الفصل الرابع عشر:-
الهام:انا بحب حد تانى وفقت اتجوز امير عشان اخد ورثى وبس مش اكتر
نظرت لباب المطبخ بصدمه قائله: خالتو؟!
نظرت لها بخوف تخشي من ان تكون قد استمعت لحديثها ولكن ابتسامه ظهرة على وجهها جعلتها تشعر بالراحه قليلا
ابتسمت لهم قائله: ايه انتو لسه صاحين
ساندى وهى تنهض من مقعدها: اه يا ستى الانسه الهام جعانه
نظرت اليها قائله: انا عملت حسابى وحطيتلك طبق عشان عان تتعشي يا حبيبتي واخر مره تقومى من ع الاكل تانى
الهام: حاضر يا خالتو
جميله: انا هروح انام بقى عايزين حاجه؟
ساندى: لا يا خالتو
نظرت لالهام قائله: الهام انا مش عايزه مشاكل
ساندى ضاحكه: لا متقلقيش يا خالتو احنا بقينا صحاب والا ايه
ابتسمت لها قائله: اه بس مش اوى
ساندى ضاحكه: والله لو عملتى اى حاجه انتى حره انا تعبانه وعايزه انام هنادى لامير يتصرف معاكى
جميله ضاحكه: لا انتو هتتخانقو انا همشي الحق انام شويه على بال ما الخناقه تسخن
ساندى: خدى وقتك يا خالتو
تركتهم وخرجت من المطبخ
وقفت تستمع لتطمئن عليهم
اتاها صوتها قائله: بصى يا ستى عشان نبقى حلوين متجبيش سيره امير ده
ساندى: ليه؟
الهام: كده وخلاص
ساندى: طيب بس انتو كنتو كويسين وكنتى قاعده معاه بتضحكى ايه اللى حصل
الهام: يا بنتى انا كنت قاعده بلعب معاه عشان عايزه اخرج وهو رفض انى اخرج غير لما العب معاه
ساندى بداخلها: دا انتى مبطقيهوش يا الهام هتتجوزيه ازاى مش عارفه اقولك يا باختك انك هتتجوزيه والا عشان مش بتحبيه
الهام وهى تشير بيدها امام وجهها قائله: ايه روحتي فين؟
ساندى: هااا انتى بتقولى حاجه؟
الهام: اه بقولك مش هتاكلى معايا؟
ساندى: لا انا شبعانه بالف هنا انتى
(زواج بوصية ابى) بقلم/هبه الله عوض السيد (بوبا)
دخلت لحجرتها ونظرت لشقيقتها النائمه جلست على الفراش تفكر في تلك الوصيه تشعر بالحزن على ابنها بعدما استمعت لحديثها وهى تعترف بحبها لاحدهم وزواجها منه من اجل ميراثها فقط ماذا تفعل هل تجعل الزواج يكتمل و تدمر حياة وحيدها اما تلغى تلك الزيجه تعلم بانه لن يتراجع وسيحقق وصية عمه مهما حدث ولكنها لطالما تمنت له حياه سعيده مع امرأة تحبه ظلت تفكر الى ان غفت دون ان تشعر
(فى صباح اليوم التالى)
تجلس على فراشها وتتحدث فى الهاتف قائله: ايوه يا ماما والله هاجى بس انهارده عيد ميلاد صاحبتى وطلبت منى اقضى معاها اليوم هركب بكره الصبح
جميله: بكره كتب كتاب اخوكى ولازم تبقى موجوده
شيماء بحزن: انا زعلانه اوى انه مش هيعمل فرح
جميله: انا طول عمرى بحلم باليوم ده وكان نفسي فى فرح كبير بس عشان خالك الله يرحمه
شيماء: الله يرحمه وربنا يسعدهم يا رب انا هموت واشوفهم بقو عاملين ازاى دلوقتى اكيد بقى فى جو رومانسي فى البيت
جميله بداخلها: اه جو رومانسي وهى بتحب غيره
شيماء: الو ماما روحتى فين
