حضنك ملاذي

الجزء 9

محمد : هاله
درت عليه
هاله : نعم
محمد : ممكن حسابج بالانستا ؟!
هاله : امممم
دگ تلفوني ورديت ع ماما
هاله : نعم ماما اي جايه جايه وليد بالباب راح اطلع
عفته ورحت واني احاجي ماما
مر أسبوع واني افكر بهذا محمد اكو شي بي يختلف عن الشباب
مااعرف اكو شي جذبني اله
طبعا ماحبيت هالشعور لأن يحسسني بالضعف
واني واعده اخواني انو ما احب بالعراق كلش
كاعده كالعاده ادرس وصلني إشعار انستا
انو احد ضايفني
گلت بيني وبين نفسي : أهووو بس لا واحد من الطلاب ضافني
اني اكره أضيف احد بالانستگرام وحسابي خاص
دخلت وشفت صورته
محمد الجابري ضايفني
ابتسمت لا اراديآ گانو جنت انتضر هالاضافه
گلت ما اقبله لحد ما يعدي يومين
وسويت نفس الي أبالي يومين ياالله قبلت اضافته
گلت أكيد هسه يحجي ويايه
انتضرت يوم يومين اسبوع
كلش ضجت شنو المن ضايفني إذا ميريد يحجي ويايه
اووووف يااا
جاي نمشي بالكليه وكالت ساره
ساره : لوله اني مليت وماعدنه هسه شي خلي نروح للهندسه ناكل
ونشوف منار
هاله : امممم (بيني وبين نفسي :اي خلي اروح وأخلي يشوفني واحگرهً) اوك نروح
طلعنه من كليتنه وشفنه روميو (مازن ) طبعا ساره داخت
مازن : مرحبا بنات فرصه سعيده شوفتجن
ساره / اني الأسعد قصدي احنه الأسعد
مازن : ساره عندج انستگرام
هاله : لا ماعدهه
ساره : اي عندي
حجينه بنفس الوكت
هاله : صدك يمته سويتي ؟! ليش مگلتيلي
حاولت الزكهه
ساره : اي يمكن مگتلج نسيت
المهم انطت انستگرامهه
ومشينه
هاله : ليش انطيتي انستگرامج 😡
ساره : شبيج حبي هو موقع تواصل اجتماعي
هاله : جب ولا حجايه
ساره : يالله سكتت بس امشي
وصلنه للكليه مكان محمد جنت متلهفه اشوفه
ماادري ليش هيج جاي احس



جنت لابسه زي ابيض
كعدنه بالكافتريا
طبعا كلهه ولد يمكن. بس احنه بنات
شفته من بعيد جاي للكافتريا
سويت روحي مشايفته
واشرب بالعصير
اول ما دخل رفع حاجبه وباوع
صاح محمد
محمد : كرار مرتك شعدهه بالكافتريا مو گلنه هاي كافتريا بس للولد
حسيت منار استحت كلش
خلت وگامت
منار : بنات خلي نروح منا
بس اني عاندت
هاله : ساره أخذي منار وروحي اكمل عصيري واجي
ساره: هاله تحجين صدك
هاله : كتلج روحي واني اكمل واجي
ساره : ماشي
خلت وراحت وي منار
ضليت اشرب عصير واني اگلب بالفون
حسيت بأحد كعد كدامي
باوعت شفت الكل طالع من الكافتريا
محمد : كملي عصيرج براحتج فرغتلج المكان
اني ضليت صافنه من الصدمة
هاله : شكرا
گمت من الكرسي ودرت رايحه امشي
صار ورايه وحجه بأذني
محمد : هاله ممكن احاجيج بالانستگرام گلت خاف تنزعجين
هاله : لا عادي انتضرك
وخليت ومشيت
ضليت الوم نفسي ع غبائي معقوله هاي اني الجنت احجي
لا مستحيل أكيد مو اني
ضل يراقبني الوكت كله الجنت بي بالهندسه
خلص اليوم ورجعت للبيت
مااجاني نوم أبد جاي انتضره
الحب قدر صدكوني شفت  هواي ناس وتقدمولي هواي ناس
بس گلبي اختار هالشخص
اجه إشعار من الانستا
گلبي ضل يدگ قوي
وحتى نسيت شلون ينفتح النقال
همزين ع بصمة الوجه
لان نسيت نفسي 
فتحت الرساله محمد كاتبلي مرحبا
رديت عليه مراحب
وبعدين تندمت ليش رديت بسرعه لو منتضره شوي
شهالسرعه رديت واني جاي الوم نفسي
محمد : شلونج هاله
هاله : اني الحمدالله انت شلونك
محمد :  اليوم طالعه حلوه زايد تره مايصير تسببيلي السكر
هاله: شسالفه تره اخجل من الحجي هذا
محمد : هاله انتي مسيحيه
هاله : لا اني مسلمه
محمد : ليش لعد ما محجبه
هاله : الحجاب حريه شخصيه
محمد : صح كلامج  بس انت بدوله اسلاميه بالاضافه انتي كاعده بمحافضه كلش  ملتزمه
طبعا اني ضجت من كلامه شهالحجي هو شكو
هاله :  عن اذنك محمد عندي دراسه
محمد : ماشي براحتج بس مبين ضجتي من كلامي
هاله : مع السلامه
محمد : براحتج هاله
ضليت ضايجه يومي كله
ثاني يوم داومت بالكليه   اول مانزلت  شفت محمد كدامي
ولازم ورده
جان مزاجي متعكر فجئه ابتسمت بوجهه ودرت عساس مشافني هو
سويت روحي مشايفته وجاي ادخل من باب الكليه
وسمعته
محمد: أحم أحم  صباح العنبر ممكن النمبر
هاله : شنووو  (وانا متفاجئه)
ضحك محمد
جانت ضحكته غيررر 
خلت قلبي يدك بسرعه ووجهي صار احمر من الخجل
صدكوني الحب من يتملك الإنسان يصير غير شخص انا من اصير كدام محمد احس نفسي  موانا

