الفصل الخامس عشر:-
تجلس فى احدى الكافتيريات تنتظره وعندما تراه تبتسم له يبادلها الابتسامه ويجلس امامها قائلا: صباح الخير يا حبيبتي
نهى: صباح الخير يا حبيبي
استند على الطاوله ونظر لها قائلا: ها كنتى عايزانى فى ايه
نهى بتوتر: ااا انت وحشتنى اوى يا شادى بقالى كذا يوم مش عارفه اشوفك ودايما مشغول
شادى وهو يمسك يدها قائلا: معلشي يا حبيبتي ادينى خلصت كل اللى ورايا وفضتلك
نهى بتوتر: شادى انا انا كنت عايزه اكلمك فى موضوع مهم
شادى: لو الموضوع دا هيضايقنى بلاش انا انهارده عايزه يبقى يوم حلو (انهى جملته بغمزه من عينيه وهو يقبل يدها)
تريد ان تتحدث معه حزنت لرفضه الحديث عن اى شئ يزعجه ولكنه استطاع الضحك عليها بقبلته ونظرة عينيه التى تعشقها ابتسمت له بحب قائله: حاضر
نهض من مقعده وامسك بيدها يجذبها اليه قائلا:يالا بينا
نهى:على فين ؟
شادى:انتى مش بتقولى وحشتك
ابتسمت له وهزت راسها بنعم
جذبها خلفه قائله:يبقى هنروح على عشنا السعيد
(زواج بوصية ابى)بقلم/هبه الله عوض السيد (بوبا)
يقود سيارته وينظر لصديقه بين الحين والاخر قائلا:ايه يا ابنى متخلصنى بقى وقولى انت رايح فين
امير:متسوق وانت ساكت هو لازم تعرف يعني؟
مراد:مانت قاعد تقولى امشي كده وادخل يمين وادخل شمال كأنك انت اللى سايق متعرفنى رايحين فين
امير:خلاص ايوه هنا اقف
مراد وهو ينظر امامه قائلا:اشمعنا هنا
امير:وصلنا انزل يالا هتفضل قاعد كتير
مراد:طب دا محل فساتين عرايس انت جاى هنا ليه (نظر اليه بصدمه قائلا)انت هتجيب لالهام فستان؟)
امير وهو يهبط من السياره قائلا:اه هجبلها فستان دى كانت امنية خالى فريد الله يرحمه كان نفسه يشوفها بالفستان الابيض
هبط من السياره واغلق الباب خلفه قائلا بخبث:وانت هتجيبلها فستان عشان امنية خالك والا عشان امنيتك؟
لم يرد عليه واسرع من خطوته متجها الى المحل
(زواج بوصية ابى)بقلم/هبه الله عوض السيد(بوبا)
خرجت هى وصديقتها من المطبخ وهى تحمل صنيه بها فنجان القهوه وصديقتها تحمل صنيه بها كاسات العصير
تضع كاسات العصيروتجلس بجانب والدتها قائله:احلى عصير مانجه
كريمه وهى تنظر اليه قائله:تسلم ايدك يا حبيبتي
وضعت الصنيه على الطاوله بصمت وكادت ان تجلس
قاطعتها ألفت قائله:قدميلو القهوه يا حبيبتي
نظرت اليه ومن ثم الفنجان الموضوع على الطاوله ابتلعت ريقها وحملته وقدمته له قائله:اتفضل
نظر اليها وابتسم قائلا:شكرا تسلم ايدك
قدمت له الفنجان وجلست بجانب صديقتها
تناول اول رشفه ونظر اليها بصدمه وجدها تنظر الى الارض
ممدوح وهو يسعل بشده قائلا:مين اللى عمل القهوه دى؟
اسماء بسرعه:دى شيماء اللى عملاها انا مبعرفش اعمل قهوه
نظرت اليه قائله:فى حاجه يا حبيبي؟
ممدوح وهو يحدق بشيماء قائلا:لا يا خالتو بس القهوه عجبتنى اوى
نظرت له بتوتر وازداد توترها من تحديقه بها
نظرت اليه وابتسمت لتتذكر ما فعلته منذ قليل
فلااااااااش:-
تقف وتنظر لصديقتها قائله:شيماء تعالى دوقى العصير كده