جميله: معاكى يا حبيبتي انا هقفل عشان اطمن على اخوكى وانتى متنسيش تكلميه وتطمنى عليه
شيماء: حاضر سلام
(زواج بوصية ابى) بقلم /هبه الله عوض السيد (بوبا)
تدخل عليها الطبخ قائله: صباح الخير يا خالتو
جميله: صباح النور يا حبيبتي ها نمتى كويس
ساندى بخفوت: هى صحيح الهام بترفس وبهدلتنى بس الحمد لله
جميله ضاحكه: هههههه بجد
ساندى: اه والله دى بتضرب ضرب مبقتش عارفه اذا كانت نايمه والا بتستهبل وصاحيه
جميله: هههههههه يخرب عقلك
ساندى: انتى بتعملى ايه ؟
جميله: بحضر الفطار مش عارفه امير هيقدر يفطر معانا والا اعمله فطار لواحده
ساندى: لو صاحى انا ممكن اساعده لو عايز يخرج
جميله: طيب على بال محضر الفطار شوفيه هيفطر فى القوضه والا هيفطر معانا
ساندى: حاضر
تركتها واتجهت الى حجرته طرق الباب وانتظرت ان ياذن لها بالدخول
فتحت الباب بعد ان استمعت صوته قائلا: ادخل
نظرت له وهى ما ذالت تقف مجاوره للباب قائله: صباح الخير
ابتسم لها قائلا: صباح النور تعالى
تحركت متجهه اليه قائلا: عامل ايه انهارده
امير: الحمد لله بخير احسن كتير
ابتسمت له قائله: يا رب دايما تكون بخير الف سلامة عليك
امير: الله يسلمك
نظرت إليه قائله: هتقدر تطلع تفطر معانا بره والا هتفطر فى القوضه
امير: لا انا هقوم اصلا مبحبش القعده فى السرير
ساندى: طب تعالى وانا اساعدك
امير: لا انا هقوم بس هاتى العكاز دا
احضرته اليه قائله: اتفضل
امير: شكرا
نظر اليه وفجاته بسؤالها قائله: امير، انت بتحب الهام؟
نظر اليها بصدمه قائلا: بتسألي ليه
ابتلعت ريقها بتوتر قائله: لا بس بسالك عادى لو فى احراج انا اسفه
نظر اليها قائلا: انتى هبله يا بت شكلك حنيتى للسانى الطويل زى زمان بصى يا ستى جوازى من الهام دى وصية خالي الله يرحمه وانا عمرى مخذلته وهو عايس واكيد مش هعمل كده وهو ميت
تاملته وابتسامه صافيه على وجهها قائله بداخلها:يا بختها بيك يا امير
قطع شرودها صوت امير قائلا:فهمتى بقى يا ستى
ابتسمت له قائله: انت راجل اوى يا امير انا عمرى مقبلت حد زايك
نهض من الفراش وهو يستند على العكاز قائلا: والا عمرك هتشوفى
اتسعت ابتسامتها قائله: لسه متغيرتش
(زواج بوصية ابى) بقلم)/هبه الله عوض السيد (بوبا)
كانت تضع الطعام على الطاوله نظرت إليه وهو يضحك وهى بجواره نظرت له بتعجب كيف يضحك هكذا فهى لم تراه يضحك بهذه الطريقه من قبل
وضعت الطبق وجلست على مقعدها تتابع فى صمت
ابتسمت لهم قائله: تعالى يا حبيبي كويس انك طلعتيه يفطر معانا يا ساندى حمد الله على سلامتك يا حبيبي
امير: الله يسلمك يا خالتو
اتت من المطبخ ونظرت اليه قائله: اقعد يا حبيبي انت لازم تتغذا
ساعدته على الجلوس وجلست على المقعد المجاور له
نظر اليها قائلا:تنفعى تبقى ممرضه هشغلك الممرضه بتاعتى اليومين دول
ساندى ضاحكه:اه دا انت هتستغلنى بقى زى زمان ماشى يا سيدى هستحملك
