#يااااه اخيرا صحيتي.....ايه بقالك سنه منمتيش امال لومكنتيش لسه قايمه من غيبوبه ومقضياها اسبوع نوم
اطلقت كارمن ضحكه عاليه واقتربت من يارا الجالسه علي الاريكه لتجلس بجوارها
#دا انتي مزاجك عالي اوي ايه دا يارا الكشريه بتهزر ...لاكده كتير عليه
وكزت كتفها
#ميبقاش قلبك اسود بقي.... مش اتفقنا نبدا صفحه جديده مع بعض
تنهدت بقوه
#ماشي ياجميل بس قوليلي بقي انتي محلوه كده وشكلك فرحان احكيلي
امسكت يدها وقالت بحماس
#نتغدي وهحكيلك بس انتي كمان تحكيلي اتفقنا
للمره الاولي- تشعر بصدق مشاعر يارا تجاهها وهذا اسعدها كثيرا كانت تثرثر عن احداث امس وتتحدث باستفاضه عاشق عن حنان عمر ورومانسيه عمر واحتواء عمر لها كانت تتابعها ولكن عقلها في مكان اخر... يحمل لمسه شفاه دافئه بشده وهمسه ناعمه وحوار يدور حول العشق دون كلمه عشق واحده صريحه..... تنهدت بقوه عندما قالت يارا
#قليلي بقي مالك عمل معاكي ايه
هزت كتفها #ولاحاجه- اتعشينا ورقصنا وبعدين نمت
#يعني انتي مبسوطه ياكارمن
هزت كتفيها
#انا حيرانه وخايفه....
#طب ليه
نظرت اليها وقالت
#تفتكري مالك اتجوزني ليه
#بيحبك ياكارمن
ابتسمت وقالت بلهفه
#هو قالك
قالت بتاكيد
#عمره ماهيقول... من يوم مامالك سافر وهو اتغير من النقيد للنقيد في كل حاجه... مالك منزلش ولامره- مصر انا اللي كنت بسافرله في الاجازه-....مالك عمر ماواحده اثرت فيه ذي ماانتي عملتي....... صدقيني ياكارمن... مالك بيحبك بجد ودي اول مره يحب.... يمكن يبان قاسي وجامد وكل اللي حوليه بيخافوا منه.... بس في الحقيقه مفيش في حنيته ولاطيبته
ابتسمت #انتي بتحبيه اوي كده
قالت بتحذير #اوعي تكوني بتغيري
#اغير ايه انتي كمان... بس دي اول مشاعر حقيقيه اشوفها في العيله الخربانه دي
انفجرت ضاحكه
#علي فكره ياكارمن بابا كمان بيحبك اوي
تنهدت بقوه
#انا كمان كنت بدات احبه واتعلق بيه.... بس مش عارفه ليه بعد اللي حصل حسيت اني قفلت منه
#طب وهو ذنبه ايه علي فكره بابا فعلا- اتغير من ساعه ماانتي دخلتي حياتنا
#عندك حق هو فعلا- ملوش ذنب يمكن خفت منه لما قالي هرجعك البيت انا مش عاوزه ادخل البيت دا تاني... بس عاوزه هدومي
#صح انتي هدومك كلها هناك... طيب لما يجي مالك نقوله ونروح كلنا مع بعض عشان تبقي مطمنه ايه رايك
#اشطه ياموزززه
قاطع حديثهما رنين هاتف يارا قالت بلهفه
#اهلا- يامامي ايه اخبارك
##################
#كويسه خالص يامامي
#####################
تنحنحت بحرج وقالت
#لاء+ يامامي اصل مالك اتجوز كارمن كتبنا كتابنا مع بعض
#######################
#سوري يامامي بس هي كانت حاجه علي الضيق خالص واكيد طبعا هقولك قبل الفرح
############
#تشوفيني... طب ااااليه
#######
#يامامي مش ااقصد بس.... انا هشوفك ازاي يعني
#######################
#طيب يامامي انا هشوف كده واحاول ااقبلك في النادي بس لما كارمن تتحسن هبقي اتصل بيكي قبل ماروح اوكيه
###################
#وانتي كمان يامامي هتوحشيني خالص
اغلقت الخط ونظرت الي كارمن التي تستمع باهتمام
#غريبه اوي
#في ايه يايارا
#مامي عاوزه تشوفني
#طب وايه الغريب في كده دي مامتك عادي يعني
#دي عمرها ماعملتها..
