انا راسي كان ح ينفجر..نزلتا و قعدتا ف شارع النيل و قفلتا تلفوني و بقيت أفكر ف كل شي..
نسيبه مشت الشركه و طلعت لقت فهد قاعد ف المكتب براهو..
نسيبه:فهد
فهد:خير😡جابك شنو انتى
نسيبه:جايه أوريك حقيقه حبيبتك
فهد:قصدك شنو
نسيبه:نرمين باعت فكرتك للشركه
فهد:نسيبه اطلعي بره
نسيبه:عندي دليل
فهد:..
نسيبه:شوف(مسكت تلفونا و ضربت بعد مسافه جاها رد..و كانت فاتحه الاسبيكر..)الو معاي احمد
احمد:أتفضلي
نسيبه:انا نرمين صراحه لمن حسي المبلغ م اتحول حسابي..انا الأديتك فكره فهد..نسيت؟!..
احمد:اها..عايني احنا اصلا أتفقنا القروش بتصلك بعد م الارباح ططلع
نسيبه:طيب(و قفلت طوالي)اها اتأكدتا؟!..
فهد:(بقا ساكت)
نسيبه:نرمين بتلعب بيك😊هيا اصلا كده زي م عملت بفادي
فهد:فادي😳
نسيبه:فادي اخوي ي فهد
فهد:(طبعا يادوب أتذكر انو فعلا عندها اخوها اسمو فادي💔)دقيقه انتي بتقولي شنو؟!..
نسيبه:هيا م بتحبو و هو عرف الحاجه دي قبل يموت عشان كده نرمين جاتا نفسيات..ممكن تقول احساس ذنب..كنت عارفاها ح تعمل فيك كده💔
فهد:مستحيل
نسيبه:كلو كذب..انا قدمتا ليك حسي دليل..لو بجد هيا مسكينه بتعمل فيك كده ليه؟!..و بعدين انا ليه أكذب و هيا اصلا كانت خطيبه فادي ربنا يرحمو..انا عايزه أرجع لأخوي حقو😊ح اخليك حسي تفكر براحتك(و طلعت)
فهد:مستحيل..نرمين
نسيبه:(اول م طلعت ضربت لمهند)ههه مش قلتا ليك كلو خليهو علي😂
مهند:انا عايز أفهم انتي كيف أقنعتيهو طيب
نسيبه:عاين ي سيدي انا خليت ضحى تسرق الملف امبارح و تنسخو لي و ترجعو مكانو..مشيت بعت الفكره للشركه المنافسه بس م بأسمي بعتها بأسم نرمين😊
مهند:واو..م قادر أستوعب😂😂😂
نسيبه:ي زول معاك مره ذكيه😂
مهند:طيب انا بعد ده اعمل شنو
نسيبه:أصبر حبه..باقي خطوه وحده بس و ننتهي
مهند:طيب
نسيبه:(قفلت منو و رجعت البيت اول م دخلت م لقت لا فادي و لا الشغاله💔)أجي ديل مشو وين😳..
فهد كان من الزعل م شايف قدامو طوالي مشا علي ف البيت بقا بضرب لي و انا اصلا تلفوني مقفوول..شاف سيارتي مافي بقا قاعد و مستني انا زي المغرب كده رجعتا لقيتو واقف قصاد بيتنا..
نرمين:(نزلتا و كنتا ناويه ادخل طوالي جا مسكني قوي💔)فهد بتوجعني
فهد:انتي ليه عملتي كده😡انا م قادر استوعب
نرمين:انتا اكيد جنيت مستحيل تكون طبيعي..انا م عملتا كده قلتا ليك😡
فهد:ههه انتي بجد انسانه مريضه و شديد..حتي فادي كنت مكذبه عليهو و عايشه دور البريئه ديك
نرمين:(فكيت يدو)انا م عارفه كيف سمحتا ليك تدخل حياتي بالشكل ده😡كان مفروض اعرف انك جزمه و مستحيل تكون زي فادي و لا ف شي..عارف هو لو كان مكانك كان ح يكذب اي شي عشاني
فهد:فادي..فادي😡انا م فادي لكن انا فهد
نرمين:دي المشكله انتا مستحيل اصلا تكون زيو..
فهد:عارفه..انا عندي حل يريحك و يريحني😊احنا انتهينا لا ح تشتغلي عندي..و لا ح اتشرف احب وحده زيك
نرمين:..
فهد:(عاين لي من فوق لتحت و مشا طوالي)
نرمين:😭😭(طبعا م قدرتا ادخل بحالتي ديك..قعدتا ف المسطبه قدام بيتنا و اتفجرتا بكا😭😭)بالبساطه دي..انا غلطانه..انا غلطانه..كيف حبيتك😭(قعدتا شويه بعدين دخلتا البيت براحه م كنتا عايزه زول يشوفني بس امي طلعت..)
ساميه:نرمين😳
نرمين:امي😭😭(و حضنتا و بقيت ابكي)
ساميه:ي بتي اهدي
نرمين:انا غلطانه..انا كيف أدخل نفسي ف اللعبه دي..كيف بس😭
ساميه:خلاص خلاص اهدي❤
نرمين:لو اموت م ح أسامحو..
