كارمن

سعيد

#هطلق يعني هطلق دا كلام نهائي
مهاب بحزم
#بت انتي عارفه يعني ايه يطلقك يوم فرحك ياهانم ااقل واجب العمرانيه يدفنوكي حيه
اشاحت بيدها
#ميهمنيش خلاص.معدتش تفرق دا انا شوفتهم بعيني وهي متعلقه في رقبته
امسكها من يدها واجلسها امامه وقال بجديه
#قلبك بيقولك ايه
سقطت دموعها وصربت صدرها
#مهو قلبي دا اللي جيبلي الكافيه.. ابنك كذاب قلي مالك لكارمن وبس ابنك ضحك عليه
رفع وجهها وقال بجديه
#تفتكري لو بينه وبين مها حاجه من اللي في دماغك هيعملها هنا ادام عينك
همهمت #مهو بجح زي اللي مخلفينه
وكز راسها
#يابت لمي لسانك دا شويه.... هي مش مها كانت قدامه.ومفتكرش في حاجه تمنع انه يتجوزها انسي اللي شوفتيه وشغلي عقل كارمن اللي  يوزن بلد
زفرت بقوه
#يعني عايز تقول انها هي اللي عرضت نفسها عليه.... مفيش بنت تعمل كده أصلا
قال بتاكيد
#لاء- فيه وكتيير كمان،،،،،، لو كنتي استنتي دقيقه واحده كنتي شوفتيه وهو بيبعدها وبيضربها بالقلم
اشاحت بيدها
#اه اضحك علي عقلي باماره ماكان بيطبطب علي وشها ودقيقه وهيخدها في حضنه مش كدا دقه عصافير انا
مهاب بنفاذ صبر
#بت انتي كلمه واحده ومش هكررها الفرح هتحضريه غصب عنك العمرانيه كلها هتبقي موجوده وخالك سعيد كمان ودا بقي انتي متعملتيش معاه قبل كده.... دا بيتفاهم بالبندقيه هيطخك وبعدين يفهم عدي اليوم علي خير ياكارمن ويلا عشان يارا جاهزه وهنروح البيوتي
#لوشفت خلقه البت دي هطبق في زماره رقبتها
قال برجاء
#معلش استحمليها عشان خاطر يارا وعمر  ولاعاوزه- فرحهم يبوض
زفرت بقوه وقالت
#طيب عشان خاطر يارا وعمر... دا انا اول مره يبقي عندي اخوات بجد.. بس ابنك ملوش دعوه بيا وبعد الفرح يطلقني علي طول
ابتسم وربت علي كتفها
#ماشي بعد الفرح يحلها ربنا يلا ياحبيبتي ربنا يهديكي بقي
-------------------------------------------------
وصل مهاب للقاعه لاستقبال المدعويين الذين بدأو بالتوافد الفعلي... نصف سعيد نصف قلق كان يتحدث  لاحد رجال الاعمال
#كيفك يامهاب باشا
التف ليواجهه الرجل المعمم الواقف امامه ابتسم وقال
#ازيك ياحج سعيد
سعيد #انا واخد علي خاطري منيك كيف تجوز بت سلوي من غير رجالتها .
محمود #جولتله اكده يااخوي وهو
قاطعه مهاب # خاطرك علي دماغي من فوق ياحج سعيد ... وانا محقوقلك... انت عارف مكانتك عندي
ابتسم الرجل
#لساك حديتك زين يامهاب باشا... امال وينه معتز مبيستقبلش الناس معاك ليه
تنحنح مهاب وقال بمواربه
#زمانه جاي في الطريق
محمود بسخريه
#كيف ماخبرتك ياخوي ابوها ميعرفش ومش هياجي.....