#عادي يابنتي... اساسا انا اول مره اشوف واحده تستاذن عشان تشوف بنتها.... الله- يرحمك ياماما... لما كنت بتاخر في المدرسه خمس دقايق بس ،،،،اتلقاها وقفالي في الشارع واول ماتشوف خلقتي اتلاقي- الشبشب لازق- في وشي تضرب وبعدين نتفاهم
كانت تضحك بقوه قالت
#كفايه يخرب عقلك قلبي هيقف ...دي مامتك دي كانت شريره اوي
هزت راسها وقالت بحنين
#خالص عارفه كانت احلي حاجه في حياتي... كانت بتخاف عليه من كل حاجه ومن اي حد. ...كانت صحبتي واختي وامي عارفه لوكنتي شفتيها كنتي هتحبيها اوي... كانت اب وام وكل حاجه عارفه لما جيه خالي وكانوا مصرين يرجعونا البلد رفضت وقالت بنتي مش هرميها في الصعيد
قالت بذهول #ايه دا هي مامتك كانت صعيديه
ربعت ساقيها وقالت
#انا معرفش حد من خلاني الاخالي- محمود... كنا قاعدين في امانه الله- بنحشي كوسه الباب خبط روحت بنيه طيبه فتحت الباب لقيت باب وراه... حاجه كده بعيد عنك علي مستوي نظري كنت شيفه بطنه لابس- جلبيه وعمه انا تنحت
قاطعتها ضاحكه
#كفايه مش عاوزه اعرف ..دا ايه المخلوق الفضائي دا
# لاكائن- فضائي اييه قولي تنين بيطلع نار من بقه.... هوقال جمله مفهمتش منها غير سلوي عارفه لما تشوفي فار بتعملي ايه
#بصرخ
#اهو انا عملت كده صرخت يامااااااما.... طلعت تجري وهوب اصابها الذهول محمود ،،،،،وبدات امي تتحول اني افهم كلمه من اللي بيقوله ،،،،بلاصي قاعد.... بس بعد كده بقي فهمت ان ده خالي وان احنا من عيله كبيره في الصعيد بس جدي كان عايش هنا في مصر ......وانها رفضت نرجع معاه عشان مش عاوزه تقفل بيت الزفت...
#بس ازاي ممتك صعيديه ووفقت انك تشتغلي موديل يعني
ابتسمت
#ماما كانت مثقفه جدا.... عارفه كانت بتعزف جيتار تحفه.... بس فضلت جذورها الصعيديه لما القباب بيقف اجارك الله- مفيش تفاهم ...بس علمتني كل حاجه في حياتي......
#تعرفي ان مالك كمان كان بيضرب جيتار
قالت باستغراب
#دا اللي هو مين
#مالك اخويا
قلبت يديها و هبت واقفه. في مواجهتها قالت بسخريه
#مالك اخوكي دا يضرب قنابل،،،، مدافع.. يلقق ظلط وطوب مش يضرب جيتار
#انتي هتبطلي طوله لسان امتي
التفت فصارت تقريبا بين ذراعيه فاسند خصرها تلقائيا قالت بخضه
#ايييه ياعم انت حد يطب علي حد كده.... مش تزمر وانت داخل... افرض حد من الحريم خالع راسه ولاحاجه-
ابتسامه ارتسمت علي شفتيه الصغيره بدات تستعيد حيويتها مره اخري قال بتحذير
# مش هقولها تاني ياكارمن بطلي طوله لسان.... وعدي يلا- قليلهم يجهزوا الغدا
قالت بغيض
#ليه هو البعيد مكسح... مشلول حضرتك.... ولافاكرني- خدامه ابوك
لمعت عيناه وقال بغيض
#يابت انتي لمي لسانك دا بدل ماكسر وشك
قالت باستفزاز
#كل المتكسرين طلعين من تحت ايدك مش كده
يارا بصوت عالي
#باااااااااس اييييه دا ....... بطلوا عند انتوا الاتنين- داانتوا ولااطفال الكي جي
ضرب جبهتها وقال وهو يكتم ضحكاته
#عندك حق حته عيله بيبي...