فريده ضاحكه: خلاص يا حبيبي ساندى رجعت وكل حاجه هترجع زى زمان
ساندى ضاحكه: اه وخد بالك تخف بسرعه لانى عايزه الف اسكندريه ومصر كلها كمان
امير ضاحكا:هههههه دا انتى عشمك اكبر
ساندى ضاحكه: امال انت مفكر ايه هههههههه
ظلت تجلس بصمت تقلب عينيها عليهم بين الحين والاخر وتحاول تجاهل حديثهم بالطعام
جميله وهى تنظر اليه تجدها تتناول طعامها ولم تعيرهم اى اهتمام تتحدث معها قائله: ايه يا الهام ساكته ليه ؟
ابتلعت الطعام سريعا قائله: هقول ايه؟
جميله: اتكلمي يا حبيبتي متفضليش ساكته وبعدين انتى مسالتيش امير عامل ايه
الهام بتوتر: اسفه ماخدتش بالى
رفعت عينيها ونظرت اليه وجدته ينظر اليه فتحدثت بتوتر قائله: الف سلامه عليك عامل ايه انهارده
نظر اليها قائلا: الحمدلله شكرا
فريده مقاطعه: صح يا ساندى بدل متشتغلى بره متشتغلى مع امير احسن والا ايه رأيك يا امير؟
امير: اكيد طبعا واحلى منصب كمان بس اهم حاجه رأيها
ساندى: لا يا امير انا مبحبش الوسطه والا المعارف انا عايزه ابداء شغلى من الصفر
امير بمزاح: ومين قالك ان دى وسطه لا يا حبيبتي انا معنديش معارف فى الشغل انا عندى الشغل شغل
ساندى ضاحكه: هههههه لا اذا كان كده انا موافقه يا حضرة المدير
فريده:مدير ايه دا بقى صاحب الشركه
ساندى:بجد؟
جميله:اه خالك فريد قبل ميموت كتب كل حاجه باسم امير
ساندى:ايوه يا عم اللى عطاك يعطينا
ظلت تنظر اليهم وتتابع حديثهم شعرت بالاختناق نهضت من مقعدها وكادت ان تذهب لحجرتها
اوقفها صوته قائلا: انتى رايحه فين ؟
الهام بصوت مخنوق:انا داخله قوضتى
امير بحزم: اقعدى كملى اكلك
الهام وهى تعطيهم ظهرها بصوت تجاهد الا تبكى: شبعت
امير بهدوء:بصيلى كده
نظرت له بعينين مرتعشتين وادارة وجهها للجهه الاخرى
نظره واحده كانت كفيله بان يرى دموعها المتجمعه بعينيها
جميله متدخله: اقعدى يا حبيبتي انتى كل مره متكمليش اكلك
امير: سبيها يا امى
نظرت اليه بصدمه ونظرت لها وجدتها تتجه لحجرتها
جميله: يا بنى دى مكالتش
امير:انا هخلص اكل وهدخلها
فريده: خليك يا حبيبي انت تعبان ساندى هتدخل تتكلم معاها هما بنات زى بعض
امير: لا يا خالتو انا عايز اتكلم معاها
فريده بارتباك: على راحتك
(زواج بوصية ابى) بقلم /هبه الله عوض السيد (بوبا)
تجلس على فراشها تبكى فقد سرق ما كان يمتله والدها كل شئ كل ما كان لوالدها اصبح له حتى هى ستتزوجه غدا
تتذكر حديثه معها بالامس فكل شئ كان حقيقيا
فلاااااااش
تجلس على فراشها قائله: يعنى ايه؟
كريم: انا هعيد كتير بقولك اللى كان عايزه حصل والوصيه دى اكيد مزوره عشان كده لازم الجوازه دى تتلغى باى طريقه انا بحبك يا الهام ومقدرش اشوفك مع حد غيرى
الهام: طب اعمل ايه لو رفضت اتجوزه هياخد كل حاجه وانا مش هعرف اعمل معاه اى حاجه
