بلا نهايات

١١

  مشينا عايزين نركب السياره نادر بقا ينقنق..
نرمين:ف شنو
نادر:الكفر نازل
ساميه:كيف يعني..اها و الحل حسي
نادر:ياخ م عارف امبارح كان كويس
نرمين:نركب مواصلات بس
فهد:ف شنو ي جماعه
نادر:و الله لستكي نزل
فهد:خلاص طيب ارح اوصلكم
ساميه:م عايزين نتعبك ي ولدي💕
فهد:تعبكم راحه ياخخ❤ارح
نادر:تمام طيب يلا
فهد:بي هنا(و مشينا وراهو نادر ركب قدام و امي وره انا جيت عايزه اركب لقيتو وراي و همس لي بصوت واطي❤)م كان ينفع م اوصلكم الليله😉
نرمين:(عاينتا ليهو بخلعه)انتا العملتا كده؟!..
فهد:😂امكن(و ركب)
نرمين:لا جد م نصيح(و ركبتا..الطريق كلو نادر كان بتونس مع فهد و انا كل م اعاين ليهو القاهو بعاين لي بالمرايه❤لمن م وصلنا شكرناهو و دخلنا ع البيت💕انا طلعتا غرفتي و بقيت ماسكه ف المخده و بتذكر العملو الليله عشاني..ف نص سرحتي دي جاتني رساله من رقم غريب فتحتا لقيت مكتوب"هو انتى كل صباح بتكوني حلوه كده؟!.."❤عرفتو فهد قعدتا اضحك،،و طوالي رقدتا نمتا😴)
 
  ف المستشفي نسيبه كانت ف الكفتريا مسكت تلفونا ضربت لضحي..
نسيبه:عايني ي ضحى فهد كان حسي ف المستشفي و شفتا معاهو نرمين و اهلها
ضحى:اها انا اعمل شنو
نسيبه:ضحى😡
ضحى:نسيبه عايني احنا اتفاقنا م كان كده..قلتا ليك ح اعمل بينم مشاكل بس حسي م شايفه ضروره انك كل يوم تضربي لي😒
نسيبه:عايني انا سألتا الدكتور حسي ع اساس دي صحبتي و قال انو كان عندها هبوط و جابا واحد اسمو فارس من الشركه
ضحى:اها
نسيبه:يلا قال انو الهبوط ده تقريبا زعل او صدمه لانو دمها و كلو كان كويس
ضحى:اها
نسيبه:يعني ي ماما عايزاك تعرفي لي حصل شنو ف الشركه😡
ضحى:طيب ح اعرف كيف
نسيبه:ياخ انا عارفه تتصرفي انا م مدياك قروش ساي😡(و قفلت الخط ف وشها)
ضحى:ي ربي صبرني انا حسي اعمل شنو؟!..احسن شي اسأل البواب منو اخر زول دخل و طلع من الشركه دي(و نزلت للبواب تحت)عمو حمد كيفك
حمد:بخير ي بتي
ضحى:عايزه اسألك كم سؤال كده
حمد:(اتوتر شديد)ليه ف شنو ي بتي😨
ضحى:مالك خفتا كده بس كنتا عايزه اسألك امبارح..
حمد:(قاطعا)امبارح كان واقف عمك مسعود م انا
ضحى:لا انتا لانو ع مسعود سافر😳ف شنو(و ربعت يدها و بقت تحمر ليو)عاين فهد موصيني اعرف الحصل بالتفصيل و الا و الله يقلب الشركه فوق راسك و انتا عارف طبعو😡
حمد:انا م عملتا شي ده استاذ مهند
ضحى:مهند دخلو شنو؟!..
ضحى:(حكا ليها بالحصل كلو)
ضحى:ههه يعني كده..حسي انا اعمل شنو ف الحاله دي..طيب عاين الكلام ده زول م يعرف بيو انا ح اتصرف
حمد:و الله م كنتا عارفو عايز يعمل كده😢
ضحى:خلاص خلاص😒(و طلعت فوق ضربت لنسيبه حكت ليها كل شي)
نسيبه:ده كلو..معناتا فهد م عارف لانو فارس الطلعا
ضحى:اصلا لو كان عارف كان ح يقلب الدنيا
نسيبه:طيب عايني حسي انتي ح تعملي شنو..(و قالت ليها المفروض تعملو)
ضحى:حاضر(و قفلت منها)
   فهد دخل الشركه و مشا طوالي ع مكتبو بقا قاعد و ماسك تلفونو..
فهد:ي ربي اضرب ليها(و ف اللحظه دي الباب خبط)اتفضل
ضحى:(جات داخله و بتحك ف يدها نظام متوتره)استاذ فهد..كيفك
فهد:تمام بس انتي..
ضحى:انا ضحي من قسم المحاسبه
فهد:اي اتفضلي ف مشكله
ضحى:كنتا عايزه اسألك الحصل شنو مع نرمين انا قلقلتا عليها شديد
فهد:قلقتي عليها؟!..و انتي عرفتي كيف
ضحى:صراحه اصلا عارفه انو الحيوان داك ح يعمل شي💔
فهد:حيوان منو..انتي بتقولي شنو؟!..
ضحى:بعد م الناس مشت نرمين مشت غرفه الاجتماعات كان مهند مستنيها هناك و اصلا هو ولد م كويس خفتا يعمل ليها شي بس و انا طالعه شفتا فارس داخل اطمنتا و قلتا اكيد م ح يحصل ليها شي💔لمن م جات الليله اتخلعتا و خفتا عليها عشان كده جيت اسألك..
فهد:مهند😡خير(و شال تلفونو و مفاتيح سيارتو و طلع و هو اخلاقو ف نخرتو)
توحه:بسم الله ده مالو😳(و اتلفتت لقت ضحى طالعه من مكتبو و بتتبسم)ضحى..الموضوع م مطمن من م دخلت فيهو البت دي😒
  فهد ركب سيارتو و اتحرك ع شركه ناس عبد العزيز اصلا م كانت بعيده..اول م وصل نزل و طوالي مشا ع مكتبو السكرتيره حاولت توقفا بس م وقف و دخل لقا معاهو صحبو سامي..
مهند:فهد😳
فهد:اي فهد😡(و مشا عليهو اداهو بوكس👊هو من الخلعه فضل قاعد و ساكت)انتا بتلعب مع منو ي ولد(و مسكو من لياقت قميصو)كيف اصلا بتتخطا حدودك للدرجه دي😡
سامي:لو سمحتا فكو انتا هنا م في بيتكم😡حسي بنادي الأمن
فهد:نادي معاك الشرطه بالله عشان يخمو صحبك ده معاهم😡
مهند:م تنادي زول ي سامي
فهد:طلعتا شاطر و بتعرف مصلحتك..طيب مالك امبارح😡
مهند:انا م مسكتا من يدها عشان تجي..براها جاتني
فهد:(تاني اداهو بوكس👊و مسكو من لياقتو)عاين و اسمع كوويس عشان م تنسا الح اقولو😡نرمين دي خط احمر تاني لو عاينتا ليها ساي بشيل عيونك😡(و طلع لقا عبد العزيز جاي عليهو)
عبد العزيز:ي ولدي الحاصل ف شنو😳
فهد:انا بحترمك شديد ي عم عبد العزيز بس ولدك تاني يغلط غلط بسيط بكسر ليهو راسو😡(و مشا)
عبد العزيز:(دخل ع مهند ف المكتب لقا وشو من الضرب مورم)عملتا شنو المره دي ي ولدي؟!..💔
مهند:سوء تفاهم بسيط ي ابوي💔
عبد العزيز:بسيط شنو..فهد و بعرفو كويس م بعمل كده ساي😡
مهند:طيب(و نزل طوالي)
عبد العزيز:ي ولد انا بتكلم معاك😡استغفرك ربي..

