اول ماوصلت البيتنه شفته مضلم
وموحش كأنوا مهجور
اتمنيت الكه اهلي بس مبين محد موجود بالبصره كلهه مو بس ابيتنه
سمعت صوت جنود من بعيد كلش
الخوف مشه بجسمي كله
دخلت للبيت
مشيت بهدوء فتحت الباب مالت الصاله
بمفتاحي ودخلت البيت محد بي
اهلي وين
معقوله ماتوا؟؟؟
الف فكره براسي والدموع اتجمعت بعيوني
حسيت بالألم الجنت احاول مااحسه شفت نفسي وبجيت على حالي وعلى اهلي وعلى وطني
كعدت بالكاع ودموعي غركن وجهي.
بس كافي هاله
اذا تصيرين هيج ضعيفه راح تكونين
الضحيه الجايه
راح تموتين حالج حال الجثث الشفتيهم بالشوارع
كمت من مكاني
سبحت وكل قطرة تطيح على جسمي كأنوا جاي اموت الف موته من الوجع
بسبب الجروح والكدمات
بالأضافه للرضوض الي بجسمي
والماي بارد وشته
كلشي جان يأذيني
طلعت من الحمام ورحت الصيدليه بابا وماما
الي بالبيت
كعدت اداوي نفسي وحمدت ربي لان امي وابوي دخلوني كلية صيدله
لو ماداخله هسه يمكن متت من الألم
اخذت الدوه المناسب
ولفيت جروحي
راد يطفه شحن تلفوني لان مشغله الفلاش مالته
رحت طلعت شموع وشغلتهم
الحمدالله بقت الشموع من عيدميلادي
وكانوا هووواي كلش
لان بكلشي اسرف بالمشتره
رحت للثلاجه ادور اكل
لان الجوع موتني
مالكيت شي
اكلت فواكه موجوده
والجو بارد فمخربانات
اكلت سديت الجوع
رحت غطيت شباك غرفتي كلش
خليت بطانيه علمود مايطلع ضوه مالت الشموع واحد يحس بوجودي
حطيت راسي على المخده
وانا افكر بأهلي ووين راحوا
صديقتي
الناس الي اعرفهم
جاي اغمض عيوني
وكعدت مرعوبه من صوت انفجار قوي كأنوا قريب
خفت حيل كأنوا اجه موتي
رحت صرت بالزاويه مالت الحايط
بين الكنتور والحايط الثاني
وغطيت وجهي وبجيت
اي بجيت
بجيت على عمري وعلى الصار بيه
خفت اني عمري ٢٢ بس
حسيت نفسي بالجحيم
كأنوا فلم رعب
سنوني يطكطكن من الخوف
غطيت وجهي واني اسمع صوت الطلق والنار
كأنوا جاي يعزفون سمفونية الجحيم
ضليت بمكاني واني ابجي
الى ان غفيت من التعب والخوف
والتفكير
فزيت بعد كم ساعه على صوت انفجار ثاني
من الرعبه جاي اصرخ وخليت ايدي على حلكي
وبجيت
يمه وينج يمه شلون خليتني وحدي شلون ترديني اتحمل هاي الحرب ووحدي
رفعت راسي ضليت احاجي ربي
ربي اترجاك ربي والله مااكدر على هذا الاختبار
ساعدني وحميني يارب ماعندي غيرك انت الواحد الاحد وخليت ادي على وجهي وبجيت
ضليت كاعده للصبح
جنت انتضر الموت يجيني
وماجان اكو شبكه بالبصره كلهه حتى لو ردت احاول اتصل على احد
ضليت اسبوع على هالحال
بالليل كله ابقى بهالزاويه
واسمع صوت الانفجارات والنار
والصبح اضل كاعده اخاف احد يدخل عليه
وانتضر موتي
كان مسدس بابا يمي ومليته وكان بي كاتم
جنت اخلي بحضني واضل لازمته
اسبوع كامل يمكن انام ساعه باليوم أو نص ساعه
صار عندي هيستريا
اسبوع كامل انا محاجيه اي كلمه
بس دموع وقهر
التأمن جروحي بهالايام الفاتت
جنت اكل تمن بس وماي
اكل وجبه وحده باليوم اخاف اطكطك خاف احد يسمعني حسيت بذله وبحرمان
كنت كاعده كالعاده سويتلي تمن
وترست بطل الماي
صعدت لغرفتي
جاي اكل وانا لازمه بأيدي الخاشوكه
والثانيه لازمه بيها المسدس
جان مغرب
سمعت طكت باب
حسيت جسمي كله ارتعشت
شنو اجه وكت موتي
خليت التمن بجيس
وخليت الكدر
بالكنتور مالتي وخليت بي
