نزلت من السيارة
واجه وليد مسك ايدي يريد يعيش شعور انو اني خطيبته حاولت اتحمل هالشي
صح اني اكره وليد بس كرامتي من كرامته
فتقبلت الوضع
الحد ما ساره حاولت تلهيني بتلفونه
وتغيرت كل تعابير وجهي من شفته
اي شفت محمد كدامي
تمنيت الارض تبلعني
شعور ماينوصف
وكذلك نضرته جانت تأذيني مثل السهام القلبي
حاولت اسيطر على نفسي
محمد باوعلي بنضرة حزن وخذلان
وراح
اي راح بدون حتى عتاب
من اصعب الاشياء هي عدم الوداع
جنت اتوقع انو ودعت محمد اشهر
بس تاليتي ودعته عمر
ياريت يرجع الزمن واضل اتنفسه الى ان اشبع من عطره
دخلت للكليه ورحت اسجل على كورس جديد
التعب يمكن نساني همي شوي
وصلني مسج على فوني
فتحته
محمد: الف مبروك أنا اجيت اليوم جنت اتوقع عايش كابوس لذلك اجيت اشوفج جنت اتمنى تكوليلي انا الك وما صرت الغيرك ولا راح اصير
حاولت اسيطر على مشاعري بهاللحضه ماحسيت نفسي اله واني بكلية الهندسه مكان حبيبي
من وعيت حاولت ارجع بس سمعت احد صاح بأسمي
منار: هاله هاي انتي
هاله: هلو حبي شلونج أن شالله زينه؟
منار: اني بخير الحمدالله ليش مااجت وياج ساره
هاله: اجيت صدفه وهسه رايحه
درت اريد اروح وشفته كدامي
محمد: هاله ممكن احجي وياج
هاله: ماحاجه محمد عندي محاضرة
محمد: الهدرجه ماعندج احساس حسافه حبي بيج اصلا انا خسرت أعز الناس الخاطرج وانتي حتى مااشتريتي خاطري
هاله: اي لأن انت واحد خاين
محمد: انا مو خاين هاله انا مو مثلج بأسهل موقف مو الصعب هم حتى مااجيتي وسألتيني رحتي بأسرع مايمكن وأرتميتي بحضن أقرب رجال شفتي
ماحسيت اله طبعت ايدي على وجهه
هاله: انت واحد ..
سكتت بغضب وغمضت عيوني علمود لاتنزل دموعي
جاي ادور حتى اروح
لزمني محمد من أيدي وجرني بقوه
محمد: شنو سالفتج انتي عبالج الناس عبيد عندج انتي وحده ماعدهه احساس اصلا تندمت لأن عرفتج بيوم وراح ارجع محمد قبل لاتعرفيني تتذكري مو؟؟ محمد الي يوميه عنده صاحبه جديده سويتج غير بس انتن البنات كلجن زبايل كلجن(بصوت عالي)
هاله: كل شخص يشوف الناس مثله يا محمد بس انا ماراح احجي زايد لان ماتستحق
ماحسيت اله دفعني بقوه بس ماوكعت
محمد: روحي وطلعي من هالمكان ولاتوصلي ابد احتفضي بكرامتج ولاتجين بعد روحي ارتمي بحضنه ياهاله فهمتي هاله( جان يحجي بعصبيه وبغضب وبحزن )
جنت اشوف حزن وخذلان بعيونه جنت اشوف ادموع قهر لو يوكعن يموتني ميخلن بيه اثر
ماردته يبجيني ماردت اوكع من عنده دموع تمنيت ابقى قهر بعيونه ولا انزل دموع واندثر بسلة النسيان
محمد اتمنى ابقى بكلبك وبعيونك ولاتنساني
لان موتي الأخير من تمحيني منك
رجعت لكليتي واني كلي حسرات وقهر
خلص اليوم بعذاب
رجعنه للبيت
جاي انزل من السياره
وليد: مرتي الحلوه حضري نفسج بالليل معزومين ابيت عمي انتي وكل اهلي
هاله: اعفيني رجاءآ متشوفني تعبانه
وليد: هاله ماجاي اتوسل بيج انا جاي اكلج غصب عنج تتحضرين ب6 اني اجيلج فهمتي
سديت الباب ورحت بدون ما ارد بأي شي
خليت راسي على المخده واني ألف فكره براسي
حسيت بخنكه ووجع حسيت احلامي كلهه ماتت
الحلم الحلو الجنت يوميه قبل لا انام افكر بي وابتسم لحد مااغمض عيوني تبخر من بين أديي
حاولت امسكه واضمه بداخلي
بس شفتوا بيوم انو البخار ينمسك
لقد رميت احلامي ببحر الأيام
والتمس فؤادي جراح الماضي
غرقت سفينتي بكابوس الواقع
ومن اغرقها جبل جليد الفراق
من قال أن الفراق نارآ
