#قطار_العمر
للكاتب غزوان علي
البارت الاول والثاني
مني لكم كل الحب أحبتي رجعت معاكم بقصه جديده تحمل في طياتها الكثير من المواقف سواء الفرح او الحزن قصتي بعنوان قطار العمر قصه عراقيه حقيقيه
اتمنى ان تنال اعجابكم
وصف القصـة
قصه عراقيه حقيقيه لامرأه تعاني من ظلم اقرب الناس الها وعدم انصافها واخذ حقوقها ياترى الزمن راح ينصفها رغم كل الظلم الي تعرضتله وهل للحب تأثير بتغير محطات العمر المؤلمه ؟
مقدمة القصـة
مضى قطــــــــــــــــــار العمـــــــــــــــــــر
وأخذ معه الكثير والكثير من
الآمال التي لم يسمح لها أن ترى النور
والأحلام التي لم تتحقق
والطموحات التي أجهضت قبل ولادتها
والأمنيات ذات المصير المجهول
مضى قطــــــــــار العمـــــــر
مضى بسرعة البرق دون أن أشعر به
وكأن اليوم أشبه بالأمس
وكأنني في دائرة مغلقة أدور حول نفسي
يوم جديد مر عليه حاله حال اي يوم بعمري
بس لا اليوم هو يوم ميلادي اووف حتى يوم ميلادي نسيته شكد صار عمري هسه اي عمري ٤٠ سنه شنو الي سويته والي حصلته مرت كل هاي السنين واني اشوفها تمشي بسرعه وبدون توقف
٤٠ سنه وقطار العمر ياخذني لمحطاته لكل انسان قطار ياخذه لكل محطات الحياه ابتداء من الطفوله المراهقه الشباب النضوج والشيخوخه بس الفرق اكو ناس قطارهم مريح هادئ نوعاً ما
بيه مطبات خفيفه يكدرون يجتازوها وبسهوله واكو لا قطار مؤلم متعب يشمر بمحطات مؤذيه ونصيبي كان قطار الالم وبكل محطه اوقف بيها تاخذ مني الراحه والسعاده وتزرع كميه الم تفوق طاقه التحمل
ياترى ليش تذكرت هذا اليوم وحتى اذا ارجع بذاكرتي شنو الي اتذكره
اني ميناس امرأه اربعينيه مرت بكثير من المصائب والانكسارات اخذت مني مااخذت ولكن حاولت ان أخذ منها ولو شئ بسيط لتكون لي سند بحياتي اخذت منها العبر والصلابه والقوه للاستمرار تعالو معي لأفتح لكم محطات عمري قصتي حقيقيه وتحكي عن حياتي بتفاصيلها الصعبه والسهله . كروب قصص غزوان علي
وارويها لكم عن طريق الكاتب غزوان علي
#قطار_العمر
للكاتب غزوان علي
البارت الاول
محسوووبة من العمر كل ليلة نكضيها..
محسوووبة من الدرب كل خطوة نمشيها..!
افرح ولا تنتظر ايامنا الي تمر
رحلة بقطار العمر
سفرة بمرابع خضر
شتريد سميها..!!
يالرايح بهالدرب وانت على ناسك ضيف
يراد معشر حلو ولمة احباب وكيف
لو شفت ليلة شتا ولسعة ظهاري الصيف
صبرك ولي تنجلي وتصير ذكرى وطيف
ولا تكول مو بيدي
الوكت مو بيدي
ايامنا الي تمر
رحلة بقطار العمر
شتريد سميها..!!
ميناس .. العمر يمشي وياريت منشوف ولانسمع شي يذكرنا بالماضي لكن تجري الرياح بلا ماتشتهي السفن
