دخلتا البيت و انا برجف من البرد امي اول م شافتني جات علي و بقت تكورك و انا اصلا بالي م معاها💔غيرتا هدومي و رقدتا و هيا عملت لي شوربه و شربتني ليها..
نرمين:امي انا كوويسه
ساميه:ي بت اسكتي بكره ح تتعبي..بس افهم الخلاك تقيفي تحت المطر كده شنو؟!..
نرمين:انتى عارفه اني بحب المطر❤
ساميه:غايتو بس..الحمد لله😒
فهد مشا البيت و اول م دخل برضو امو جاتو جاريه..
أماني:فهد😳امشي غير سريع قبل تمرض
فهد:(بقا يعطس)
أماني:ووب علي خلاص مرضتا و انتهيت..من متين انتا بتقيف تحت المطر بالطريقه دي😡
فهد:(باسا ف راسا)انا كويس😉(و طلع)
أماني:بسم الله الرحمن الرحيم😳😳
فهد غير هدومو و قعد ف الكرسي جمبه البلكونه سرحان ف المطر و بفكر ف نرمين❤و انا بقيت اعاين من الشباك ف المطر و أتذكر كلامو❤"بس لا م ينفع..انا بحب فادي💔"
تاني يوم صحيت شغاله اعطس بس..لبستا و نزلتا لقيت نادر قاعد و بتبسم..
نرمين:حلاتو البتبسم😂
نادر:ي بت اختيني مزاجي كويس الليله
نرمين:(عطستا)احي
نادر:عشان تاني تعملي نفسك هنديه و تقيفي تحت المطر😒
نرمين:انتا م بتفهم الحاجات دي
ساميه:(جات مسكتني من اضاني)انتي تسكتي خالص
نرمين:امي اضاني😂😂
ساميه:تاني تبقي بت تقيفي تحت المطر عشان اكسر ليك رجلك
نرمين:طيب ي امي خلاص
نادر:😂عجبني ليك
ساميه:(فكتني)اترزعي اشربي الشاي ده😒
نرمين:اترزعتا😂(شربتا الشاي و طلعتا لقيت سيارتي بره❤ركبتا و لقيت بطاقه مختوته ف الكرسي الجمبي فتحتا كان مكتوب فيها"صباح الخير ي كل الخير❤"
ابتسمتا و ختيتا،،مشيت ع الشركه سلمتا ع توحهه بعدين دخلتا لفارس..
فارس:اووه سندريلا😉
نرمين:(و انا بعطس)استاذ فارس..
فارس:(قاطعني)حتى انتى عيانه😂
نرمين:م عيانه بس نزله بسيطه
فارس:فهد عيان😂و حمه و نزله و حالتو مبالغه
نرمين:بجد،طيب يعني م جا؟!..
فارس:هو بقدر م يجي😂قاعد ف مكتبو
نرمين:اها
فارس:ع العموم بعدين جايننا ناس عبد العزيز كوني جاهزه
نرمين:طيب(مشيت المكتب و انا بفكر ادخل اشوف فهد تاني قلتا بلا عبط لا بدخل لا بطيخ💔بس م قدرتا اقاوم نفسي و نزلتا الكفتريا تحت عملتا ليهو شوربه..طبعا ناس الكفتريا استغربو مني😂المهم عملتا و ظبطا و جيت طالعه شافتني ضحي..
ضحى:ههه شنو دي لحبيب القلب؟!..
نرمين:نعم!!
ضحى:السمعتي😒قايلاني م فاهمه حركاتك😊
نرمين:ضحى شكلك الليله ناويه تتشاكلى و م لاقيه موضوع
ضحى:😂😂لا حبيبتي بقول البتقال ف الشركه م اكتر
نرمين:طيب كلامكم ده بلو و اشربو مويتو😊(و طلعتا دخلتا لفهد كان قاعد ف مكتبو و مغطي يدو بوشو💕)احمم
فهد:(عاين لي)نرمين
نرمين:(ختيت الشوربه ف المكتب)5 دقايق تشربا كلها لانو لمن تكون بارده م بيكون ليها فايده😊
فهد:(عاين للشوربه و بقا يتبسم)يعني افهم انك عملتي لي شوربه عشان عيان❤
نرمين:افهم زي م عايز بس اكلا(و جيت طالعه قام من مكانو مسكني من يدي)فهد فكني😒
فهد:لو عايزاني اكلا اقعدي معاي
نرمين:لا ي شيخ!!
فهد:انا عيان يااخ..(و شال يدي ختاها ف جبهتو)عندي حمه💔
نرمين:(طبعا كان حرارتو بجد مرتفعه شديد)طيب فكني ح اقعد(و زحيت منو قعدتا ف الكرسي..هو جاب الاكل و قعد قصادي و بقا ياكل و يعاين لي..و انا كنت بعاين للسقف..للحيطه..للمكتب المهم عيني م تجي ف عينو💕)
فهد:حلووه❤
نرمين:شنو؟!.
