المتملك_روايه_بالهجة_اليبية

#الحلقة 4

#المتملك
حلقه 4
‏قوية انتي لما تكتمين الوجع بينك وبين نفسك لما تسعدين الي حولك وانتي مهمومة لما تضمين أوجاع غيرك وانتي محتاجه احد يضم أوجاعك

ردينا حطني عمر وعدة قال عندة مشوار نزلنا
عز الدين: مقعمز تعالي ي بنيتي
نا: قعمزت جنبه
عز الدين: شن احسن توا
نا: ومش قادرة نحكي هزيت راسي
خ سوزان: عطوها ابرة وحرارتها واصله ل 39 كانت  تعالي اطلعي معايا تريحي ب دارك طلعنا ع دروج وايات نازله
ايات: لاباس لاباس 
نا: ابتمست  ويا دوب صوتي طالع الله لا يوريك باس
ايات:اهي ي عميمه كويسه واحسن منا اخرة ليش النوطرة الزايدة
خ سوزان: تفنص شن قصدك
ايات: قصدي واضح بلاش حركات مرة اخرة وراجلي مش فاضيلكم كل شوي ونزلت
خ سوزان: معلش ي بنيتي هي هكي ما تعدلش عليها شوي ونجيك
نا: مسكت يدها عادي والله ما قالت شي خليك معايا
وخشيت  لداري مع خالتي وغيرت وجبتلي شربه
نا: خالتو والله شبعت
خ سوزان: لالا كمليها ماسمعتي شن قالك الدكتور لازم تاكلي كويس لان المضاد قوي هي كملي
خش علينا خ عز الدين
عز الدين: شن ي بنيتي كويسه توا
نا: الحمدالله احسن راسي صداع بس
عزالدين : ماعش في مكيف ح نحوله لك
نا: عبست ما دخلش المكيف نا ولعته
عز الدين: لالا خلاص وكر الرموت تاعه وطلع
نا: خالتو قوليليه
خ سوزان: تتضحك تستاهلي وما تحولش لان لم يسكر راسه خلااااص انسي هي كملي وكال
نا: تنهدت وكملت الشربه ورقدت طول

وعيت في نص لليل القيت خالتي حضنتني وراقدة جنبي ابتسمت نا شن دايرة خير في حياتي لين ربي عوضني
نا: بصوت واطي خالتو خالتو سوزي
خ سوزان: وعت خير يا بنيتي تعبانه
نا: لالا كويسه صبي تريحي وارقدي مكانك سرقتك من خالي توا يقتلني
خ سوزان: تضحك يعطيهالك باه تبي اي شي تعالي نحن ما نسكرو الدار
نا: هزيت راسي وقبل ما تصبي مسكت يدها ،، شكرا خالتو بجد شكرا على كل حاجه
خ سوزان: مسكت وجي انتي عارفه اني طولي عمري خاطري نجيب بنت من لم كنت شباب وربي ما عطاني ف قلت مرت ولدي لم تجيني ح نعملها نفس بنتي وربي دزها لي تنهدت وسكتت
ف انتي ربي عوضني بيك ماعش تشكريني لانك من يوم وغادي نا نفس امك وانتي بنيتي
نا: ابتسمتلها وهزيت راسي، ، وقبل ما تصبي
خ سوزان: خطرها ومدت يدها لكومدينه وعطتني كيس
نا: شن هذا
خ سوزان: موبايل جديد جابه لك عمر
نا: شكرا بس نا بنشري موبايل بفلوسي ب
خ سوزان: طول ما انتي هنا مش حتصرفي قرش واحد من اللي عندك وهذا مش كلامي كلام خالك
نا: خالتو بس هذا غالي وراسك نا بندفع باش نتريح
خ سوزان: ي ستي خالك بكرا ح يدفع لعمر ويكون منه تمام هكي
نا: حسيتها ثقيله وعرفتها تحكيلي كلام هكي وخلاص هزيت راسي بس ف عقلي حاجه اخرة
خ سوزان: ابتمست تصبحي ع خير 
وصبت  خشت لدارها رفعت الورغان حس عليها عز الدين
عز الدين: شن ولت  كويسه
خ سوزان: الحمدالله نزلت الحرارة ،،عز الدين اليوم كنت ح ننهبل عليها ما كنتش متوقعه اني متعلقه بيها لدرجه هذي
عز الدين: مش بروحك حتي نا تعلقت بيها ما قعد في حس وحركه في الحوش غير لم جتنا
خ سوزان: مش ح نفرطو بيها صاح
عز الدين: اكيدة هي ارقدي