حضنك ملاذي

الجزء 5

طبعا اكو خربطه بترتيب الأجزاء مااعرف شنو السبب
بس اني كاتبه اسم الجزء فوك دورا على الجزء ٤ لان هذا الخامس

.
.
.
——————————
بابا : هاله انا اجرتلج خط انتي. وصديقتج ساره وحدجن احسن المن تاخذن وياجن بنات ويضايقنجن
هاله :صدك بابا الله يخليك ألي وفديت الي ميريد احد يضايقني
بابا : هو انا كم بنوته عندي
هاله : احبك بابا .... اي منو هذا الي اجرته
بابا : وليد الي وياج خوش إنسان والوحيد الي أأمنج يمه
هاله : مستحيل
بابا : شنو المستحيل ليش ضايقج احجيلي
هاله : لا بابا  مصايقني بس اني مااريد طالب يوديني
بابا : قراري نهائي ومابي مناقشه كتلج وليد يعني وليد خلاص سدي السالفه
هاله : حاضر بابا
دخلت الغرفتي وخابرت الساره وگلتلهه ع الي گاله الي أبويه
جاوبتني عادي هو سايق اعتبري ماموجود
اقتنعت بكلامهه
اجه اول يوم دوام اتصل بيه وليد
كتله دقايق وطالعه
خليته نص ساعه واگف
لان بكيفي ويولي
صعدت  السياره
هاله : السلام عليكم
وليد : عليكم السلام
رحنه البيت ساره ووصلنه للكليه بدون ولا حجايه وي وليد
غير السلام
دخلنه للكليه واني صرت مرحله ثانيه ووليد صار رابعه وطبعا أكيد الأول  هو معيد كلية الصيدله المستقبلي
تعده شهر كامل وكأنوا وليد ماموجود
بس كسايق 
صادف يوم خميس  جان عدنه ريست اخر محاضره
وطبعا وليد عنده محاضره فمضطرين ننتضره
ساره گالتلي
ساره : هاله ما مليتي من الكليه مالتنه خلي نطلع نكتشف جامعتنه
هاله : هههه اي والله خوش فكره سمعت من البنات اكو مطعم مقابيل الطب البيطري
ساره : اي اي نروحله ؟!
هاله : يالله امشي
ساره : انروح مشي لان الجو كلش حلو
هاله : هههه حاضر عيني عبالج ماادري انتي وحده خوافه وماتريد تركب بالتكسي
ساره : ههههه ولي هاله
هاله : يالله يالله لتبجين أمشي خلي نروح مشي الجو لطيف
طبعا طلعنه من كلية الصيدله وجاي نتمشه واني اصور فيديو
وشفت ساره تحنطت متتحرك
هاله : خير شكو
ساره : شوفي شوفي هذا منو
هاله : منو هذا شدراني
ساره : لج ثوله شبسرعه نسيتي  هذا مازن بس شيسوي هنا يم كلية التربيه الرياضيه
هاله : يمكن عنده شي هنا المهم معلينه احنه
جاي نمشي تعدينه من يمه وأشوف ساره شوي وتطلع عيونهه كأنوا مشايفه ولد بحياتهه
واني صافنه عليهه واضحك
وصلنه يمه
وسلم علينه  حسيت ساره رادت تكمز من الفرحه هاي بس سلم وهيج لو گايللهه احبج يمكن تموت
مازن : السلام عليكم
ساره وهاله : وعليكم السلام
مازن : عرفتوني ؟؟!
هاله : ( بيني وبين نفسي اكول ) طبعا عرفناك اصلا الثوله مالتي رادت تشبگك لو ماعيب 😂
ساره : انت مو الي شفناك بالمول ورجعتنه الفلوس
هاله : (بيني وبين نفسي اگول ) صج والله 😒 عساس جاي تتذكري
اه گلبي اشعر بالغباء من اكون يم ساره هههههه
طبعا ضليت اباوع لطيور الحب شلون مصدومين ابعض
مازن : اي صح  هو اني  ... شعدكم هنا
هاله :  ضايجين وقررنه نتونس واحنه نفتر بكليه
ااااخ شكد غبي يعني أكيد طالبات ولابسين ابيض شعدنه يعني
ساره : احنه طالبات  بكلية الصيدله مرحله ثانيه  وانت شتسوي هنا
هاله : أكيد جاي يلعب حلية غميضه 
طكتني ساره وهي تضحك وتكول
ساره : شكد تحبين تشاقين 😒
مازن : انا تدريسي بكلية التربيه الرياضيه وطالب دكتوراه
ساره : انت شكد عمرك ؟
مازن : انا عمري ٣٢ سنه
ساره : العمر كله
