الفصل الثالث عشر:-
نظرت لابنها فهى تريد الحفاظ على ابنة شقيقها واملاكها ولكنها من المؤكد لا تريد اجبار ابنها الوحيد بشئ لا يريده وخصوصا ان الزواج اهم قرار يتخذه اى شخص
جميله وهى تنظر لابنها:امير
قاطع حديثها قائلا: متفكريش كتير يا امى انا متعودتش اتهرب من مسئوليه عليا عشان اتهرب دلوقتى
ابتسمت له قائله: ربنا يكملك بعقلك يا حبيبي
فريده بداخلها: لو اتجوزها يبقى كل حاجه هتفشل ولو طلقها هتاخد كل حاجه انا لازم افكر فى حل يلغى الجوازه دى
(زواج بوصية ابى) بقلم /هبه الله عوض السيد (بوبا)
تجلس فى حجرتها تشعر بانها اصغر من اى شئ الجميع يسخر منها وهى لا تتقبل احد تتمنى ان تبتعد من هذا المنزل نهضت وبدات فى تبديل ملابسها تريد الخروج واستنشاق بعض الهواء تريد
خرجت من حجرتها تبحث عن عمتها لتخبرها برغبتها بالخروج وجدتها تجلس مع فريده وساندى
الهام بتوتر: عمتو انا خارجه
جميله وهى تنظر اليها قائله: خارجه؟ رايحه فين؟
الهام: انا عايزه اشم هوا هتمشي ع البحر شويه
جميله:بس امير مش هيوافق انتى عارفه
ساندى: انا هقنعه بس بشرط تخدينى معاكى
الهام بضيق: اسفه انا عايزه ابقى لواحدى ومش محتاجه مساعده حد انا هقوله
تركتهم واتجهت الى حجرته بانفعال وطرقت على الباب تنتظر ان يسمح لها بالدخول
اتاها صوته من الداخل قائلا: ادخل
دخلت الى الحجره بتردد ونظرت اليه
كان يجلس على طرف الفراش يحاول ان يرفع قدمه
اقتربت منه قائله: اساعدك
رفع عينيه ونظر اليها قائلا: لا شكرا
وضعت الوساده وساعدته ليضع قدميه عليها قائله: كده مش هتوجعك
نظر اليه وابتسم لها قائلا: مانتى رقيقه زى البنات اهو
تغيرت ملامحها الهادئه الى غاضبه
فضحك عليها قائلا: هههههههه خلاص خلاص متقلبيش ها كنتى جايه عايزه حاجه ؟
الهام بتوتر: انا خارجه
امير بسخريه: اه دا انتى مقرره بقى؟
الهام برجاء:انا عايزه اخرج انا مخنوقه
نظر اليها قائلا؛: ايه اللى خانقك
اغلقت عينيها وتنهدت قائله بصوت اشبه بالبكاء : كل حاجه حوليا خنقانى
نظر اليها قائلا بهدوء: عايزه تروحى فين؟
الهام: مش عارفه
شعر بالضيق لما تشعر به ونظر الى قدمه فهو لن يستطيع الذهاب معها اليوم وبالتأكيد لن يسمح لها بالخروج وحدها
امير بهدوء: انهارده مينفعش
نظرت إليه بضيق قائله: انا مش باخد الازن انا خارجه بس بعرفك
نظر اليها بدهشه منذ قليل كان تتحدث برجاء والان تتحدث بوقاحه الهذا الحد تشعر بالضيق
حاول أن يظل هادئا فابتسم لها قائلا: انا كمان مخنوق وزى مانتى شايفه رجلى مش قادر امشي عليها وانا مش متعود على قاعدة البيت ايه رأيك تسلينى انهارده واخرجك انا اول مخف
نظرت اليه بضيق قائله: انت مفكرنى طفله هتضحك عليا
امير بهدوء: بصى يا الهام انا مش هقدر اخرجك وانتى عارفه اكيد انى مش هسمحلك تخرجى لواحدك ايه رأيك تلعبى معايا مصارعه