شيماء وهى تضع البن قائله:استنى اما اقلب البن
اقتربت منها قائله:انا هقلب البن وانتى اتاكدى من العصير حلو والا محتاج سكر
شيماء:ماشي
اتجهت الى المضرب الكهربى وتذوقت معلقه من العصير قائله:لا هو كده تمام
وضعت ملعقه من الملح بدون ان تشعر ونظرت لها وهى تقلب القهوه قائله:طيب تعالى شوفى القهوه انا حطتله السكر
امسكت القهوه ووضعتها على النار قائله:طب كويس عشان انا مش عارفه سكره ايه
ابتسمت لها وافرغت العصير بالكاسات قائله:انا خلصت
افرغت القهوه بالفنجان ووضعته بالصنيه قائله:وانا كمان
اسماء:طيب يالا عشان نطلع
بااااااك
نظرت اليه وهو يرتشف من القهوه وينظر اليها بغضب ابتسمت لانه اعتقد بان صديقتها هى الفاعله ارتشفت من كاسها قائله:الله عصير المانجه يجنن تسلم ايدى
(زواج بوصيةابى)بقلم/هبه الله عوض السيد(بوبا)
تقف امام المرأه تنظر لنفسها وتبتسم قائله:الله بقي شكلى جميل اوى واللى يشوفنى يقول عندى 25سنه نظرت لهاتفها والتقطت صوره لها ونظرت اليها قائله:هحطها خلفيه
قاطعها صوت رنين هاتفها ابتسمت واجابت قائله:الو
كريم:وحشتيني
ابتسمت قائله:وانت كمان
كريم:كنتى بتعملى ايه؟
الهام:كنت بتصور لسه راجعه من مركز تجميل بقى شكلى جميل اوووى
كريم:انتى اصلا جميله ومش محتاجه اى حاجه
الهام بسعاده:بجد يعني انت بتشوفنى حلوه؟
كريم:انتى احلى واحده شوفتها فى حياتى بس كنتى فى مركز تجميل ليه
الهام:عمتو خدتنى بتقول عشان بكره فرحى
كريم بغضب:دول بيحلمو انا مش هسمح بده يحصل
الهام:وهتعمل ايه؟
كريم:بابا هيخربلهم كل حاجه وهيلغى الجوازه دى
الهام:ازاى؟والورث وكل الفلوس اللى اتنقلت لامير؟
كريم:بابا رفع طعن فى الاوراق وان الاوراق اكيد مزوره وانتى تحت السن القانونى مينفعش تتجوزى
الهام:وعمو متاكد ان الورق دا مزور ؟
كريم:اكيد مزور ايه اللى يخلى عمى يكتب كل حاجه لابن اخته ويحرم بنته واخواته من الورث؟
الهام:طيب ولو لغا الجوازه دى الميراث هيتوزع عادى؟
كريم:اكيد بس فى الحاله دى محدش منهم هياخد جنيه متقلقيش انتى وكله هيبقى تمام يا حبيبتي بقولك ايه ابعتيلى صوره كده اشوف عمتى عملت فيكى ايه
ابتسمت قائله:حاضر هقفل واتصور وابعتهالك
اغلقت معه الخط وارسلت صورتها وهى ترتدى بيجامه من ثلاثة قطع قطعه حماله رفيع وقطعه نصف كم والبارموده
ارسل لها رساله قائلا:الله حلوه البيجامه دى بس البادى اللى تحت مرسوم عليه ايه
ردت عليه قائله:قطه
كريم:اه مش باينه عشان الجاكت متقلعى الجاكت كده عشان اشوف القطه
خلعت الجاكت والتقطت صوره اخرى وارسلتها له
كريم بحزن:الصوره مش باينه ارفعى شعرك كده
ازاحت شعرها عن كتفها والتقطت صوره اخرى وارسلتها له ولحسن حظه حماله البدى سقطت ولكنها لم تنتبه
ابتسم عند رؤيته للصوره قائلا بداخله:ايوه كده فل
ارسل لها قائلا:انا هقفل دلوقتى ورايا شغل
اغلقت معه الخط قائله:ماشي يا حبيبي اما تخلص نتكلم