مازن : تسلمين ياررده
من الضوجه طفرت وگلتلهم
هاله : سارونه يالله نمشي البنات ينتضرنه بالمطعم
ساره : يا بنات ذن مو عساس وحدنه
هاله : (بيني وبين نفسي ) اووووف صاحبتي شكد غبيه
اخ گلبي راح انجلط
حبي سارونه خابرت البنات صديقاتج الي بالهندسه وينتضرنه هناك
ساره : صدك يالله خلي نروح
مازن : أخذن راحتجن بنات
هاله : شكرا أستاذ مع السلامه
وجريت ساره ومشينه
دخلنه للمطعم وكعدنه نسولف ونضحك وفوكاتهه تگلي وين البنات موگلتي ينتضرنه
هاله : انتي اغبه بنيه شفتهه بحياتي بس احبج مو بيدي. انا گتلج هيج علمود افتك من هذا مازن
ساره : لج ليش ولج ردت اشوفه بعد
هاله : جب حبي انتي ردتي ترحين ويا للبيت لو اخليج ع راحتج
ساره : ههههه ولي مو الهلدرجه بس هاله والله اول مره احس هيج يعني تدرين صارلنه سنه بالكليه وهاي الثانيه  انا ماتقربت ولا عجبني اي احد
هاله : اعرف بس يابه احس هذا سرسري
ساره : هههه لا ولج والله مبين مؤدب بس انتي عكره 😂
هاله : اي نشوف بالله
اتصل وليد  وحجه وي ساره
وليد: وين انتن ( وهو يتنهد )
ساره : احنه بالمطعم المقابيل الطب البيطري
وليد : جاي
وسد الخط بس ساره مثل المصدومه
هاله : شبيج من اتصل هالعكره وگلبتي خلقتج
ساره : ماادري صوته مبين كلش تعبان يتنهد وبالگوه يحجي
هاله : كلشي مابي  تلگي ضايج لان جاب ٩٩ وهو الذكي ههههه
ساره : ولي هاله خطيه ولج
اجه وليد ورحنه صعدنه
شكله خوفني لان وجهه اصفر وعيونه بالگوه يفتحهن وجاي يسوق
واني صافنه عليه طلعنه من الجامعة وع الطريق دعم بسياره ثانيه
احنه متنه من الخوف ووليد حتى مااكدر ينزل ضل حاط رأسه ع الستيرن 
اجه ابو السياره الي دعمنه بيهه
دك الجامه ع وليد
نزلت اني من السياره وحاجيته
هاله : العفو عمي  والله وليد كلش مريض وتعبان
ابو السياره : عمو إذا مايكدر يسوق ليش تخلوا وهو حتى مانزل يعتذر
هاله : عمو شوف حالته يمكن كلش تعب اني اسفه وأي تصليح السيارتك نتكفله وهذا رقمي
طلعت التلفون من الجنطه بالسياره
ابو السياره : لا عمو اصلا عبرت سلامات وماصار شي اهم شي انتم ما تأذيتوا
هاله : تسلم عمو ماتقصر واسفين
ابو السياره : لعد شلون راح يسوق وهو شبه مغمي عليه
هاله : لا عمو انا راح اسوق بس إذا تكدر تساعدني تخلي يكعد بالمقعد الامامي لان اني بنيه ومااكدر
ابو السياره : تدللين عمو
شال وليد وخلا بالمقعد الأمامي واني جاي اشوفه شبه يتنفس
وصلت ساره بسرعه واخذته للمستشفى
نزلوا بسرعه للطوارئ  وفحصه الدكتور گال لازم أهله يجون
اتصلت ع بابا مايرد أكيد عنده عمليه
ضليت افكر شلون احجي وي أهله
أخذت فون وليد  وفتحته على بصمة وليد
اول ماانفتح شفت صورته هو وأصدقائه ٢ خالهه خلفيه عساس حلوين
دخلت ع السجلات واتصلت ع الوالد 
هاله : الو السلام عليكم
ابو وليد : وعليكم السلام منو انتي
هاله : عمو اني بنت ابو يوسف جيرانكم الي ياخذني وليد خط
ابو وليد : هله عمو عسا ما شر
هاله : لا عمو ما شر بس خطيه وليد تعب ونغمه عليه وهسه احنه بالمستشفى ممكن تجي
ابو وليد : دقايق وجاي
ضليت انتضر لحد مااجه ابو وليد وهو متخربط وضعه ع ابنه
راح للدكتور وحجه ويا
واجالي وهو
_____________
طبعا اكو خربطه بترتيب الأجزاء مااعرف شنو السبب
بس اني كاتبه اسم الجزء فوك دورا على الجزء ٤ لان هذا الخامس