كارمن

مأساه يارا

تحرك مهاب للاسفل في غمره الاحداث نسي تماما وجود اخوال كارمن... حسنا الوقت مازال مبكر انها لم تتجاوز السادسه بعد....  ابتسم وهو يتحرك للخارج ...هذا الشعور الرائع باحتياج اولاده اليه ....التجاء مالك له.... اشعر بسعاده حقيقيه.... مؤزاره ولده والوقوف بجانبه.... وقف امام البيت الصيفي المكان يبدو هاديء بشده... هل هذا يوحي بالقلق ام الاطمئنان... حسنا سيطرق الباب مره واحده فقط.. بالفعل طرق الباب وانتظر دقيقه اثنان حسنا يبدو الوضع هاديء وكان علي وشك الانصراف لولاصوت الباب طالعه وجهه عمر
#عمي خير في حاجه
بلع ريقه وقال بحرج
#لاء انتو كويسين
مرر اصابعه في شعره وقال
#ايوه احنا بخير...
رمقه مهاب بنظره سريعه انه حتي لم يبدل ثيابه قال بقلق
#مالك ياعمر في ايه يارا كويسه
انزاح عمر من امام الباب وقال
#لو حضرتك عاوز تتطمن عليها اتفضل
عبر امامه ولكن عمر امسك يده وقال بجديه
#عمي لوسمحت متكلمش يارا في حاجه اااانا هعمل قهوه اعملك معايا ماشي
قال جملته وانصرف وقف مهاب يفكر بحيره طرق الباب صوت مهزوز من الداخل
#اتفضل
فتح الباب ليري صغيرته تجلس علي الفراش تعتنق ساقيها وتبكي ولن يغفل طبعا انها مازالت بثوب زفافها اقترب وجلس امامها وقال بقلق
#ايه يايارا... مالك
قالت باختناق منكسر #هواااا عمر قالك
#عمر مقلش حاجه انا بس اللي كنت جاي اطمن عليكي
ارتمت علي صدره وقالت باختناق
#بابا ااانا اااااصل ااااا
رفع وجهها لينظر في عيناها
#عمر عملك حاجه
هزت راسها نفيا #اصل اااااانا كككككنت اااااا
ربت علي خدها
#اهدي يايارا.... انتي خايفه مش كده
هزت راسها موافقه ربت علي شعرها الكستنائي وقال
#معلش دا بس عشان اتجوزتوا بسرعه عادي يعني
#والنبي قولها... قولت الكلام دا من ساعه مادخلنا القوضه وهي مفيش فايده
وضع القهوه علي الطاوله وناول مهاب كوبه ورفع كوب وناوله ليارا اقترب فابتعدت هي قليلا- ناولها الكوب وقال بابتسامه
#دا انا عاملك يانسون بايدي
تناولت الكوب وبدات ترتشف القليل منه ومهاب يطالع كليهما بعجز ماذا يفعل..... ولايعرف لما تذكر كلمه كارمن انت دورك ايه في الفيلم دا بقت ليها الاب والام زي ماامي عملت سلوي مره اخري.... نعم فهي الوحيده التي كانت ستخرجه من هذا المأذق،،،،، زفر بقوه وهو يرتشف بعض القهوه تنحنح ليجلي صوته وقال
#مها نايمه مش كده ياعمر
#ايوه بس مش هنا خالتي صممت تبات عندها كام يوم
انها كانت مخرجه الاخير هذه الصغيره تحتاج لانثي بجوارها  زفر بقوه وقال بحزم
:#ممكن تسيبني شويه مع يارا ياعمر
مرر اصابعه في خصلاته وقال بتوتر
#حاضر... بس ااااامن فضلك متضغطش علي يارا
هز راسه موافقا امسك الكوب ووضعه بعيدا ورفع وجهها وهمس
#خايفه من اييه 
ارتعشت شفتيها وسقطت دموعها شدها بين ذراعيه وربت علي شعرها حتي استكانت  وهمس
#يارا عمر مستحيل ياذيكي
#عارفه بس غصب عني... 
احتضن وجهها بيديه وقال
#عارف ياحبيبتي....بس كمان مش هنوقف حياتنا كلها علي حادثه حصلت من عشر سنين.... من بني ادام مختل......  لازم تنسي وتعيشي حياتك.... دا لوكنتي فعلابتحبي عمر
قالت بالم #انا ااااا مش هكمل مع عمر يابابا
حدق في وجهها وقال #انتي اتجننتي
هزت راسها وقالت بانكسار
#اصلا جوزنا من الاول كان غلط
#يارا انا سالتك وانتي قلتي انك بتحبيه... 
سقطت دموعها
#عشان بحبه مينفعش اظلمه... ذنبه هو ايه.... 
#صوتك عالي اوي يايارا.....  ذنبي اني بحبك دا لوشايفه ان الحب ذنب
تطلع كليهما الي عمر الذي يقف علي الباب عاقد يديه  تلاقت عيونهما نظره تعاتب نظره منكسره...
