كارمن

محمود

#بتنا وينها يامهاب باشا
تطلع مهاب للرجل الواقف امامه.وقال بجديه
# اعد ارتاح ياحج محمود
جلس الرجل وقال بحده
#اني مش جاي اتضايف عاد انا جاي اخد بتنا وترجع لاهلها-
مهاب ببرود
#وانت بقي جاي تسال عليها عندي ليه انت عارف كويس اوي انها متعرفش حتي بوجودي
#يعني مهياش عنديك متعروفش موطرحها
#لاء- عارف انا مبرميش لحمي ياحج محمود كارمن مع جوزها
ضرب محمود عصاه بالارض ليقول بحده
#كيف الحديت الماسخ دا..... بت خيتي تتجوز من غير رجالتها
#ياحج محمود الموضوع اجا بسرعه وبعدين دا بن عمها
#ولدك يعني......اكده فهمت
مهاب بجديه
#حج محمود احنا فاهمين بعض كويس اوي.....  انت عاوز ايه بالظبط من كارمن
قال بتاكيد
#بتنا ومتنساش يامهاب باشا انها لساتها  قاصر....  وانت اللي جوزتها لابنك- من غير معرفه ابوها
اسند مهاب ظهره للمقعد وقال بتفكير
#ابوها.... قول كده بقي.... يعني معتز هو اللي جابك مش كده
#برديك اسمه ابوها....  وخايف علي بنيته منيك انت وابنك.....بتنا مهياش جليله وعنديها كتير
فرك مهاب ذقنه وقال بجديه
#واللي عندها دا مكنش عندسلوي قبلها ولاانت- نسيت
اشاح بيده وقال
# لاع سلوي كتبت كل حاجه باسمها واتفاجي معاها ان بتها لابني- سعيد
#الجواز اسمه ونصيب.... ومش ولاد- الادهم- اللي يبصوا لحاجه مش بتعتهم
كاد الرجل ان يتحدث ولكن استوقفه صوت كارمن العالي
#اااهلا- ياخال حمدلله علي السلامه-
التف الرجلين الي كارمن بجوارها مالك وكذلك  يارا وعمر وقال محمود بغضب
#كيف امك تموت ومتشيعلناش
اقتربت كارمن منه لتقول بتحدي
#معلش ياخال....  اصلي نسيت... بس قولي هو انت افتكرت تاخد عزا امي بعد شهرين من موتها في بيت عمي ولاايه-
محمود #لايابنيتي- انا جيت اهنه عشان اخدك تعاودي للبلد
كاد مالك ان يتحدث لولا- انها اشارت اليه ليصمت فربع يديه قالت
#هو عمي مقلكش ان انا اتجوزت ولاايه،،،، اقعد بس انت واقف ليه...  شوف دي يارا بنت عمي ودا عمر جوزها ودا بقي مالك جوزي.... واللي جانبك دا اكيد عارفه دابقي ابويا مهو عمي وحمايا بقي .....وقبل ماتكتر  في الكلام- اللي ملوش عازه زي مابتقول..... امي كانت بتطاطي عشان خاطر دي وصيه ابوها بس انا غير سلوي خالص....
قال بغضب
#اتحشمي واتكلمي عدل
عقدت ذراعيها وقالت بتحدي
#جاي ليه ياخال.... 
محمود #جاي عشان اخدك تعاودي معايا انتي لساتك قاصر
قاطعته
#وانت لسه الوصي علي ورثي فقلت الحق قبل ما العصفوره تطير... بس احب اوضحلك انك فاهم غلط انا مش عصفوره ومش هسيب قرش من ورثي اللي كانت  بتمنعني منكوا ماتت
هب واقفا وقال بغضب
#انتي كيف تتحدتي معايا اكده...انا واخد  كلمه من امك انتي لسعد ولدي
مالك بغضب #جري ايه ياعم الحج انت شيفني شفاف قدامك‘ مش قلتلك جوزها ولاهي- محتاجه توضيح اكتر من كده
محمود #يبقي الكلام- صوح انت وابوك لفيتوا علي البنيه عشان ورثها
مالك بغيض
#دا اللي هو ازاي يعني
كارمن بتحدي #ورثي وانا حره فيه واللي عندي قلته بس ياخساره ياحج انت ناويتها حرب. ...واللي يدخل مع كارمن حرب هو اللي خسران..... واعرف حاجه مهمه اوي... انا مبسبش حقي...
