انا سكتا و صراحه م عرفتا اقول لفارس ايه لانو م عارف الانا مريتو بيهو💔
فارس:اي زول عندو قصه و اكيد انتي عندك بس م دام انتهت يبقا ف قصص تانيه لازم تعيشيها❤
نرمين:فارس ينفع امشي
فارس:طيب ي سندريلا😂
نرمين:(طلعتا و انا بفكر ف كلامو و اول مره كلام زول يأثر بي كده..أمكن لانو الوحيد الم عارف قصتي و مع كده وصل لي معلومه انا محتاجاها و يمكن لانو أكتر واحد كان صادق معاي من البدايه❤قعدتا شويه بعدين طلعتا ع العنوان الرسلتو لي نسيبه و كان الوصف ساهل و وصلتا سريع..بيتا كان حلو شديد مكون من طابقين)
نسيبه:اخيرا جيتيني😍
نرمين:كيفك😊
نسيبه:الحمد لله تعالي ادخلي
نرمين:(دخلتا وراها وقعدنا ف الصالون❤)دقيقه انادي فادي😊ي فادي..ي ولد
فادي:(جا عليها و هو ماسك ليهو كوره)اي ي امي
نرمين:(اول م شفتو عيوني دمعت😢)فادي
فادي:(عاين لي وفضل ساكت)
نسيبه:تعال سلم ع خالتك
فادي:(جا علي و مده يدو)
نرمين:تعال تعال(و حضنتو❤❤)حلاتك ياخخ(و بقيت بجضم فيهو😂)
نسيبه:يشبهه فادي الله يرحمو صح..عندو نفس نخرتو
نرمين:اي(و بقيت بعاين ليهو)خالك كان نفسو يبقا خال..بس ربنا م خلاهو يتهنا بالحاجه دي💔
فادي:(طبعا كان ساكت و م فاهم شي😂)ينفع امشي ألعب خلاص
نرمين:😂اي و انا ح اجي ألعب معاك بعد شويه رأيك ايه
فادي:بتعرفي تلعبي كوره
نرمين:اي و خطيره كمان ف لعب الكوره😌
فادي:خلاص نشوف
نسيبه:طيب انتا امشي ألعب و بعد شويه هيا بتجي..يلا احنا نمشي بتكون الشغاله جهزت الاكل
نرمين:طيب(و قمنا كان ف صالون تاني دخلناهو لقينا الاكل ف الصفره قعدنا و اكلنا)
نسيبه:م قلتي لي م ارتبطي تاني؟!..
نرمين:لا😊
نسيبه:معقوله!!
نرمين:اي معقوله
نسيبه:اها
نرمين:مروان وين
نسيبه:حسي بجي(اكلنا و شربنا شاي بعدين مروان جا اول م شافني نطط عيونو)
مروان:نرمين😳😳ي بت انتي اختفيتي وين
نرمين:اختفيت و رجعتا خلاص
مروان:ياخ بجد اشتقنا ليك عديل😂(و قعد معانا و بقينا نتونس)حسي لو فادي كان عايش كان ح تكونو..(و عيونو دمعت بقا ساكت)
نرمين:ربنا يرحمو بس😢(طبعا مروان ده كان صاحب فادي شديد و اكتر واحد قريب ليهو..كنا زمان دايما سوا..ضحك و زعل..مروان كان زي اخوي و زي اخو لفادي❤لو ف زول بعدي تعب من موت فادي فهو مروان💔)
مروان:انا طالع شويه(و طلع غرفتو وقف قدام المرايه)حسي لو كنتا عايش كان ح تكون قاعد معانا😢ربنا يرحمك ي اخوي
نسيبه:مروان حساس زياده يكون اتذكرو
نرمين:😢انا طالعه ألعب مع فادي لانو وعدتو
نسيبه:طيب ارح اوديكي(و طلعنا ع الحديقه بوره)
نرمين:انا جيت
فادي:(شات لي الكوره)ده قونك و ده قوني
نرمين:طيب ارح(و بقينا نلعب)
نسيبه:(كانت واقفه و بتعاين لينا جا مروان بقا يعاين ليها)
مروان:ناويه ع شنو ي نسيبه انتي كمان!!
لعبتا مع فادي و بعدين لاحظتا اني اتأخرتا شديد💔
نرمين:واي مفروض أرجع
نسيبه:خليك شويه
نرمين:لالا شغلي
نسيبه:طيب عيديها عليك الله
نرمين:ان شااء لله😊فادي يلا انا ماشه(و بستو❤)
فادي:ممكن تجينا تاني
نرمين:حبيبي اكيد ح اجي❤
فادي:و جيبي معاك خالو القبيل كنتو بتتكلمو عنو
نرمين:ي ريت لو بقدر يجي💔بس هو ف مكان بعيد
فادي:طيب
نرمين:ممكن تقول لي خالتو❤
فادي:طيب ي خالتو
نرمين:😂حلاتو البسمع الكلام(و طلعتا نسيبه قدمتني لحدي الباب بعدين رجعت قبل اركب السياره جاني مروان)
مروان:نرمين ثانيه
نرمين:اي
مروان:عارفك اتأخرتي بس عايز اقول ليك شي
نرمين:احكي
مروان:فادي كان بححبك شديد اكتر مما بتتصوري بس عايز اديك نصيحه لو عايزاهو يكون مرتاح ف قبرو..فادي كان اكتر مما بحبك كان بححب ضحكتك و ده اول شي جذبو ليك❤كان بححب يشوفك مبسوطه و بحب اي شي يسعدك حتي انو كان مستعد يتخلا عنك عشان سعادتك..م توقفي حياتك عشانو هو❤(و مده لي صوره قديمه متصورنها انا و فادي كان هو بعاين لي و انا بضحك❤)الصوره دي قاعده معاي من زمان..فادي كان بحبها شديد و دايما بخليها معاهو❤بعد الحادث لقيتا ف سيارتو و اظن مفروض تاخذيها انتي..يلا معسلامه(و دخل طوالي)
نرمين:(بقيت ماسكه ف الصوره و دموعي دي جرت من غير احس😭😭)حاضر ح امشي حياتي😭ح امشيها عشانك😭(و ركبتا السياره و انا بمسح ف دموعي و هيا مصره تنزل💔وجعي كان أكبر من أني اقدر اخفيهو😢💔)
نسيبه مسكت تلفونا ضربت لضحى..