#وهتستحملني لامتي
عمر #عمري كله كفايه اوي انك تبقي معايا
هذا الفتي صادق يحبها بحق وهذا في حد ذاته طمئن قلبه ولكنها محقه في شيء واحد الي متي سيتحمل هب واقفا وقال بحزم
#شوفوا بقي انتوا الاتنين. انتي محتاجه دكتور وانت محتاج تصبر شويه
تقدم بحذرمن الفراش وامسك يدها ليطبع عليها قبله ناعمه
#معلش ياعمي.... يارا مش محتاجه دكتور مش هتاخد مهدئات ومنوم تهرب بيهم تاني يارا مش ضعيفه..... هنواجهه حياتنا سوا وهنبنيها سوا في اد ايه مش مهم المهم ان احنا مع بعض... 
نظر في عيناها وقال بصدق
#ياستي اعتبرينا لسه مخطوبين... الدنيا مش هتطير .... مش حاجز طياره وهتفوتني مثلا....يوم اتنين عشره الف...  المهم انك معايا ...... انتي ليه مش عاوزه تفهمي اني كفايه اوي اشم الهوا اللي انتي بتتنفسيه...... وبعدين متنسيش ان احنا قدمنا ميعاد جوازنا عشان كارمن ومالك..... 
ثم اكمل مازحا
#مشوفتيش شكل مالك طول اليوم،،،،،،، عارفه انا كنت خايف ااقوله مبروك  ينفجر في وشي...  مع انه امبارح دماغه والف صرمه قديمه هروح اشوفها مش عارف انام.....  اخوكي ضرب .  .....مش بعيده يكون قتل كارمن عشان كده ابوكي خاف عليكي. ..
مهاب باسمه #لاء يافالح موصلتش للقتل....  هو ذي ماتقول كده فتح علي الرابع والفرامل فوتت
عمر وهو يكتم ضحكاته
#اوبس.... المهم الضحيه كويسه
مهاب # يعني ....
يارا ببلاهه.#انا مش فاهمه حاجه.... هو مالك سافر وخبط حد
تنهد عمر بارتياح فوردته خرجت من جو التوتر الذي لازمها منذ دخولهم البيت
#هو مسافرش.... بس من نحيه خبط فهو خبط اوي .......
كان هذا تعليق مهاب الذي ضحك علي اثره عمر
#والنبي ابوكي دا زي العسل.....  هو انتي مطلعتلوش ليه..
ربت مهاب علي كتفه وقال بتقدير حقيقي يراه في عيناه للمره الاولي
#متقلقش طالعالي برضوه.... دي جينات وراثيه يابني... بس عايزه صبر
عمر بجديه
# وحتي لومكنتش...  برضوه مش عاوز غيرها...  عشان انا اصلا مشوفتش غيرها... بحبها بحبها من وهي لسه بضفاير.... بتلعب بالعرايس وتحطها قدمها زي مايكونو ولادها.ولما واحده فيهم تتكسر تفضل تعيط لحد مااصلحلها واقولها هي بس تعبانه زي  مااحنا بنتعب ....عارف كانت بتصدقني وتضحك .. وتقولي هديلها الدوا في ميعاده
تنهد بقوه ونظر الي غيومها المنفعله لدغ خدها واكمل
#بنوتي اللي اتربت علي ايدي....لحد مابقت تحت عيني.... مالك سافر وسبهالي امانه..... بنوتي فيها حاجه بس انا مش عارفها..... بنوتي اللي ضحكتها بتنور الدنيا مبتتكلمش... سنه بحالها.. لحد مانطقت وسمعت صوتها..... كل يوم اعملها الساندوتشات ووديها المدرسه واستناها لحد ماترجع.... قبل ماتبقي مراتي وحبيبتي.... انتي بنتي يايارا محدش في الدنيا يعرفك ادي....   انت عايشه جوايا....  اخاف عليكي حتي من شوك الورد.... 
ربت علي كتفها بحنان وابتسم بارتياح وهو يري هدؤها قال بمرح
#بس دا ميمنعش يعني انك تغيري وتتعطف الاميره- وتعملنا فطار عشان الراجل الغلبان دا شكله ماكلش من امبارح
قال جملته واشار الي مهاب الذي قال بحنق
#لاء دا انت خت عليا اوي غيروا هدومكوا وهستناكوا في القصر نفطر مع العصابه اللي هناك
عمر #هما لسه ممشيوش
مهاب #يمشوا فين دول صعايده انت اهبل
نظر اليه للحظه واتسعت عيناه وقال
#اوعي يكون اللي فهمته صح
هز راسه موافقا  انفجر عمر ضاحكا وتابع مهاب وهو يخرج رفع ذقنها وهمس
#في حاجه واحده بس مستحيل اتخلي عنها
قالت بتوتر#ايييه
همس برجاء
#اخدك في حضني يايارا دا حلم عمري كله
احتضنته بذراعيها لتريح راسها علي صدره الصارخ
#انا بحبك اوي ياعمر
حاوطها بذراعيه ليهمس
#وعمر بيعشقك يااحلي حاجه في عمري كله
---------------------------------------------------