كريم: متخافيش احنا جمبك وبابا رفع قضيه بان اوراق التنازل دى مزوره وهيلغى الجوازه دى باى طريقه احنا مش هنسيبك لغايه ما ترجعى فلوسك ونتجوز انا وانتى بقى
الهام: بجد يا كريم؟
كريم: اه يا حبيبتي انا مش هسمح لامير ياخد تعب عمى وكل اللى وصله هو شايف نفسه وعايش دور ان كل حاجه بقت ملكه دا كل الموظفين بيشتكو من تعامله معاهم وبيصرف فى الفلوس وبيقول ان كل حاجه بقت ملكه دا كان حلمه من سنين عشان كده كان مسيطر على عمى الله يرحمه وخدى بالك لو اتجوزك عمره مهيطلقك عشان الفلوس بالعكس هيحاول يتقربلك ويخليكي تحبيه وج
الهام بغضب: الحقير هيضيع كل تعب بابا فى الارض انا كمان كنت بقول ان بابا مستحيل يكتبله كل حاجه وان الورق دا مزور
كريم: وهو دا اللى انا وبابا مش هنسكت غير لما نثبته لازم اشوفه محبوس
(باااااك)
قطع شرودها طرق على الباب الهام وهى تمسح دموعها قائله: ادخل
صدمت حينما وجدته امامها يستند على عكازه
دخل الى الحجره واغلق الباب خلفه قائلا: ايه عامله ايه انهارده
الهام ببرود: كويسه
امير وهو يجلس على الفراش بجانبها قائلا: بتعيطى ليه ؟
الهام بغضب: انا مبعيطش
امير بهدوء: ولما انتى مبتعيطيش متعصبه ليه؟
الهام بغضب: انت عايز منى ايه ها عايز ايه اخدت كل حاجه اخدت كل حاجه بابا تعب فيها خد كل الفلوس وسيبنى فى حالى بقى
نظر اليها بصدمه قائلا: اخدت كل الفلوس؟
الهام بغضب: اه وبقيت صاحب الشركه والمصانع وكل حاجه بقت بتاعتك مش انت كنت مستنى موته عشان كده اهو مااااات وانت اخدت كل حاجه وابقى اتباهى قدام موظفينك وقدام اهلك كلهم انك بقيت صاحب الشركه
امير بصدمه: انا؟ انا كنت مستنى موت عمى
الهام بغضب: اه اه كنت مستنيه وذورت الاوراق انت والمحامى انت عايز تفهمنى ان بابا الله يرحمه هيحبك اكتر منى وهيكتبلك كل حاجه مانت كل اللى يهمك الفلوس وبس
امير: انتى مش فاهمه حاجه الفلوس دى امانه
الهام بسخريه: وانت بتصون الامانه
امسكها من معصمها بغضب قائلا: وانتي شوفتى منى ايه عشان تقولى انى كل اللى يهمنى فلوس او تتهمينى بكل اللى قولتيه دا
دفعت يده بعيدا عنها قائله:ابعد ايدك عنى ايوه انا عارفه انت عايز ايه اوعى تفكرنى هبله او عيله هتعرف تضحك عليا انت فاهم انا صاحيالك كويس وعارفه انت بتخطط لايه
نظر لها وهى توجهه اصبعها امام وجهه كتحذير له ابتسم لها قائلا: ويا ترى بقى بخطط لايه
الهام بتوتر من ابتسامته وكانه لا يهتم لتحذيرها قائله:ااااا انت عاارف كويس اانا اقصد ايه
امير وهو يتجه لخارج الحجره قائلا:والله انتى معارفه حاجه خالص
نظرت له وهو يخرج من الحجره وصرخت به قائلا:لا انا عارفه كل حاجه وهعرف ازاى اوقفك عند حدك
استدار اليها قائلا:ويا ترى ترى عارفه ان بكره هتبقى مراتى جهزى نفسك يا عروسه وبطلى شغل العيال الصغيره ده
الهام بغضب:انا مش عيله صغيره و..