سعيد #الحتيت دا صوح يامهاب باشا
تحرك مهاب وقال
#تعالي معايا ياحج سعيد عاوزك في كلمتين علي انفراد
محمود بارتباك
#انا هاجي معاك ياخوي
سعيد بحزم #جعبز اهنه... تعالي ياباشا
تحرك الرجل برفقه مهاب للشرفه الخارجيه اشار مهاب
#اقعد ياحج عشان نتفاهم
ضرب الرجل عصاه في الارض وجلس قال مهاب
#انا عارف كويس اوي الكلام اللي وصلك من معتز.... كل دا كلام فارغ لانا ولاابني...هنبص علي ورث كارمن.... وافتكر انك المفروض تكون عارف دا كويس اوي....
قال الرجل بجديه
#مين اللي جال الحدتيت العفش دا... هو احنا لساتنا هنعرفك النهارده... وبعدين مهي سلوي كانت معاكوا وبناتكوا....
قال بجديه
#اللي قال الكلام- دا محمود
هز الرجل راسه متفهما وقال
# شوف يامهاب باشا... انا خلاص- كبرت.... وورث سلوي من ابوها مش حاجه قليله.. بس ربنا يشهد انا حافظتلها عليه كيف ...... ووصيت زياد ولدي.... ان كل حاجه كانت لعمته يسلمها لبت سلوي بس لما تشد عودها وتبجي قدها وقلتله يخليه معاها وميسبهاش..... محمود اخوي بيحب الارض دي عزوته وراس ماله.... عشان اكده رابط سعيد  جمبيه عشان خايف للارض- تروح منيه ....وانا ممنعتوش عشان بتنا مسيرها لينا... بس برديك البنيه مخرجتش بره صحيح مش هتجوزعمراني بس بن عمها اولي بيها ..... بس الحتيت اللي اسمعته انك جوزت البت بدون علم ابوها... 
تنهد مهاب #حصل ميستحقش..يعرف...  الاب- اللي يتهجم علي بنته ويحاول يغتصيبها ميبقاش اب
هب الرجل واقفا وضرب عصاه بالارض-
#هي حصلت..لكده
#للاسف- مالك خلصها من ايده ...عشان كده قطعته وكتبت كتابها علي بن عمها يبقي انا غلطان
#عداك انت وولدك العيب .... ولدك راجل صوح...  واخوك بقي حسابه معايا انا مفيش مخلوج يقدر يقرب من شرف بت العمرانيه
#اطمن شرفك متصان ياحج
ضرب الرجل عصاه في الارض- وقال بحزم
#خلاص- يبقي نرجعوا بشرف بتنا... عشان نرفعوا راسنا دي بت  العمرانيه
بلع مهاب ريقه وقال
#ايوه ياحج بس ااااا يعني مالك عايش طول عمره بره وميعرفش  حاجه عن الكلام- دا
#- لما ياجي ولدك انا هتحتت معاه
هز راسه وقال باستسلام-
#اللي تشوفه تعالي معايا بقي عشان نستقبل الناس
#ومالو بردك واجب وولاد- اخوالها كمان زمنهم وصلوا دلوقيت
همهم مهاب
#كمان ربنا يستر
عزفت الموسيقي لحن هاديء عقبه دخول كلا- الزوجين يارا وعمر ثم مالك وكارمن احتضن مهاب مالك وهمس باذنه
#اتصلحتوا ولالسه-
#هقتلها دي مش طيقه تبص في وشي
اعتدل وربت علي كتفه هامسا
#طب استلقي وعدك بقي
اقترب من كارمن وقبل جبينها مهمها
#افردي وشك خالك وولاده- هنا
ابتعد مهاب ليقبل يارا ويحتضن عمر وقف سعيد بنظره حانيه وهو يفرد ذراعاه
#تعالي يابت الغاليه انا خالك سعيد
احتضنها سعيد وربت علي ظهرها اعتدلت فقال
#كيف ماكون ناطر سلوي تمام...
اقترب مالك وكان علي وشك انتزاعها لولا- صوت مهاب
#مالك ابني ياحج سعيد..... الحج سعيد كبير العمرانيه وخال كارمن
قال ببرود
#اه اهلا-
اعتنقه سعيد اجبارا وقال
#كيفك ياولدي.... راجل من ظهر راجل صوح.... حط نورتنا في عينك تحطك  فوق راسها ...... وتجيبها وتاجي حدانا....
