#قطار_العمر
للكاتب غزوان علي
البارت الخامس
بيه حسره !!! طفلة زفوهه غصب
وهيه ماشبعت لعب وية الجهال😔💔
جابر .. بنتي منوس اني راح ازوجج عمار ابن خالي وانتهى الموضوع
ميناس .. شنوو
لا بابا دخيلك فدوه شتريد اسوي بس لتزوجني انت موكلت الكه غير حل
جابر .. بنتي ماكو غير هذا الحل بقيت الليل كله افكر وملكيت غيره وتره بوجود امج او لا لازم بيوم تتزوجين
ميناس .. ميخالف بس مو واحد اكبر مني ب١٨ سنه يعني هيج كعد تذبني بالنار حرام والله
سحبني من ايدي ومسح دموعي وكلي بكل هدوء وحنيه
تقبلين بابا تنكسر عيوني واصير مضحكه لأمج ولهلها وللناس مكافي اخوتج خلوني علج بحلك الناس تدرين ولد عمي شكالو
ميناس .. اسمع كلام بابا وابجي بهدوء والشهكه بصدري شكالو بابا
كالو مع الاسف معرفت تربي ولاتلزم ولدك وسونا هواي مشاكل لان ولد عم شنو ذنبنا يومياً جايتنا مفرزه من الامن والله شنو ولدك هاربين وهسه مرتك طلعت عن شورك يعني يابابا صرت مضحكه وسالوفه بحلك اليسوع والمايسوه واذا متزوجتي واخذتكم امكم اني اموت شلي بعد عايش كافي الي ديصير بيه
ودنج وكام يبجي اني متت قهر وصار صوت البجي مالتي عالي صعب اشوفه هيج مكسور وتعبان بسته من خده وكتله بكيفك وكمت اركض للغرفه ابجي ياربي مكافي ظلم والله تعبت
اجوي ثاني يوم الخطابه وياهم شيخ يعقد وكاعده بالغرفه وعيوني مااشوف بيهم من كثر مبجيت مورمات البيت مگلوب كلها مجتمعه ومااسمع غير عياط مديت راسي واشوف ماما تعيط
عرفت بلصار ومنين عرفت لان عبير البلبل الفتان مالتها اتصلت بيها وبلغتها وجانت اصلا كل شارده ووارده بلبيت تنقلها اجتنه ثاني يوم لكت البيت مكلوب ناس ورياجيل وشيخ كولها ملتمه واني عندي جنازه احس روحي وقعو ع اعدامي خلاص وصلت النهايه ومحد حاس بيه وبموعاناتي المن اشكي المشتكى لله
بدت اتغرد بس بوقتها صدك فرحت من كل قلبي كلت واخيرا ماما فكرت بيه ياريت ترجع وينتهي هل كابوس من حياتي بس مع الاسف زادت الطين
طبت لغرفتي تعالي انتي شكعد تسوين شون تقبلين
ميناس .. ابجي واحجي والله مقابله بس بابا يريد هيج شى
خوله .. لتقبلين ارفضي
ميناس .. شلون ارفض وبابا منطي كلمه لهاي الناس وحتى شيخ جابو حتى نعقد
خوله .. ارفضي اني مشتكيه مبقه شي وتصيرون بحضانتي ومالج علاقه بأبوج هسه انزلي وكولي كدام الكل اني مااقبل ومجبوره وابوج جبرج
ميناس .. لطمت ع وجهي كتلها ولدج كسرو بابا ونزلو راسه تردين اني بته هم انزل راسه وكدام هاي الرياجيل شيكولون وبابا هسه اذا سويتها اصلا يموت وهو ايامه معدوده رجعي انتي ليش تطلكين هو بابا اصلا ميت بلحياة ياماما بروح اهلج رحمه للنبي لخاطر الكعبه احلفج بكول غالي عليج