نظرت الي قدميه ونظرت اليه مره اخرى قائله بدهشه: مصارعه؟
ضحك قائلا: ههههههه على اللاب مش حقيقي
الهام بفهم: اااه بس انا مبعرفش
امير: تعالى اعلمك واهو تلعبى معايا بدل مانا زهقان كده ومراد سابنى ومشي
نظرت له بتفكير قائله بداخلها: ما انا لو ملعبتش معاه هروح اقعد لواحدى فى القوضه وكمان هو بيتكلم معايا كويس دلوقتى يمكن يوافق اخرج بكره اسمعى الكلام وشوفى اخرتها ايه مهو كده كده مفيش خروج من البيت انهارده
ظل ينظر اليها وهى شارده تقلب عينيها تاره وترفع احدى حاجبيها تاره وتحرك شفتيها تاره من الواضح انها تفكر فى شئ وتقلب الافكار برأسها
ضحك عليها قائلا: هههههه يااااه هو الموضوع كبير كده
الهام بانتباه: هاا
امير ضاحكا: ايه هتلعبى والا ايه
الهام: اه هلعب
(زواج بوصيه ابى) بقلم/هبه الله عوض السيد (بوبا)
تجلس مع شقيتها وابنتها قائله:انا فرحت اوى انك جيتى يا حبيبتي
ساندى: والله يا خالتو انا كان نفسي اجى من زمان بس ماما كانت بترفض بس هى اللى فجأه قالتلى لازم انزل مصر وانها قررت نستقر هنا
جميله بسعاده وهى تنظر لشقيقتها قائله: ياه بجد يا فريده اخير قررتى تقعدى هنا
فريده والله يا جميله انا كبرت وبعد وفاة توفيق كل حاجه اتغيرت
جميله: انا قولتلك من زمان ان مهما اتغربتى لازم ترجعى وكفايه غربه بقى
ساندى بسعاده: انتى متعرفيش يا خالتو مصر وحشتنى اد ايه وانتو وحشتونى جدا بس مصر اتغيرت خالص انا عايزه الف فى اسكندريه واشوف حته حته فيها
جميله: بكره امير يخف ويفسحك وشيماء اما تنزل اجازه هتخرجو سوا
(زواج بوصية ابى) بقلم /هبه الله عوض السيد (بوبا)
الهام بتذمر: لا اكيد فى حاجه غلط انا مش عارفه فى ايه مفيش دور بكسبه خالص
امير ضاحكا: ههههههه حاجه ايه اللى غلط انتى مش عارفه تلعبى
الهام بضيق: دى لعبه غلسه انا مش هلعب
امير: خلاص خلاص تعالى نلعب لعبه تانيه
الهام: لعبة ايه ومتقولش مصارعه
امير: لا لعبة كره ايه بتعرفى والا لسه هتتعلمى
الهام بغرور: اتعلم ايه دا انا هقطعك انا فى الكره اغلب محمد صلاح
امير ضاحكا: هههههه لا دا انتى يتخاف منك بقى
ضغط على بدء اللعبه وانتظر اللعبه لتبدا
نظر اليه وهى تضع شعرها خلف اذنها وتربع قدمها تتجهز وكانه مباره حقيقه
ابتسم بداخله قائلا: ههههههه يا خساره التسخين دا كله هتخسري بعد كل كده
نظرت إليه وجدته ينظر اليها وعلى شفتيه ابتسامه صغيره توترت قليلا ولكنها نظرت الى اللاب توب عندما استمعت صوت بدا اللعبه
ابتدا كلا منهم باللعب بفريقه
كان اول هدف من نصيبها فصرخت قائله: ياااااااس
ضحك عليها قائلا: هههههههه دا هدف واحد العبره بالنهايه
وبعد دقائق صرخت مره اخرى قائله: هههههههه هددددددددف ههههههه
نظر اليها بضيق قائلا: خدى بالك انا مبلعبش لو لعبت هتزعلى