فهد:الشوربه
نرمين:عارفهه
فهد:😂😂
نرمين:(عاينتا لقيتو انتها من الاكل)انا عندي شغل طالعه
فهد:انتى عارفه انا عيان بس م بسبب المطره
نرمين:اها ي استاذ بسبب ايه(و عطستا فجأه)
فهد:ح أوريك(و جا قعد قصادى مسك يدي و ختاها ف جهه قلبو كان نبضاتو عاليه و سريعه💔)يعنى لو قلنا انا كذاب معقول قلبي يكذب
نرمين:فهد!!لو سمحتا م تعمل كده💔
فهد:لمن انتى تبطلى تعملى فيني كده انا ح أبطل❤
نرمين:انتا عايز تصل لشنو بس فهمني
فهد:ممكن نقول فرصه
نرمين:م بقدر😢انتا م فاهم
فهد:لا فاهم..و عارف قصتك من البدايه لحدي هنا بس انتى الم قادره تفهمي..كلنا ف حياتنا عشنا فترات سيئه،،حتى انا ندمان ع حاجات عملتا و مريت بفتره حسيت فيها أني انتهيت بس ده م معناتو انو حياتنا وقفت!!❤
نرمين:انا م بقدر اتخطا فادي
فهد:نتخطاهو سوا
نرمين:(طبعا ده كلو و يدو فوق يدي و مختوتين ف صدرو❤)لا
فهد:م ع كيفك
نرمين:انتا من وين جايب كل الثقه دي
فهد:لأنك انسانه و قلبك بلين❤و إلا م كان لمن حسي قاعده القعده دي و مخلياني امسك يدك❤
نرمين:(طبعا يادوب لاحظتا و سحبتا يدي)انا طالعه(و طلعتا و قلبي بجووه شغال دلوكه👏👏❤قعدتا ف المكتب و بحاول اهدي لانو عمري م فكرتا أرجع اتختا ف نفس المواقف دي💔بعد مسافه جو ناس عبد العزيز و دخلنا غرفه الاجتماعات كان فهد لسه م جا و كنت انا الح اتولا النقاش فكنت واقفه قصادم و هما قاعدين..فجأه مهند قام وقف جمبي و بقا يتونس معاي..)
مهند:م قلتي لي بجد انتى مخطوبه
نرمين:و شايفني كنت بهظر؟!..
مهند:البنات الحلوين بياخذو الحاجه دي حجه عشان يبعدو الشباب😉
نرمين:هه بس انا جاده
مهند:مع انو لسه م مصدق بس ح امشيك😍(و كان بتكلم و بعاين لي بطريقه عجيبه و انا م كنتا مركزه معاهو..فجأه فهد جا و قبل م يدخل لاحظ ليو و لي نظراتو بس مسك اعصابو و دخل بدون يعمل مشكله..قعدو كلهم و انا شرحتا الفكره الجديده و فهد كان القعده كلها مركز مع مهند..لمن انتهينا و عبد العزيز كالعاده عجبتو الفكره و شكرنا و طلع مع مهند و فارس انا كنت بلم الورق و فهد كان قاعد و ساكت..
نرمين:مالك
فهد:م ملاحظه الحيوان داك نظراتو ليك كيف
نرمين:ياتو حيوان من الحيوانات؟!..
فهد:نرمين انا م بهظر
نرمين:و لا انا😊
فهد:طيب اقول ليك حاجه انا بتصرف😡(و طلع)
نرمين:ده مالو كمان😒(لميت الورق و جيت طالعه لقيت مهند ف خلقتي)بسم الله الجابك شنو
مهند:جبتيني انتى❤
نرمين:نعم!!
مهند:انتى خليتيني كل يوم أحلم فيك و أفكر فيك انا جنيت بيك عديل😍(و بقا يقرب مني)
نرمين:قسما عظما ي مهند م تلزم حدودك م يحصل خير😊
مهند:و ح يحصل شنو مثلا؟!..
نرمين:عايزع تعرف😊(و طاخخ اديتو كف الولد لمن وشو بقا احمر👋)حسي عرفتا صح!!يلا المره الجايه الموضوع م ح ينتهي بكف و بس😊(و طلعتا سبتو واقف زي الصنم)
مهند:انا تديني كف،،انتى م عارفه نفسك علقتي مع منو..ي انا ي انتى ي نرمين الليله😡(و طلع و هو معصب شديد)
انا ختيت الورق و بقيت بستغفر..
نرمين:حيوان..عفن..بجد عمري م اتوقعتا ممكن زول يصل للمستوى ده من التفاهه..يعني معقول م عندو اخت و م بخاف ع بنات عيلتو!!معقول يرضا الحاجه دي لبت خالتو مثلا..ي رب صبرني💔
مهند طلع و نزل عنده البواب..
مهند:عاين و ركز معاي كويس
_أتفضل ي استاذ مهند
مهند:(اداهو قروش ف يدو)عايزك ف خدمه😉
_(أنبسط شديد❤)عيوني ليك😍
أجمل م يكون ف البدايات..ارتباكنا..❤
أرتباكي ان انظر ف عيناك..ارتباكي و انا أتلعثم ف حديثي معك..ارتباكي و ارتباك كل شي حولي حين تضحك و انا ادعي الثبات..❤
فجأه كل شي يصبح ذا معنى،،الحائط و ذاك المكتب..فجأه يصبحان موضع نظر و انتباهه..❤
