الجميع يتجنبه وهذا جيد انقضي نصف النهار تقريبا. وعقله مازال بنفس الدوامه القاتله حتي دخل عليه عمر قال بغضب
#انت فين يابني ادام من الصبح
#بالراحه بس ياكبير ......كنت بخلص ورق الجمرك من امبارح مانا كنت قيلك يامالك في ايه
اشاح بيده
#نسيت... انت عايز حاجه دلوقتي
#فيك اييه بالظبط
قال بغضب
#هيكون فيا ايه يعني....
#طب ممكن تهدي شويه عشان في موضوع عاوز اكلمك فيه
#انجز ياعمر عاوز ايه
#دلوقتي انا هنشر في الشركه ان كارمن مراتك اوكيه
#اشمعني
#مالك انت صاحب الشركه يعني العين كلها بتبقي عليك دخلت امبارح بوحده حبسها في السابع اللي مبيطلعوش حد وفي الاخر- بعت جبت هدوم وسيادتك اللي فتحت للامن- اللي طلعهم .....الشركه كلها ملهاش سيره غيركوا
اشاح بيده
#اعمل اللي انت عاوزه.... هي اصلا- معدتش هتيجي هنا
#هو انت هترفدها...
#هي اللي معدتش هتيجي
قال باستغراب
#معدتش هتيجي ازاي يعني ....يابني دي سستمت الارشيف- كله... انا لسه نازل من عندها
قطب بين عيناه وقال بلهفه
#هي هنا طب ازاي
#انا مش فاهم حاجه يامالك
اتسعت ابتسامته
#مش مهم.....دلوقتي هتطلع تجبهالي وعاوزها تمسك مكتبي... خلي انجي تدربها... ..
#طيب وانجي
#كفايه عليها مكتبك....يلا- اتحرك
#هي زعلانه- منك وعاوز تصلحها صح
هز كتفه
#يعني
#هتلها هديه ورد قول كلمه حلوه لله ابعتلها مسدج ظريف.... مراتك صغيره يامالك يعني لسه في مرحله مرهقه مشاعرها مندفعه صريحه وضحه لسه مبتخجلهاش مش فاهمه ومدركه زي يارا..
#عارف المشكله مش فيها المشكله فيا انا ياعمر ....انا عشت سنين اقتل في مشاعري لحد ماخلاص- قلبي مات... وهي تستاهل قلب حي
تنهد عمر بقوه
#يعني عاوز تقول انك مش حاسس بيها
#لاء- حاسس بس
قاطعه
#مش عايز تصدق ان قلبك اخيرا دق بس احب اقولك انك مش بتحب كارمن انت بتعشقها كل حاجه بتعملها بتثبت ده بس انت اللي مش عايز تعترف بده من يوم فرحي من اول مره شوفتها فيها وانا شيفها في عنيك انت بتغير عليها من ابوك اللي هو عمها وبتغير عليها مني وحتي من يارا.... اصريت تكتب كتابك عليها عشان تبقي تحت ايدك متهربش.... كل تصرفاتك المجنونه معها بتثبت ده
مرر يديه في شعره وقال بارهاق
#انا تعباااااااان اوي.... مش عارف ابطل تفكير فيها مش عارف انام حاسس ان حياتي كلها واقفه..... وانا بتفرج علي نفسي وانا متقيد ومش عارف اتحرك
#انا مش فاهمك ياصاحبي بتعذب نفسك ليه ....انت خايف تثق فيها مش كده
#مش عارف يمكن
#بس كارمن مش ناريمان هانم
نظر في عيناه فقال بسرعه
#متخدش كارمن بذنب هي معملتوش صوابعك مش زي بعضها ياصاحبي... عارف ان صعب عليك تثق في واحده بس كارمن تستاهل قلبك... اتكلم معاها
تنهد بقوه
#مش قادر ابص حتي في عنيها....
