بلا نهايات

١٩

  فارس نزل ضحى الشركه..
فارس:قدمي استقالتك م عندك شغل تاني معانا
ضحى:لا الله يخليك لا انا م..😭
فارس:(قاطعا)كان تفكري ف الحاجه دي قبل م تعملي العملتي😒(و اتحرك طوالي)
ضحى:ي الله😭
توحه:(شافتا داخله الشركه و بتبكي مشت عليها)ع فكره انا م ح اقول ليك العملتي غلط لاني م فاهمه القصه كلها بس كان تفكري بأمك الم عندها غيرك يصرف عليها و تحترمي شغلك😒(و مشت منها)

   ف المستشفي امي جاها هبوط دخلوها غرفه و رقدوها هناك و فهد يطلع و يدخل و ماف اي خبر..نفس وضعي💔فارس جا لقا فهد قاعد قصاد غرفتي و بهز ف رجلو..
فارس:فهد
فهد:فارس انتا مشيت وين
فارس:(سكت مسافه)قلتا ليك العلاقه البتتبني على عدم ثقه م بتكمل..
فهد:(قاطعو)ده م وقت كلامك ده و الله💔
فارس:لا لازم تسمعني العملتو ف حق البت الجوه دي اكبر غلط ف حياتك،،طلعت نسيبه وره القصه
فهد:كيف يعني
فارس:(حكا ليهو كل شي)
فهد:(بقا خاتي يدو فوق راسو و ساكت)💔
فارس:انتا عارف ليه قلتا ليك كده؟!..م عشان تحس بالذنب بس عشان انا بجد خجلان من العملتو انتا..انا متفهم حالتك بس كمان م بقدر أغض نظر عن حالت البتواجهه الموت جوهه دي
فهد:فارس أسكت
فارس:ادعي ربك تبقا كويسه
نادر:ممكن تفهموني الحاصل
فارس:بنفهمك بس حسي أمك وين
نادر:امي جوه..فهد كيف حصل الحادث
فهد:(بقا بعاين ل يدو)ده دمها
نادر:استغفر الله💔
_(الدكتور جا طالع)عاينو احنا محتاجين لدم و بسرعه
فهد:حصل شنو😳هيا كويسه..م ح يحصل ليها شي صح
_و الله صعب نحدد من حسي
نادر:دم..زمرتا O
_اي احنا م عندنا ف المستشفي ح ننزل اعلان و نشوف بنك الدم بس لو عندكم زول بتعرفو جيبو عشان كده أسرع
فهد:انا زمرتي م O..منو زمرتو كده😢
فارس:منو زمرتو كده ي الله
نادر:م قادر اتذكر زول😭
فارس:ي نادر ممكن تهدا م وقتك انتا كمان
فهد:اتذكر ليك زول طيب حبيبتي جوه بتموت😭
فارس:يعني زول نصيح فيكم ماف..طيب ي ربي ف منو(سكت مسافه)توحه..توحهه زمرتا o سلبي
_كويس أضربو ليها تجي لانو نرمين زاتا o سلبي
فهد:اضرب ليها سريع
فارس:ابرد ياخخ(و ضرب لتوحه فهما الحاصل و هيا جات سريع..عملو ليها الفحوصات و كلو بعدين نقلو منها دم..انتظرو كلهم زي ساعتين الدكتور تاني م قال شي)
فهد:(بقا بعاين ل يدو و قميصو الكلو دم💔طوالي قام..فارس بقا يناديهو م رده مشا ركب سيارتو و اتحرك سريع و دموعو دي بتنزل براها لمن م وصل بيت نسيبه دخل جوه لقا مروان جاب فادي و نسيبه واقفه بتبكي..)بتبكي؟!..
مروان:(عاين ليهو بخلعه)
نسيبه:فهد😢ده شنو الدم ده
فهد:ده شنو؟!..
مروان:ده منو ي نسيبه
فهد:انتي كيف قدرتي تعملي كده؟!..ليه اصلا عملتي كده..انا م بححبك..عارفه عرفتا الحب متين؟!..لمن شفتها لمن دخلت هيا حياتي،،عارفه يعني شنو بقت كل شي و انتى ف لحظه وحده دمرتي كل شي💔
نسيبه:فهد😢
فهد:م تقولي زفت اسمي😡هيا بتموت بسببك و بسببي😡
مروان:نسيبه ف شنو
فهد:انا بس عايز أفهم حاجه وحده..نرمين دخلا شنو ف اللعبه دي😡
مروان:نرمين😳نرمين وين
فهد:نرمين بتموت..بتموت😢
نسيبه:(بقت ساكته و بتعاين ليهو💔)
فهد:انتي دمرتي كل شي ف حياتي..انتى مستحيل تكوني انسانه اصلا ماف زول نصيح بفكر زيك و بخطط زيك ياخ😡احنا وين..معقوله ف ناس وسخه زيك كده؟!..ياخخ..😡
فادي:ماما فيهو دم
فهد:(اول م شافو سكت💔)
نسيبه:انا عملتا ده كلو عشان فادي😢
فهد:لا أنتى عملتي ده كلو عشان انتي انانيه..عارفه انا حنيت عليهو لانو عندو أم زيك💔(و طلع من هناك طوالي)
مروان:انا م عارف كيف حبيتك الصراحه..م عارف(و طلع)
نسيبه:ي الله😭😭😭
فادي:ماما😢
نسيبه:(حضنتو)فادي😭