قاطع حديثها محاولا تقليدها قائلا:انا مش بت صغيره وفهمه كل اللى بتخططله كويس واقدر اوقفك عند حدك كويس
عدل صوته قائلا:دا كله بياكده انت عيله صغيره وغبيه كمان
انهى جملته ولم يعطى لها مجالا للحديث وخرج من الحجره جعلها تنظر اليه بغضب وانفاسها تعلو
(زواج بوصية ابى)بقلم/هبه الله عوض السيد(بوبا)
ترك حجرتها واتجه الى حجرته ارتدى ملابسه واتصل بصديقه
مراد ضاحكا:يعنى انت عايز ايه دلوقتى
امير بضيق:بقولك تعالى خدنى انا عايز اروح مشوار
مراد:ما انا مش جاى غير لما تقولى رايح فين
امير بضيق:انشالله مجيت انا هتصرف
مراد ضاحكا:خلاص خلاص بس قولى عايز تروح فين
امير:طب ايه رأيك عشان فضولك دا انا مش هقولك
مراد:ماشي يا سيدى هعديهالك المره دى علشان اللى فى رجلك
امير:ماشي يا خويا اخلص نص ساعه والقيك عندى
(زواج بوصية ابى)بقلم/هبه الله عوض السيد(بوبا)
تقف على احدى الكراسي تضع الزينه على الحائط
اسماء وهى تنظر اليها قائله: الله يا شيماء جميله اوووى
شيماء بغرور:طبعا يا بنتى دا انا فنانه
اسماء ضاحكه:ماشي ياختى اناهروح اشوف ماما خلصت الحلويات والا لسه زمايلنا زمانهم جايين وانتى عارفه انا عزمت مين كمان
اسماء:عزمت دكتور احمد
شيماء:طب ودى فيها ايه؟
اسماء ضاحكه:دى فيها كتير انتى هتعملى نفسك مش واخده بالك والا ايه ؟
شيماء:واخده بالى من ايه انتى هبله يا بت
اسماء بهيام:واخده بالى من النظرات والاهتمام والا البعيده حوله
شيماء :يييييه بقولك ايه ركزى فى العيد ميلاد انا مش فى دماغى والا دكتور احمد والا دكتور عمر
اسماء:اما اشوف اخرتها معاكى محدش عجبك
شيماء وهى تدفعها قائله:روحى يا بت شوفى الحلويات انا مش ناقصه
تركتها واتجهت الى المطبخ لترى ان كانت والدتها انتهت من تحضير الحلويات
(زواج بوصية ابى)بقلم/هبه الله عوض السيد(بوبا)
خرج من حجرته واتجه لحجرة الصالون ليجد والدته تجلس ومعها خالته وابنتها
جميله وهى تنظر اليه:ايه يا حبيبي انت لابس ليه؟
امير:انا خارج شويه وراجع عايزك تجهزى الهام لبكره وتقعدى معاها كده
نظرت اله بصدمه قائله:لبكره؟
امير:اه انتى نسيتى ان كتب الكتاب بكره
جميله:لا يا حبيبى منستش بس...
امير مقاطعا:خلاص جهزيها على بال مرجع
نظرت له ولم تجد ما تتحدث به فنطقت قائله:حاضر
فريده بداخلها:لا كده كل حاجه باظت وامير مصر على الجوازه دى انا لازم اتصرف
ابتسمت قائله:صح يا خالتو انتى ناسيه حاجه زى دى ازاى دى الهام لازمها كتير وكمان مجبتوش فستان والا اى حاجه مش كفايه مفيش فرح
فريده:فستان ايه وفرح ايه دا خالك مكملش شهرين
جميله:متتاخرش يا امير لازم تريح رجلك اليومين دول
امير:حاضريا امى وانتى اعملى اللى قولتلك عليه
تركهم واتجه لخارج المنزل
نظرت إليه وهو يخرج من الحجره وبمجرد سماعها لاغلاق الباب نهضت من مقعدها واتجهت لحجرتها قائله:انا هروح اريح شويه عندى صداع
جميله:ماشي يا حبيبتي هتلاقى اقراص للصداع فى الدرج اللى جمب السرير
فريده:حاضر
تركتهم واتجهت الى الحجره
نظرت لخالتها قائله:ايه رأيك نروح مركز تجميل الهام محتاجه حاجات كتير ووشها باهت
جميله:انا معرفش فى الكلام ده انا مليش والا فى المكياج والا الكلام ده