#ربنا يسهل
عرفهم الرجل علي اولاده- زياد وعمار وليث اصغرهم  تقريبا في سن مالك....  جلس كل زوج علي مقاعده وبدات الحفل .....افتتاح الرقص يكون دوما من نصيب العرسان ولذلك قام عمر ليحتضن يارا اما كارمن
#مش عاوزه ارقص
مالك#مش بمزاجك ياحلوه ولاناويه- تفضحينا مش كفايه اللي عملتيه في  البيوتي
كارمن بعناد #مش عايزه اشوف خلقتك انا حره
دفعها مالك ولكن ليس بقوه وقال بغيض
#عدي ادامي بدل ماموتك الساعدي
تحركت ناحيه المكان المخصص للرقص رفعت ساقها  وانزلتها بقوه  علي قدمه ابتسمت باستفزاز وهي تسمع تاوهه المكتوم
#سوري
التمعت عيناه بغضب وضمها بقوه لصدره وقال بتحذير
#يعني انتي مش ناويه تتلمي
للحظه امتلئت عيناها دموع مالبثت ان استعادت روح القطه الشريره رفعت يدها وربتت علي خده  بنعومه تعلقت بعنقه هذه الصغيره قادره تماما ان ترفعه فوق السحاب بلحظه قرب مميزه همست بصوت آثر
#اعلي مافي خيلك اركبه
للحظه تجمد لم يستطيع الربط بين تصرفها وكلماتها ....وعندما استوعب كانت هربت الماكره من بين ذراعيه لتقف بجوار يارا والفتيات التي تلتف حولها وتتمايل الحمقاء كان علي وشك ارتكاب جريمه بقتل الحمقاء عندما اقترب منه عمر
#مالك عادل الشافعي وصل
ادار وجهه ناحيه البوابه ليري عادل الملتف حوله حراسته ويتقدم نحوه بخطي ثابته همهم بضيق
#مش فايقله خالص دلوقتي
رسم ابتسامه بارده علي وجهه استقبل بها يد عادل الممتده نحوه
#الف مبروك يامالك .....بصراحه استغربت انك دعتني
مالك ببرود
#ليه انت واحد من رجال الاعمال- ووجودك يشرفني ياعادل بيه ... اتفضل اعتبر المكان مكانك
اوميء عادل بابتسامه وتحرك لطاولته عمر
#كنت متوقع. انه مش هيجي
#لازم- يثبت حسن نيته ياغبي
#يعني تفتكر ناوي علي حاجه
#اكيييد بس لازم- نعرف هيه ايه... شوف اي طريقه نحط بيها حد في مكتبه
تطلع عمر حوله فقال مالك
#بتدور علي ايه
#البت مها من ساعه مااجينا وهي مختفيه
قال بضيق
#هتروح فين يعني ....
#انا هروح اشوفها فين
تحرك عمر للبحث عنها تلك الغبيه التي افسدت يومه باكمله.... ذهبت عيناه الي حيث حمقائه المتمايله بين الفتيات. ....اللعنه انها تحاول استفزاره بكل الطرق بدا بثوبها الاحمق- القصير وتجاهلها المستمر له  اقترابها الان-  بخطي سريعه يجعل قلبه يخفق بقوه ثم تشبثها به انه علي وشك فقدان عقله وسحق هذه الصغيره وافنائها بين ذراعيه لولا- صوت خالها سعيد الذي اخترق سمعه
#الراجل اللي هناك دا يخفي وتشحنهولي علي البلد
نظر الي معتر وغلت كل الدماء بعروقه ولكن بلحظه اجتمع حوله مجموعه رجال ثم اختفي معتز وكانه ومضه كابوس مزعج احتضن الصغيره المرتعشه الي صدره  ليربت علي ظهرها بحنان.
#اوعي تخافي وانا معاكي بس تعالي نشوف ايه حكايه خالك دا...
مهاب #بلاش- ياحج سعيد
#لساتك بتداري عليه متخفش احنا هنقرصوا ودنه بس ....