لقد كان باردآ حتى الممات
فالبرد قارسآ في وجهي
وبركان منفجرآ في قلبي
فيا هالة الحب أنطفئي
فالفراق لم يكن بالحسبان
نمت وماكعدت اله بأتصال وليد
وليد: حضري نفسج ساعه واجيلج
هاله: ماشي وليد
حضرت نفسي لبست فستان قصير لونه اصفر وبي ورده صغيره كان بسيط
كملت ونزلت جوه انتضره بالصاله
اتصل عليه وطلعت ركبت بالسياره
واحنه بالطريق
وليد:هاله
هاله: امممم
وليد: اريدج تكونين طبيعيه كدام اهلي يعني كأني اني وياج مخطوبين على حب
هاله: هههههههه صج والله
حجبتهه بأستهزاء
وليد: مرتي الحلوه اذا مسمعني الكلام اخليج تندمين على كل لحضه من عمرج اوك حبيبتي
هاله: اني مو حبيبتك فهمت وليد
وليد: أميرتي الحلوه هههههههه
ضحك وليد بأستهزاء بس اني فز كلبي بهالكلام لأن اميرتي الحلوه احجايت محمد وبس ليش وليد هالكد حقير ويريد يشوف فزة قلبي
وفوك كل هذا يريدني احبه هه هذا بأحلامه
وصلنه البيت عمه صف السياره ونزلنه
اجه وليد يمي
وليد: يالله انسه هاله خلي ايدج بأيدي وخلي ندخل مثل العشاق
هاله: هه بأحلامك يا ابليس حياتي
وليد: هاله
بصوت عالي وبغضب حجه اسمي
هاله: ياحقد هاله وكرهه يالله خلي ندخل للبيت الناس تنتضرنه هه
ضحكتي وكلامي حجيته بأستهزاء
وليد: تعرفين شنو اسوي
حجاهه وهو راح ينفجر من الغضب
هاله: ههههههاااي شنو بيبي تنشر الصوره لو تراويها لمحمد ابني هاي السوالف كبرنه عليهه
ومسحت على الجاكيت مالته بكل سخريه
هاله: يالله ورايه ندخل الناس تنتضر
عديته جاي امشي وجرني من ايدي وماحسيت
اله ضربني راجدي
ضليت اباوع بصده
جرني من شعري بغضب
وليد: هاله راح ارجع اربيج من جديد فهمتي
وبعد عني من سمع صوت احد جاي يجي
وعدل شعري ولزمني من ايدي ودخلنه للبيت
جنت بهاي اللحضه متوجعه مو بس الم الجسد يوجع كطعني ألم قلبي حاولت ماابجي
سلمت على اخته وامه وزوجة عمته وشفت سوسن بنت عمه والي تكرهني لأن اخذ حبيبها طبعا اكيد ماسلمت عليه
و اخو سوسن واخت وليد متزوجين
دخل وليد يم ابو وعمه وابن عمه الي هو زوج أخته. ضلت سوسن تباوعلي بحقد
لحد مالستغلت الفرصه أنو الكل لاهي
جرتني من ايدي ودخلتني للغرفه اني رحت وياهه بقبولي طبعا مو اجبار لأن حبيت اشوفهه شنو تريد
سوسن: انت وحده ماعدهه احساس ليش اخذتي حبيبي مني شنو من قلب عندج
هاله:اني أخذته منج هههه
واني جاي اضحك حاولت تضربني وانا لزمت ايدهه٣
هاله: انت منو يا سوسن وتمدين ايدج عليه لج اني مااخذت وليد منج هو الي خذاني من..
سكتت
سوسن: من شنو احجي
هاله: خذاني من نفسي ومن حياتي واذا انتي هيج تحبي ليش تصيرين مثل الجبانه تجيبيني للغرفه وتهددين بيه احجيهه كدام الكل ودافعي عن حبج واذا اشوفج شجاعه اعوفه الج واهلهلج بعد
ضلت تباوعلي عفتهه وطلعت من الغرفه حضرنه الاكل على طاولة الطعام واجو الكل كعدنه
الكل جان يسولف ويضحك بس انا جنت بعالم ثاني
جابني من هالعالم صوت وليد
وليد: هاله حبيبتي اخذي ضوكي هالدولمه من ايدي هذا طبخ اختي
ضليت متعجبه على وليد واباوعله وهو لازم الشوكه وخال الدولمه بيهه
سمعت صوت عمه
عم وليد: اكلي عمو اكلي لاتستحين احنخ هم مثل اهلج واصلا مجاي نشوف لاتتقيديين عمو
سمعت صوت طكة الخاشوكه على الصحن
الكل دار .......
أنت تقرأ
حضنك ملاذي
Romanceقصة حب تتحدث عن غزو البصره وسقوطها تحت القوات المحتلة وكيف تصمد تلك الفتاة في هذه الحرب للهروب إلى ملاذها الذي يسكن المحافضه المجاورة