ساندى ضاحكه:بس دا انتى جيتى فى ملعبى انا هروقهالك
جميله:ماشي طيب اجهزو وانا هروح البس انا كمان بس متتاخروش
ساندى:حاضر
نهضت من مقعدها واتجهت الى الحجره
فتحت الباب وجدتها تجلس على الفراش وتمسك بهاتفها من الواضح انها تتحدث الى احد فيظهر على وجهها ابتسامه وكانها تتحدث الى حبيبها
نظرت لها واغلقت الخط قائله:طيب هنتكلم بعدين سلام
اقتربت منها قائله:بتكلمى مين؟
الهام وهى تضع الهاتف على الكمودينو قائله:وحده صاحبتى
ساندى:لا والله دى صاحبتك اوى بقى عشان تضحى وتبقى فرحانه وانتى بتكلميها كده
الهام بضيق:يعنى بلاش افرح هو حرام؟
ساندى:لا يا حبيبتي وانا جيبالك حاجه تفرحك انا وانتى وخالتو هنخرج دلوقتى
الهام بدهشه:رايحين فين؟
ساندى:دى مفاجأة يالا يالا البسي بسرعه
الهام:مش تقوليلى رايحين فين عشان اعرف البس ايه
ساندى وهى تجذبها لتنهض قائله:البسي اى حاجه وانجزى عشان منتاخرش
الهام ضاحكه:خلاص خلاص هقوم
(زواج بوصية ابى)بقلم/هبه الله عوض السيد(بوبا)
تقف وهى تنظر اليها قائله:يالا يا شيماء
شيماء:خلاص اخر واحده انا دوخت والله
اسماء:معلشي يا شيماء حظك بقى ان صحبتك تختوخه
شيماء:يا حبيبتي انا اعلقهالك برموش عنيا
اسماء:يا سلام يا سلام دى قصة حب بقى
شيماء ضاحكه:ههههههه اه من اول نظره انتى اول مره تعرفى والا ايه
قطع حديثهم رنين الجرس
اسماء:دى اكيد التورته جات انا هروح افتح الباب
تركتها واتجهت لباب الشقه لترى من الطارق
فتحت الباب وابتسمت بسعاده واحتضنتها قائله:خالتو حبيبتي وحشتيني اوى متوقعتش انك تيجى
ممدوح من خلف والدته:ادينا جينا هتفضلى موقفانا كده والا ايه
اسماء:لا اتفضلو انا هدخل انادى ماما
دعتهم للدخول واغلقت الباب وركضت الى المطبخ
ممدوح وهو ينظر لوالدته قائلا:البت دى هتفضل مجنونه
اتجهو الى حجرة الصالون
تقف تعلق اخر قطعة زينه اختل توازنها ووقعت اغلقت عينيها لما ستلقاه ولكنها لم تتالم
شعرت بيد تحيط خصرها تعلقت بذلك الشئ بقوه و اخذت تتنفس بقوه وما ذالت عينيها مغلقه فتحت عينيها ببطئ لتجده ينظر اليها بتفحص قائلا:انتى كويسه؟
نظرت له بصدمه ودفعته بعيدا عنها قائله:اه انا كويسه انا اسفه
نظر اليها قائلا:مش انا اسفه المفروض تقولى شكرا
شيماء وهى تنظر للارض بتوتر قائله:متشكره
نظرت اليها قائله:الحمد لله انك بخير ايه اللى وقفك كده
شيماء بتوتر وهى تضع يدها على راسها قائله:انا كنت بعلق الزينه ودوخت شويه
دخلت الى الحجره متجهها اليهم بترحاب قائله:اهلا يا كريمه بقالى كتير مشوفتكيش
كريمه وهى تحتضنها قائله:معلشي يا الفت والله ممدوح مشغول خالص
ألفت:اتفضلو
جلس الجميع ووضعت كريمه لفافتين على الطاوله
الفت:بعد كده هنشوفكو كتير
كريمه:لا دا احنا هنسافر الصبح على اسكندريه
ألفت:ليه رايحين مصيف
اسماء برجاء:خدونى معاكو وانبى يا خالتو
ممدوح ضاحكا:لا مش مصيف اطمنى انا اتنقلت لاسكندريه تانى
ألفت بحزن:يعنى هتبعدو تانى
كريمه:والله انا اعمل ايه كل شويه من اسكندريه للقاهره ومشحتطنى وراه امتى بقى هيتجوز ويريحنى وتشيل هى عنى شويه
اسماء:مقولتلك جوزهولى وانتى اللى مرضتيش
كريمه ضاحكه:يا ريت ينفع
اسماء وهى تنظر لوالدتها قائله:كان لازم ترضعيه وتضيعى منى عريس زى دا
