صحيت تاني يوم مصدعه شديد و راسي ده ح ينغجر..بلعتا بندول و نزلتا لي ناس امي..
ساميه:نرمين انا عايزاك ف موضوع ي بتي
نرمين:احكي
ساميه:جاك عريس..
نرمين:(قاطعتا)خلاص م تتمي
ساميه:😳😳😳😳نرمين
نرمين:خاله ليك البيت زاتو(و طلعتا لقيت سيارتي بره ركبتا و طبعا عشان م شربتا الشاي راسي وجعني زياده..اول م وصلتا دخلتا ع الكفتريا و طلبتا شاي بقيت أشرب)
فهد:توحهه نرمين لسه م جات
توحه:لا و الله
فهد:ي ربي اتأخرت ليه
توحه:قلتا شي؟!..
فهد:لا😊(و دخل مكتبو بقا ماشي جاي ف المكتب)
نرمين:(انا شربتا الشاي و طلعتا فوق)صباح الخير
توحه:صباح الفل..م شفتي الولد الحلو سأل منك
نرمين:مين؟!..
توحه:تصدقي من قريب حواجبو حلوه و لا العجب رموشو😢
نرمين:خلاص عرفتا😊
توحه:اكيد ح تعرفي من وصفي🙈🙈
نرمين:توحه
توحه:طيب طيب طايره شغلي😍اصلا م فاضيه ليك❤(و بقت تغني)العسل يوم انتنا و قدل انا مزاجي انعدل روحي فرحتا جات😍👏👏👏
نرمين:ربنا يشفيك انتي..(و دخلتا مكتب فهد)استاذ سألتا مني
فهد:(عاين لي مسافه)انا...امم..هو..يعني كنتا
نرمين:اها
فهد:عايز اسألك لو السياره جات
نرمين:جات
فهد:و انتي كيف
نرمين:(عاينتا ليهو باستغراب)كيف يعني؟!..
فهد:انسي..عايز منك تجيبي لي اخر ملفات رسلتا ليك مع ضحى
نرمين:طيب(و طلعتا)
فهد:غبي غبي طول عمرك غبي زي الكأنو اول مره تتكلم مع بت ياخخ مالك💔
نرمين:ده اكيد جنه...شكلو م طبيعي
فارس:سندريلا💕
نرمين:ي هلا
فارس:مالك واقفه هنا و بتتكلمي براك😂
نرمين:م كنتا بتكلم براي😅
فارس:مما جيتي الشركه دي و انا بمسكك بتتكلمي براك و برضو تقولي لي نفس الكلام كل مره😂
نرمين:😅
فارس:طيب عايني بعدين احتمال يجو الممولين اضربي ليهم قبل ططلعي الغذاء و اسأليهم لو ح يجو
نرمين:حاضر(و مشيت مكتبي قعدتا اشتغل)
ف شركه ناس عبد العزيز كان مهند و معاهو سامي صحبو قاعدين بشوفو ف الصور الاتصورتا..
مهند:البت دي صاروخ عديل..ياخ تصدق لمن شفتا ف الحقيقه كان احلى كمان💕
سامي:احلى من كده😂بس بيني و بينك فيها حلات جسم❤
مهند:جسم و عيون و شعر❤دوختني عديل
سامي:بس انتا قلتا انها مخطوبه
مهند:و يعني شنو..انا الدايرو منا باخذو😉
سامي:عاين البت دي شكلو وراها ناس
مهند:و الله لو بقا وراها جيش انا عايزا يعني عايزا❤(و بقا يعاين للصور تاني❤)
انا كملتا شغلي و جات مواعيد الغذاء ضربتا للممولين قالو ح يجو ع الساعه 5 ونص قلتا ليهم تمام دخلتا كلمتا فارس و طلعتا لقيت فهد بتكلم بالتلفون جمبه الباب اول م شافني قفل..
فهد:نرمين
نرمين:نعم
فهد:ينفع نتغذا الليله سوا
نرمين:(طبعا استغربتا شديد)انا..اسفه م بقدر مواعده زول
فهد:طيب م مشكله بس كنتا عايز اسألك كم حاجه عن المشروع الجديد
نرمين:تمام بعدين لمن اجي بجيك
فهد:طيب😊
نرمين:(مشيت و اتحركتا ع المطعم المتفقين عليهو انا و نسيبه..قعدتا شويه بعدين هيا جات طبعا اول م شفتا قلبي بقا شغال دلوكه بجووه👏نسيبه كانت بتشبهه فادي شديد،،ماخذه نفس ملامحو و عيونو❤)
نسيبه:نرمين😢(و جات حضنتني)بجد اشتقتا ليك
نرمين:انا كمان و الله💕
نسيبه:(قعدت)اخبارك شنو ي بت
نرمين:و الله ماف اي اخبار ياها الحياه ماشه
نسيبه:ع قولك الحياه ماشه❤(طلبنا اكلنا و بقينا نتونس عادي زي نص ساعه كده)
نرمين:انا مفروض امشي بعد ده
نسيبه:طيب لو سمحتي ممكن نتواصل دايما❤و ننطلع دايما💔
نرمين:(سكتا)
نسيبه:عارفه انو طولتا منك شديد بس اخر سنتين كانت صعبه علي انا كمان💔و حسي لازم نكمل و ننسا الحصل
نرمين:الحصل م بتنسي ي نسيبه
نسيبه:بس هما م ح يرجعو💔و انا م بطلب كتير كل العايزاو انو نرجع ايام زمان
نرمين:طيب ان شااء لله💕
نسيبه:يلا انتبهي لنفسك
نرمين:ان شااء لله😊(و مشيت)
نسيبه:هه يعني متوقعه انو ح ارجع حبا فيك ي نرمين..لا بس انتى حاجه مهمه شديد عشان اقدر أصل للأنا عايزاهو💔
رجعتا الشركه و طوالي مشيت ع مكتب فهد كان قاعد و بشرب قهوه ف الكنبه و قدامو اللاب..