   فهد من هناك اتحرك ع شركه ناس ع العزيز و دخل برضو سريع لقا عبد العزيز و مهند ولدو قاعدين..
فهد:ي حيوان😡(و مشا مسكو وقع فيهو دق طوالي👊👊👊)
عبد العزيز:تعالو فرقوهم ح يقتلو💔(جو شباب و مسكو فهد قوي و هو هايج شديد..مهند كان واقع ف الارض و وشو ده مليان دم)
فهد:انا مش قلتا ليك م تقرب من نرمين تاني😡انتا حيوان(و بحاول يدقو تاني بس ماسكنو قوي)
عبد العزيز:ي ولدي اهدي..ماف حاجه بتتحل كده😡
فهد:انتا عارف بسبب الحيوان ده حصل شنو😡
مهند:م حيوان انتا الحيوان😡لو م صدقتا كلام نسيبه و زي الغبي مشيت اتشاكلتا معاها م كان حصل كده
فهد:(بقا يعاين ليهو و سكت)
مهند:انتا الأتخليت عنها كان مفروض تكذبنا و تصدقا😡
فهد:(فكا الناس منو و طلع من الشركه طوالي)
عبد العزيز:انتا تاني بديت لعب بالبنات صح😡
مهند:لا الموضوع م زي م..
عبد العزيز:(قاطعو)ارجع البيت لمه هدومك ح أسفرك قطر😡
مهند:ي ابوي..
عب العزيز:(قاطعو)سريع😡😡
مهند:(شال تلفونو و طلع💔)

   فهد رجع المستشفي و طلع ليهم فوق..
فهد:حصل شنو..الدكتور م قال شي
فارس:الدكتور الحمد لله قال انو حالتا ف تحسن و بعد ساعتين كده ح يطلعوها الغرفه التانيه
توحه:بس جروحا غميقه ح تقعد كم يوم عشان ينظفو ليها و يطمنو ع حالتا أكتر
فهد:الحمد لله ي الله😢❤
فارس:حسي انتا أرجع استحما و ارتاح بعدين تعال
فهد:لالا م ماشي حته انا💔
فارس:فهد
فهد:فارس اختاني💔(و مشا قعد ف الكرسي و بتذكر"نرمين:(فكيت يدو)انا م عارفه كيف سمحتا ليك تدخل حياتي بالشكل ده😡كان مفروض اعرف انك جزمه و مستحيل تكون زي فادي و لا ف شي..عارف هو لو كان مكانك كان ح يكذب اي شي عشاني
فهد:فادي..فادي😡انا م فادي لكن انا فهد
نرمين:دي المشكله انتا مستحيل اصلا تكون زيو..
فهد:عارفه..انا عندي حل يريحك و يريحني😊احنا انتهينا لا ح تشتغلي عندي..و لا ح اتشرف احب وحده زيك
نرمين:.."💔
توحه:ي فارس فهد ده م كويس نهائ
فارس:م عارف أعمل شنو💔
فهد:انا غبي..غبي💔(قعدو زي ساعتين كده بعدين نقلوني الغرفه التانيه..امي كان يادوب صحت بقت تسأل مني و الدكتور سمح ليها تدخل لي جوه كنت راقده و م حاسه بشي💔جسمي كلو جرووح و وشي بالجنبه كلو جروح برضو😢امي بقت بس قاعده و تبكي😭..)
نادر:ي دكتور احنا ندخل ليها متين
_خليها تصحا و اتأكد من حالتا بعدين بدخلكم كلكم
نادر:طيب
فارس:توحه خليني طيب أوصلك
توحه:لا انا ح استنا
فارس:فهد
فهد:..
فارس:هيا بقت كوويسه خلاص
فهد:...
فارس:استغفر الله

    انا صحيت و صوتي مبحووح..
نرمين:عايزه امشي من هنا..اخذوني من هنا..
ساميه:نرمين بتي😢
نرمين:امي..خلينا نمشي من هنا💔
ساميه:ح نمشي بس انتى اصحى😢
نرمين:..
     
    دائما م نسمع بقصص الحب الجميلهه..نظنها خرافه و لكنها حقيقه..نراها كبعد نجمه مضيئه..و لكنها قريبه جدا...
    كنت أظن ان نهايتنا مختلفه و لكن فالنكن كقيس أحب و أحب و لكن ليلى أختارت البعد غصبا..ربما ننتهى نحن بطريقه لا تنهى جمال مشاعرنا..❤
يتبع...