حسيت راح أفقد عقلي من الرعب والرهبه والخوف
ياترى شنو مضموملي بعد انا قتلت انسان يتنفس
صح هو قاتل
بس انا شختلف عنه
رجعت اشيل بهالجثه
حاولت بكل قوتي وبعد بجي
شلته من ايديي وذبيته على بطن الجربايه
وبعدين نزلت جوه وشلت رجلي
وسديت باب الجربايه
وخليت الفراش عليها
رجعت كلشي نفس ماكان
رحت مسحت الدم بقطعه من ملابسي
وبعدين خليتها بكيس
وضميته علمود محد يشوف
جان جسمي كله يرجف
باوعت النفسي بالمرايه
شفت نفسي كلها دم
على وجهي وايديه
رحت بسرعه غسلت جسمي وشعري
فركتهم من الدم بس
حسيت نفسي توسخت ومو بالماي
ولا الشامو يروح
هاي راح تبقى ذكرى مخيفه ومقززه طول العمر
اذا عشت طبعا
بدلت بسرعه
ورجعت خليت الملابس البيهم دم هم بكيس وضميتهم بالكنتور
جاي اسده ووكع ضرف
باوعتله شفته نفس الضرف الناسيته
بي حرف M
جاي افتحه
وسمعت صوت الباب
الرعب دخل بقلبي مثل السهم
وأخترقه
حسيت رجليه ماشالوني
من الخوف
مو وكت خوف هاله مو وكتها هسه
صعدت اركض وبيدي الضرف
للطابق الثالث
بالمخزن
لفيت نفسي ودخلت لنفس المكان
حاولت اسيطر على انفاسي
سمعت صوت صريخ لنساء
وصوت ضحك
دموعي نزلن وانا اسمع هالشي
كان مقزز وحقير بشكل موطبيعي
اجو لهلمكان
الاني بي
سمعت صوت طفله
تصرخ
الداعشي:تعالي يمي ولا تصرخين
الطفله: عع..موو الله يي..خليك لاتسويلي شي
جان صوت بجيها يكطعني
أم الطفله: ابوس رجلك لاتأذي بنتي بعده صغيره ابوس رجليك خليها تعيش وانا سويلي اي شي
.
صوت ترجيها ورجفتها وبجيها خلت جسمي كله يرجف
الداعشي: الكل يطلع ولحد يجي حتى لو تسمعون صوت صريخ
الكل كال حاضر مولاي
والكل طلع سمعت صوت سدت الباب
ونزولهم من الدرج
بعدت الغطه علمود اشوف
طفله عمرها ٨سنوات او ٩
شابكه أمها وتبجي
والام ملابسها مشكوكه ودموعها تجري
جر هالكلب البنيه من ايد امها
والام نزلت على رجلين هالكلب
الام: اترجاك موتني قبل لا تسوي البنتي شي
وتبوس رجلي ودفرها برجله
شمر البنيه على الأرض
وجر الأم من شعرها
الداعشي: يالله نتسلى وياج ونخلي التحليه للاخير
دمي ضل يغلي
تخيلت نفسي بمكانها ومحد يساعدني
قررت لازم اقتل هالمخلوق النذل
حتى لو الثمن حياتي
جان ملتهي هالخسيس يطبع قذارته بالام
طلعت ولزمت المسدس وخليته براسه
ورميته حتى مطلع صوت منه وكع ومات
الام ضلت تبجي وشبكت بتها
هاله: اشششش بدون صوت لازم نطلع
رحت بسرعه طلعت ملابس للام
من المخزن ولبستهم
طلعنه للسطح بسرعه
كان مغرب الوقت
هاله: لازم نطفر على هذا البيت قريب كلش وننزل من درج الشقه مااااشي
الام: ماشي حبيبتي اهم شي نقذي بنتي اترجاج
هاله: طفري بسرعه وانا اشمر بنتج الج بسرعه نزلي من الدرج وانا وراج
كالتلي حاضر وطفرت كانت المسافه قليله كلش.