الهام بسخريه: هههههههه اه مانا عارفه
بعد لحظات ضحك قائلا: ههههههههه هدف
الهام بسخريه: وايه يعني انا اتنين
بعد عدة لحظات صرخت قائله: ههههههههههه يااااااااس هدددددددف
(زواج بوصية ابى) بقلم /هبه الله عوض السيد (بوبا)
جميله: دى شيماء هتفرح اوى لما تعرف انك هنا
ساندى: خلاص خليها مفاجأة انا عايزه اشوف شكلها لما تشوفنى هتعمل ايه
كانت تنظر لباب الحجره لا تعلم لما تاخرت هكذا تشعر بالخوف من ان يقتربا لبعضهما فسيفسد كل شيء
فريده وهى تنظر الى الحجره قائله: هى الهام اتاخرت ليه
جميله بعدم فهم: اتاخرت على ايه؟
فريده: من ساعة مدخلت قوضة امير مخرجتش
جميله: مش عارفه يمكن تكون بتتكلم معاه
فريده: دى بقالها ساعه وكانت داخله تقوله انها عايزه تخرج انا خايفه ليكون
قطعت جملتها لتجعلها تفهم ما تفكر به
جميله: انتى بتقولى ايه امير ميعملش حاجه غلط
فريده: انا مقصدش بس الهام اتاخرت وانا بس قلقت عليها امير شاب
اتاهم صوت صراخها من الداخل قائله: ههههههههههه يااااااااس هدددددددف
جميله وهى تنظر الى الحجره: هى بتصوت ليه
ساندى: دى بتضحك وبتقول ياس
فريده: مش قولتلك
جميله بتوتر وهى تنهض من مقعدها: انا هروح اشوف فى ايه
اتجهت الى الحجره سريعا وفتحت الباب بقوه لتجده يجلس على الفراش وهى بجانبه وينظرون للاب توب بحماس
ضغط على زر التوقف ونظر اليها قائلا: ايوه يا ماما فى حاجه؟
جميله وهى تنظر اليهم قائله: الهام كانت بتصوت دلوقتى ليه؟
امير ضاحكا: هههههه اه دى جابت هدف
جميله: طيب يالا يا الهام تعالى اقعدى معانا بره
الهام: انا هكمل الدور
جميله بحزم: تعالى اقعدى معانا بره
امير: فى ايه يا امى خليها تكمل الدور
جميله: فيها ان مينفعش تقعدو فى القوضه وتقفلو الباب كده
الهام:طيب خلاص هنسيبه مفتوح على بال مخلص الدور
نظر اليها وابتسم لتلقائيتها قائلا: لا خلاص روحى اقعدى معاهم بره انا كمان عايز انام
الهام بضيق: اه عشان انا اللى هكسب دلوقتي عايز تنام لا انا هكمل الدور انا كملت فى المصارعه وانت اللى كسبت
امير: بكره هلعب معاكى بس انا
قطعت حديثه قائله بغضب : انا معنتش هلعب معاك اصلا
انهت جملتها وكادت تنهض من الفراش ولكنه امس معصمها قائلا: خلاص استنى هنكمل الدور
دفعت يده بعيدا عنها قائله: انا اللى مش عايزه العب معاك اوعى
دفعت يده ونهضت متجهه لخارج الحجره وهى تشعر بالغضب
نظر اليها وهى تخرج من الحجره ونظر لوالدته قائلا: ايه اللى حصل يا امى ايه الى ضيقك فى انها قاعده معايا
جميله بتوتر: انا سمعت صوتها بتصوت وقلقت
نظر اليها بصدمه قائلا: فكرتينى بضربها؟!
جميله: لا بس
امير: امال ايه؟
نظرت للجهه الاخرى قائله: انتو قاعدين لوحدكو و...
نظر اليها بصدمه قائلا: بتتكلمى بجد انتى فكرتى انى ممكن حتى افكر فى كده
جميله: لا بس...