#لازم- تعترف لنفسك قبل ماتعترفلها هي يامالك واجهه نفسك وسلم ياصاحبي انا هروح ابلغها بوظيفتها الجديده ... بالحق يارا اتصلت وقالتلي انها رايحه النادي وعاوزانا نروح نتغدي معاها هناك ......يلاسلام-
خرج عمر من المكتب ليقابل انجي فقال بسرعه
#انجي انت من بكره هتتنقلي مكتبي وكارمن هتبقي مديره مكتب مالك باشا
قالت بابتسامه ماكره
#ااه فهمت اوكيه يامستر
#علي فكره البصه دي وحشه عشانك كارمن اسمها كارمن معتز الادهم- والمهم بقي انها مكتوب كتابها علي بن عمها والفرح الاسبوع- الجاي.... يعني كلمه هسمعها زي اللي سمعتها وانا داخل هتقطع عيش ناس كتير وانتي فاهماني
قالت بحنق
#يعني مالك باشا اتجوز دي
عمر بغضب
#جري ايه ياانجي نسيتي نفسك ولاايه- ..كلمه واحده كمان وهغير الاصطف- كله واحمدي ربنا ان مالك باشا مسمعش التخاريف اللي انا سمعتها والا- كان زمانكو دلوقتي بتتحسبوا في قبوركوا
قالت برعب
#انا مقلتش حاجه انا ملييش دعوه
انجي انا عارف شركتي بيحصل فيها ايه كويس اوي.... الكلام- اللي قلته مفهوم انا هطلع اجيب كارمن وانزل تفهيميها الشغل ماشي ازاي ول‘ احتاجت اي حاجه تسعديها فاهمه
هزت راسها مواففه فخرج بعد قليل طرق باب الارشيف-
#ادخل
نظره الاحباط- بعيناها تثبت انها كانت تنتظر غيره رسمت ابتسامه باهته علي وجهها وقالت بجديه
#اهلا- مستر عمر
اقترب وجلس علي المقعد امام المكتب
#ايه مستر دي بقي
#حضرتك المدير التنفيذي للشركه
قاطعها
#حضرتي يبقي جوز بنت عم حضرتك ويتمني يبقي اخو سعادتك
#ودي حاجه تشرفني بس احنا في الشغل... انا سستمت الصفقات كلها علي الموقع وربطه بالنت كده صفقات هنا وبرا اندمجت مع بعض
#تمام دلوقتي بقي حضرتك عندك شغل جديد هتبقي مديره مكتب صاحب الشركه شخصيا قالت بترقب
#ودا قرار حضرتك ولاقراره- هو
ابتسم
#لاء- قرار ه هو طبعا
اعتدلت في جلستها وربعت يديها وقالت وقال بابتسامه
#حضرتك بلغه رفضي انا متمسكه بشغلي هنا ومش عاوزه اغيره مش عجبه يرفدني
حدق في وجهها للحظه مالبث ان انفجر ضاحكا
# تعرفي انا لوقلتله كده ممكن يعمل فيه ايه
قالت بثقه
#مش هيعمل حاجه
#يبقي متعرفيش مالك
هزت راسها نفيا
#انت اللي متعرفوش لو رحت بلغته مش هيعملك انت حاجه بس متقفش في وشه
#كارمن انتي بتحبي مالك بجد
#بتسال السؤال دا ليه
#عشان اجابتك مرتبطه بالكلام- اللي انا عاوز اقوله
# مالك اول راجل يدخل حياتي
#يعني بتحببه
هزت راسها موافقه فاكمل
#يبقي تستحمليه... مالك كمان بيحبك ودي اول مره يحب علي فكره .....المنطقه دي عند مالك محظوره.... مالك معندوش ثقه في اي واحده ...
#عارفه الكلام- دا كويس صحيح معرفش السبب بس
#انا هقولك السبب ابوكي وامه
قالت بلوعه
#متقلش اغتصب امه كمان ربنا يهدك يامعتز
#لاء- مغتصبهاش دا كان بمزجها ومش كده وبس دا اربجه وحطه في الدولاب- مالك شاف كل حاجه
#اعوذ بالله- كدا فهمت كان عايز يكسره ..... وجعت قلبي اكتر ماهو موجوع
#هتفضلي معاه مش كده
#انت عبيط متخيل ان ممكن اسيبه.. انا عارفه من الاول- ان في حاجه دبحاه اوي.... وصراحه اللي قاله كان كفايه يدبح اي حد بس كده كتير...
#طيب هتتصرفي ازاي
#روح بس انت قله اللي قلتلك عليه
#برضه
نظرت في عيناه وقالت بجديه
#متعملنيش علي اني عيله صغيره... انا بس بعلمه يبطل يهرب روح بقي قله وانا هقعد استناه
هب واقفا وقال
#مش مرتاحلك انا خالص
تحرك خارجا فنادته
#عمر.... هي يارا تعرف حكايه امها دي
هزراسه نفيا
#طب انت تعرف انها بتتصل بيها
عاد ووقف امام المكتب
#متاكده
#ايوه انا كنت معاها بس مفتكرش انها ممكن تاذيها يعني
#انتي متعرفيش ناريمان هانم. ...ولاابوكي-
#وليه السيره الزفره دي تاني
#مهي عامله معاه علاقه- دلوقتي
#اوبس دي احتمال تقبلها في النادي
#تمام انا هبلغ مالك واتعملي انت انا هروح ليارا
#عمر انا مقلتلكش حاجه مش عاوزه علاقتي- بيارا تدمر
#عيب عليكي سلام-
خرج عمر مشتت تماما تري ماذا تريد ناريمان من يارا ولما لم تبلغه يارا بالامر- وصل لمكتب مالك وجده علي نفس حاله شروده
#مالك
رفع عيناه له فقال بسرعه
#انا هروح ليارا النادي
هز راسه موافقا وقال
#قلتلها علي الشغل
#رفضت
اعتدل علي مكتبه وقال بغضب
#بتقول ايه
ابتعد خطوه وقال بارتباك
#رفضت بتقولك هي مرتاحه في شغل الارشيف- ووووولو مش عجبك ارفدها
هب واقفا وضرب المكتب بقبضتيه وقال بغضب
#بتتحداني انا هوريها
قال جملته وخرج مسرعا
#استني بس ياامالك يااخي اسكت مش قالتلك متقفش في وشه.. واضح انها تعرفه اكتر منك.... اروح بقي اشوف حكايه يارا ....ورحمه الله- عليكي ياكارمن كنتي مشروع اخت كويسه يلا- مفيش حاجه بقيه في الزمن دا
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،، ،،،،،،،،،،،،،،،،،،،،،
أنت تقرأ
كارمن
Romanzi rosa / ChickLitقاسي قتل مشاعره ،،،،،دفنها داخل سرداب مظلم ،،،،، لامجال للحب بحياته،،،،،،، وهي دخلت عرين الاسد لتنتقم ،،،،،ولكن !!!!!!!
