قطار العمر
البارت التاسع عشر
للكاتب غزوان علي
ميناس.. لزمته من قميصه وعتيته حيل لك احجي منو مات واني منهاره
جان يباوع بعيني والفرحه ناطه منها
ذبحوه لمرتضى
ميناس.. بقيت صافنه بوجهه واني ممصدكه الي كعد اسمعه انت شكعد تكول
عمار.. العار مالتج انذبح
ميناس.. دموعي لا ارادياً نزلت وگلبي احسه يتكطع صح ماكو حب بگلبي تجاه مرتضى بس يبقى بشر ويبقى انسان بيوم من الايام ساعدني وكان ضابط نزيه ومعروف بأخلاقه وحرامات هيج انسان يموت وفوكاها ذبح واحد مثل عمار عايش
كمت اضرب بوجهه واغرمش بيه وفاقده واعيط وابجي انت الي كتلته اكيد
لزم ايدي حيل وعصرهم
عمار.. ردت اكتله واشفي گلبي بيه بس سبقوني مبين عنده اعداء هوايه جنت مراقب بيه ومنتظر الوگت المناسب الي اشرب من دمه بس من قررت لازم اصفي رحت للمنطقه مالته لكيت قطعه على بابهم ومن استفسرت عرفت جماعه مغتالي وذابحي وشامري بلشارع عاشت ايديهم بردو گلبي ولو ردت اني بيدي اذبحه بس يله المهم الخايس مات واحقر موته
ميناس.. والله ماكو غيرك الحقير عوفني
هد ايدي
عمار.. لا ياحلوه بعدج مشفتي شى تذكرين نومتي اشهر وعظامي المتكسره اليوم يوم الحساب وراح انومج نفس نومتي وشكو عظمه كسرها اليه راح اكسرها بيج اله اسكطچ واخليج تتندمين على الساعه الي فكرتي ورحتي تشگيني للكواد مالتج تعالي
ميناس.. وجان يسحلني من شعري وركعني بلكاع ونزع الحزام ودك على ظهري على ايدي اني مهامني الضرب بكد مهامني وموتني منظر جهالي وشون سيف حاضن ملاك ويعيطون وكاعدين بلزاويه من الخوف
الخوف بعيوني جهالي اقسى واگثر الم من اي ضربه يضربها اليه
ولك عوفني الله ياخذك لو انت رجال صدوك مجان انتظرت كل هاي المده بس انت مره لا والله حتى حرامات اشبهك بلمره ولك عوفني راح اموت
عمار.. اله اخليج تتمنين الموت ومتحصلي اني هيج تسوين بيه
ميناس.. سحلني من الصاله من شعري واني ارفس جوه ايده ركعني بلحايط ودك ضرب ورفس كطعني واني اعيط الدم بدا يطلع من حلكي وخشمي رفعني وهو اضخم مني وراشديات ويعيط هيج جان يضربني هيج جان يتلذذ بتعذيبي واليوم راح اتلذذ بتعذيبج وشكو شى سواه بيه اسوي بيج وجان يضربني بقبضه ايده بمعدتي احسها تكطعت واعيط حسيت الموت قريب مني بهاي اللحظات ابشع ضرب ضربني الرجال ميتحمله وجان يلزم ايدي ويعيط
راح اكسرها الج مثل مكسرها اليه وشوفي شون عانيت من وراج ياكح...
ولزمها وهنا تشاهدت وروحي بدت تطلع من الالم واصرخ بعلو حسي من الالم الفضيع الي احسه وجان ينكسر الباب ويدخل سالم دفعه لعمار بقوه بحيث هدني وكع بلكاع واني اعيط من الالم ركضت ختلت وره سالم من حلات روحي سالم مثل الكشايه واني غركانه اجت حتى تنقذني وجلبت بيها
سالم .. ولك طايح الحظ هاي شمسوي بيها
عمار.. توخر منا لا وروح ابويه اذبحها واذبحك
ميناس.. بهاي الفتره لان وضع بغداد موزين جان سالم دوم يشيل سلاح شخصي وجان يسحبه
سالم .. وروح ابويه الي حلفت بيه اذا تتقرب منها طلقتين برجلج واخليك طول العمر سگط
عمار.. تضرب اخوك الاكبر منك لخاطر هاي الساقطه
سالم .. هاي الساقطه الي تكول عليها اشرف منك وام جهالك كافي متحمله وصاختك وقذارتك ودونيتك ومتحمله ضيم جهالك لك انت شنو متحس حيوان الى متى تبقى ادمر بيها ارحمها تخبلت موصلها للموت
عمار.. هاي ام جهالي الي تكول عليها وزت صاحبها عليه وهو الي سگطني
ميناس.. بدا يسولف كولشي لسالم وحسيت سالم بدت معاني تتغير وينصدم بلي يسمعه وعمار يعيط ويسولف وسالم يكذبه وهو يحلف الف يمين بأن مرتضى عشيقي واني الي دزيته عليه ومنطيته نفسي لهذا تعرض لعمار بلحظتها گلت راح يصدگه ويسلمني اله محد يقبل الي صار حتى لو سالم يحبني ويعزني مثل اخته ابقى مرت اخوه واذا كلام عمار صحيح يعني استاهل الگتل وجان يجيت عمار يجرني من وراه ومااشوف غير سالم يحضني حيل ويسحبني من عمار الي جان بلحظتها فاقد واذا اصير بين ايده اكيد راح يگتلني خلاص