#هو دا اخر كلام- عندك يابنت سلوي
#لاء- ازاي مش لازم- اعزمك علي الفرح... دا حتي العمرانيه كلاتهم- لازم- يحضرو...  دا فرح حفيده ناصر عمران كبيرهم ولانسيت- ياخال
حدقها الرجل بنظره غضب وانصرف انتبه ا لجميع علي ضحكات مهاب المجلجله
#يخرب عقلك ياكارمن... داانتي حمي بجد
اقتربت منه كارمن وقالت باسمه
# شكلي طلعتك من ذنقه....  انا تربيه سلوي عمران ياباش
قاطعها محذرا
#اياكي تقوليها
#ماشي يابا الحج... اصل حكايه سعد دي انا عارفاها من وانا عندي خمستاشر سنه لما اجالنا البيت ومخه والف صرمه قديمه هيخدني معاه عشان اتجوز يوميها ماما  فهمتني كل حاجه وقلتلي طول مانا عايشه متوجهيش سيبيني ليهم لما اموت متسبيش حقك...... بس مش عارفه ليه حاسه بريحه وسخه من الزياره دي
تنهد بقوه
#معتز هو اللي اتصل بيه وفهمه ان انا بفلس وجوزتك ابني بالعافيه عشان ورثك انا معنتش عارف هو عاوز ايه بالظبط
مالك بسخريه
#عاوز يلبخني ياباشا.... وبعدين ميراث ايه اللي هو بيتكلم عنه دي شحاته
تخصرت كارمن
#شحاته في عينك يااسمك ايه انت... داانا عندي الف فدان وتلت عزب ومصنع ومحجلين دا غير المواشي والفلوس.... هو صحيح مفيش حاجه من دي تحت ايدي وخالي محمود وخالي سعيد شفطينه في كرشهم بس دا ورث امي وهي بيعاه باسمي من قبل ماتموت
مهاب #واضح ان سلوي قلتلك كل حاجه كارمن بتتكلم صح تقريبا نص عمرانيه الصعيد بتعتها....
وقف مالك امامها وقال بجديه
#بس انتي مجبتيش السيره دي قبل كده ...داانا حته اول مره اعرف انك من الصعيد
قالت بلمحه عتاب راها في عيناها
#هو انت سالت وانا مقولتش .....
مهاب #دلوقتي لازم- تتجوزوا بسرعه قبل ما محمود يتحرك
مالك #ولايقدر- يلمس شعره منها
كارمن بحزن
#سمعت الوعد ده قبل كده ومقدرتش تحميني...  بس عمي عنده حق... خصوصا ان الكلب دا ممكن  يطعن علي جوزنا... لان- انا لسه قاصر ومش هو اللي جوزني....