محمد: هاي الورده لأحلى وأرق ورده
هاله: شكرا الك
محمد: مزعلانه مني
هاله : لاا ابد
ضليت يمه ابتسم لا شعوريآ
ومر الوقت ويا كأنوا لحضات
اكو ناس من تقره كلامي
راح تحجي  انو ماكو هيج حب وبهالسرعه
صدكوني الحب يحتاج لحضه وحده بس
بحياتي كلهه ماكنت ضعيفه
بس أمام أدم مالتي اني أضعف شخص بالدنيا
عدت الأيام كأنوا لحضات
الدنيا جاي تكول انو الوقت السعيد بسرعه يخلص
وانو الحياة هي اختبار النه يعني احنه بيهه علمود نختبر المصاعب وبس
كانت علاقتي بمحمد تزيد يوم بعد يوم
وساره هم علاقتها بمازن كلش قوت
عشنه اني وصديقتي الحب سوه
جنت التقي بمحمد دائمآ اول الصبح واخر الدوام
وانام ع صوته
طبعا اول يوم اعترفلي كان يجنن
اعترفلي يوم 14\2\2020
يوم عيد الحب
اول كلمه أحبج سمعتهه منه
جان عندي امتحان وكنت تعبانه كلش
ردت بس اطلع من الكليه
اجالي اتصال
هاله: الو
محمد: هله وغله اميرتي انتي بالكليه
هاله: مو كتلك بطل هالاميرتي بس بابا يكولهه الي
محمد: حاضر اميرتي
هاله : اوووف يااا
محمد: ماحجيتي وين انتي
هاله: اني بالكليه يم سيارة الخط منتضره وليد يطلع وارجع للبيت
محمد : اطلعين ومتشوفيني ١٥ يوم عطله
هاله: محمد والله تعبانه
محمد: بدون كلام زايد تعالي للمطعم المقابيل الطب البيطري طابق الثالث
هاله: محمد  راح يجي وليد عيب
محمد: الو الو مجاي اسمعج منتضرج باي
اني ضحكت 
ساره: هاله ع شنو تضحكين
هاله: تعالي وياي ومعليج
لزمت ساره من ايدهه وركبت تكسي للمطعم
وسولفتلهه شنو كلي محمد
ساره: صدكي هذا محمد مو صاحي شيريد
هاله: ماادري حنروح ونعرف
وصلت للمطعم
صعدت  بالدرج  الطابق الثالث  بين درجه ودرجه
كان اكو شخص لازم ورده من عمال المطعم
واني اخذ كل ورده واني ابتسم كأنوا امشي ع الدرج الي يوديني للجنه مالتي
(محمد هو الجنه بالنسبه الي)
وصلت جان كلشي حلو الطابق الثالث بي بس طاوله وحده
عليهه ورد  وشموع كأنو من الخيال
الطريق من الدرج للطاوله ورد وع الجانبين شموع
كان المكان مضوه بالشموع والورد
كانت ع الطاوله قالب كيك لونه احمر
عليه اول حرف من اسمائنه
M♡H
كان واكف مثل الأمير الي بالحكايات
وصلت مقابيله
كعد ع رجل وحده والثانيه ثانيهه
وكان لازم  قلاده بشكل قلب بداخله قلب ثاني
وضام هالقلبين كفين
كأنوا هالقلاده تكول انو قلبي وقلبه صاروا واحد وهو ضامني بداخله
محمد: هاله احبج ممكن تكونين الي وملكي  وملكتي
ممكن تصيرين حلمي الي يتحقق  وكياني وامنيتي الي اتمناهه بكل لحضه اميرتي  وسعادتي ممكن تملين حياتي مثل ممليتي قلبي
ضليت ابجي من الفرحه
هاله: اي  ممكن 
وكف محمد وصار ورايه حتى يلبسني القلاده
وقرب وجهه قريب عن اذني 
محمد: انتي انفاسي وعطرج حياتي  بكل جرة نفس حاليآ منج هي حياة وعمر جديد بالنسبه الي
أحبج هاله  واتمنى تكونين شريكة حياتي ومالكة قلبي
هاله: احبك  محمد احبك
كنت  بين  احضانه  كنت داخل صدره حسيت نفسي صرت بين ضلوعه سمعت دكات قلبه 
تنفست عطره صح كانت حياة وجنه ثانيه
الجنه مو بس وحده  الجنه والنعيم حضن حبيب
كأنو كل الراحه والأمان بهذا الحضن 
حضن حبيبي محمد