فهد رجع البيت و كان زعلان شديد اول م دخل فارس جاهو..
فارس:انتا عملتا شنو ي مجنون..و نسيبه كانت بتعمل ف الشركه شنو الليله
فهد:و لا حاجه انتهيت من الموضوع ده
فارس:انتا عارف العملتو ده اكبر غلط ف حياتك😡
فهد:احنا م ف فلم كل شي ظاهر هيا العملت كده..انا مستحيل اثق ف وحده زيها تاني
فارس:كان مفروض تسمعا..بس خساره😒(و طلع سابو)
أماني:فهد
فهد:نعم ي امي اها ف شنو كمان
أماني:اخوك حكا لي كل شي
فهد:طيب و بعداك
أماني:لمن نخسر حاجه بنحبا شديد بس لأنو غلطنا غلط بسيط ح نتألم شديد..م تستعجل ي فهد
فهد:امي انا م استعجلتا و لا شي..بعدين ف غلطات م بتغتفر
أماني:زي العملتو ف نسيبه زمان؟!..
فهد:(سكت)
أماني:شفتا كلنا بنغلط😊(و مشت سابتو)
فهد:(دخل غرفتو و بقا قاعد اليوم كلو م نام..كان زعلان شديد💔💔)
انا صحيت بدري و عيوني دي مورمه من البكا لقيت كميه من المكالمات من نسيبه رجعتا ليها طوالي..
نرمين:نسيبه ف شنو😳
نسيبه:م لاقيه ولدي ي نرمين الحقيني😭
نرمين:كيف يعني..فادي؟!..انتي وين
نسيبه:ف بيت ناس ابوي😭
نرمين:جايه عليكي طيب بس ألبس(و قمتا طوالي أستحميت و لبستا)
فهد اصلا م نام طوالي طلع من غرفتو و ركب سيارتو و وقف قصاد بيتنا و هو م عارف اصلا جا هنا يعمل شنو..
ف نفس الوقت مهند ضرب لنسيبه..
مهند:ي بت وين اختفيتي
نسيبه:ولدي م لاقياهو ي مهند😭😭
مهند:كيف يعني..كدي انتي وين
نسيبه:انا ف()
مهند:طيب جاي عليك(و قفل منها و اتحرك ع هناك)
انا طلعتا و اتحركتا ع نسيبه و كان ماشي وراي فهد عايز يشوف ح امشي وين من الصباح..عايز يهدي ضميرو و يثبت أني فعلا حيوانه💔
وصلتا و نزلتا هناك كان بيتم من طابقيت دخلتا و هو فضل واقف بعيد بمسافه اول م دخلتا لقيت نسيبه بس تبكي😢
نرمين:نسيبه😢(و مشيت حضنتا)اهدي ي بت
نسيبه:ولدي مشا وين😭
نرمين:امكن طيب مع مروان
نسيبه:مروان ح يعمل بيهو شنو و هو عارف انو م ولدو😭
نرمين:كلمتي الشرطه
نسيبه:اي بس لسه م جو..خايفه الشغاله ديك تعمل ليهو شي😭
نرمين:خلاص اهدي ي بت😢(قعدتا اهدي فيها امكن زي نص ساعه بعد مسافه مهند جا نازل و طبعا اول م فهد شافو نزل طوالي..)
فهد:ي حيوان
مهند:فهد😳
فهد:بتستغبوني انتو الاتنين😡(و طاخ اداهو بوكس👊)
مهند:ي ود انتا جنيت
فهد:اي جنيت😡(و قلبوها شكل..احنا سمعنا الصوت من جوه طوالي طلعنا..اول م شفتهم اتخلعتا😳)
نرمين:انتو..
فهد:اي احنا..انتى بتتغابي و كنت مخططه معاهو من البدايه صح😡و جاين هنا تحبو ف بعض
نرمين:فهد انتاا مجنون صح😡مستحيل تكون طبيعي..يعني ح احب فيهو و نسيبه معانا
فهد:(يادوب ركز و عاين ليها)انتى بتعملي هنا شنو؟!..يعني انتو متفقين سوا
نرمين:ياخ خلاص خلاص..ليه بتعمل كده خلاص😭(و ركبتا سيارتي..هو طوالي ركب سيارتو و مشا وراي و انا بس كنت عايزاهو يبعد بقيت سايقه سريع و هو نفس الحنك..وصلنا التقاطع و انا م منتبها..)تعبتا انا..عايزه فادي اصلا😭😭😭(اخر شي كان شفتو وقتها القزاز و هو بتكسر💔و صوت اصطدام قوي شديد💔....)
الحياه ظالمه احيانا..نعشق فيها الكثير و من بين الكثير شخص واحد يعلم معنى الأحتواء..الأمان..الأنتماء..
و فجأه يذهب ذاك الشخص،،نحاول إيجاده ف الأخرين فلا نستطيع..فنموت قهرا♥