فهد:تعالي اقعدي
نرمين:طيب(دخلتا و قعدتا جمبو💕)
فهد:عايزك تقدمي البرنامج انتى للممولين
نرمين:انا!!
فهد:اي انتى😊
نرمين:بس انا..
فهد:(قاطعني)انتى اكتر وحده بتعرفي تفاصيل المشروع
نرمين:طيب م مشكله
فهد:اها حاولي اشرحي لي كتجربه
نرمين:طيب عاين..(و بقيت بتكلم و مركزه مع الصور الفي اللاب و فهد مركز فيني شديد❤سرح من كلامي بعيد و بقا بعاين لي طريقه كلامي و لعيوني)اها رأيك؟..
فهد:حلووه❤..
نرمين:كيف؟!..
فهد:أاا اقصد يعني كويس و حلو كلامك❤(و بقا يحك راسو)
نرمين:(سكتا)
فارس:(جا داخل)انتو هنا و انا مستنيكم😒الناس جو
فهد:تمام طيب(و مشينا ع غرفه الاجتماعات سلمنا عليهم و شغلنا البلجكتر و بقيت اشرح ليهم عن البضاعه و فكره الافتتاح للمعرض❤و هما فرحو شديد و فعلا اول م انتهيت بقو يشكرو فيني و ف الفكره حقت فهد❤و طلعو بعد م ورونا قرارم و انو المعرض لازم يتم افتتاحو بعد شهر طق)
فارس:سندريلا الليله كنت عجيبه💕
نرمين:تسلمم❤
فهد:قلتا ليك ح تنجحي❤
نرمين:(عاينتا لي و ابتسمتا💕)😊
فارس:ارح طيب اعزمكم بالمناسبه الجميله دي
نرمين:لا تسلم انا ماشه
فارس:لالا ماف كلام زي ده ح تمشي معانا..و لا م يكون خطيبك عندو مشكله😉
فهد:(حمر ليهو)
فارس:مالك؟!..
نرمين:لا م عندو مشكله😊
فارس:طيب نص ساعه و تنزلي عشان نمشي
نرمين:طيب
فارس:حلاتو البسمع الكلام😉
نرمين:😊(طلعتا)
فارس:انتا مالك بتحمر لي
فهد:و لا شي😒(و طلع مشا مكتبو بعد نص ساعه كده نزلنا تحت)
فارس:يلا امشو وراي ف مطعم قريب اكلو حلو شديد💕
فهد:نشوف ح تأكلنا شنو الليله😒
نرمين:(ركبتا سيارتي و كنت ماشه وراهم لمن وصلنا مطعم كده شكلو ظريف دخلنا و قعدنا)
فارس:اها رأيك ف المطعم ي سندريلا😉
نرمين:حلو😊
فهد:اها ططلبو شنو
فارس:لا انا الح اطلب ليكم😂(و قام خلاني قاعده مع فهد)
فهد:بالمناسبه
نرمين:اها
فهد:انتى الح تكوني مسؤله عن المشروع
نرمين:و ليه فجأه كده بقيت تحب شغلي
فهد:لانو شايف انو انتى مجتهده و اكيد م ح تغلطي😊
نرمين:(سكتا منو و بقيت اعاين للناس الحولينا)
نسيبه:دي مش نرمين😳ههه لا كمان قاعده معاهو براهم💔كوويس ي فهد!!(تلفونا دقا)نعم ي مروان
مروان:وينك انتى ي مره..طول عمرك ح تفضلي كده مستهتره..ياخ ولدك ده من قبيل ببكي..حسي الشغاله جابتو لي ف المكتب😡
نسيبه:مش ولدك برضو م تمسكو شويه ي مروان..بس خلاص انا جايه😒(و قفلت الخط..عاينت لينا مسافه بعدين مشت💔)
ف بعض الاحيان نلتقي بأشخاص نظنهم مجرد عابرين لا مسمى لهم..حتى تصيبنا الحياه بعدوى الحب فيصبحون هم اساس كل شي💕..
ربما عواصفنا اتت لتزيحك من طريقي لكنك كنت ثابتا كجذر حب م زرع ليقطف💕..