    انا كنتا راقده و ف سابع نومه😴صحاني صوت التلفون و هو بضرب..رديت من غير اشوف الرقم
نرمين:الوو
فهد:اطلعي لي بره حسي
نرمين:فهد!!ف شنو..
فهد:نرمين اطلعي قبل ادخل😡(و قفل الخط)
نرمين:اها خير💔(لبستا لي توب و طلعتا من غير زول يشوفني..لقيتو واقف قصاد سيارتو)ف شنو
فهد:حصل شنو مع مهند😡
نرمين:مهند..و لا شي..
فهد:(قاطعني)نرمين😡
نرمين:انتا سمعتا شنو
فهد:سمعتا انو حضرتك طلعتي ليهو بكامل ارادتك..ان شااء لله عجبك الحصل معاك؟!..
نرمين:فهد..
فهد:(قاطعني)لو عايزه تنبسطي م ف الشركه ي استاذه
نرمين:😡فهد
فهد:فهد فهد شنو؟!..م بالجد المطلعك ليهو شنو ممكن افهم؟!..
نرمين:لمن تعرف نفسك بتقول شنو بعدين تعالي اسأليني😡(و جيت داخله مسكني)
فهد:ح تتهربي كالعاده صح..
نرمين:اول شي احنا ف الشارع م تمسكني😡تاني شي طول م انتا بتفكر كده م ح يكون ف شي نتناقش فيهو..و تالت شي انتا مديري و بس😡(و دخلتا طوالي)
فهد:(ركب سيارتو و طوالي مشا ع البيت دخل غرفتو و رقد)انا م كان اقول كده..بس هيا غلطانه م شرحت لي يعني مستنيه مني شنو😡اصلا انا مفروض بعد نسيبه ابعد من كل البنات م في النهايه كلهم واحد💔(و بقا يتذكر قبل 3 سنين حصل شنو...
نسيبه:فهد انتا ح تسيبني كيف😭
فهد:لانك وسخه ي استاذه
نسيبه:بس انتا القلتا لي نعمل كده😭انا عملتا كده عشان بحبك ي فهد
فهد:امكن بكره تحبي غيري و تغلطي معاهو برضو صح؟!..
نسيبه:فهد لا انتا وعدتني نتزوج ي فهد😭😭
فهد:حسي ح اخلف بوعدي😒(و مشا خلاها)
نسيبه:بححبك انا م تمشي😭😭💔💔)

  
    جميعا نخطئ و نقع ف بئر اخطائنا وحدنا..ف ظلمتنا تلك نذرف كل الدموع الممكنه..يصاب قلبنا بما يسمي بوهج الانطفاء...
  ننطفئ و لا نعلم كيف نعود لنحيا..فقد ذهب من كان معني الحياه هو♥...
  و ها نحن ف تلك المعركه و حدنا نحاول ان نصلح م انكسر..و لكن القلب لن يعود كما كان مهما حاولنا♥...