قائله:لا متقلقيش لسه بيزعق وبيعمل كبير
نظر اليها بغضب جعلها ترتبك وتعبث بطعامها بتوتر
نظرت اليها قائله:اكيد الصغنونه دى الهام حبيبتى كبرتى خالص انتى فى سنه كام دلوقتى
الهام وهى تترك ملعقتها وتنهض من مقعدها متجهها الى حجرتها قائله:فى كيجى تو
نظرت اليها قائله:ايه دا هى زعلت
امير:لا هى كده اقعدى اقعدى
تجلس على احد المقاعد و تنظر الى مراد قائله:ايه يا جماعه انتو عندكو ضيوف
امير ضاحكا:هههههههه لا بجد متقوليش معرفتيش مراد
فتحت فمها بدهشه  ونظرت اليه قائله:مراد كبرت خالص والله معرفتك
مراد ضاحكا:انتى من ساعة مدخلتى وبتقولى الكل كبر بس انتى اكتر واحده كبرتى اوى كمان دا انتى كنت قصيره طولتى كده ازاى
ساندى ضاحكه:كنت بلعب عقله وبعدين هو انا طولت بس
مراد ضاحكا:لا واحلويتى كمان دا انا معرفتكيش كنتى وحشه خالص احلويتى كده ازاى
ساندى بحزن مصطنع:شوفت صاحبك يا امير بيقول انى كنت وحشه
امير ضاحكا:اسكت يالا لا انتى طول عمرك حلوه استغفر الله العظيم يا رب
ساندى بغيظ مصطنع:والله بتتفقو عليا ماشي
فريده ضاحكه:هههههههه بس بقى يا ولاد عشان تتغدو
ساندى:وحشتنى ايام زمان اوووى
جميله وهى تنهض من مقعدها:انا هقوم اشوف الهام
امير:سبيها محدش قالها تقوم من على الاكل
جميله بغضب:الهام كلها يومين وهتبقى مراتك وانت عارف اللى ياكل واهل بيته جعان يبقى ايه
نظرت لوالدتها قائله بدهشه:ايه دا انت هتتجوز الهام  دى صغيره خالص
امير:دى وصية خالى فريد الله يرحمه
ساندى:اه يعنى مش جواز حقيقى جواز بوصيه يعنى لغاية ما تكمل ال 18
جميله:لا يا حبيبتي  جواز  ولما تتم ال 18هنكتب رسمى هو فى جواز حقيقى وجواز مش حقيقي
فريده:مش يمكن يكون امير فى دماغه حد تانى هتظلميه ليه
نظرت لابنها فهى تريد الحفاظ على ابنة شقيقها واملاكها ولكنها من المؤكد لا تريد اجبار ابنها الوحيد بشئ لا يريده وخصوصا ان الزواج اهم قرار يتخذه اى شخص
جميله وهى تنظر لابنها:......
#يتبع
#هبه_الله_عوض_السيد(بوبا)
#زواج_بوصية_ابى