ابو جواد بغضب..استفزه بقوة :انا للحين محترمك !
وليد بنبره قرف: لو محترمني ما اتصلت بهذا الوقت تدور كلام حريم !
وبعدين وش فيهاالمعكرونه ناس كثير ما هم ملاقين قطعة خبز يابس ...يدورون لقمة اكلهم بالحاويات...وانت ذابح حالك من الغضب على معكرونه !
ابو جواد يحس ضغطه صار الف منه : اس
قاطعه وليد بحده : انت اسمعني !
ادري بكم ما تبغون الجازي وتدورون الزله عليها حتى تقولون تعال يا وليد شوف ابنتك وش عملت تراها ما تلزمنا ...
اسمعني زين تراها غاليه علي وما ارضى عليها شيء حتى لو كانت غلطانه !
سؤال واحد ما لقيت له جواب ...دامكم ما تبغونها ليه تخطبونها ؟!
انتم ما تزوجون عيالكم من برا العيله ...ليه اخذتم الجازي !
أبو جواد بنبره كره : تعرف ليه خطبناها انا رح اخبرك
انقطع صوته لما سحب ابو ناصر الجوال ...تكلم بحزم : رجال وش طولكم ...هذي هي سالفتكم ...ما بقى الا تتذابح انت وإياه !
وليد اخذ نفس ...رد باحترام : هلا عمي اخبارك!
ابو ناصر ببرود : بخير !
وليد يكمل الموضوع : ليه قطعت عليه ..اتركه يكمل كلامه
انا الحين طالع لكم ..وابنتي عندي ويا دار ما دخلك شر ابو ناصر بنتقاد بانتقاد : هذا وانت شيخ قبيلتك وتصلح بين الناس
ابو جواد بصوت مرتفع فيه سخريه وانتقاص من وليد : يقولون ما لا يفعلون
وليد استفزه الكلام :وقسم بالله اذا ما قفل حلقه
قاطعه ابو ناصرباستنكار:وش فيك وليد ؟
ليه كل هالعصبيه!
الموضوع ما يستاهل ...كله سوء فهم !
وليد ما قدر يكبت غضبه: اي سوء فهم ..لكن انا الغبي إلي رميت الجازي له ...اذا اخته رماهاوما يسأل عنها مارح ارتجي منه يعامل ابنتي بزين !
سامحني يا عمي ...يعلم الله اني اعزك واحترمك ....مسافة الطريق اكون عندكم ما أقدر
ابو جواد بروقان : ابركهامن ساعه !
خزه ابوه بعيونه .بعدها رجع يتكلم بقوه : وقسم بالله ما تطلع من بيتك ...وهذا انا حلفت ... اذا ما لي كلمه او احترام عندك ..تقدر تيجي
تنهد وليد بضيق ...يحس ابو ناصر قيده بكلامه ....مايقدر يسكت يشوف ابنته تنظلم ويسكت .. وبنبره بان فيها الضيق : الجازي
قاطعه ابو ناصر بضجر : يا رجال وش فيك !
ترى ابنتك ما فيها شيء ....ترى ابو جواد هالكلام من راسه ما عجبته السالفة ...لو بينها وبين جواد شيء كان اشتكى جواد بنفسه ...ما هو بحاجه واسطات ....تبغى تتطمئن انها ما فيها شيء تقدر تزورها بنفسك ..لا تخرب بيت هالبنت انت من جهة وحنين من جهة!
افرض انه بينها وبين جواد مشاكل !
وين المشكله ؟!
اعطيني زوجين ما تصير اول حياتهم مشاكل ؟!
ما رح تلقى لأن هذا شيء طبيعي ... يتشاجرون ساعه ويتراضون ساعه ..دام المشكله بينهم ...لكن اذا طلعت من بينهم ...تكبر وصعب تنحل !
اترك الجازي تحل مشاكلها بنفسها ...لا تخاف عليها تراها قويه وما هي هبله ينضحك عليها !
وليد يحس بالاختناق ..خاصة كلام ابو ناصر مضبوط ...دوم يقول هالكلام للناس !
لكن قلبه يأكله ما هو مرتاح ...وبنبره وضح فيها الضيق : خلاص انا باكر عندكم
ابو ناصر بزعل : الظاهر انك ما صدقتني
قاطعه وليد : لا ما هو قصدي
ابو ناصر بهدوء :-الحين اتصل في بيت ابو جواد وتكلمها بنفسك حتى ترتاح نفسك !
ما اعترض لانه فعلا بحاجه يسمع صوت الجازي ويتأكد انها بخير !