نسيبه:اها الحصل
ضحى:عملتا القلتي لي
نسيبه:ختيتي المفاتيح ف مكانا
ضحى:اي
نسيبه:حلوو طيب😊
مروان:بتتكلمي مع منو
نسيبه:(قفلت الخط)انا..مع صحبتي..ليه
مروان:(عاين ليها مسافه)خير(و طلع غرفتو قعد ف الكنبه و بقا يتذكر قبل سنتين و كم شهر)
(مروان:الخلاك تغيري رأيك و توافقي بي كده فجأه شنو؟!..
نسيبه:لانو ف سبب خلاني أرفضك
مروان:الهوا؟!..
نسيبه:انا ف واحد غشاني ي مروان و اغتصبني قبل فتره😭😭و بقيت من وقتها بخاف من كل الرجال😭و عارفه انك لمن تعرف م ح ترضا تكمل معاي عشان كده كنتا دايما برفضك
مروان:(فضل ساكت و مصدوم)
نسيبه:ح تسيبني صح😭😭
مروان:لا ي نسيبه انا راجل و الحاجه الحصلت معاك غصبا عنك و مستحيل اسيبك..حبي ليك أكبر كم كده❤)
مروان:ضحيت بحاجات كتيره عشانك ي نسيبه بس بعد الزواج اتغيرتي شديد..من البت الطيبه و المجنونه بقيتي فجأه وحده تانيه و كل الطفوله الكنتا بشوفا فيك راحت💔
انا وصلتا الشركه و مسحتا دموعي و دخلتا عادي لقيت توحهه قاعده ف مكتبي..
توحه:ي بتي وين انتى..من قبيل بسألو منك مره فهد مره فارس تعبوني زاتو
نرمين:حسي بدخل ليهم
توحه:بالمناسبه ينفع اقول ليك شي
نرمين:قولي
توحه:ف الشركه ف بت طلعت اشاعه انك ع علاقه بفهد
نرمين:طيب😊
توحه:شنو الطيب يعني حتي م عايزه تعرفي البت؟!..
نرمين:توحه كلام زي ده م بأثر فيني شديد
توحه:عارفه و عشان انتي طيبه انتبهي ي نرمين
نرمين:حاضر..تسلمي❤
توحه:و لوو😉(و مشت)
نرمين:(دخلتا مكتب فهد لقيتو براجع ف ورق و م انتبهه لي لمن دخلتا..بقيت واقفه و هو بقلب ف الورق..أتذكرتا الجمله القالا لي فارس"اي زول عندو قصه و اكيد انتي عندك بس م دام انتهت يبقا ف قصص تانيه لازم تعيشيها❤"ابتسمتا من غير أحس..
فهد:نرمين😳
نرمين:امم
فهد:انتى كويسه؟!..
نرمين:امكن
فهد:(قام من كرسيو و وقف قصادي)لا انتي يظهر م طبيعيه
نرمين:ينغع اعمل شي؟!..
فهد:شنو
نرمين:(ختيت يدي ف صدرو جهت قلبو و بقيت اسمع ف دقاتو❤)عاين انا بت عنيده و عصبيه و م بحب زول يتدخل ف حياتي زياده و اهم شي م تضغط علي و تخليني ع راحتي و كده ح نكون متفقين
فهد:نرمين😳
نرمين:مش عايزني اديك فرصه؟!..طيب انا ح اديك😊❤
فهد:احلفي
نرمين:امم و نسيت شي مهم علاقتنا شي و الشغل شي تاني
فهد:دقيقه طيب عشان استوعب
نرمين:لو لقيت نفسي مرتاحه معاك ح استمر و غير كده كل زول يشوف طريقو
فهد:...
نرمين:الحاجه الوحيده اللازم تعرفا انو انا بت عشتا قصه حب حلوه شديد و لو بجد بتحبني ح تحاول تعيشني احلى من القصه ديك❤(و طلعتا طوالي سبتو واقف و منطط عيونو و من الفرحه ح يطير❤)
نحن نريد كل شئ مثاليا و ننسى اننا ف الواقع لسنا بمثالين..نريد حياه جميله مليئه بالسعاده ف حين اننا ف ابسط الاشياء نسمح لأنفسنا بالأستسلام دون ان نناضل..♥
من يريد شيئا عليه ان يتمسك بكل الحبال للوصول إليه..كما فعلت انت لتصل لقلبي،،و يبدو أنك لم تنتبه أنك أصبحت أصل القلب و كله..لا تسمح لتلك النزاعات ان تفرق بيننا ف و الله لا استطيع تحمل المزيد من الفقدان♥
