يوم عادي من أيام الدوام
بجو شتوي بارد لطيف
عشقي وموسمي المفضل الشتاء
لهسه اتذكر شنو جنت لابسه
كنت مخالفه ألزي ولابسه احمر
اول يوم شفت بي محمد
جنه بالسياره جاي نسولف اني وساره بطريقنه للجامعه
فساره گالت
ساره : هاله اليوم صديقتي عازمتني بكليتهه لان صار هواي ممتشاوفين واليوم عدنه ريستين فگالت تعالي انتي وهاله شوفن كليتي
هاله : اي عادي نروح ياكليه
ساره : لج كلية الهندسه صديقتي منار الي دائما تجيلي
هاله : هااا اي عرفتهه ... بس تدرين ساره ماجنت احب اروح للهندسه لان گلبي يأذيني ويذكرني بحلمي الي خسرته
ساره : شسالفه لوله صيري قويه وروحي واجهي اوجاعج
هاله : انجبي حبي وبلا هالمواساة السخيفه منج هههههه
ساره : هههه اصلا مراح تلگين احد هيج يواسيج
هاله : صح ماراح الگه وحده ثوله مثلج يا حياتي
ضلينه نضحك لحد ماوصلنه
ونزلنه من سياره وليد
خلصنه محاضرات
ورحنه انا وساره الكلية الهندسه
جنت اباوعلهه مثل حلم ضايع وماله عنوان
حسيت انو مكاني هنا بس اكو احد انجبر على حلمي
ونجبرت ع حلمه
يعني مصيرنه هيج فلازم نگول الحمدالله على كلشي
جاي نمشي وشفنه منار
سلمنه عليهه وضلينه نسولف بنص الطريق
منار : هاله إذا اجه العميد وشافج بهاللون الي يجيب الضايع يطردج دفرات
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
هاله : هههههه شدراني راح نجي اليوم للهندسه تره بالسياره ساره گالتلي
ساره : هههه اي والله صحيح بس هاله تره وكفتي طلاب الهندسه كلهم من اللون اللابسته
منار : لا والله مو من اللون من جمالهه
هاله : تره استحيت لتغازلني
منار : يالله امشن للكافتريا المقابيل قسمي لا يطلع العميد واحنه واكفين كدام العمادة
واحنه جاي نتمشه
هاله : يا قسم انتي منار
منار : اني قسم هندسة مدني صدك هاله شنو من قسم جنتي تتمنين
هاله : جنت أتمنى ادخل هندسة معماري
منار : بس والله الصيدله احلى وأحسن
هاله : بعد كلمن وذوقه حبي
دخلنه للكافتريا جانت صغيره واغلبهه ولد الصراحه اضايقت كلش اني
كعدنه وطلبنه أكل واجه حبيب منار
سلم علينه بس جان عصبي
اخذهه دقايق حجه وياهه
واجت منار
منار : بنات خلي ناخذ اكلنه ونروح نكعد بالحديقة
هاله : احسن شي گلتي حبي
ساره : ليش بالله بربج گولي شنو گلج حبيب الگلب
منار : گال الكافتيريا اغلبهه شباب والبنات جايبات العين لان حلوات وغريبات وخاصه ام الأحمر إ
ساره : هههههه الصراحه حقهم على هاله اليوم جمالهه ماينوصف
هاله : لا تخجليني ساره لا اموتج وبعد مااطلع وياج الباب القاعه
ساره : يالله لوله اسفه لاتزعلين
اخذنه اكلنه ورحنه وره الهندسه المعماري لان منار رادت تراويني القسم الي جنت أتمنى
كعدنه اكلنه وكلش اتونسنه
بالسوالف كأنو طلعت من سجن الصيدله
انطلقنه بالضحك وخاصة المكان هادىء
حاجيت ساره گلتلهه
هاله : خلي يجي وليد ياخذنه منا
نبقى لحدما يطلع من محاضرته المن راجعين كلشي ماعدنه
ساره : خوش فكره
اتصلت ساره الوليد وگالتله گلهه ماشي هسه راح ادخل محاضره اني
مشن البنات كدامي واني ماما اتصلت عليه
حجيت وياهه شوي
فجاي امشي بهدوء وبتأني علمود ماادعم بأي احد
وأعيد الفشله الصارت وي وليد
واني جاي امشي مااحس اله واحد دعم بيه بكل قوته ووكع نقالي
دنگت على النقال لگيت شاشته مكسره
محمد : انا اسف ماكان قصدي
رفعت راسي الهذا الغبي وگتله
هاله : انت غبي ماتشوف لك حتى نقالي انكسر بسبب غبائك
محمد : احترمي نفسج من تحجين وي رجال لان اتأسفت
هاله : اني محترمه غصب عنك بس انت المامحترم
محمد : وين اكو بنيه محترمه جايه خطار لغير كليه تتجاوز هيج
هاله : انت واحد ماعنده أخلاق وغبي (بصوت عالي )
محمد : هيييييي انتي صحتي على النقال لأن بنت فكر هسه اجيبلج واحد احسن منه
هاله : انت تعرف منو انا وبنت منو علمود هيج تحجي عليه
