#قطار_العمر
البارت الثلاثون
للكاتب غزوان علي
تره التابوت ضيك كلش عليك.
اعرفنك سبع متشيلك الكاع.
من يوم شبكتني وانه حسيت.
شميت بقميصك ريحت وداع
عندي ٦ اخوه جبيرهم فارس واصغرهم سعد من اصفن على نفسي واكول الي يسمع عندج يمناس ٦ اخوه يكول بلعافيه عليها مدلله ومحد يدوس على طارف ثوبج
عندج ٦ اخوه من الدلال والحب الي معيشيج بيه متلحكين تحزنين والضحكه شاكه حلكج لان اخوتج عزوتج ودلالج تمشين والكاع متشيلج وتحجين بزودج لان وراج ٦ اخوه بس اني مو هيج اني عكس تماماً من اصفن على واحد واحد بيهم اشوف بيه جزء بسيط من خوله امي ويمكن كلهم ماخذين خصله الكطع وقله الحنينه
كل واحد تشوفه غركان بحياته الي يفكر بلورث والي يفكر بعائلته والي يفكر بنفسه
الا واحد ااااه صدوك الخوه مو بكثره العدد الخوه بلدم والروح الي تحسي سندج بلدنيا واذا جار الزمن عليج تكولين اخويه موجود
ابن امي وابويه يحميني
من ٦ اخوه بس فارس جان اخ واب وصديق وكولشي بحياتي
من اتعب يسأل عليه من احتاج يمد ايده ويساعدني من ابجي يمسح دمعتي ومن ينوخذ حقي يصير اسد وياخذلياه من اكبر واحد
هو ضحكتي هو فرحتي هو راحتي وهو سعادتي فارس ظهر ميناس الي انكسر 💔
قصفت الطائرات الامريكيه قصف يمكن الحرب الصارت ع العراق كوله مصار هيج قصف اني لبست جبتي وشالي وركضت لاهلي وكل الناس منعتني لتروحين الدنيا محتركه والقصف بعده كتلهم اريد اروح اشوف اخويه عوفوني لازمتني رشا وتبجي ويايه بس تحاول تمنعني
رشا .. فدوه وين رايحه متشوفين الدنيا محتركه
ميناس.. عوفيني ولج اخويه هناك ديموت
رشا .. وانتي اذا رحتي هم تموتين
ميناس.. طبني مرض المهم هو عايش دفعتها حيل وحتى نسيت هي حامل فاقده مااشوف ولا اسمع احد بس صدى صوت فارس بأذني
وجان يجي سالم ركضت وكعت على وجهي
سالم .. الله الله على كيفج
ميناس.. اعيط وابجي سالم شسويت اباوع عليه عيونه دم وكوه يجر النفس جان يكول المنطقه سوها تراب
ميناس.. ركضت وعفته وهو ورايه يعيط كوه جرني وصعدني وبلفروع كوه وصلنا لبيت اهلي
رحت لكيت ماما ماكو بس العقربه عبير تبجي وتلوب بلكراج سامعين بلخبر
ميناس.. وين ماما
كالت راحت لاهل نور دتفتهم على فارس اشصار عفتها ورجعنا لبيت اهل نور لكيت النسوان مجمعات ومتاكدين من الخبر ع اساس فارس مستشهد المنطقه قاصفيه والبيوت والناس صايرين رماد دخلت لكيتهم يبجون بس بسكته يخافون من الجيش العراقي لان فرع بيت اهلي سيطره مال لواء السلام ويخافون يبجون خاف يسالهم الجيش ويكولون نسيبهم ارهابي وقتلو الامريكان لان اعتبرت ذيج المنطقه حتى الطفل الي ماله ذنب ارهابي فااول مدخلت باوعت على نور جانت كاعده ومترمش ولا دمعه بس صافنه وعطت عيطه فززت كل الجيران ملخت روحي وهمه من شافوني فقدو بقن يلطمن ولمن العالم ركضت عليها لزمتها ودك راشديات وهي محركت ساكن مدري منو جرني منها كتلها ليش عفتي ليش مو كتلج ارجعي جان غصبن عليه طلع اذا مو لخاطر نفسه جان خاف عليج انتي واحمد وجبر نفسه وطلع عفتي وحده وايس من حياته ومطلع فضل الموت ع الذله ولج ليش مبقيتي الله ليوفقج ولينطيج