اغلقت الخط وجلست لتلتقط صور اخرى الى ان شعرت بالملل وارادت الخروج من الحجره
(زواج بوصية ابى)بقلم/هبه الله عوض السيد(بوبا)
يقف وينظر لفستان زفاف ويبتسم قائلا:انا هاخد ده
مراد وهو ينظر اليه قائلا:اخير عجبك حاجه
امير وهو ينظر للبائعه قائلا:جهزيه وشوفى محتاج ايه (ونظر لصديقه قائلا)ايه رأيك حلو مش كده
مراد وهوينظر الى الفستان قائلا:فعلا جميل اوى
امير:طيب يالا عشان نحاسب ونروح مشوار تانى
مراد وهو ينظر اليه قائلا:مشوار ايه تانى؟
تقدم خطوتين قائلا:يالا وبلاش غلبه
مراد وهوينظر اليه قائلا:انا عارف هو يوم باين من اوله
(زواج بوصية ابى)بقلم/هبه الله عوض السيد(بوبا)
يقف خلفها قائلا:مش هعديهالك
التفت ونظرت اليها قائله:نعم!؟ايه اللى مش هتعديه؟
ممدوح:والله دلوقتى مش فاهمه
شيماء بضيق:بقولك ايه انا مبحبش الألغاز
ممدوح:انتى عارفه انا اقصد ايه كويس
تركها وابتعد وهى تنظر اليه بدهشه قائله:دا مجنون دا والا ايه
اقتربت منها وهى تضع يدها على فمها تكتم ضحكاتها
نظرت اليها قائله:مالك انتى كمان فى ايه
اسماء ضاحكه:اقولك ايه اللى حصل؟
شيماء:ايه اللى حصل فى ايه؟
اسماء:بصراحه انا حطيت فى فنجان القهوه معلقتين ملح بدل السكر
وضعت يدها على فمها قائله:ملح!؟يعنى هو مفكر انى انا اللى حطيت ملح فى فنجان القهوه
كتمت ضحكتها وهزت راسها بنعم
شيماء:انتى بتهزرى!؟طب وهو يفكر انى انا اللى حطيت ملح ليه ؟
اسماء:مش عارفه يمكن عشان انتى اللى عملاه
ضربتها على كتفها قائله:يا كلبه تضحكي عليا وتقوليلى انا حطيت السكرعشان انتى متعرفيش سكره
ضحكت قائله:خلاص بقى مكنتش معلقتين ملح
شيماء:انتى لازم.تقوليله انك انتى اللى حطيتى الملح
اسماء:لا انا مش هقوله عشان يعرف يقولى تانى انى تخينه
شيماء وهى تنظر لصديقتها قائله:تصدقى يستاهل انتى قمر هو اللى تخين وستين تخين كمان
قاطعها صوته من خلفها قائلا:هو مين ده اللى تخين؟
انتفضت واستدارت لتنظر له قائله:ايه ده!؟فى حد يتدخل فى كلام حد كده؟
ممدوح:اه فى ومردتيش مين اللى تخين؟
شيماء:انت اللي تخين
نظر اليها بصدمه ونظر لجسده قائلا:انا تخين يا اسماء؟
اسماء:لا طبعا دا انت قمر
نظرت لصديقتها بصدمه ولم تجد ما تتحدث به
اقتربت منها قائله بخفوت:انا مش عايزه بريستيجى يبقى فى الارض ويدينى بالافه قدام زميلى
لوت فمها قائله بتهكم :ادى اخرة اللى يقف معاكى
اقترب منها قائلا:بقى انا تخين؟
ادارة وجهها للناحيه الاخرى ولم ترد عليه
استدار ليقف مقابل لها قائلا:على فكره دى عضلات مش تخن
شيماء وهى تحاول الابتعاد:ميهمنيش اذا كانت تخن والا لا بعد اذنك
امسك معصمها قائلا:دا تانى موقف منك
نظرت لها باعين غاضبه قائله:سيب ايدى ومتفكرش تمسك ايدى كده تانى انت فاهم
نظر لعينيها العسليه لم يسمع صوتها او يرى غضبها فقط مسحوى بتلك العينين
نظرت اليه وجدته يحدق بعينيها ولم ينتبه لحديثها شعرت بالخجل حاولت جذب يدها من بين يديه ولكنها وجدته يمسكها بقوه لم تستطيع تحريرها من بين قبضته وما ذال يحدق بعينيها