ضربها على راسها قائلا:انا اصلا مرضاش اتجوز واحده قلبوظه مرات الضابط لازم تكون خفيفه مش اد البرميل
اسماء:انا اد البرميل حق يا شيماء
ابتسمت لها بتوتر وهزت راسها بمعني لا
كريمه وهى تنظر اليها قائله:مش هتعرفينا يا اسماء
اسماء:دى شيماء صاحبتى الانتيم
ألفت:تعبناكى معانا يا شيماء
كريمه:دى وقعت من على الكرسي ولو ممدوح ملحقهاش كانت اتأذت
ألفت بصدمه:بجد؟انتى كويسه يا شيماء؟
شيماء:الحمد لله انا كويسه
اسماء:مانا قولتلك ١٠٠مره لازم تفطرى
ألفت بصدمه:هى مفطرتش؟
اسماء:لا مبتفطرش اصلا
كريمه:بس كده غلط يا حبيبتي
اسماء:لا وبتشرب القهوه من غير فطار
كريمه:لا انتى كده بتأذى نفسك يا حبيبتي
اسماء:لا ووزنها ميكملش
شيماء:اسماء خلاص
ألفت وهى تنظر لاسماء:اسماء قومى هاتى لخالتك وممدوح حاجه يشربوها وحضرى فطار لشيماء
شيماء:بس انا مش جعانه والله
ممدوح:اه استنو اما يغم عليها عشان كده تبقى جاعت
نظرت إليه بضيق من نبرته الساخره من اين يعرفها ليتحدث عنها بتلك الطريقه
وجدها تنظر اليه ونيران تخرج من عينيها فنظر لابنة خالته متجاهل ذلك قائلا:اسماء اعمليلى فنجان قهوه لو سمحتى
اسماء:مبعرفش اعمل قهوه شيماء هتعملها والا ايه يا شيماء
شيماء بتوتر:ماشي
اتجهت الفتاتين الى المطبخ لتعد كلا منهم ما طلب منها
(زواج بوصية ابى)بقلم/هبه الله عوض السيد(بوبا)
تجلس وهى تنظر لشعرها الموضوع بجهار السيشوار بالمرأه قائله ايه اللى عملتوه فيا ده انا عمرى معملت حواجبى دى اصلا دا شئ مؤلم
ساندى ضاحكه:اتعودى بقى يا حبيبتي
الباب:لا هى مره وخلصت بس تصدقى شكلى اتغير
ساندى:اكيد بقيتى انسه كبيره
الهام:فعلا بس وشى وجعنى جداااا
ساندى ضاحكه:مفيش حاجه بالساهل يا شبه
اتت من خلفهم ونظرت لها بسعاده لسنوات طويله تمنت ان ترا عروسة ابنها ولكنها لم تفكر يوما بانها ستكون ابنة شقيقها التى تمنت رؤيتها عروسه
اقتربت لها قائله:الله اكبر زى القمر يا الهام
الهام بابتسامه:بجد شكلى حلو
جميله بابتسامه زى القمرما شاءالله
ساندى وهى تضربها على كتفها قائله:مش مهم تعجبينا اهم حاجه تعجبى العريس
جميله:وهو هيلاقى احلى من كده فين
ابتلعت ريقها وابتسمت قائله:عندك حق
(زواج بوصية ابى)بقلم/هبه الله عوض السيد(بوبا)
يدخل من باب الشقه ويتجه لحجرة الصالون ويجد زوجته تجلس على احدى المقاعد بمجرد دخوله نظرت له قائله:ايه عملت ايه؟
جميل وهو يجلس على مقعده قائلا:عيب عليكى كله تمام وزى متفقنا بالضبط الجواز مش هتم ورينى امير هيعمل ايه
اسندت ظهرها على الكرسى وابتسمت له قائله:برافو عليك
نظر لها قائلا:.....
#يتبع
3000كلمه اهو اعتقد الفصل كبير عارفه انى اتاخرت بس والله غصب عنى ولادى تعبو واختى ولدت وعشان اكتب لازم اركز وللاسف مكانش فيا دماغ 👌
(زواج بوصية ابى) بقلم /هبه الله عوض (بوبا)
أنت تقرأ
(زواج بوصية ابى) بقلم/هبه الله عوض السيد (بوبا)
Romanceالكثير منا يجرى وراء مطامعه وغرائزه ومنا من يسلك طريق محاط بالمساوء فقط ليصل الى ما يريده لا يري ما يخسره ولم يشعر بما يسلبه اخر منه فقط يركض دون ان ينظر ما يقع منه وما يسلب من بين يديه ويمكن ان ما يفقده اغلى بكثير من ما يركض وراءه فما يركض وراءه يم...
