قعدنا أشتغلنا لمن الساعه 3 و انا كنت ميته نعس😭بعد انتهينا م صدقتا جيت عايزه امشي خ أماني قالت لا و الا اقعد اتغذا💔تووحه اعتذرت و مشت و انا قعدتا..ساعدتا ف الاكل و قعدنا..انا كنت قاعده قصاد فهد و خ أماني ف النص و جمبي فارس..كنت باكل و عين مغمضه عين مفتحه😂و فهد بعاين لي و كاتم الضحكه😂
اكلتا و قمتا غسلتا يدي بعدين طلعتا ع الحديقه❤كان الجو حلو شديد و زي الح تمطر💕فجأه سمعتا صوت فهد..
فهد:عايني اوعك تجري
نرمين:(اتلفتا)نعم!!
فهد:لو جريتي ح يعضك😂(و سمعتا صوت كلب جمبي)
نرمين:(أتلفتا لقيتو كلب لونو اسود كده قريب لطولي😂قعدتا جمبو و بقيت أهبش ف وشو و فهد بعاين لي بأستغراب)ي الله بحبه الكلاب❤❤
فهد:انتى بجد غريبه😂(و جا قعد جمبنا)تقريبا البت الوحيده الم عضاها
نرمين:😂م بخاف منو بالعكس بحبو شديد❤كان زمان عندي واحد
فهد:و راح وين
نرمين:مات💔اصلا كل الدخلو ف حياتي بموتو وره بعض💔(بعد شويه لاحظتا لنفسي و قمتا)
فهد:(قام وراي و دخل يدو ف جيبو❤)اها
نرمين:اها!!
فهد:اها
نرمين:فهد
فهد:نرمين❤
نرمين:😒ماشه اقعد ف المرجيحه اصلا(و مشيت ع هناك هو جا وراي)
فهد:طيب نقعد سوا😂
نرمين:انتا لصقه كده ليه
فهد:💔حطمتي قلبي
نرمين:ف الشركه بقولو عنك بركان عصبيه بس الظاهر العكس
فهد:و الله ده ف الشركه بس بره انا م كده
نرمين:بس هما بقولو انك جادي
فهد:اي بس م عارف ليه لمن أكون معاك ببقا م جادي نهائ💜
نرمين:(حمرتا ليهو و قعدتا)😒
فهد:(بقا يتبسم و قعد جمبي)ينفع اسألك سؤال
نرمين:لا
فهد:انتي من برج الجوزاء
نرمين:عرفتا كيف؟!..
فهد:لانك عنيده و عصبيه و قلبك قوي و مميزه
نرمين:😂ده كلو اكتشفتو
فهد:نسيت شي
نرمين:اها
فهد:ضحكتك حلوه بزياده❤
نرمين:(عاينتا ليهو جوه عيونو و تقريبا مما مات فادي م حصل قعدتا مع راجل قعده زي دي💔حسيت قلبي بده يلين و انا م عايزه كده💔)
فهد:نرمين..
نرمين:(قاطعتو)انا لازم امشي..اتأخرتا😊(و قمتا دخلتا طوالي)
فهد:(قعد مسافه)انا بقول ف شنو..استغفر الله(و قام عايز يدخل اضارب مع فارس و العصير الكان شايلو فارس اتكبه فيهو)انتا م جادي
فارس:م شفتك ياخخ طلعتا لي فجأه
فهد:خلاص خلاص ح اطلع اغير(و طلع فوق)
نرمين:خالتو انا امشي بعد ده
أماني:ليه ياخخ اقعدي شويه
نرمين:المره الجايه..بس امشي عشان اقضي باقي اليوم مع امي❤
أماني:طيب سلمي عليها
نرمين:ان شااء لله..ايوه كنتا ح انسا تلفوني فوق ح اطلع اجيبو😊
أماني:طيب
نرمين:(طلعتا و دخلتا المكتب طوالي ع اساس فاضي لقيت فهد بلبس ف قميصو طوالي أتلفتا)
فهد:لا بجد م بتعرفي تخبطي الباب..
نرمين:(قاطعتو)و الله ف حاجه أسمها حمام..او غرفه بس انتا شكلو بعجبك حنك تغير ف المكاتب😒😒
فهد:(لبس قميصو و جا وقف قصادي)😂طيب المره الجايه ح اخذ أذنك قبل أغير ف مكتبي
نرمين:اووف😒(و شلتا تلفوني)زح من قصادي عشان اطلع
فهد:و لو ابيت
نرمين:انتا بتختبر صبري؟!..
فهد:اي😉
نرمين:(عفصتو ف رجلو لمن نطه)تاني م تلعب معاي(و طلعتا)
فهد:😂😂فعلا جوزائيه..احي رجلي💔
انا نزلتا و ودعتا فارس بعدين ركبتا السياره و ع حظي الزباله أبت تدور💔فارس طلع و بقا يضحك..