امير: بس ايه يا امى؟
جميله: انت شاب و
امير: اطمنى يا امى انا والا فكرت والا عمرى هفكر كده
لم تجد ما تتحدث فنظرت اليه قائله: انا اسفه يا حبيبي
امير مقاطعا: ايه اللى بتقوليه دا يا امى انتى عندك حق ومش محتاجه تعتذرى
جميله وهى تربط على كتفه قائله: انا هسيبك ترتاح شويه
تركته وخرجت من الحجره فاغلق اللاب توب الخاص به ووضعه بجانبه قائلا: ملكيش نصيب تفضلى مبتسمه لازم حاجه تخفى الابتسامه دى
(زواج بوصية ابى) بقلم /هبه الله عوض السيد (بوبا)
خرجت من حجرته ووجدت شقيقتها تقف امام ها قائله: ايه اللى حصل
جميله بضيق: محصلش حاجه
فريده: امال الهام كانت بتعيط ليه؟
جميله: معرفش
فريده وهى تنظر اليها: مالك يا جميله
جميله: انا حاسه انى تعبانه هروح ارتاح شويه
تركتها واتجهت الى حجرتها
وقفت تنظر اليها قائله بداخلها: اكيد شافت حاجه ضيقتها جوه يا ترى شافت ايه
ساندى وهى تنظر لوالدتها قائله:هو فى ايه ؟
فريده:ها لا يا حبيبتي مفيش حاجه
ساندى:ماما انا محتاجه ارتاح شويه
فريده:قوضة شيماء الهام قاعده فيها
ساندى:يعنى ايه مفيش مكان انام فيه
فريده:اقعدى مع الهام فى نفس القوضه
ساندى:انا معنديش مشكله بس تفتكرى هى هتوافق
فريده:هى عصبيه شويه بس طيبه
ابتسمت لها قائله:ماشي انا محتاجه انام حتى لو شتمت مش هسمعها هههههههه
(زواج بوصية ابى) بقلم /هبه الله عوض السيد (بوبا)
دخلت الى حجرتها تشعر بالغضب فلا يوجد احد يحترم رغبتها الجميع يتهاون معها
اغلقت الباب باحكام واتجهت الى فراشها تلقى الوسائد على الارض بعد ان انتهت نظرت حولها واتجهت الى الاريكه والقت وسائدها ايضا على الارضيه وجلست على الاريكه تنظر للفوضى حولها شعرت لم تشعر بالراحه بعد نهضت دفعت الاريكه بقوه والقت بها على الارض ونظرت الى الفراش وجذبة المفرش والقته على الارض نظرت الى المرتبه ومن حسن حظها كانت طبيه دفعتها من الطرف والقت بها للطرف الاخر ليسقط نصفها على الارض وضعت قدمها على الالواح الخشبيه ودفعت المرتبه لتسقط كامله على الارض ابتسمت وقفزت نسيت بانها تقف على الالواح الخشبيه لتنكسر من تحتها وتجلس على الارض تتالم وتضحك على ما فعلته بالحجره ولكنها تشعر بالتحسن الان
استمعت لطرق على الباب نهضت من مكانها بصعوبه واتجهت الى الباب وفتحته لتجدها امامها
الهام ببرود: نعم
ساندى: انا هقعد معاكى فى القوضه عشان مفيش قوض تانيه
الهام ببرود:لو عرفتى تقعدى فيها اتفضلى
ساندى بعدم فهم: يعنى ايه مش فاهمه؟
الهام ببرود وهى تشير اليها قائله: اتفضلى
نظرت للغرفه بصدمه قائله: ايه دا ايه اللى عمل فى القوضه كده؟!