شمرت بنتها الها وجاي اطفر وتذكرت الضرف تصنمت
هاله: نزلي بسرعه وانا هسه اجي لا تنتضريني يالله
نزلت بسرعه من الحايط
وركضت لجوه الجربايه للضرف لزمته بأيدي خليته بجيب البنطرون
ركضت بسرعه قفلت الباب من يمي
ورحت للسطح ركض
طفرت ونزلت
ماسمعت اله طلق نار
وانا ركضت بدون مااباوع من الخوف
رأسآ وكعت من ثالث درجه للكاع
حسيت بدوخه
لأن الطلقه بجتفي وكعت
جاي اغمض عيني وجرتني الام وضربتني راجدي علمود اوعه
كمت بسرعه رحنه على سيارة بابا
دائما يركنها بالباب
تذكرت انو اكو سويج دائما بالسياره
كسرت الجامه بطابوكه وفتحتها
ركبت الام وبنتها وره
وانا بعدني ادور على السويج
هاله: واخيرآ لكيته
شغلت السياره
وبكل سرعه سقتها
رحت على طريق الكرمه
ضليت اسوق بدون وعي
عدت ساعه كامله وانا اسوق والدم ينزف مني
وصلنه المنطقة الكرنه
وكفت السياره
ونغمه عليه
جنت اشوف اهلي قبل لا يصير كلشي لونه اسود
كدامي
فتحت عيوني
لكيت يمي الام
ركزت على المكان
جنت بمستشفى
الام: الحمدالله على سلامتج انتي بخير
هاله: شنو صار ووين احنه
الام: الحمدالله بفضل ربي وبعده فضلج انا وبنتي بخير وصلنه لهلمنطقه اسمها الدير ونغمه عليج واجو اهل الرحم والغيره ساعدونه وجبناج للمستشفى
هاله: الحمدالله خلص الكابوس
الام: اي خلص وطلعنه من ذاك المكان المناطق بعد الكرمه العشاير حاميتها
هنا انا طاحن دموعي وضليت انحب وابجي
هاله: اريد اهلي ماما وبابا وينهم ماادري عايشين لو ميتين اريدهم
ودموعي يوكعن بدون توقف
الام: اليسمعج هيج تبجين مايكول انتي عن الف زلمه وانتي نقذتي ام وطفله صغيره من الموت لو انطيج روحي ما اوفي حقج
هاله: انا من شفتكم شفت نفسي بمكانج لذلك ماتحملت اكيد تمنيتي احد يساعدج مثل ماانا تمنيت احد يساعدني
الام: شنو اسم البطله مالتنه
هاله: هاله اسمي هاله وانتي؟
الام: اسمي ساره وبنتي نرجس
هاله: ههه ساره اسم اعز صديقه الي ساره ماادري الحرب شنو سوه بيها
ام نرجس: ذكري الله اكيد كلهم بخير بس انتي شدي حيلج وكومي من هالمستشفى وراح تلكيهم
هاله: أن شاء الله يسمع منج ربي
ام نرجس: يالله اكلي وجهج اصفر اكلي هالاكل كله
هاله: حاضر ههههه
جاي اكل
ام نرجس: هذا ضرف لكوا بملابسج وهاي فلوس جانن بالسياره هم ضميتهم خاف احد ياخذهم
هاله: شكرا الج ساره مشكوره
ام نرجس: بس هااا تره ماانطيج الضرف لحد ماتاكلين
هاله: هههههه هاي مساومه يعني تدرين انا نضربت طلقه الخاطر هالضرف الما اعرف شنو بي
ام نرجس: انتي مجنونه خاطرتي علمود شي انتي ماتعرفيله
هاله: مجرد إحساس انو هالضرف الله ضاملي بي شي
ام نرجس: يالله كملي اكلج وقري
كملت اكلي
واخذت الضرف فتحته
شفته وقريت كل كلمه بي مره ومرتين و3
جانن دموعي يصبن
بدون توقف
كأنوا كل كلمه بيها اخذت من قلبي عمر
هو الراح هم مجبور
لوبيده بقه يتاني
مو بس عمر لا عمرين
لعيونج اضل أني
معقوله حب سنين
اخسرهم انا الثاني
هيج يصير من تختار
بين النار وي النار
نار فراق خلي
ونار صدكاني
جان الضرف بدايته هالشعر
أم نرجس: هاله شنو بي الضرف ليش تبجين نفس احساسج مو ؟؟؟؟
هاله: ابعد من احساسي ساره ابعد هالضرف بي عمري كله الخسرته اني اكيد خسرت ساره اني خسرت
ضليت ابجي بصوت عالي
ام نرجس: هاله سكتي وفهميني شنو قصدج بالخساره
هاله: هذا .................
أنت تقرأ
حضنك ملاذي
Roman d'amourقصة حب تتحدث عن غزو البصره وسقوطها تحت القوات المحتلة وكيف تصمد تلك الفتاة في هذه الحرب للهروب إلى ملاذها الذي يسكن المحافضه المجاورة
