كارمن

شياطين

#افهمي بس يانيمو لازم تقربي منها هي دي اللي هتنقلنا كل الاخبار انا مش عارف هما فين وبيخططوا لايه- مش عاوزين ترتيبتنا تبوظ
مررت اصابعها علي شفتيه
#بس هي دلوقتي علي طول مع مالك... وانت عارفه مش بيطيق سيرتي اصلا
#مالك مش هيعد لها نهار وليل
نظرت في عيناه الرماديه لعنه اولاد- ادهم تكمن في عيونهم
#اوعي تكون لسه عاوزها
اشاح بيده
#لاء- شلتها من  دماغي ......انا صحيح مستخسرها في الواد الزفت ده.... بس مش مشكله مهي هيه اللي اختارت بقي
#طب متكلم بنتك اهي قاعده معاهم
قال بعصبيه
#قولتلك متقوليش بنتي انا مبخلفش
ابتسم
#انت بتضحك علي مين يامعتز... انت نسيت البيبي اللي نزلته ولاايه-...
قال بارتباك
#دا كان بن مهاب ولابن- عادل ماانتي حبيبك كتير ياناريمان
قالت بثقه
#لاء- اللي كان في بطني كان ابنك انت........
عقد ذراعيه وقال بتحدي
#ناريمان انا معايا تحاليل بتقول اني مبخلفش
اطلقت ضحكه عاليه وتحركت حوله
#عارف يامعتز احلي حاجه فيك انك بتكدب  الكدبه وتصدقها اوي وتعيش معاها علي انها امر واقع ......انت عارف كويس اوي ان البت دي بنتك والكلام- الفاكس دا مش عليا بس اللي عايزه افهمه بقي انت ليه كارهها اوي كدا... مع انك وقعت في امها
قال بحقد
#مش معتز الادهم- ياحلوه اللي يقع... الحكايه  كلها اني كنت عاوز احرق قلب مهاب بيها
قطبت متسائله
#وايه علاقه- مهاب بسلوي
اطلق ضحكه عاليه وقال بثبات
# اللي متعرفهوش ان مهاب محبش غيرها... كان هيموت عليها....... كان بيعشقها ويتمني منها كلمه واحده...
#طب لما انت عارف كده اتجوزتها ليه
#انتي نسيتي ياناريمان اللي عمله فيه.... في الاول- اخدك مني
قالت بتاكيد
#بس مهاب مكنش يعرف اللي بينا
#مش كده وبس انا اترمي في مصحه مجانين تلت سنين.... بس انا لعبتها صح.... واول حاجه عملتها كسرت قلبه وبعدين اخت مراته ولسه التقيل جاي ورا
#تقصد موضوع المزاد مش كده
#تعرفي ان المزاد ده ممكن يفلسه خصوصا انه خرج نسبتي من الشركه يعني موقفه مهزوز ودي فرصتي ان اضرب ضربتي واهده.... اهد الباشا اللي بعني عشان شويه عيال... افتكر فجأه انه اب وعاوز يلم عياله حواليه
#انا كمان مستغربه الحكايه دي مهاب عمره مااهتم بيهم
#الباشا خايف من عادل الشافعي
#انت بتقول ايه وهو مهاب ماله ومال عادل
#واحد سربله اخبار كده ان عادل عايز ينتقم  منك في عيالك فبعت جاب البيه اللي عملي فيها دكر من بره ولمهم حوليه بس اللي الباشا ميعرفوش ان عادل انه مش في دماغ عادل من اصله ...بس لما اتلقيته خايف قلت اسيبه يعيش في القلق
#انا عاوزه اعرف بقي انت علاقتك- ايه بعادل وازاي اقتنع ببساطه كده انه يسندك في المزاد
#عشان مصلحته.... عادل انا اللي بمشيله شغله من سنين
قالت بذهول
#انت بتقول ايه... انت بتشتغل مع عادل
لدغ خدها وابتسم
#من سنين امال تفتكري انا عرفت كل ده منين
#بس اكيد مهاب ميعرفش
#انتي مجنونه دا لو عرف هو اللي هيرميني في السجن... انت نسيتي يانيمو ان انا اللي معرفك علي عادل
#طب مقولتليش  ليه دا كله
ربت علي خدها
#شغلنا مفهوش كتر كلام- زي بالظبط ماانتي  مقولتيش علي اتفاقك معاه ولاالخمسين- مليون اللي لطشتيهم منه بس علي فكره هو عايزك
#بس هو قالي
قاطعها #انا اللي هوديكي ياحلوه شكلك وحشتيه اوي
حدقت في وجهه وانفجرت ضاحكه