الهام ببرود وهى تشير باصبعها على صدرها قائله: انا ومعلشي يا طنط انا زى مانتى شايفه انا صغيره ومبعرفش اعمل حاجه
شعرت بالغضب فصرخت بها قائله: انتى بتهرجى ايه اللى عملتيه فى القوضه ده رتبى القوضه دى فورا
الهام بغضب وهى تشير باصبعها كتحذير: متزعقيش كده تانى اتتى فاهمه وانا عجبني القوضه كده لو مش عجباكى رتبيها
ساندى بغضب: انتى قليلة الادب فعلا امير عندو حق يقول عليكى مدلعه ويضربك
الهام بغضب: والا هو والا غيره يقدر يمد ايده عليا انتى فاهمه
استمعت لصوت شجارهم فاتجهت الى الحجره لترى ماذا يحدث
فريده وهى تنظر حولها بصدمه :ايه دا يا بنات ايه اللى حصل وليه عملتو كده فى القوضه؟
ساندى بغضب:هى اللى عملت كده وعايزانى ارتبها زى مكانت
فريده بغضب: انتى اللى هترتبى كل حاجه زى مكانت ولازم تتعقبى كمان
كانت متجهه لحجرتها تطمئن عليها استمعت لصراخهم واتتجهت الى الحجره سريعا وجدتهم يقفون ويتحدثون فاقتربت منهم قائله: ايه اللى حصل بتزعقو كده ليه
فريده بغضب وهى تشير باصبعها الى الحجره قائله: اتفضلى شوفى انسه الهام عملت ايه فى القوضه
نظرت حولها بصدمه قائله: ايه دا يا الهام
اخفضت راسها قائله: كنت متعصبه و..
انهت جملتها وصمتت لم تجد شئ تعبر، به عن ما حدث
تنهدت جميله قائله: طيب دلوقتى رتبى كل اللى عملتيه دا اظن دلوقتى الغضب قل شويه
الهام: حاضر يا عمتو
جميله وهى تنظر لساندى: معلشي يا ساندى ساعديها
ساندى: حاضر يا خالتو
فريده بغضب: وساندى هتصلح حاجه هى مبوظتهاش ليه مش كفايه انها تعبانه من السفر
جميله بهدوء: خلاص روحى ارتاحى فى قوضتى وانا هساعدها
ساندى: لا يا خالتو مفيش مشكله هساعدها وبعدين ارتاح
جميله: ماشي يا بنات هنسيبكو عشان تخلصو اللى هتعملوه
اتجهت الى الخارج وتركتهم
نظرت اليها وهى تخرج والتفت اليها قائله: الله يكون فى عونك يا امير مش عارفه هيتجوزك ازاى بقى شاب الف بنت تتمناه يتجوزك انتى
نظرت لوالدتها قائله: خلاص يا ماما اللى حصل حصل
فريده: صح بس لازم امير يعرف انو هيتجوز مجنونه
نظرت اليها بغضب قائله: مسمحلكيش واه هتجوزه ولو تقدرى تلغلى الجوازه الغيها
نظرت اليها بصدمه كيف تتحدث معها بهذه الطريقه نظرت اليها باشمئزاز واتجهت للخارج
نظرت اليها قائله: متزعليش ماما متقصدش اىى واحد وهو متعصب ممكن يقول كلام من غير ميحس زى اللى عملتيه فى القوضه كده
الهام: بس انا كنت حاسه عمرى مكنت مغيبه وانا بعمل حاجه ودايما بعمل اللى انا عايزاه
ساندى: مش هنتكلم في الموضوع ده دلوقتى نشوف اللى ورانا لانى محتاجه انام
(زواج بوصية ابى) بقلم/هبه الله عوض السيد (بوبا)
اتجهت الى حجرة الصالون وامسكت هاتفه تتصل على احد الارقام وتنتظر الرد اتاها صوته قائلا: الو
فريده: ايوه يا جميل
جميل: ايه ساندى وصلت؟
فريده: اه وصلت
جميل: وايه الاخبار؟
فريده:انا هقولك كل اللى حصل من ساعة موصلت
قصة عليه ما حدث لتستمع رأيه
جميل: طيب كويس لغايه كده حاولى تشغلى امير وانا هتصرف مع الهام
فريده: هتتصرف ازاى؟