محمد : بنيه صايعه حالج حال الاكثريه
جاي اضربه راجدي على هالكلمه ولزم أيدي بكل قوه
محمد : انتي منو وتفكرين ترفعين ايدج عليه
حبيب منار : محمد اهده البنات خطارنه وصديقات مرتي اعصابك
وعوف لبنيه
اجتي منار وساره
واني ردت ابجي من الموقف بس مابجيت علمود لا ابين وحده ضعيفه
هاله : امشي خلي نطلع من هاي الكليه الي بيهه ناس ما محترمه
محمد : انتي (بصوت عالي )
قاطعه حبيب منار كرار
كرار : محمد كافي الخاطر صداقتنه
محمد : مجاي تشوفهه
كرار : اسف هاله امسحيهه بوجهي أتمنى تنسين هذا الموقف
من كدما جنت مقهوره مارديت على اي احد
وطلعت من الكليه وساره ورايه
أجرت تكسي وطلعت للبيت
وعفت ساره وحدهه
اول مره اسويهه بس من كدما انقهرت ماحسيت بشي لحد ماوصلت للبيت
نقالي انكسر يعني محد يگدر يتصل عليه
صادف هذا اليوم كان ثلاثاء
واني ماداومت بعدهه لحد ألاحد
اهلي ماسألوا عن أي شي لان حالتي ماتسمح احجي وي احد
بابا وماما عبالهم بسبب النقال لأن انكسر
جابلي بابا احدث نقال وخلا بغرفتي
أجتلي ساره الجمعة
دخلت الغرفتي شافت ضوجتي
ساره : شهالطاقه السلبيه والمغثه بهاي الغرفه
هاله : منو جابج
ساره : والله أبويه جابني لان أبوج خابرله وعتقوني
هاله : ماشي
ساره : شنو ماشي لج حيوانه گلبي بشيشه عليج صارلي ٣ آيام وانتي حاگرتني
هاله : لتخافين مابيه شي
وضليت ابجي وشبگت ساره واحجي واني اناشغ
هاله : اني بحياتي كلهه محد حجه وياي هيج شنو هذا الزباله وهيج يحجي وياي شنو يگلي انتي بنت فگور ومامحترمه
ساره : حبيبتي لوله المايعرفك مايثمنك ليش تنغثين هيج يولي حاولي تنسين
هاله : لج يگلي صايعه شنو شافني وهيج يگول صح اني مامحجبه بس هاي حريه شخصيه اني اشرف من الف وحده لابسه عباية راس
ليش هيج البشر يقيسون بالملابس شكد ناس متخلفه يمته اتخرج وارجع الروسيا يم اخواني
ساره : وتعوفيني
هاله : لا أكيد اخذج الواحد من اخواني اگلهم هاي خطيه عانس
ساره : ايا نذله ههههه كشفتج على حقيقتج
هاله : هههههه شسوي غير اخذج ويايه
ساره : مااروح روحه وبذله انسي
هاله : مو بكيفج
ساره : تتوسلين بيه وتبوسين رجلي وأفكر اقبل
هاله : صچ والله
گمت من حضنهه وضربتهه بالمخده
وضلينه نضحك
هاله : اكلج سارونه خو ما وليد دره بشي ؟؟
ساره : لا مادره بس ضل يصيح عليه لأن خليتج ترحين وحدج بتكسي وگال ليش ما گلتوا چا طلعت من المحاضره وهي امانه عندي ومن هالحجي
هاله : ماسألج ليش راحت ؟!
ساره : طبعا سأل ولج بس گتله كلش تمرضت وتخربطت
وضل يتصل عليج هواي بس حضرتج نقالج مكسور
هاله : بس لا گلتيله مكسور
ساره : طبعا ماگتله شبيج انتي
هاله : اي زين والله طلعتي تفتهمين ههههه
ساره : انجبي انجبي 😒 ... لج شنو هذا تلفون جديد
هاله : اي اهلي عبالهم ضايجه ومالي خلك أداوم بسبب التلفون فجابلي احدث ايفون
ساره : ليش ما فاتحته
هاله : جان مالي خلگ
ساره : يالله انجبي وانطيني خلي اشغله ونزلي بي كل البرامج
هاله : حاضر سيدي ههههههه
بقت يمي ساره لليل وغيرتلي جو
اجه يوم الدوام كملت تبديل وضليت انتضر وليد
اشو تأخر اتصلت عليه رد
وليد : الو
هاله : صباح الخير شو تأخرت
وليد : ليش انتي تداومين عبالي بعدج بقترة النقاهه مالتج
هاله : بلا هالحجي واكيد أداوم
وليد : يالله طلعي اني بالباب
طلعت ركبت بالسياره محجه وياي شي
وصلنه الساره
ساره : اليوم اميرتنه مداومه لازم نحتفل
هاله : جب ساره مالي خلگ
ساره : لعد يراد تمددين فترة النقاهه
خزرتهه وسكتت
وصلنه للكليه نزلنه
عدت اول محاضرتين بخير وسلام
طلعت من باب المحاضره الثانيه
وشفته ..........
أنت تقرأ
حضنك ملاذي
Любовные романыقصة حب تتحدث عن غزو البصره وسقوطها تحت القوات المحتلة وكيف تصمد تلك الفتاة في هذه الحرب للهروب إلى ملاذها الذي يسكن المحافضه المجاورة
