كارمن

عاشق قديم

انتهي العقد في اجواء صامته تماما كلتا العروستان يعلو وجههم التوتر علي عكس الرجلان- كلاهما- عيناه تلمع ببريق لم يحضر احد... فقط الشهود والكاتب و مهاب مها التي احتضنت اخيها ويارا ورمقت كارمن بنظره كارهه استوعبت فيها الاخيره- ان هناك شيء ما  يربطها بمالك  وقف مهاب وقال بحب حقيقي
#الف مبروك ياولاد- ربنا يهنيكوا  ....
عمر وهو يتناول كف يارا
#الله- يبارك فيك ياعمي...  انا هاخد يارا ومها ونخرج بقي نحتفل....
مهاب #طيب خد بالك منها ياعمر
احتضن عمر كفها وقال
#دا في عنيا وجوا قلبي
وكزه مهاب وقال ضاحكا
#بطل نحنحه ياخفيف وانت يامالك مش هتخرج
نظر مالك الي كارمن الواقفه بجواره
#تحبي تخرجي ياكارمن
#اللي انت عاوزه
قال بسرعه
# كارمن لسه تعبانه نبقي نخرج يوم تاني
اقترب مهاب منها فابتعدت خطوه للخلف
#وبعدين معاكي بقي
تنهدت بقوه وقالت باختناق
#معلش ياعمي
مهاب باسما
#تصدقي وحشتني ابا الحج ...ولانستيها-.... 
نظرت اليه بعيناه نظره حانيه جعلت عيونها تدمع رغما عنها ربت علي كتفها
#ربنا يسعدك ياكارمن..... متستسلميش للحزن.... عايز اشوف كارمن القويه....  اللي  كانت بتاخد كل حاجه عند وبالدراع... عافيه حتي الدنيا ...اللي كانت بتطلع ضحكه من كل حاجه حتي الدموع..... 
تنهدت وقالت بمراره
#كارمن اللي بتتكلم عليها اتكسرت... صورتها بقت زي المرايا المكسوره مش عارفه تشوف فيها حته عدله....
#لايابنتي- ياما هتشوفي في الدنيا وياما هتقابلي اوعي تستسلمي لحاجه.... اللي بيستسلم الدنيا بتدوس فوقه اوي ياكارمن
اقتراب مالك جعله ينظر اليه
#خدبالك من كارمن يامالك
#مش محتاج وصايه...
مال علي اذنه هامس وهو يدس شيء ما بجيبه
#اهدي متفضحناش هاه.... عاوز اعمل فرح ......يارب يعجبها زوقي مبروك  يامالك
ابتعد ونظر في عيناه بتحدي مما جعل مهاب ينفجر ضاحكا  عيون كارمن تعلقت بعيون تراقبها بغل.... تشابكت نظراتهم للحظات.... تريد قتلها رميا بالنظرات اقتربت تلقائيا بمالك وتعلقت  بذراعه اقتربت مها منهما وقالت بعبوس
#مبروك يامالك
مالك باستغراب
#طب ومالك مكشره كدا ليه
اشاحت وجهها #ابدا
#يلا- يامها عشان نمشي
تحركت وخرجت مع مها ويارا وعمر للاسفل- عمر باسما
#هنتعشي ونتمشي شوفوا بقي عملكوا ليله تحفه
مها باختناق
#معلش ياعمر روحني انا  ...اصلي مصدعه شويه ومحتاجه انام
يارا #ليه بس يامها كده
مها#معلش يايارا الايام- جايه كتير
عمر وهو ينطلق بالسياره
#يابنتي رجعي تفسك الله- يهديكي
مها#مش قادره بجد محتاجه انام
اوصلها عمر للبيت وقال بقلق
#قلقان عليها اوي يايارا انتي عارفه مها ملهاش حد غيري
#ربنا يخليكوا لبعض
#ويخليكي ليه يااحلي يويو في الدنيا
قال جملته وامسك يدها المثلجه ليطبع عليها قبله ناعمه حاولت سحب يدها ولكنه لم يفلتها امسك بها مقود السياره وقال بمرح
#دا بعينك ياماما دا انا مصدقت مسكتها... يافوزيه
تطلعت اليه وانفجرت ضاحكه همس
#بحبك اوي يااااا مراتي  ......يااااه عارفه كان  حلم بعيييد اوي....  انتي مش متخيله انا فرحان اد ايه
همهمت بارتباك
#انا كمان
اوقف السياره أمام المطعم ونظر اليها وقال
#مش باين...
#بالعكس انا فرحانه اوي بس خايفه
#مني يايارا
هزت راسها نفيا فقال
#طب خايفه من ايه
#خايفه مقدرش اسعدك.... خايفه اللي حصلي يخليني ااقصر في حقك... وووو
همس بحب
#وجودك معايا بالدنيا واللي فيها... انا مش عاوز من الدنيا حاجه غيرك...
همهمت بابتسامه مشرقه
#انت طيب اوي ياعمر
همس بهيام
#دا انا طيب وغلبان ومسكين وبمووووت  في العنين المغيمه دي... 
قطمت جانب شفتيها وتوردت خدودها هتف
#يادين النبي.... اثبت ياعمر
لمس باصبعه شفتيها ليحررها وهمس
#ياشيخه حرام عليكي هو‘انا ناقص
ارتعشت من لمسته وهمست
#مممممش فاهمه... هو اااانا عملت ايييه
عيناه المسلطه علي شفتيها جعلتها تلقائيا  تنظر لشفتيه....ذكرياتها في ملامسه- الرجال لاتبشر- بخير ولكن شيء ما في اقتراب عمر منها يختلف نعم خائفه ولكن خوف لذيذ... اغمضت عيناها  عندما شعرت بلفح انفاسه الساخنه علي وجنتها ثم.....  تلامست- الشفاه بعناق دافيء ممتع نقلت شفتاه الساخنه لخاصتها البارده....
استسلام- خجول..... اطاح بعقله لينسي تماما اين هو وماذا يفعل... لقد عاهد نفسه انه لن يتعجل الاقتراب- منها سيمنحها فرصتها الكامله في التعود علي قربه منها... يقدر حالتها لابعد- الحدود.... ولكن لم يتمالك رغبته العارمه في ضمها اليه في ملامسه- شفتيها الساكنه تلك الشفاه التي حلم بها فقط... منعته  ان يري سواها.. ..يعشقها منذ كانت طفله ويخشي عليها من ان يجرحها   شوك الورد ملوحه دموعها وصلت لشفتيه انه يستحق القتل لقد جعل عيناها الغائمه تمطر ابتعد ليحتضن وجهها بين كفيه وهمس
#متعيطيش ....انا اسف
فتحت عيناها لتلتقي عيونهما في عناق دافيء يتامل وجهها الاحمر- وشفتيها المثيره التي ماتزال تحمل بصمته....  ربت علي خدها بحنان
#زعلانه- مني
هزت راسها ببطء ابتسم بسعاده
#بجد مش زعلانه-
#توء
خطف قبله من خدها وقال بحب
:#طب يلا- بينا لحسن شكلنا بقي وحيييش اوي
قال جملته ونزل من السياره ليفتح لها الباب يتناول يدها ليحتضنها لقلبه النابض بعشقها.... محبوبته الجميله
------------------------------------------------------