مهاب #هيفضل اخويا للاسف-
سعيد # يوم ماحطيت يدي في يد ابوك الله- يرحمه وجوزته سلوي كنت قلتلك كلمتين فاكرهم ياباشا
صمت عندما راي مالك وكارمن قال
#تعالي يابت الغاليه
جلست كارمن علي المقعد ووقف خلفها مالك فقال سعيد
#فاكر ياباشا
هز راسه موافقا وقال
#فاكر... قلتلي سلوي امانه في رقابتك مش في رقبه اخوك
قال سعيد بامتنان
#وانت كنت ادها عشان اكده لما هلفط محمود بكلامه- مصدقتوش
محمود بارتباك #بس ياخوي
قاطعه سعيد
#بس ايه فكرني نايم علي ودني اياك حسابك تقل معايا قوي يامحمود
مهاب بتسال
#يعني انت كنت عارف اللي عمله معتز
#معلوم .....ابوك اللهيرحمه قالي كلمتين قالي متعرفش معتز بورث سلوي.. بس بعد جوازهم بياجي شهر ابوك اتصل بيا وقالي انه هاجرها وهي حبله وقالي علي انت عملته لما نقلتها شقتك وانك بتسال عليها.. وكنت جاي علي مصر عشان ارجعها البلد بس حصل اللي حصل واتقلبت بيا العربيه ورجلي راحت وبقيت عاجز مبعرفش اتحرك.... بس كنت ببعت زياد يسال من بعيد....
محمود بارتباك
#يعني انت اااكنت عارف ياخوي
# ايوه يابو سعد كنت عارف... بس كنت مطمن عشان الباشا بيحميها.... لحد مااجالي النجس دا  ياجي بعد خمس سنين لما عرف بورثها وقالي انها هجرته وهو عايز يرجعها ....اليوم دا اتصلت بسلوي وخبرتها بالموضوع....
مهاب #وووقلتلك ايه
سعيد# قالتلي متعرفوش مكاني... انا عايشه عشان بتي وبس... وطول ماهيه في شقتها تبقي محميه.... عشان انت اللي بتحميها منيه.....
كارمن بانفعال
#دا احنا كنا لوحدينا علي طول طب انت وظروفك تمنعك ليه سيبتونا
ربت علي خدها
#عشان كنت ببعت محمود كل شهر لامك-بفلوسها واطمن عليها منيه
كارمن #انا مشفتش خالي محمود الاوانا عندي خمستاشر سنه
زفر الرجل بقوه
#شوفي يابنيتي انتي بت ناصر عمران... كبير العمرانيه..... وزينه بنات الصعيد كلاته-..... مكانتك محفوظه..... وورثك متصان عندي يابيتي.... دلوقيت انتي بقيتي في عصمه راجل.... وراجلك هيصون مالك انا متاكد من دا..... ...بس حافظي علي ارضك اوعي تبعيها.... ارض العمرانيه ميدخلهاش غريب ومتتقسمش فهماني يابيتي
هزت كتفها وقالت باختناق
#انا مش عاوزه حاجه.... انا كل اللي كنت يحلم بيه عيله وبس  ....سند وظهر.... عشان انا عشت طول عمري لوحدي...... انا متفرقش معايا الفلوس.... لافلوس الادهم
ولافلوس عمران..... كلكوا بعدتوا وسيبتونا لوحدنا...... بتحمونا من بعيد...... عارف ياخالي انا كنت كل عيد يبيقي نفسي حد يعيد عليه.... زي اصحابي.....