حاولت عدة مرات ولكنه كالصنم لم يتحرك يمسك معصمها بقوه ويحدق بعينيها وكانه اصبح اصم
نظرت حولها لم تجد احد ينظر اليهم دفعته بعيدا عنها بقوه
واتجهت الى خارج المنزل
شعر بابتعادها افاق على رؤيتها وهى تبتعد وتتجه لباب الشقه وتخرج مسرعه
استمع لصوتها قائله:فين شيماء؟
ممدوح بهدوء:مشيت
اسماء بصدمه:مشيت!؟مشيت ازاى؟ايه اللى حصل دى قالت هتحضر معايا عيد ميلادى كله
ممدوح بضيق:معرفش هى كانت واقفه ومشيت كلميها وشوفيها
حملت هاتفها قائله:طيب بعد اذنك
اخذت هاتفها وابتعدت عنه لتتصل بها وسط نظراته
(زواج بوصية ابى)بقلم/هبه الله عوض السيد(بوبا)
يدخل الى الشقه وخلفه صديقه يحمل الاغراض المشتراه لعروسته
امير وهو ياخذ الاغراض من يده قائلا:هات هات
مراد وهو ينظر اليه قائلا:هتقدر تشيل كل دا عشان رجلك
امير:لا متخافش
قاطعهم صوت جميله قائله:ايه يا حبيبي كل دا كنت فين؟
امير:كنت بشترى شوية حاجات لالهام
ابتسمت له قائله:ربنا يخليك ليها يا حبيبي
قطع حديثها صوتها قائله:عمتو انا جعانه
نظر اليها بدهشه فلم يراها بهذا الشكل من قبل
جميله:تعالى يا حبيبتي شوفى امير جيبلك ايه
نظرت اليه قائله:جايب ايه؟
رفع الفستان لتراه
نظرت اليه بدهشه قائله:الفستان دا عشانى
جميله وهى تحتضنها قائله:ايوه يا حبيبتي تتهنى بيه
نظر اليها قائلا:انا اللى نقتهولك لو مش عجبك نغيره
الهام وهى تقترب لتتلمس الفستان باناملها قائله:الله دا جميل اوى
امير:هيبقى احلى كمان لما تلبسيه
نظرت اليه وابتسمت له وما ذالت تتحسس الفستان بيدها بانبهار قائله:شكرا
مراد مازحا:اصبر يا عم انت هتعكسها قدامنا والا ايه
جميله وهى تقبلها:مبروك يا حبيبتى
الهام:الله يخليكي يا عمتو
انتبها لملابسها القصيره فاعطى لها الفستان قائلا:ادخلي دخلى الفستان وغيرى هدومك على بال ما الغدا يجهز
نظره واحد لعينيه النصف غاضبه علمت ما يفكر به هزت راسها وامسكت الفستان من بين يديه وركضت الى حجرتها
(زواج بوصية ابى)بقلم/هبه الله عوض السيد(بوبا)
خرجت من المنزل وهى تشعر بالغضب منه كيف يجرأ على مسك يدها بتلك الطريقه
اوقفت سيارة اجره وجلست بها تسند راسها على النافذه
نظرت لهاتفها الذى علا صوته لتجدها صديقتها اجابتها قائله:الو
اسماء:انتى فين يا شيماء؟
شيماء:انا فى التاكسي
اسماء بصدمه:تاكسي ايه انتى مش،هتحضرى العيد ميلاد
شيماء:ماما اتصلت بيا وقالتلى لازم اسافر انهارده
اسماء:ليه فى حاجه حصلت؟قوليلى الحقيقه انتى زعلتى منى
شيماء:لا يا حبيبتي ابدا
اسماء:امال مانتى كنتى متفقه مع طنط انك هتسافرى بكره
شيماء:معلشي يا اسماء اما ارجع هنحتفل بعيد ميلادك سوا
اسماء بحزن:ماشي يا شيماء بالرغم ان كلامك مش داخل دماغى بس هعديها المره دى
اغلقت الهاتف ونظرت حولها بحزن وجدته يقترب منها قائلا:قالتلك ايه؟
اسماء:قالت مامتها اتصلت بيها وقالتلها تروح
ممدوح:هى بيتها قريب
اسماء:لا دا هى من....