مهاب #مضبوط هو دا اللي انا كنت عاوز اقوله... دماغك كبيره يابنت سلوي
اقتربت طابعه قبله علي خد مهاب
#عارف انا بحبك عشان بتقولي يابنت سلوي
همس في اذنها
#بس لحسن جوزك بيغير
رمقته بنظره سريعه وقالت وهي تجلس علي مقعده وتحاوطه  بذراعها
# ياعم كبر....  بس قولي بقي انت ليه مش بتيجي هناك وتبعد عن بيت الاشباح- دا
انفجر ضاحكا
#بيت الاشباح- حلوه.... ياستي جوزك قالي مجيش البيت
نظرت ليارا واشارت اليها فجلست علي مسند  المقعد الاخر- وصار مهاب جالس وسط الفتاتان كارمن ضاحكه
#يابوب .... دا انت كبرنا... امال مين اللي هيشخط وينطر فينا
احتضن الفتاتان بذراعيه وهو يضحك
#والله- وحشتوني اوي البيت من غيركو يخنق بجد
يارا #والله- انت كمان وحشتني يابابا ووحشتني قعدتي معاك
كارمن #بقولك ايه متبيع ام البيت النجس دا ولااقولك- اعمله دا للايتام- ...وهو تبقي قاعد معانا ونرقبك عشان حبيت تلعب بديلك ولاحاجه-... نشنيرك
تشارك الجميع في الضحك ماعادا مالك الذي يقف عيناه تخرج شرر
مهاب #يابت انتي اتلمي شويه
يارا #انت فظيعه ياكارمن
هبت واقفه واقتربت من مالك قائله بمرح
#مش ان كبر ابوك توبه ولاتسيبه- يمشي علي حل شعره
تحدث واسنانه مغلقه
#عدي لمي هدومك بدل ماوربي هربيكي ‘قدامهم
بلعت ريقها بصعوبه وقالت بتوتر
#يارا تعالي معايا عشان الم حجاتي
مهاب #استني ياكارمن مالك الفرح هيكون كمان اسبوع سيب البنات يعودوا معايا علي ماتجهز نفسك انت وعمر... 
كارمن بخوف #بس ااا
قاطعها
#متخفيش ياكارمن انا قطعت علاقتي- خالص بيه والبيت دا مش هيدخله  تاني ومش كده وبس انا فضيت الشركه بينا
قالت بانفعال
#كل ده عشاني
تنهد بقوه وهو ينظر لمالك
#كان المفروض اعمل كده من زمان بس وصيه جدك كانت خنقاني بس لحد كده وكفايه اوي ..... سيبهم معايا يامالك.... انا محتجلهم جنبي ... ولو قلقان خليك معاهم. ...
اقتربت منه كارمن
#تعرف حد عنده عربيه نص نقل
#اشمعني
يارا ضاحكه #عشان تجيب الجهاز بتعها من الابره- للصاروخ صح
ضربت كف يارا
#مذكره يايويو
عمر محدث مالك
#مفهاش حاجه يامالك عادي
زفر بضيق
#طيب
يارا #تعالي بقي دا احنا ورانا حجات كتييييييير اوي
كارمن #ماشي ياعروسه
مهاب #احلي عروستين في الدنيا.. كل اللي انتو عيزينوا... احلي ليله حنه
الفتاتان
#حنه
مهاب #ايه مش هتعملوا حنه الحجات دي بتحبها البنات تعالوا هفرجكوا علي شويه حجات في المكتب تجنن
كارمن #دا انت خلبوص كبير يابوب
تحرك مهاب في وسط الفتاتين ضاحكا للمكتب علق عمر بحسره
#حلو ابوك اكل مننا الجو واخد المزز وخلع يازعيم.... اخد بالك انت... حنه.. فكر في اللي هما مفكروش فيه... ابوك دا ايه ياجدع....  بس مش ملاحظ- ان الباشا تقريبا حد عمله غسيل مخ ومش عارف ليه حاسس ان كارمن هي
قاطعه بعصبيه
#متبس بقي يااخي افصل شويه ايييه بالع راديو....
هب واقفا وقال بحنق
#وعلي ايه هتطلع غلبك فيه... انا ماشي ياعم
تحرك عمر فقال مالك
#عمر حط ناريمان تحت عينك
#ياعم هو انا معتش ورايا الامرقبه- العيله ا لكريمه
مالك بحده # عمر..... واعمل حسابك كارمن هتشتغل معانا من بكره
#ودي هتشتغل في ايه ان شاء الله-
ابتسم بخبث
#هتظبط الارشيف-
حدق في وجهه وقال
#الارشيف- دا احنا كل اما نجيب حد يطفش
#ملكش فيه وبكره تنقل العامل اللي هناك .... انا اللي هوريها الشغل
همهم بقلق
#استر يارب.. مالك عاوز اوضحلك حاجه صغيره جدا لعلك مش واخد بالك
#حاجه ايييه
#كارمن مراتك يامالك.. يعني
#امشي غور انا طالع انام