واجالي هو ضايج هاله : ها عمو شبيك عسا ما شر شبي وليد ابو وليد : عمو وليد لازم يبقى بالمستشفى اليوم لان حرارته كلش عاليه ومو فلاونزه عاديه يعني إذا ارتفعت بعد نص درجه تتلف الدماغ هاله : اسم الله عمو ان شاء الله يگوم بالسلامه ابو وليد : عمو لازم ترجعين للبيت هسه لان انتي كلش تعبانه وصارلج هواي كاعده هنا هاله : ماشي عمو مع السلامه ابو وليد : انتضري بنيتي خلي عادل يوصلج لان راح يصف السياره راح اخابره ينتضرج هاله : لا عمو شكرا اروح بتكسي ابو وليد : عمو انتي امانه شلون اوديج بتكسي لاتحجين اي شي بعد عادل منتضرج بره يالله روحي هاله : ماشي عمو مع السلامه ابو وليد : مع السلامه بنيتي رحت لباب المستشفى شفت عادل من بعيد يأشرلي رحتله سلمت عليه وركبت بالسياره فضلينه نسولف عادل : شلونج هاله هاله : الحمدالله بخير وانت شلونك عادل :بعدج ضايجه من وليد هاله : لا عادي ع شنو اضوج منه عادل : انا اعرف كلشي سوا وياج بالغابه ومن انغمه عليج هاله : شنو تعرف انت عادل : اعرف وليد يحبح هواي ومجنون بحبح انتي جرحتي وذليتي لذلك هيج گلج عساس راد يأذيج بس هو الي تأذه اكثر منج وخاصه من دخلتي للمستشفى وعاقب نفسه هواي هاله : سد الموضوع رجاءآ عادل : ما تتوقعين شكد خايف ع وليد وانتكاسته هاي وخاصه أهله لان مر بهالحاله قبل هاله : مابي شي بس حرارته مرتفعه وبس تنخفض يرجع طبيعي عادل : عمي ابو وليد ما گلج بحالته ؟! هاله : شبي وليد احجي عادل عادل : وليد من ينقهر هواي وتوصل ويا الدرجه الانهيار مثل هسه ترتفع حرارته كلش ومره من المرات من جان بالمتوسطه سببتله غيبوبه دامت ٦ اشهر واصلا گالوا يموت بس الله لطف بي. لذلك الكل خايف لا تتكرر المأساة من الصدمة ماعرفت احجي شي معقوله وليد هيج عادل : أتمنى تسامحين وليد ع كلشي هاله : ان شاء الله يگوم بالسلامه مع السلامه ونزلت من السياره دخلت للبيت وانا تفكيري بوليد وألوم نفسي معقوله انا السبب ألي وصلت وليد الهاي الحاله أتمنى يطلع منهه بسلامات طبعآ مر اليوم وانا گاعده على نار ومااعرف اي شي عن اخبار وليد وانتضر ابويه يرجع من المستشفى علمود يگلي أخباره لان احس بتأنيب الضمير سمعت صوت سياره والدي نزلت اركض من الدرج هاله : الله يساعدكم بابا وماما ماما : الله يساعدج حبيبتي بابا : الله يساعدج باباتي هاله : بابا شنو صار وي ابن ابو وليد ماطلعوا من المستشفى بابا : مااعتقد يطلع هسه لان بعده ما فتح عيونه وخايفين يدخل بغيبوبه من سمعت هالكلام من ابويه متت قهر صعدت الغرفتي وضليت ابجي احس اني السبب بالصار بوليد كله قررت لازم ازوره گلت الأهلي حروح الساره ونروح نزور وليد فأخذت سياره ماما وطلعت طبعا ساره ماتكدر تروح ويايه لان أهلهه مايقبلون فرحت وحدي دخلت للمستشفى سألت عن مكانه ولگيته نايم بالغرفه بدون حركه ذاك وليد الي الكل يهابه ويحترمه نايم كأنوا لا شيء من شفته كلش ضجت ونقهرت شفت يمه بنيه تبجي تقريبآ بعمري دخلت للغرفه گامت هذي البنيه وتباوعلي بحقد جرتني وطلعتني من الغرفه سوسن : انتي شتردين بالله جايه تشمتين بوليد (بعصبيه) هاله : لا والله اجيت اشوفه لان تعبان سوسن: بسببج هو هيج يا هاله انتي السبب إذا صار الحبيبي شي ماتلومين اله نفسج هاله : حبيبج؟؟!! سوسن : اي حبيبي عندج مانع هاله : انتي منين تعرفيني سوسن: شلون مااعرف الي باگت حبيبي مني هاله : بس اني ما بگته انتي منو اصلا سوسن : اني سوسن بنت عم وليد وهو جان الي لو ما انتي بگتي مني يا حقيره ام وليد : خير شجاي يصير سوسن موعيب تحاجين بنت ابو يوسف هيج هاله : شلونج خاله اني أجيت اطمن ع وليد هو مثل اخويه بس سوسن فاهمه غلط ام وليد : تعالي خاله دخلي للغرفه ومعليح بسوسن انا راح اخذ سوسن اوصلهه الباب المستشفى لان ابوهه ينتضرهه وانتي ابقي يم وليد لحد ماارجع سوسن : عمه تردين تبقين هاي الحيه يم وليد وتوديني ليش عمه وضلت تبجي هاله : ماشي خاله راحت ام وليد توصل سوسن واني بقيت يم وليد تقربت منه واني دموعي توكع على خدي وگتله هاله : اسفه وليد والله اسفه ماجنت اريدك توصل هيج اني ماقصدي اجرحك والله بس انت مااحترمت مشاعري واني هم مااحترمت حبك اسفه بس أتمنى من تگعد سوسن تسعدك وتنسيك هاله 😔 ضليت ابجي لحد ما سمعت صوت ام وليد تحجي وي الممرضه مسحت دموعي وكعدت بعيد عن وليد دخلت أمه وگالت ام وليد : شكرا خاله على الزياره أكيد وليد يسمعج هاله : خاله شهالحجي وليد بمعزة حمودي ويوسف وكرار وحيدر واكيد اجيله اخواني بعاد بس هو قريب هنا يمي ام وليد : تسلمين خاله الله يحفضج الشبابج هاله : شكرا خاله عن أذنج اني اروح اهلي ينتضروني ام وليد : خلي اوصلج هاله : لا عفيه خاله ابقي يم وليد ام وليد : ماشي خاله على راحتج توصلين بالسلامه وباستني هاله : مع السلامه من طلعت من الغرفه جاي امشي اتذكرت انو تلفون وليد بعده عندي من يوم الدخل للمستشفى فرحت أنطي الوالدته وصلت يم الغرفه وسمعت وليد يبجي وامه شابگته وتبجي من الفرحه لان ابنهه الوحيد فتح عيونه وليد : يمه سمعت صوتهه وفز گلبي وحاولت اگعد بس من سمعتهه تگول معزته مثل يوسف تمنيت اموت ام وليد : اسم الله عليك ابني انت وليدي الوحيد شلون هيح تگول الله ينسيك هاله ويبعدهه عن گلبك وليد : لا يمه لا تگولين هيج انا عايش الحبهه اريدهه يمي اريدهه وجان يبجي بحرگه عفت موضوع النقال وطلعت من المستشفى. اول ماصعدت بالسياره الشخص الوحيد الفكرت ارتمي بحضنه هي ساره رحت لبيت ساره وصعدت الغرفتهه ضليت ابجي بحضنهه واني احس بالذنب على كلشي صار وي وليد سولفتلهه عن دموع وليد اول ما كعد من الموت ضلت تهدي بيه رجعت للبيت تعده اسبوع و وليد ما مداوم جان ياخذنه عادل بعد هذا الأسبوع داوم وليد جان مايحجي لا وياي ولا وي ساره غير السلام وبس او يرد على السؤال حسيته يكرهني بس حاولت اطنش الموضوع كأنو ربي كاتبلي قصة وي شخص ثاني حب وي غير وليد مرات نگول انو قدرنه بيدنه بس القدر بيد ربنه وهو يختارلك نصك الثاني مهما حاولت فأنت مكتوبلك قبل ولادتك الإنسان الي تحبه يعني قدرك فمثل ما كانت حواء قدر ادم وانخلقت من ضلعه فكل وحده بينه هي انخلقت من ضلع ادم ثاني مهما اختلفت الاسماء ومهما حاولنه ننكر هالشي هاي مو نهاية قصتي هاي بداية تعاستي وحزني محمد هو قدري ونصي الثاني هو حبي وكياني حبيبي الكلمه الما جنت أتوقع انطيهه الشخص بيوم بس انطيتهه اله عشقي الأبدي وأدم مالتي اني عشت حتى أتعرف عليه هيج جنت متوقعه بس ............
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