قطع حديثها صوت والدتها قائله:اسماء يالا يا حبيبتي ادخلى البسي زمايلك زمانهم جايين
اسماء وهى تنظر لممدوح:بعد اذنك يا ممدوح هروح اجهز
نظر اليها قائلا:ماشي
تركته واتجهت الى حجرتها لترتدى ملابسها وظل واقفا ينظر لباب الشقه يتخيل عودتها مره اخرى
(زواج بوصية ابى)بقلم/هبه الله عوض السيد (بوبا)
فى صباح اليوم التالى
يقف اما المرأه يرتب شعره يرن هاتفه ويجيب عليه قائلا:يااه عاش من شافك يا حضرة الضابط
ممدوح ضاحكا:ههههههه معلش بقى لو كنت اعرف انها كده مكنتش دخلتها
امير ضاحكا:هههههههه هى ايه دى يالا
ممدوح ضاحكا:الشرطه ياخويا هههههههه
امير:ايه مش هنشوفك والا ايه ؟
ممدوح:انا على وصول والله وعرفت ان انهارده فرحك الف مبروك يا صاحبي بالرغم انى معرفتش منك
امير:مراد اللى قالك؟
ممدوح:اه هو كلمنى امبارح وقالى
امير:والله هى جات بسرعه مش مرتبلها وكمان انا قولت انك مش هتيجى بس ليك نصيب تحضر اهو
ممدوح:انا هستلم انهارده بصراحه مضمنش انى احضر بس هحاول
امير:ربنا معاك يا صاحبى
ممدوح:انا هقفل دلوقتى واول موصل هكلمك هتبقى فاضيلنا والا ايه يا عريس
امير:اكيد يا حبيبي وقت متوصل رن عليا توصل بالسلامه
ممدوح:سلام يا صاحبى
اغلق الخط ووضع هاتفه بجيب بنطاله وخرج من الحجره متجها لحجرة الطعام يجد والدته تضع الاطباق على المائده نظرت اليه قائله:صباح الخيريا حبيبي
امير:صباح الخير يا امى
جميله:اقعد كل يا حبيبي
جلس على مقعده ونظر اليها قائلا:امال فين خالتو والهام وساندى
جميله:الهام وساندى بيلبسو عشان خارجين وفريده فى القوضه
امير:يعنى هنفطر لواحدنا والا ايه
جميله وهى تنهض من على مقعدها:انا هروح انديها وبالمره اجيب الدوا من القوضه
امير:ماشي وانا هروح انادى البنات
اتجهت الى حجرتها لتحضر الدواء كادت ان تطرق الباب ولكنها توقفت عندما استمعت صوت شقيقتها قائله:يا بنتى افهمى امير دلوقتى بقى معاه كل حاجه ولو انتى موقعتيهوش واتجوزتيه نهى هتوقعه انتى مفكره خالك جميل هيسيبه
ساندى:ايه اللى بتقوليه دا يا ماما انا مستحيل اعمل كده
فريده:مش انتى بتحبيه؟طول عمرك بتحبيه انا عارفه كويس
ساندى بتوتر:اه اه بحبه بس مستحيل اعمل كده
فريده وهى تمسك معصمها بغضب:هتعملى كده غصب عنك انتى فاهمه لو مسمعتيش كلامى انا وانتى هنبقى فى الشارع انا كنت حاطه املى على الورث هو اللى كنا هنعيش عليه انتى عارفه بعد وفاة ابوكى ايه اللى حصل هنسد ديونا ازاى اسمعى كلامى يا ساندى
ساندى بصدمه:ايه اللى بتقوليه دا يا ماما انا مش مصدقه انى بسمع الكلام ده منك
فريده بحزن:غصب عنى بعد يا ساندى محدش يعرف اننا رجعنا هنا هربنين من الديون اللى علينا واكيد مش هنفضل قاعدين هنا العمر كله انتى لازم تتصرفى وتسمعى كلامى
ساندى وهى تمسك يد امها بحنان:انا هشتغل يا ماما وهناجر بيت على قدنا انا وانتى
فريده:وامير انتى بتحبيه
ساندى:امير هيتجوز يا ماما هو مش ليا
فريده:بس هو مبيحبهاش هو متجوزها عشان وصية خالك
ابتسمت لها قائله:وحفاظه عليها ورعايته ليها دا شي اعظم من الحب هى محتجاه اكتر منى
قطع حديثهم طرق على الباب
تبادلو نظراتهم واتجهت لتفتح الباب مسرعه
لم تستطيع ان تنتظر اكثر من ذلك طرقت الباب وجدتها تفتح الباب وعلى وجهها ابتسامه مضطربه
