مشيت مكتبي و بديت شغل طبعا م رفعتا راسي نهائ و كنتا خاته المنبه قصادي عشان اول م تجي 10 ونص اسلمو الملفات و هو هناك نفس الحنك متابع الوقت عشان يزلني بالتأخير..اول م جات 10 و ربع كان باقي لي ملف واحد❤اشتفلتو سريع سريع و انتهيت 10 ونص💃م صدقتا طوالي دخلتا مكتبو و هو كان طالع عاين لي بأستغراب..
نرمين:أنتهيت منهم😊
فهد:بجد!!
نرمين:شايفني بهظر؟!..😊
فهد:كويس طيب ف هناك اوراق انسخيها لي و فيها شويه تعديلات عدليها و جيبيها
نرمين:انتا تأمر😊(طبعا عرفتو عايز يعاند و يتعبني بأي شكل💔شلتا الورق و عملتا القالو و طلعتا لقيتو قاعد ف مكتب فارس مشيت عليهو هناك)
فارس:سندريلا💔اخوي متعبك صح
نرمين:و الله انتا عارف اني بحب الشغل و م عندي مشكله😊
فارس:طيب ي الجميله بليل عندنا اجتماع مع ناس عبد العزيز و لازم تكوني حاضره
نرمين:طيب ح اجي
فهد:انتهيتى لي من ورقي😒
نرمين:اي😒
فهد:تمام
نرمين:(عاينتا ليهو بنظره انتصار كده و طلعتا😂قعدتا ف مكتبي و كملتا شغلي الاداني ليهو فارس زي الساعه 4 فهد ناداني مكتبو)
فهد:عايني انا عايز تفاصيل شغل ناس عبد العزيز ديل و ع فكره انا بهمني الوقت شديد عشان كده عندك نص ساعه بس😊
نرمين:(عاينتا لساعتي لقيتا 4 و 10)اووه آسفه انا كمان بهمني الوقت بس م ح اقدر اعمل ليك حسي لانو دي مواعيد الغذاء😊
فهد:(حمر لى تحميره حسيتو شويه و يجي يدقنى😂)
انا طلعتا و نزلتا الكفتريا لقيت توحه و كم بت و ولد قاعدين قعدتا معاهم..شويه كده و فهد جا نازل واحد من الشباب قال ليهو الا تقعد و فعلا قعد و طلب أكلو اكل معانا💕القعده كلها البنات يتخاففو معاهو😂و انا اصلا م بتكلم قاعده و بعاين ليهم لمن م زميلي اسمو احمد قال لى:ي نرمين عليك الله و لو مره وحده شاركى و قولى شي
مزنه:(دي طبعا برضو زميلتى بس سبحان الله لا بحبها لا بتحبني)أصلا من يوما كده بس ساكته
احمد:اصلو الجميل طبعو الهدوء😉
توحهه:جابت ليها خارجيات😂😂
نرمين:و الله ي احمد لو ف شي كان ينفع اقولو م كان سكتا😂بس عارفنى م بحب الونسه و الكلام الكتير..ع العموم عن أذنكم انا طالعه😊(و طلعتا طوالى..فهد كان متابع و ساكت)
قعدتا و عملتا القالو لى فهد و قبل م يطلع انا كان انتهيت و ختيت ليهو الورقه و مشيت مكتب فارس..
نرمين:استاذ فارس ممكن طلب؟!..
فارس:احكى
نرمين:ينفع اطلع الليله بدرى..يعني..
فارس:(قاطعا)الليله الثلاث بقيتي طبيعي ططلعى بدرى ف اليوم ده أموت و أعرف بتعملى فيهو شنو😂
نرمين:هو متعوده بس امشي حته ف اليوم ده💔
فارس:طيب م عندك مشكله بس بعدين م تنسي تجى مطعم()
نرمين:تمام😊(طلعتا اخذتا شنطتى و مشيت)
فهد:(طلع مكتبو لقا الورق..)هه اها ي فهد لقيت بت تجاكرك و م قادر تمسك فيها غلطه(طلع بره لقانى ف المكتب ماف سأل توحه..)نرمين وين
توحهه:دقيقه..الليله يوم الثلاث معناتا اكيد مشت
فهد:مشت وين..مواعيد الطلعه لسهه
توحه:اى بس كل ثلاث عندها شي بتعملو عشان كده بتطلع قبل ساعتين من نهايةه الدوام
فهد:ده الناقص..و بتعمل شنو
توحه:م عارفه و الله
فهد:تمام(و مشا ع مكتب فارس)عاين ي الحنين هنا كل الناس واحد و تانى نرمين م بتطلع من الشركه الا لشي طارئ😡دى م شركة ابوها
فارس:عاين ي فهد صح انا م عارفا بتمشي وين بس متأكد انو حاجه مهمه و غير انو هيا م بتقصر ف شغلا اصلا
فهد:و الله دى م مشكلتنا و تانى طلعه ليها من الشركه قبل نهاية الدوام ماف😡(و طلع دخل مكتبو)
انا متعوده كل ثلاث أمشي المقابر💕و أشترى معاى دقيق و حاجات أوزعا للناس المحتاجه قبل أصل💕وزعتا حاجاتى و مشيت ع قبر أبوى اول حاجه💕قعدتا جمبو و بقيت بمسك ف التراب💔
نرمين:ي ابوى😢عارف انى أشتقتا ليك صح؟!..و الله كل يوم بدعي ليك😢انا م قادره أستوعب كيف تانى م ح أمسكك و أحضنك😢كيف م ح أضحك معاك و أقعد أغيظك😭😭😭انا م قادره أستحمل فراقك😭😭(و بقيت بس ببكي😭💔)ربنا يرحمك ي ابوى ربنا يرحمك😭(مسحتا دموعى و مشيت مسافه لمن وصلتا قبر فادى❤قعدتا جمبو برضو و بقيت بتبسم❤)فدو❤حبيبي❤عارف انتا حسي لو كنتا عايش كان ح نكون تمينا سنتين ع زواجنا❤و كان ح نجيب بتنا وتين البنحلم فيها💔ممكن اعرف ليه أنتا و أبوى مشيتو كده فجأه😭😭😭أنا أشتقتا ليك شديد😭(و بقيت ببكى و أمسح ف دموعى و أتذكر كلامو لى قبل سنتين..