جميل: انتى عندك ساندى وانا عندى كريم لازم نمنع الجوازه دى لو اتجوزه كى حاجه هتضيع من ايدنا
فريده وهى تغلق الخط قائلا بداخلها: فعلا مش فى مصلحتى ان الهام وامير يتجوزو وخصوصا بعد اللى حصل انهارده امير مينفعش يتجوز غير ساندى ساندى وبس سواء الهام اتجوزت كريم او غيره بس ساندى لازم تتجوز امير
(زواج بوصية ابى) بقلم /هبه الله عوض السيد (بوبا)
بعد ما يقارب الساعه جلست على الاريكه قائله: ياه انا تعبت اوى
الهام: دا انا متعبتش كده وانا برمى كل حاجه على الارض
ساندى: احنا مبناخدش وقت عشان نهدم علاقه او اى حاجه بس بناخد وقت طويل عشان نبنيها
الهام: تصدقى كلامك صح
ساندى ضاحكه: اخير وافقتى على حاجه قولتها
الهام وهى تضع يدها على معدتها قائله: اااه
نظرت اليها بقلق قائله: ايه مالك
الهام: بطنى وجعانى
ساندى: يمكن جعانه؟ انتى ماكلتيش، كويس
الهام: اه شكلى جعانه بس عمتو زمانها نامت
ساندى بعدم فهم: وانتى عايزه عمتو فى ايه؟
اخفضت راسها قائله ولم تتحدث
انفجرت بالضحك قائله: متقوليش مبتعرفيش تحضرى اكل لنفسك هههههههههه
الهمام بضيق: اه مبعرفش دى حاجه تضحك يعنى
ساندى: ههههههه امال هتتجوزى ازاى تعالى تعالى انا هحضرلك اكل تعالى يا اخرة صبرى
اتجهت بها الى المطبخ لتحضر لها الطعام
ساندى وهى تبحث فى الثلاجه قائله: عايزه تاكلى حاجه خفيفه والا ايه
جلست على الكرسى ووضعت يدها على الطاوله ونظرت لتجد طبق مغطئ على الطاوله فرفعت الغطاء قائله: استنى فى اكل متغطى اهو
اغلقت الثلاجه ونظرت اليها قائله: خالتو جميله عارفه انك هتحتاسي من غيرها
بدات بتناول طعامها قائله: هى حنينه اوى انا بحبها جدا
ساندى: هى فعلا طيبه جدا مبقاش فى زيها دلوقتى يا بختك بيها ويا بختك بامير
نظرت اليه بسخريه قائله: يا بختى بعمتو ماشي لكن بامير ليه
نهضت من مقعدها واعطتها ظهرها قائله: امير راجل ويتحب وبيحافظ على اى حاجه معاه هو دا الراجل اللى تنامى وانتى مطمنه انو فى ظهرك
الهام ضاحكه: لا والله انا امير بالنسبالى هو البعبع اللى كانو بيتحكى فى الحواديت عشان انام بس
ساندى ضاحكه: ليه بتقولى كده صدقينى بكره تعرفى ان امير زى خالتو جميله معاتش منهم تانى انتى لسه صغيره وقدامك كتير عشان تعرفى الحلو والوحش وصدقينى لو ضيعتى امير من ايدك هتندمى
نظرت إليها وهي تبتلع الطعام قائله:انتى بتتكلمى كانك بتحبيه
ساندى بتوتر:اااانا لا ابدا ب بس بعرفك ان ساعات الدنيا بتدينا فرص ولازم نحافظ عليها عشان لو ضاعت مش هتتعوض
الهام بخفوت:اقولك سر
ساندى:قولى
الهام:انا بحب حد تانى وفقت اتجوز امير عشان اخد ورثى وبس مش اكتر
نظرت لباب المطبخ بصدمه قائله...........
#يتبع
أنت تقرأ
(زواج بوصية ابى) بقلم/هبه الله عوض السيد (بوبا)
Dragosteالكثير منا يجرى وراء مطامعه وغرائزه ومنا من يسلك طريق محاط بالمساوء فقط ليصل الى ما يريده لا يري ما يخسره ولم يشعر بما يسلبه اخر منه فقط يركض دون ان ينظر ما يقع منه وما يسلب من بين يديه ويمكن ان ما يفقده اغلى بكثير من ما يركض وراءه فما يركض وراءه يم...