فارس:شكلو حتى سيارتك عايزاك تقعدي😂
نرمين:م تضحك ياخخ ح اعمل ايه
فارس:كدي اخلي فهد يشوفا ليك لانو بعرف للحاجات دي
نرمين:طيب(قعدتا مسافه بعدين فارس و فهد جو طالعين..فهد بقا يعمل كم حاجه بعدين عاين لي)
فهد:لا م ينفع..المحرك سخن..م ح تشتغل حسي و عايزه صيانه
نرمين:اها و الحل
فهد:أرح بوصلك انا
نرمين:(سكتا مسافه)لا خلاص بشوف مواصلات
فارس:مواصلات شنو..احنا الخليناكي تجي يوم اجازتك يعني م تتوقعي نرجعك براك
فهد:بطلي عناد و يلا اركبي(و فتح السياره ركب)
نرمين:تمام طيب💔
فارس:حلاتا سندريلا البتسمع الكلام😂خلي بالك من نفسك
نرمين:ان شااء لله❤(و ركبتا قدام)
فهد:بيتكم وين نسيتو😅
نرمين:ف()
فهد:تمام طيب(و اتحركنا نص الطريق ماف زول أتكلم لمن م تلفوني ضرب لقيتا نسيبه)
نرمين:الوو
نسيبه:نرمين اخبارك😍
نرمين:الحمد لله كيفك انتى
نسيبه:تمام..ضربتا أسأل منك و كده
نرمين:تسلممي ياخخ😊
نسيبه:و بكره عازماك غده ف بيتي
نرمين:بيتك!!
نسيبه:اي..عليك الله م تختي اعذار و بالمره تشوفي ولدي فادي❤
نرمين:سميتيهو فادي😢
فهد:(طبعا اول م سمع اسم فادي بقا مركز)
نسيبه:اي💔بذكرني بالمرحوم الله يرحمو
نرمين:(طبعا العبره خنقتني و بقيت م قادره أتكلم..حتى صوتي أتغير)نسيبه ينفع نتكلم بعدين😢
نسيبه:طيب تمام(و قفلت)
نرمين:(بقيت بعاين من الشباك و ماسكه دموعي بالجلاله..و فجأه المطر صبت💖و صبت شديده و انا مع كل قطره مطر بتذكر فادي زياده💖)
قبل 3 سنين:
(نرمين:فادي مطره😍😍
فادي:نرمين اقعدي م تجني لينا ف المطعم😂
نرمين:لا طالعه(و جريت)
فادي:نرمين😂(و جرا وراي مسكني بعد أتملينا مطر ف نص الشارع)انتى أكتر وحده مجنونه شفتا ف حياتي
نرمين:انا بححبك زي م بححب المطر و يمكن أكتر❤
فادي:و أنا شايفك أنقا و انظف و أحلى و أطهر من كل قطرات المطر دي❤)
فهد:نرمين..نرمين
نرمين:ايوه
فهد:انتى كويسه؟!..
نرمين:اي
فهد:طيب بيتكم وين
نرمين:امشي يمين..بس هنا😊تسلمم(و نزلتا و المطر كان شديده بقيت ماشه براحه و دموعي دي نزلت من غير احس😢بعد مسافه م حسيت ليك الا بزول يمسكني من يدي و يحضني،،ياخ انا بكيت بكا😭😭كأنو كنت عايزه سبب عشان أبكي😭فضل يطبطب علي و انا م مستوعبه شي💔)
فهد:أنا جمبك❤
نرمين:م تسيبني..الله يخليك م تسيبني😭
فهد:انا بموت و م بخليكي..أنتى مستحيل تقدري تفهمي عملتي فيني شنو💔
نرمين:(بعد مسافه زحيت منو)فهد..
فهد:(قاطعني)الموت زي م بياخذ ناس الحياه بتعوضنا بناس..انتى ليه قافله ع نفسك و م راضيه تشوفي كميه الحب الممكن تلقيها من الناس الحولينك..أنتى احلى من أنك تنهي سعادتك بيدك..لو بس فتحتي عيونك ح تلقي اليحبك❤
نرمين:بس م ح القا فادي😢
فهد:يمكن م تلقي فادي بس شوفي أمكن فهد ينفع💔
نرمين:انتا شكلك جنيت و انا م ناقصه(و جيت عايزه ادخل مسكني من يدي)
فهد:خلي المطر يكون شاهد..انا طول م انا عايش لا حزن و لا دموع ح تكون ف حياتك..م تتوقعي يجي يوم و أسيبك حتى لو أنتى طلبتي لاني جد..💕
نرمين:(قاطعتو)م تتم💔
فهد:(قرب مني و همس لي)الحب الببدا بي مطر مستحيل ينتهي❤(و مشا..)
جميعا حينما نحب نتغير..تصرفاتنا،نظراتنا،حديثنا..فجأه نصبح أشد جمالا،مرحا،حبا..و كأن الحب خلق ليجملنا..♥
كأن الحب يعيد ترتيب أرواحنا من الداخل..كأنه يعلم م نمر به فيصلحهه..♥
لا نهايه لحب شهد بدايته المطر♥..