(فادى:نرممين ممكن م تبكى💔😡
نرمين:😭م تتكلم معاى
فادى:و الله حسي دى اكسر السياره دى فوق راسك😡و امشي لزفت نادر اكسر فوقو البيت كمان😡لمن حسي هادى و بقول مشكله عاديه بين اخ و اختو بس تبكى زياده و الله أتهور
نرمين:(مسحتا دموعى)ممكن تهدا😢
فادى:أنا بستحمل كل شئ ف اى شي إلا أنتى❤❤)
بقيت بتذكر ف كلامو و امسح دموعى و أتبسم😢❤❤
نرمين:انا بستحمل كل شي ف اى شي الا أنتى❤و انا عشانك ح أمسح دموعى❤لأنى بستحمل كل شي ف اى شي الا أنتا و زعلك مني❤(قعدتا شويه كده و رجعتا بيتنا لقيت أمى مافى دخلتا أستحميت و نزلتا لقيتا يادوب جات💕)
ساميه:نرمين رجعتى متين😍
نرمين:قبل شويه
ساميه:طيب اعمل ليك اكل
نرمين:لا بعد شويه ح اطلع عندنا اجتماع ف مطعم
ساميه:طيب تمام انا رجعتا يادوب من السوق ح اطلع انوم شويه💕
نرمين:طيب😊(قعدتا ف الصاله و بقيت بحضر تلفزون لحدي المغرب كده طلعتا و لبستا لي فستان اسود طويل و فيهو حزام كده فضي ف النص و لبستا معاهو كعب عالي فضي و طرحه سوده فيها اطراف بالفضي و عملتا مرطب و نزلتا❤لقيت نادر قاعد ف الصاله)
نادر:اووه ياخخ البت المزه😍ع وين
نرمين:عندي اجتماع ف مطعم()
نادر:طيب رأيك شنو أوصلك❤
نرمين:طوالي😂(مشينا ركبنا و الطريق كلو نادر يتونس معاي و يموتني ضحك❤😂لمن وصلنا قال لي اول م تخلصي رني لي قلتا ليهو تمام👍نزلتا و دخلتا شفتا فارس و فهد قاعدين و الزباين لسه م جو مشيت عليهم)
نرمين:سلام😊
فارس:سندريلا😍اخخ ده شنو الجمال كلو ده
فهد:(كان بعاين لي و ساكت💕)
فارس:(قام و طلع لي كرسي)بسحروك ي بت😂
نرمين:تسلمم ياخخ😊❤(عاينتا لفهد لقيتو مركز بس اول م عاينتا ليهو أتلفت..بقيت اتونس انا و فارس)
فارس:ممكن أفهم قصتك ايه مع الاسود😂دايما اي اجتماع بتلبسي
نرمين:عامله حداد💕
فارس:حداد من 6 شهور ي شيخه😂(و بقا يضحك ع اساس اني بهظر بس انا كنتا جاده،،م بطلع الا بأسود)
فهد:بالمناسبه تاني طلعه بدري يوم الثلاث ماف😊
نرمين:و ليه؟!..
فهد:لانو دي قوانين😊
نرمين:بس انا بعمل شغلي و بزياده
فهد:برضو ماف
نرمين:لو أسيب الشغل عشان السبب ده م عندي مشكله😡
فهد:(طبعا دي كان اول مره انفعل فيها..فهد أستغرب شديد و بقا ساكت)
فارس:نقفل السيره احسن الناس جو😊
حدادي لا علاقه له بمده او زمن..بل بما يحمله قلبي من ألم..
كنت قد احببت الاسود ليذكرني بكم دائما..لأعلم أني بعدكم لن أعيش و لكني تهت ف لون بياض آخر!!..و علمت ان الحياه لن تقيف💕