هبت واقفه وقالت باختناق
#انا عيلتي كانت سلوي عمران... الست اللي ضحت بشبابها وحياتها عشان تربيني..... الست اللي علمتني اواجهه الدنيا كلها واقول كلمه الحق ولو علي رقبتي...... يمكن عمي معزور عشان هي اللي طلبت منه....وانت معذور عشان ظروفك.... لكن ايه بقيت العمرانيه فييين..... محدش سال ليييه..... لما امي بتبقي تعبانه واقعد جنبها اعيط عشان مش عارفه اعمل ايه ولااستنجد بمين..... كنتوا فين.... وانتوا عارفين ان بنتكوا عايشه لوحدها..... مدخلتش ليه
مهاب #كارمن اهدي شويه.... احنا لسه في الفرح والناس بدات تتفرج علينا.... حج سعيد انت في ضيافتي الليله انت والرجاله كلهم.... مالك انجز بقي عشان نروح
تحرك مالك ناحيه عمر الذي بادره
#هو في ايه يابني بتحلو مشكله الشرق الاوسط-
#عمر قول للبند ينجز عشان نمشي
فرك كفايه وقال بسعاده
#ايوه هو دا الكلام الصح
بعد قليل كان الجميع يدخل باحه القصر ليتقدم عمر ويحمل فاتنته بين ذراعيه ليدخل البيت الصيفي  ويتجه مالك بكارمن  للبيت ويتبعه مهاب وجميع الرجال مهاب بترحاب
#منور ياحج سعيد
سعيد #الدار منوره باهلها
ثم التفت الي مالك وقال
#يلاياولدي خد مرتك وادخلو عاوزين ناخد امانتنا قبل الفجر
مالك #امانه اللي هي ايه
سعيد #شرف بتنا ياولدي
اتسعت عين كارمن وقال مالك
#انا مش فاهم حاجه
زياد #تعالي معاي وانا هفهمك
مال علي اذنه وهمس ببعض الكلمات اتسعت عيناه وقال بحزم
#لاء طبعا دا تخريف اللي انت بتقوله دا
مهاب بسرعه
#هو ميقصدش ياحج سعيد... هو بس زي مافهمتك كان عايش بره
مالك بغضب #بره ولاجوه دا كلام فاضي
هب سعيد واقفا وقال بغضب
#اتحشم ياولد كيف تقول علي عاداتنا تخاريف... طب يمين بالله لو مطلعت دلوقيت مع مراتك لتكون دخلتها بلدي وهشيعوا ساعه زمن ويكون النسوان اهنه.... 
زياد # اهدي يابوي هما ميعرفوش عويدنا
سعيد#اللي ميعرفش نعرفه.... ولاتكونش خايف من حاجه
مالك بغضب #وانا بقي هخاف من ايه
سعيد باستفزاز #تكون خرع مش قدها
صك علي اسنانه فقال مهاب بسرعه
#مالك خد مراتك واطلعوا قوضتكوا فوق
مالك بغضب #انت موافق علي اللي بيقوله دا
مهاب #ثواني بس وهكون معاك ياحج مالك هات كارمن وتعالي
تحركت بجواره حتي دخلاالمكتب قال مهاب
#انت يلااتهبلت دا ممكن يموتوك وانت واقف  ..دا معتز اختفي في ثانيه
كارمن برعب #مش هيحصل...
مالك #اهدي ياكارمن
مهاب بجديه
#شوفوا بقي انتو الاتنين مفيش قدمكوا حل تاني.... خلينا نخلص بقي من الهبل اللي احنا فيه دا كارمن يابنتي انت عارفه كويس اوي هما ممكن يعملو ايه الصعايده معندهمش تفاهم في الشرف
صرخت بانهيار
#يقتلوني خلاص معدتش فارقه...
قالت جملتها وصعدت ركضا للغرفه لتغلق الباب من الداخل مهاب بقلق
#مالك الموضوع دا مش هذار اطلع عقلها ممكن يموتوها بجد
قال بحنق #ليه هيا سيبه
ربت علي كتفه وقال
#مالك الناس دي ليها قانونها مش هيمشوا من هنا من غير مايخدوا اللي هما عاوزينه..... خليها بيك احسن بدل ماتتعرض لغبائهم انت مش متخيل النسوان اللي بيقولك عليهم دول بيبقوا عاملين ازاي
#بس ااا
#كله بايدك اطلع طمنها ورضيها وبطل كبر طبطب عليها يابني وفهمها كل حاجه.... وبعدين الراجل قالك قدامك للفجر دا كده كرمك اوي انا فاكر يوم فرح معتز فضل واقف قدام الباب
زفر بقوه وصعد للاعلي دون النظر لاحد،،،،،