غراض علمود محد يلاحضه
وركضت بالطابق الثالث
بالمخزن لفيت نفسي بغطه
ودخلت جوه الجربايه الي بالمخزن كانت الجربايه كلش ناصيه فمحد ينتبه عليه
كان بيدي بطل مي والجيس الخليت بي التمن ودموعي وخوفي
جان موقف رهيب
سمعت صوت كأنوا يحجون عربي
هم مو ايرانيين ولا امريكان
مبين من لهجتهم وحجيهم
لا مستحيل مو الي أبالي
طلعت عيوني علمود اشوفهم واتأكد
لااااا
داعش مستحيل هذول داعش
يعني اكيد اذا حسوا بيه راح موبس يقتلوني راح يدمروني
سمعته يكول
مولاي ماكو احد
فكللهم انا ابقى بالطابق الثالث علمود اي شي يصير انا بعيد عن العين
ضليت ارجف
ورادن سنوني يطكطكن من الخوف
خليت ايدي بحلكي علمود لا احد يسمعني
ودموعي نزلت كأنوا شلال
حاولت اجر النفس بهدوء
حتى الهوى حرموني منه
ذب جسمه هذا الخنزير الداعشي
على الجربايه
وكانت كلش ناصيه
كأنوا تكسرت عضامي بهلحضه
الثكل كله كان على جسمي
ماكدرت اتحرك ولا اتنفس
ضل هالقذر الليل كله نايم
وانا كاعده
والألم والخوف والحسره
وكل شعور سيء حسيت بي
بس حاولت اكون قويه واعيش
الخاطر اهلي اكيد اهلي سواء كانوا عايشين او ميتين
فهم يردوني اعيش
بعدني بعمر الورد ماشفت شي من حياتي
ضليت كاعده لحد ما كام هالقذر وكدرت اتنفس
سمعته يكول يالله حضروا السيارات
نروح للمكان انجيب النساء للتسليه
الكل خلي يحضر نفسه
نرجع المغرب لنفس المكان
ضليت ساعه كامله بنفس مكاني
صار البيت هدوء كلت لازم اتحرك من مكاني لان حسيت بضهري صار نصين ونجرحت
لازم اشوف شنو صار بيه
طلعت من جوه الجربايه
وانا لازمه المسدس
وكل جزيء بجسمي يأذيني
حاولت اتأكد من المكان فارغ
نزلت بهدوء
تأكدت انو هالقذرين طلعوا من المكان
رحت للحمام غسلت وجهي من دموعي
ونزعت البدي جاي اشوف الجرح الصار بيه
وحاول امسح الدم المتساقط منه
سمعت احد عطس وقريب كلش
بسرعه مسكت المسدس
بس جانت اديي يرجفون ورجلي
وكل جسمي
طلعت بسرعه وانا خاله البدي على المسدس
وشفته
اي شفت واحد قذر لحيته واصله للصدره
وكأن شكله مقزز
شافني وأبتسم
الداعشي: شهالجمال كله انتي حصتي اليوم وشنو هالجسم اليشهيي
جان منتبه على جسمي الي يدون بدي
ماانتبهه شنو شايله بيدي
كأن كأنوا وكع لعابه من حلكه القذر
كان يباوعلي بنضره حقيره
ااجه يتقرب عليه يريد يمسكني وضغطت على المسدس بدون وعيي وغمضت عيوني
رميت خمس طلقات
كان المسدس كاتم
فتحت عيوني وشفت الطلق ٣بصدره ووحده براسه ووحده ابطنه
وكع بدون ولا حركه
انا من الصدمه والدهشه والخوف وكعت بالكاع اباوعه شلون طاح والدم وكع على وجهي
وجسمي
ضليت ارجف وبجيت
بعد دقايق كمت
لازم اضمه اذا اجوا واكتشفوا هالشي راح يعرفون ومااكدر اطلع هسه لان اكو منهم هواي
رحت جبت كطن وخليت بمكان الطلق وسديت كل الجروح اليطلعن دم وجريته للغرفه بكل قوتي هلكت لحد ماوصلته
لان الجثه تكون ثكيله
وصلت الغرفتي وخرت الفراش مالت الجربايه
بيه جوه الفراش مثل الكنتور
حاولت اشيله علمود اخلي
حاولت وحاولت بس ماكدرت
كعدت يم الجثه وضليت ابجي
حسيت راح افقد عقلي
احتاريت شنو اسوي
أنت تقرأ
حضنك ملاذي
Romanceقصة حب تتحدث عن غزو البصره وسقوطها تحت القوات المحتلة وكيف تصمد تلك الفتاة في هذه الحرب للهروب إلى ملاذها الذي يسكن المحافضه المجاورة