قالت بغيض
#بتحضرلي الرضعه اظن.... ولاتكنش- بتغيرلي البامبرز
صك علي اسنانه ولمعت عيناه بغضب قاطع حرب النظرات الدائر صوت يارا
#بس انا هقولهم يحضروا الاكل-
تابعتها تخرج وهمهمت
#وطيه
اقترب خطوه وقال بغيض
#انتي هتلمي لسانك دا امتي
#هو انا عملتلك حاجه ياكابتن.....
امسك اذنها وقال بغيض
#في واحده تقول لجوزها ياكابتن
#اي اي اي طيب طيب خلاص- مش هقول كده تاني
اعتدل في مواجهتها وقال بجديه
#في واحد اسمه عمرو كان بيتصل بيكي
اشاحت بيدها
#كبر مخك حاكم عمرو زنان بس انت عرفت منين
#تليفونك امبارح رن برساله مفهمتش منها حاجه
قالت ضاحكه
#اصل عمرو ديما بيتكلم بالسيم
#سيم ايه
هزت كتفها وقالت ضاحكه
#سيم العوالم ياعسل
حدق في وجهها وانفجر ضاحكا
#والله- انا لو بكلم واحد صحبي مش هيكلمني كده
رفعت كفيها امامه
#اهوه عشان متقولش ان انا حرماك من حاجه... هاه شوفتلي شغل ...ولاطنشت
قال بجديه
#هو انتي عاوزه تشتغلي بجد انتي لسه بتدريسي
هزت كتفيها
#وايه المانع مانا كنت بشتغل وانا بدرس وبعدين انا مش متعوده ااقعد من غير شغل... والترم اللي فات انا شلته كله عشان محضرتش الامتحانات-... بس مش مشكله هعوضه ...ومتقلقش انا بتعلم بسرعه ماشي
قال باعجاب
#ماشي ياست كارمن بس انا في الشغل معرفش حد
اشاحت بيدها
#ولابراه
نظر اليها وانفجر ضاحكا
#انتي مصيبه بس عارفه لو لسانك طول في الشغل
اقتربت ولدغت خده وهمست
#متخفيش ياملوكتي...البجاحه بينا وبين بعضينا
#مالك الغدا جهز ياحبيبي
هز راسه بقوه ليطرد تلك الافكار- المجنونه التي علي وشك امتلاك- تلك المبهره وافنائها بين ذراعيه تحرك للخارج فقالت يارا
#مالك بعد الغدا عاوزين نروح القصر
التف لينظر الي يارا
#ليه
#هنجيب هدوم كارمن من هناك
#اوكيه... وابداوابقي حضروا حجتكوا عمر هيجنني
كارمن #حاجه ايه
يارا #حجات للجواز
كارمن بحماس
#دا انا هظبطك اعرف شويه مواقع جامده يادوبك تنقي ونبعت حد يجيبهم ايه رايك
يارا باهتمام #طب وانتي
احتضنت نفسها بحنين
#الحاجه سلوي قيمه بالواجب وزياده دي بتجهزني من وانا عندي تلت سنين... هبقي بس اروح بعربيه نص نقل احمل الحاجه
مالك معلقا #عربيه نص نقل هيه جيبالك ايه بالظبط
كارمن باسمه
#من الابره- للصاروخ... دي كانت فظيعه دي قفلت البلكونات بتاعه البيت كله عشان جهازي دا... ....
يارا بحماس #تعرفي انا بدات احبها
#مفيش حد كان يعرفها محباش ...كانت طيبه اوي يايارا وحنينه اوي وبتحب تساعد الناس... ربنا يرحمها
مالك #طب خشوا اجهزوا وانا هكلم عمر عشان يحصلنا علي هناك كان هيموت واعذمه علي الغدا
يارا بسعاده #ماشي
أنت تقرأ
كارمن
Genç Kız Edebiyatıقاسي قتل مشاعره ،،،،،دفنها داخل سرداب مظلم ،،،،، لامجال للحب بحياته،،،،،،، وهي دخلت عرين الاسد لتنتقم ،،،،،ولكن !!!!!!!