بدات الحديث قائله:ايه يا فريده مش هتفطرى عشان تاخدى دوا الضغط
فريده بتوتر:ا اا اه ما انا كنت طلعالك اهو
جميله وهى تنظر الى ساندى قائله:الهام لبست؟
ساندى:هروح انديها يا خالتو ونحصلك على طول
جميله وهى تنظر الى شقيقتها قائله:يالا يا فريده عشان تفطرى امير قاعد مستنينا
(زواج بوصية ابى)بقلم/هبه الله عوض السيد(بوبا)
تجلس بحجرتها بعد ذهاب ابنة عمتها لحج ة والدتها تنظر لذلك الفستان المعلق بداخلها شعور غريب كأي فتاه تمنت ارتدائه ولكنها تمنته لشخص احبته وهذا الشئ لم يمنع ابتسامتها حينما تنظر اليه وهو معلق امامها
اقتربت منه وحملته بين يديها قائله:ياااه دا تقيل اوووى انا هلبسه وامشي بيه ازاى
بعد دقائق كانت ارتدته
وقفت امام المرأه وتنظر لظهرها قائله:هقفل السسته ازاى توووء
استمعت لطرق على الباب فابتسمت لانعكاس صورتها بالمرأه قائله:دى اكيد ساندى جت فى وقتها
انهت جملتها بسعاده وركضت الي الباب فتحته قائله:جيتى فى وقتك اقفليلى السوسته
طرق باب الغرفه لحظات قليله ووجدها تفتح الباب وبدون ان تنظر اليه تطلب منه اغلاق السحاب
نظر اليها بصدمه قائلا:السوسته!؟
الهام بارتباك وهى ترفع صدر الفستان قائله:اااانا فكرتك ساندى
امير وهو ينظر اليها بانبهار قائلا:الفستان شكله حلواوي عليكى
ابتلعت ريقها بتوتر وقامت بارجاع شعرها الى الخلف قائله:شكرا
لم تنتبه انها تركت صدر الفستان ليسقط ويظهر جزء من صدرها
نظر للجهه الاخرى قائلا:غيرى هدومك وتعالى عشان تفطرى ونادى ساندى كمان
الهام:بس ساندى مش هنا طنط فريده نادتها من شويه
امير:طيب غيري لبسك وتعالى افطرى وماما زمانها عرفتهم
الهام:ماشي
تركها وخرج من الحجره وابتسم قائلا:اجمل من ما كنت متخيل
قطعت حديثه قائله:هى مين دى يا باشمهندس اللى اجمل من ما كنت تتخيل
امير بدهشه:انتى جيتى امتى
شيماء:لسه واصله اهو بس دخلت بمفتاحى قولت افزعكو
امير:ماشي يا لمضه
شيماء وهى تشمشم قائله:فطرتو والا ماما لسه في المطبخ
امير:لا ماما فى القوضه بتنادى على خالتو
شيماء وهى تجر حقيبتها خلفها قائله:اما ادخل حاجتى فى القوضه عشان الحق المائده من اولها
امير ضاحكا:مائدة ايه يا طفسه
شيماء وهى تعطى له ظهرها قائله:انا مش هكلمك عشان انت عريس بس (ونظرت اليه مره اخرى وركضت لتحتضنه قائله):الف مبروك يا امير اخيرا هنخلص منك وتتجوز
امير ضاحكا:هههههههه وانتى بتجرى عليا حسيت ان ثور بيجرى عليا
ضربته فى صدره بقوه قائله:انا ثور دا انا ارفع واحده فى عيلتك
امير ضاحكا:لا الهام ارفع
شيماء:هى الهام فيها حاجه الهام دى طفله اصلا
انهت جملتها ونظرت لشقيقها باسف قائله:انا انا اسفه مكنتش اقصد
امير بابتسامه قائلا:بتتأسفى على ايه ؟يالا ادخلى غيرى هدومك عشان تلحقى المائده
اتجهت الى حجرتها وهى تجر حقيبتها خلفها
نظر لشقيقته وهى تتحرك امامه قائلا:هى فعلا طفله
(زواج بوصية ابى)بقلم/هبه الله عوض السيد(بوبا)
#يتبع
أنت تقرأ
(زواج بوصية ابى) بقلم/هبه الله عوض السيد (بوبا)
Romanceالكثير منا يجرى وراء مطامعه وغرائزه ومنا من يسلك طريق محاط بالمساوء فقط ليصل الى ما يريده لا يري ما يخسره ولم يشعر بما يسلبه اخر منه فقط يركض دون ان ينظر ما يقع منه وما يسلب من بين يديه ويمكن ان ما يفقده اغلى بكثير من ما يركض وراءه فما يركض وراءه يم...
